প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী গাজিয়াবাদকী সাহিবাবাদ রেপিদএক্স স্তেসনদা গাজিয়াবাদ-মীরুত RRTS কোরিদোরগী প্রাইওরিতী সেক্সন শঙ্গাখ্রে। মহাক্না ভারত্তা রিজনেল রেপিদ ত্রাঞ্জিৎ সিস্তেম (RRTS) লোঞ্চ তৌরদুনা সাহিবাবাদতগী দুহাই দিপোৎ শম্নহ্লিবা নমো ভারত রেপিদএক্স ত্রেন লমথাখ্রে। শ্রী মোদীনা বেঙ্গলুরু মেত্রোগী ইস্ত-ৱেস্ত কোরিদোরগী স্ত্রেৎচ অনি জাতিদা কত্থোকখ্রে।
প্রধান মন্ত্রীনা রিজনেল রেপিদ ত্রেন নমো ভারত তোংদুনসু চৎখ্রে।
থৌরম অসিদা ৱা ঙাংলদুনা প্রধান মন্ত্রীনা হায়খি মদুদি ঙসি অসি লৈবাক্কী ওইনা পুৱারী ওইরবা মীকুপ অমনা ওইরি মরমদি মীয়ামদা ভরতকী অহানবা রেপিদ রেল সর্ভিস, নমো ভারত ত্রেন কত্থোকখ্রে। শ্রী মোদীনা চহি মরিগী মমাংদা দিল্লী-গাজিয়াবাদ-মীরুত RRTS কোরিদোরগী উরেপ-উয়ুং তমখিবা অদু নীংশিংখ্রে অমসুং সাহিবাবাদতগী দুহাই দিপোৎ স্ত্রেৎচ ঙসিদগী ওপরেসন হৌখ্রে। মহাক্না সরকার অসিনা মখোয়না উরেপ-উয়ুং তমখিবা প্রোজেক্তশিং শঙ্গানবা লৌখিবা ফিরেপ অদু নৌহৌননা ফোঙদোকখ্রে অমসুং মহাক্না চহি অমা মখাইগী মতুংদা RRTSকী মীরুত স্ত্রেৎচ লোইরবা মতুংদা শঙ্গানবা মহাক লাক্কনি হায়না থাজবা ফোঙদোকখ্রে। শ্রী মোদীনা ঙসি নমো ভারত তোংদুনা চৎখিবগী মহাক্কী এক্সপরিয়েন্স শিয়র তৌখি অমসুং লৈবাক অসিদা রেলৱেজতা অওনবা পুরক্লিবা অসিদা নুংঙাইবা ফোঙদোকখ্রে। নবরাত্রিগী থৌরমগী মতংদা পল্লদুনা প্রধান মন্ত্রীনা হায়খি নমো ভারত অসি মাতা কত্যায়ানিনা থৌজালবীরে। মহাক্না নৌনা শঙ্গাখ্রবা নমো ভারত ত্রেনগী অপুনবা সপ্পোর্ত স্তাফ অমসুং লোকোমোতিব পাইলোৎশিং অসি নুপীশিংনা ওইরি হায়নসু ফোঙদোকখ্রে। “নমো ভারত অসি লৈবাক অসিগী নারী শক্তি মপাঙ্গল কনখৎহন্নবা খুদম অমনি” হায়না শ্রী মোদীনা ফোঙদোকখ্রে। প্রধান মন্ত্রীনা দিল্লী, NCR অমসুং ৱেস্তর্ন উত্তর প্রদেশকী মীয়ামদা নবরাত্রিগী য়াইরবা কুহ্মৈ অসিদা ঙসিগী প্রোজেক্তশিং হৌদোকখিবদা নুংঙাইবা ফোঙদোকখ্রে। প্রধান মন্ত্রীনা হায়খি নমো ভারত ত্রেন অসি মতমগা চুনবা অমসুং খোঙজেল য়াংবা ওইরি। “নমো ভারত ত্রেন্না অনৌবা ভারত অমসুং মাগী অনৌবা ফিরেপশিংগী অনৌবা খোঙচৎ মশক তাক্লি” হায়না প্রধান মন্ত্রীনা ফোঙদোকখ্রে।
