লুচিংবা অনিগী মরক্ত লৈনবা অফবা মরীগী মমি তাবা অখন্নবা অমা ওইনা, ঙরাং প্রধান মন্ত্রী শ্রী নরেন্দ্র মোদী অমসুং রাস্ত্রপতি ইম্মান্যুএল মেক্রোন্না পেরসিতগী মারসেলি ফাওবা ফ্রেঞ্চ প্রসিদেন্সিএল এয়রক্রাফ তোংমিন্নখ্রে। মখোয়না লৈবাক অনিগী মরীশিং অমসুং মরুওইবা মালেমগী অমসুং লমদম লমদমগী মরুওইবা থৌদোক ৱাথোকশিংগী মতাংদা খন্নখি। মারসেলিদা থুংলবা মতুংদা মীহুৎ কাংবু থাক্কী ৱারি শানবা পাংথোকখি। হৌখিবা চহি ২৫ অসিদা মখল কয়াগী মরী অমা ওইরক্লবা ইন্দিয়া-ফ্রান্স স্ত্রাতেজিক পার্তনরশিপতা মখোয়না অচেৎপা থাজবা থম্লিবা অদু মখোয়না অমুক হন্না ফোঙদোকখি।
ৱারি শানবা অদুদা ইন্দিয়া-ফ্রান্স স্ত্রাতেজিক পার্তনরশিপকী হিরম খুদিংমক কোনশিনখি। লুচিংবা অনিনা দিফেন্স, সিবিল ন্যুক্লিয়ার ইনর্জি অমসুং স্পেসকী লমদা মতেং পাংনবগী মতাংদা অমুক হন্না খন্নখি। তেক্নোলোজি অমসুং ইন্নোবেসনগী লমদা মতেং পাংনবগী মতাংদশু মখোয়না খন্নখি। হন্দক লোইশিনখিবা এ.আই এক্সন সম্মিৎ অমসুং ২০২৬ দা পাংথোক্কদৌরিবা ইন্দিয়া-ফ্রান্স এয়র ওফ ইন্নোবেসনগী মরুমদা হেন্না মতেং পাংন্নবা পান্দম থম্লি। ললোন-ইতিক অমসুং শেন-থাদবগী মরীশিং হেন্না ফগৎনবশু লুচিংবশিংনা খন্নখি অমসুং হিরম অসিগী মতাংদা ১৪ শুবা ইন্দিয়া-ফ্রান্স সি.ই.ও ফোমগী রিপোর্ত তরাম্না ওকখি।
হকশেল, নাৎ, তুরিজম, লাইরিক-লাইশু অমসুং মীগা মীগা লৈনবা মরীশিংগী মতাংদা হৌজিক মতেং পাংনরিবা অসিদা প্রধান মন্ত্রী অমসুং রাস্ত্রপতি মেক্রোন্না অপেনবা ফোঙদোকখি। ইন্দো-পেসিফিক অমসুং মালেমগী ফোরমশিং অমসুং থবকশিংদা মখা তানা চেৎনা থবক তৌমিন্নবা হায়না মখোয়না থাজবা ফোঙদোক্নখি।
ৱারি শানরবা মতুংদা অপুনবা ৱারোল অমা থোক্তুনা ভারত-ফ্রান্সকী মরীশিং হেন্না ফগৎনবা লম্বী অমা শেম্লে। তেক্নোলোজি অমসুং ইন্নোবেসন, সিবিল ন্যুক্লিয়ার ইনর্জি, ত্রাইএঙ্গুলার কোওপরেসন, মহৌশাগী অকোয়বা ফিবম, নাৎ অমসুং মীগা মীগা লৈনবা মরীশিংগী হিরমদা মহৈ-ফল ১০ অরোইবা ওইনা য়ানরে( লিস্ত য়াওরে)
মারসেলি ময়াদা লৈবা সমুদ্র মপানগী সহর কাসিসতা প্রধান মন্ত্রী ইকায়খুম্নবা উৎপা ওইনা রাস্ত্রপতি মেক্রোন্না চাক্লেন অমা কৌখি। রাস্ত্রপতি মেক্রোন ভারত্ত লাক্নবা প্রধান মন্ত্রীনা চেবাউ পীখি।