প্রধান মন্ত্রীনা ভারতকী চাউখৎ-থোরাং অসি রাজ্যশিং অসি চাউখৎপগী মখা পোল্লি হায়না মহাক্কী থাজবা ফোঙদোকখ্রে। মহাক্না হায়খি মদুদি মেত্রোগী স্ত্রেৎচ অনি অসিনা বেঙ্গলুরুগী IT হবকা কন্নেক্তিবিতী হেনগৎহল্লগনি। মহাক্না হায়খি নুমিৎ খুদিংমক্কী মীওই লাখ 8রোমনা মত্রো তোংদুনা চৎথোক চৎশিন তৌরি।
“21শুবা চহিচাগী ভারত অসিনা সেক্তর খুদিমক্তা খুমাং চাউশিনবা অমসুং চাউখৎ-থৌরাংগী মাগী মশাগী পুৱারী শেম্মি”, হায়না প্রধান মন্ত্রীনা ফোঙদোকখ্রে। মহাক্না হন্দক্তা চন্দ্রয়ান 3 মাইপাকখিবগী মতাংদা ফোঙদোকখ্রে অমসুং G20 মাইপাক্না পাঙথোকখিবা অসিনা ভারত অসি মালেম পুম্বগী মীৎয়েংফম ওইহনখি হায়নস ফোঙদোকখ্রে। মহাক্না এসিয়ন গেম্সতা মেদল চামা হেন্না লৌরক্তুনা রেকোর্দ-ব্রেকিং পরফোর্মেন্স উৎখিবা, ভারত্তা 5G লোঞ্চ তৌবা অমসুং এক্সপান্সন তৌবা অমসুং দিজিতেল ত্রাঞ্জেক্সন রেকোর্দ ওইবা মশিংদা তৌরিবা অসিসু পনখি। শ্রী মোদীনা মেদ ইন ইন্দিয়া ভেক্সিনশিংনা মালেমদা লৈরিবা মীওই করোর কয়াগী লাইফসেভর ওইখি হায়নসু ফোঙদোকখি। মেন্যুফেকচরিং সেক্তরদা ভারতনা খুমাং চাউশিল্লকপগী মতাংদা পল্লদুনা প্রধান মন্ত্রীনা মোবাইল ফোনশিং, TVশিং, লেপ্তোপশিং অমসুং কম্প্যুতরশিংগীদমক ভারত্তা মেন্যুফেকচরিং য়ুনিৎ হাংনবা মলতিনেস্নেল কম্পনীশিংনা অপাম্বা লৈ হায়নসু ফোঙদোকখি। মহাক্না ফাইতর জেৎশিং অমসুং এয়রক্রাফ কেরিয়র INS বিক্রান্ত য়াওনা দিফেন্স মেন্যুফেকচরিংগী মতাংদা পনখি। “নমো ভারত ত্রেন অসিসু মেদ ইন ইন্দিয়ানি” হায়না শ্রী মোদীনা ফোঙদোক্লদুনা প্লেৎফোর্মশিংদা ইনস্তোল তৌরিবা স্ক্রীন দোরশিং অসিসু মেদ ইন ইন্দিয়ানি হায়খ্রে। প্রধান মন্ত্রীনা নমো ভারত ত্রেনশিংদা নোইস লেবেলশিং অসি হেলিকোপ্তর অমসুং এয়রপল্লেনশিংদগী হন্থৈ হায়নসু ফোঙদোকখি।
প্রধান মন্ত্রীনা নমো ভারত অসি তুংলমচৎকী ভারতকী মমি অমনি অমসুং শেন্মীৎলোন ফগৎলকপগা লোয়ননা লৈবাক অসিদা অওনবা লাক্লি তাক্লি হায়না ফোঙদোকখ্রে। প্রধান মন্ত্রীনা হায়খি মদুদি মসিগী 80kmগী দিল্লী মীরুত স্ত্রেৎচ অসি শুপ্নগী অহৌবনি মরমদি অহানবা ফেস্তা দিল্লী, উত্তর প্রদেশ, হরিয়ানা অমসুং রাজস্থানগী মফম কয়া নমো ভারত ত্রেনগা কন্নেক্ত তৌবা উবা ফংলগনি। তুংদা লাক্কদবা মতমশিংদা কন্নেক্তিবিতী হেনগৎহন্নবা অমসুং থবক পীনবা অনৌবা লমশিং শেম্লদুনা লৈবাক্কী অতোপ্পা শরুকশিংদা মান্নবা সিস্তেম শেম্লগনি হায়না শ্রী মোদীনা ফোঙদোকখ্রে।
প্রধান মন্ত্রীনা হায়খি চহিচা অসিগী অহুমশুবা দিকেদ অসি ইন্দিয়ন রেলৱেজকী অওনবা পুরকপগী দিকেদ অমনি। “ঐঙোন্দা অপীকপা মঙলানশিং শাগৎপা অমসুং তপ্না চৎপগী হৈনবী লৈতে। ঐহাক্না ঙসিগী মীরোলগী নহারোলদা দিকেদ অসি লোইরকপদা নখোয়না ভারতকী ত্রেনশিং অসি মালেমগী অতোপ্পদগী তাবা থেংনররোই হায়না গরেন্তী পীজনীংই” হায়না প্রধান মন্ত্রী মোদীনা ফোঙদোকখ্রে। মহাক্না ইন্দিয়ন রেলৱেজনা শাফবা, লুনানবা, খুদোংচাবা, কোওর্দিনেসন, সেন্সিতিবিতী অমসুং কেপাবিলিতীদা মালেমদা অনৌবা থাক অমা ফংবা ঙম্লগনি হায়না ফোঙদোকখ্রে। ইন্দিয়ন রেলৱে অসি চাদা 100 ইলেক্ত্রিফিকেসন তৌবগী পান্দম ফংগদবা কুইদ্রে। মহাক্না নমো ভারত অমসুং ভন্দে ভারত অমদি অমৃত ভারত রেলৱে স্তেসন স্কিমগী মখাদা রেলৱে স্তেসন অপগ্রেদেসনগুম্বা মোদর্ন ত্রেনশিংগুম্বা থৌশিলশিংগী মতাংদা থমখি। “অমৃত ভারত, ভন্দে ভারত অমসুং নমো ভারতকী ত্রিনিতীনা দিকেদ অসি লোইরকপদা মোদর্ন রেলৱেজকী খুদম অমা ওইরগনি” হায়না মহাক্না মখা তাখি।
মলতি-মোদেল কন্নেক্তিবিতীগী ৱাখল্লোনগী মতাংদা প্রধান মন্ত্রীনা দিল্লীগী সরাই কালে খান, অনন্দ বিহার, গাজিয়াবাদ অমসুং মীরুত বস স্তেসনশিং, মেত্রো স্তেসনশিং অমসুং রেলৱে স্তেসনশিং অসি নমো ভারত সিস্তেমনা কন্নেক্ত তৌরি হাবনা ফোঙদোকখ্রে।
শ্রী মোদীনা সরকারনা প্রজা পুম্নমক্কী হিংবগী থাক অমসুং পুন্সিদগী ক্বালিতী ফগৎহনবা, অফবা এয়র ক্বালিতী ফগৎহনবা, গার্বেজ দম্প য়ার্দ লৈহনদনবা, অফবা এজুকেস্নেল ফেসিলিতীশিং ফংহনবা অমসুং পব্লিক ত্রান্সপোর্ত সর্ভিস ফগৎহনবদা মীৎয়েং চংলি হায়না ফোঙদোকখ্রে। প্রধান মন্ত্রীনা সরকারনা লৈবাক অসিদা পব্লিক ত্রান্সপোর্ত সিস্তেম ফগৎহন্নবা চাদিং তৌবা হেনগৎলক্লি অমসুং লেন্দ, এয়র অমসুং সীদা ওল-রাউন্দ দিবেলপমেন্ত লৈহন্নবা খোঙথাংশিংগী মতাংদসু ফোঙদোকখি। ৱাতর ত্রান্সপোর্ত সিস্তেমশিংগী খুদমশিং পীরদুনা প্রধান মন্ত্রীনা ভারতকী তুরেলশিংদা ৱাতরৱেজ চা হেন্না শেমখ্রে অমসুং মসিদা গঙ্গেজতা বারানসিদগী হলদিয়া ফাওবনা খ্বাইদগী চাউবা ৱাতরৱেজ ওইরি হায়না