মহৈ-ফলশিংগী মমিং: প্রধান মন্ত্রীগী ফ্রান্স খোঙচৎ (ফেব্রুৱারি ১০-১২,২০২৫)
সেরিএল নম্বর |
এম.ও.য়ুশিং/এগ্রিমেন্তশিং/এমেন্দমেন্তশিং |
হিরমশিং |
1. |
ইন্দিয়া ফ্রান্স দিক্লারেসন ওন অর্তিফিসিএল ইন্তলিজেন্স (AI) |
তেক্নোলোজি অমসুং ইন্নোবেসন, সাইন্স অমসুং তেক্নোলোজি |
2. |
ইন্দিয়া-ফ্রান্স ইয়র ওফ ইনোভেসন ২০২৬ কী লোগো পুথোকপা |
তেক্নোলোজি অমসুং ইন্নোবেসন, সাইন্স অমসুং তেক্নোলোজি |
3. |
ইন্দো-ফ্রেঞ্চ সেন্তর ফোর দি দিজিতেল সাইন্স লিংখৎনবা দিপার্তমেন্ত ওফ সাইন্স এন্দ তেক্নোলোজী (DST), ভারত লৈঙাক অমসুং ইন্সতিত্যুৎ নেস্নেল দে রিছর্চ ইন ইন্ফোরমেতিক এত এন ওতোমেতিক (INRIA) ফ্রান্সকী মরক্তা লেত্তর ওফ ইন্তেন্ত |
তেক্নোলোজি অমসুং ইন্নোবেসন, সাইন্স অমসুং তেক্নোলোজি |
4. |
ফ্রেঞ্চ স্তার্ত-অপ ইনক্যুবেতর স্তেসন F তা ভারতকী স্তার্ত-অপ ১০ হোস্ত তৌনবা য়ানচে |
তেক্নোলোজি অমসুং ইন্নোবেসন, সাইন্স অমসুং তেক্নোলোজি |
5. |
এদভান্স মোদুলর রিএক্তর অমদি স্মোল মোদুলার রিএক্তরশিংগী লমদা পার্ত্নরসিপ লিংখৎনবা ইন্তেন্ত লাউথোকপা |
সিবিল ন্যুক্লিয়ার ইনর্জি |
6. |
গ্লোবেল সেন্তর ফোর ন্যুক্লিয়র ইনর্জী পার্ত্নরসিপ (GCNEP) গী মতাঙদা দিপার্তমেন্ত ওফ এতোমিক ইনর্জী (DAE), ইন্দিয়া অমদি কোমিসরিয়ত এ ইনর্জী এতোমিক এত ওক্স ইনর্জিজ অল্তরনেতিব্স ওফ ফ্রান্স (CAE) অনিগী মরক্তা লৈনবা MoU রিনিউ তৌবা |
সিবিল ন্যুক্লিয়ার ইনর্জি |
7. |
GCNEP ইন্দিয়া অমসুং ইন্সতিত্যুৎ ফোর ন্যুক্লিয়র সাইন্স এন্দ তেক্নোলোজী (INSTN) ফ্রান্সকী মরক্তা তেংবাংনবগী মতাঙদা ভারতকী DAE অমদি ফ্রান্সকী CEA অনিগী মরক্কী য়ানচে থবক ওইনা পায়খৎপা |
সিবিল ন্যুক্লিয়ার ইনর্জি |
8. |
জোইন্ত দিক্লারেসন ওফ ইন্তেন্ত ওন ত্রাইএঙ্গুলর দিভেলপমেন্ত কোওপরেসন |
ইন্দো-পেসিফিক/স্তেনেবল দিবলপমেন্ত |
9. |
মারসিএলদা ভারতকী কোন্সুলেত পুন্না শঙ্গামিন্নবা |
নাৎ/মীগা মীগা লৈনবা মরী |
10. |
এনভাইরনমেন্তকী লমদা মিনিস্ত্রী ফোর দি ইকোলোজিকেল ত্রাঞ্জিসন, বাইওদাইভর্সিতী, মরিন এফ্যার্স এন্দ ফিসরিজ অমদি এনভাইরনমেন্ত, ফোরেস্ত অমদি ক্লাইমেত চেঞ্জ মন্ত্রালয়না ইন্তেন্ত লাউথোকপা |
ইনভাইরোনমেন্ত |