ফোঙদোকখ্রে। মহাক্না হায়খি লৌমীশিংনা হৌজিক ইনলেন্দ ৱাতরৱেজকী মতেংগা লোয়ননা রিজন অসিগী মপান্দা মখোয়গী পোত্থোকশিং থাদোকখি। প্রধান মন্ত্রীনা হন্দক্তা লোইশিনখিবা গঙ্গাবিলাস রিভর ক্রুজকী মতাংদা ফোঙদোকখি, মসিনা 3200km হেন্না চৎতুনা মালেমদা খ্বাইদগী শাংবা রিভর ক্রুজকী ৱর্ল্দ রেকোর্দ অমা থমখি। মহাক্না লৈবাক অসিদা পোর্ত ইনফ্রাস্ত্রকচর পাকথোক চাউথোকহনবা অমসুং মোর্দনাইজেসনগী থবক পাইখৎতুনা কর্নাতকাগুম্বা রাজ্যশিংনা কান্নবা ফংলি হায়না ফোঙদোকখি। লেন্দ নেৎৱার্ক্কী মতাংদা পল্লদুনা প্রধান মন্ত্রীনা হায়খি মদুদি মোদর্ন এক্সপ্রেৱেজশিংগী ৱেব পাকথোক চাউথোকহনবদা লুপা করোর লাখ 4 হেন্না চাদিং তৌরি অমরোমদা নমো ভারত নত্ত্রগা মেত্রো ত্রেনশিংগুম্বা মোদর্ন ত্রেনশিংদা লুপা করোর লাখ 3 চাদিং তৌরি। দিল্লীদা মেত্রো নেৎৱার্ক পাকথোক চাউথোকপগা চাংদম্নরদুনা প্রধান মন্ত্রীনা হায়খি উত্তর প্রদেশকী নোইদা, গাজিয়াবাদ, লখনৌ, মীরুত, আগরা, অমসুং কানপুরগুম্বা সহরশিংদা চপ মান্নবা লম্বী অসিদা চংশিল্লি। কর্নাতকাদসু মেত্রো অসি বেঙ্গলুরু অমসুং মৈসুরুদা পাকথোক চাউথোকহল্লি। এয়র কন্নেক্তিবিতী হেনগৎহনবগী মতাংদা পল্লদুনা প্রধান মন্ত্রীনা হৌখিবা চহি 9দা এয়রপোর্তশিংগী মশিং অসি শরুক অনি হেনগৎহনখি অমসুং ভারতকী এয়রলাইনশিংনা অনৌবা এয়রক্রাফ 1000 হেন্না ওর্দর তৌখ্রে হায়না ফোঙদোকখ্রে। প্রধান মন্ত্রীনা ভারতনা স্পেস সেক্তরদা খোঙজেল য়াংনা খুমাং চাউশিল্লি হায়খ্রে অমসুং চন্দ্রয়ান্না থাদা য়ৌবা ঙমখ্রে হায়না ফোঙদোকখ্রে। শ্রী মোদীনা হায়খি সরকারনা 2040 ফাওবগী রোদমেপ অমা শেমখ্রে মসিদা গগনয়ানগী মেন স্পেস খোঙচৎ অমসুং ভারতকী স্পেস সেস্তেন লিংখৎপা য়াওরি। “ঐখোয়গী স্পেসক্রাফতা থাদা অহানবা ভারত মচানা থাদা য়ৌগদবা মতম অদু কুইদ্রে” হায়না প্রধান মন্ত্রীনা ফোঙদোকখ্রে। মহাক্না হায়খি লৈবাক অসিগী নহারোলগীদমক চাউখৎ থৌরাং পাইখৎলি অমসুং মখোয়গীদমক অফবা তুংলমচৎ অমা শেম্মি।
প্রধান মন্ত্রীনা অর্বান পোপুলেসন হন্থহনবা মথৌ তাই হায়খি। মসিনা লৈবাক অসিদা ইলেক্ত্রিক বসশিংগী নেৎৱার্ক হেনগৎহল্লি। কেন্দ্র সরকারনা রাজ্যশিং অসিদা ইলেক্ত্রিক বস 10,000 লৈহন্নবা স্কিম পাইখৎপা হৌখ্রে। মহাক্না হায় ভারত সরকারনা লুপা করোর 600 চংনা দিল্লীদা ইলেক্ত্রিক বস 1300 হেন্না চেলহন্নবা শেম শারি। মসিগী মনুংদা দিল্লীদা হান্নদগী ইলেক্ত্রিক বস 850 হেন্না চেলহনবা হৌখ্রে। মতৌ অসুম্না বেঙ্গলোরদসু ভারত সরকারনা ইলেক্ত্রিক বস 1200 হেন্না চেলহন্নবা লুপা করোর 500গী তেংবাং পীথখ্রে। “কেন্দ্র সরকারনা দিল্লী, UP নত্ত্রগা কর্নাতকা ওইরবসু সহর খুদিংদা মোদর্ন অমসুং গ্রীন পব্লিক ত্রান্সপোর্ত প্রমোৎ তৌনবা হোৎনরি” হায়না মহাক্না ফোঙদোকখ্রে।
প্রধান মন্ত্রীনা হায়খি লৈবাক অসিদা শেমগৎলিবা ইনফ্রাস্ত্রকচরদা সিবিক ইজতা খ্বাইদগী মরু ওইবা মীৎয়েং চংখি। মহাক্না মেত্রো নত্ত্রগা নমো ভারতগুম্বা ত্রেনশিংনা চৎথোক চৎশিন তৌরিবশিংগী পুন্সিদা নুংঙাইহল্লি অমসুং ক্বালিতী লৈবা ইনফ্রাস্ত্রকচরনা নহারোল, বিজিনেসমেন অমসুং লৈবাক অসিগী থবক তৌবী নুপীশিংদা অনৌবা খুদোংচাবশিং করম্না পীবগী হায়না ফোঙদোকখি। “হোস্পিতালগুম্বা সোসিএল ইনফ্রাস্ত্রকচরনা অনাবশিং, দোক্তরশিং অমসুং মেদিকেল স্তুদেন্তশিংদা কান্নবা পীগনি। দিজিতেল ইনফ্রাস্ত্রকচরনা লীকেজ লৈহল্লোই অমসুং শেল অপনবা লৈতনা ত্রাঞ্জেক্সন তৌবা ঙমহনগনি” হায়না মহাক্না মখা তাখি।
হৌজিক চত্থরিবা হরাও-কুহ্মৈগী মতমগী মনুংদা লৌমীশিং, কর্মচারীশিং অমসুং পেন্সনরশিংগী য়াইফনবা কেন্দ্রগী মন্ত্রী-মন্দলনা হন্দক্তা ৱারেপশিং লৌখি হায়নসু প্রধান মন্ত্রীনা ফোঙদোকখ্রে। মহাক্না হায়খি সরকার অসিনা রবী মহৈ-মরোংগী MSPদা চাউনা হেনগৎহনখি মসিদা হৱাইগী MSPদা ক্বিন্তলদা লুপা 425 হেনগৎহনখি, হঙ্গামদা লুপা 200 অমসুং গেহুদা ক্বিন্তলদা লুপা 150 হেনগৎহনখি। মহাক্না হায়খি গেহুগী MSP অসি 2014দা ক্বিন্তল অমদা লুপা 1400 ওইরমখিবা অদু হৌজিক্তি লুপা 2000 হেল্লে, হরাইগী MSP অসি চহি 9গী মমাংদগী শরুক অনি ওইরে অমসুং হঙ্গামগী MSP অসি মতম অসিগী মনুংদা ক্বিন্তলদা লুপা 2600দা হেনগৎহনখ্রে। মহাক্না মখা তারদুনা হায়খি, “মসিনা ঐখোয়না লৌমীশিংদা অচংমলদগী শরুক অমা মখাই হেন্না মতেং পাংনবা লৌরিবা ঐখোয়গী ফিরেপ অদু উৎখি” , হায়না মহাক্না মখা তাখি।
প্রধান মন্ত্রীনা অহোংবা মমলশিংদা য়ুরিয়া ফংহনবা ঙমখিবগী খোঙথাংশিংগী মতাংদা ফোঙদোকখ্রে। মহাক্না হায়খি য়ুরিয়া বেগ অমদা ইন্তরনেস্নেল মার্কেৎতা লুপা 3000 পীরিবা অসি ভারতকী লৌমীশিংদা লুপা 300দগী তানা ফংহল্লি। সরকারনা মসিদা চহি খুদিংগী লুপা করোর লাখ 2.5 হেন্না চাদিং তৌরি।
প্রধান মন্ত্রীনা চরুখোক ওইরবসু মহৈ মরোং লোকখ্রবা মতুংদা লেমহৌরিবা অদু শীজিন্ননবা সরকারনা মীৎয়েং চংলি হায়না ফোঙদোকখি। মহাক্না চহি 9গী মমাংগা চাংদম্নবদা ইথানোল পুথোকপদা শরুক 10 হেনগৎহল্লিবা লৈবাক শিনবা থুংবদা লিংখৎলিবা বাইওফ্যুল অমসুং ইথানোল য়ুনিৎশিংগী মতাংদসু পনখি। হৌজিক ফোবদা লৌমীশিংনা ইথানোল পুথোকপদগী লুপা করোর লিশীং 65রোম ফংবা ঙমখ্রে হায়না প্রধান মন্ত্রীনা ফোঙদোকখি। “হৌখিবা থা তরা অসিদা পুন্না লুপা করোর লিশিং 18 হেন্না লৈবাক্কী লৌমীশিংদা পীখ্রে” হায়না মহাক্না মখা তাখি। মীরুত-গাজিয়াবাদকী লৌমীশিংগী মতাংদা ফোঙদোক্লদুনা মহাক্না হায়খি 2023গী থা 10দা ইথানোলগীদমক লুপা করোর 300 হেন্না পীখ্রে।
প্রধান মন্ত্রীনা উজ্জ্বলা বেনিফিসরীশিংগীদমক গ্যাস সিলিন্দরদা লুপা 500 হন্থহনখিবা, প্রজা করোর 80 হেনবদা লেম্না রাসন ফংহনবা কেন্দ্র সরকারগী কর্মচারীশিং অমসুং পেন্সনরশিংদা DA অমসুং DR চাদা 4 হেনগ৭হনবা অমসুং গ্রুপ B অমসুং Cগী নন গেজেতেদ ওইবা রেলৱেগী কর্মচারী লাখ কয়াদা দিৱালী বোনসশিং পীবা অসিগুম্বা হরাও-কুহ্মৈগী খুদোলশিং অদুগী মতাংদা ফোঙদোকখি। “মসিনা মার্কেৎতা ইকনোমিক এক্তিবিতীশিং প্রমোৎ তৌদুনা অপুনবগী ইকনোমীদা কান্নবা পীরগনি”, হায়না মহাক্না ফোঙদোকখি।
ৱারোল পীবা লোইশিল্লদুনা প্রধান মন্ত্রীনা ইমুং খুদিংমক্তা হরাও কুহ্মৈগী নুংঙাইবা অসি সেন্সিতিব ওইবা ৱারেপশিং লৌরবা মতমদা হেনগৎলকই হায়খি। অমসুং লৈবাক্কী ইমুং খুদিংদা হরাও নুংঙাইবনা হরাও কুহ্মৈগী মোদ থৌগৎলি। “নখোয় অসি ঐগী ইমুং-মনুংনি, মরম অসিনা নখোয় অসি ঐগীদমক মরু ওই। থবক অসি নখোয়গীদমক তৌরি। করিগুম্বা নখোয়না নুংঙাইরবদি, ঐসু নুংঙাইগনি। করিগুম্বা নখোয়না মতিক ময়াই লৈরবদি লৈবাক অসিনা মতিক ময়াই লৈগনি”, হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।
উত্তর প্রদেশকী রাজ্যপাল, কুমারি অনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগী অদিত্যনাথ, অমসুং হাউসিং এন্দ অর্বান এফিয়র্সকী কেন্দ্র মন্ত্রী, শ্রী হরদীপ সিংহ পুরিনা থৌরম অসিদা শরুক য়াখি অমসুং কর্নাতকাগী মুখ্য মন্ত্রী, শ্রী সিদ্দারমৈয়ানা ভিদিও কনফরেন্সিংগী থোংদা শরুক য়াখি।
দিল্লী-গাজিয়াবাদ-মীরুত RRTS কোরিদোর
শঙ্গাগদৌরিবা দিল্লী-গাজিয়াবাদ-মীরুত RRTS কোরিদোরগী কিলোমিতর 17 শাংবা প্রাইওরিতী সেক্সন অসিনা লম্বীদা গাজিয়াবাদ, গুলধর অমদি দুহাইগী স্তেসনশিং ফাওদুনা সাহিদবাদতগী ‘দুহাই দিপো’ ফাওবা শম্নহনগনি। দিল্লী-গাজিয়াবাদ-মীরুৎ কোরিদোর অসিগী উরেপ উয়ুং প্রধান মন্ত্রীনা মার্চ 8, 2019দা তমখিবনি।
অনৌবা মালেমগী থাক্কী ত্রান্সপোর্ত ইনফ্রাস্ত্রকচরশিং শেমগৎ শাগত্তুনা লৈবাকসিগী রীজনেল কন্নেক্তিবিতীদা অওনবা পুরক্নবা প্রধান মন্ত্রীগী মঙলান পরিংদা, রীজনেল রেপিদ ত্রাঞ্জিৎ সিস্তেম (RRTS) প্রোজেক্ত অসি শেমগৎখিবনি। RRTS হায়বসি অনৌবা রেলদা য়ুম্ফম ওইবা, সেমি-হায়-স্পীদ, হায়-ফ্রিক্বেন্সী কম্মুতর ত্রাঞ্জিৎ সিস্তেম অমনি। পুংদা কিলোমিতর 180গী দিজাইন তৌবা খোঙজেলগা লোয়ননা, RRTS অসি মিনিৎ 15 খুদিংগী ময়োল্লমশিংগী মরক্তা চত্থোক চৎশিনগীদমক হায়-স্পীদ ত্রেন ফংহন্নবা, মথৌ তারবদি মিনিৎ 5 খুদিংগী চেলহনবসু য়াবা, অওনবা পুরক্কদবা, রীজনেলগী ওইবা চাওখৎ থৌরাং অমনি।
NCR মনুংদা শেমগৎনবগীদমক RRTS কোরিদোর পুন্না নিপান মশক খঙদোকপগী মনুংদা, দিল্লী – গাজিয়াবাদ – মীরুত কোরিদোর; দিল্লী – গুরুগ্রাম – SNB – অলৱার কোরিদোর; অমদি দিল্লী – পানিপৎ কোরিদোর হায়রিবা কোরিদোর অহুম অসি ফেজ-1দা পায়খৎনবগীদমক মরুওইবা মীৎয়েঙ থমখিবনি। দিল্লী-গাজিয়াবাদ-মীরুত RRTS অসি লুপা করোর 30,000 হেনবগী শেঞ্জংগা লোয়ননা শেমগৎপনি অমদি মসিনা গাজিয়াবাদ, মুরদনগর, অমদি মোদীনগরগী ময়োল্লমশিং ফাওদুনা দিল্লীদগী মীরুত ফাওবদা পুং অমা ফাদবা খোঙচৎনা শম্নহনগনি।
লৈবাকসিদা শেমগৎলিবা RRTSঅসি মালেমগী খ্বায়দগী ফবশিংগা চাংদম্নবা য়াবা স্তেত-ওফ-দি-আর্ত রীজনেল মোবিলিতীগী পাম্বৈ অমনি। মসিনা শাফবা, থাজনিংঙাই ওইবা অমদি মতমগা চুনবা ইন্তরসিতী কম্মুতিং সোলুসন লৈবাকসিদা ফংহনগনি। পি.এম. গতিশক্তী নেস্নেল মাস্তর প্লানগী পরিংদা, RRTS নেতৱর্ক অসিদা রেলৱে স্তেসনশিং, মেত্রো স্তেসনশিং, বস সর্ভিসনচিংবশিংগা পাক চাউবা মল্তি-মোদেল ইন্তিগ্রেসন লৈগনি। RRTS শেমগৎপনা শেন্মিৎলোনগী থবক থৌওংশিংদা ইনোৎ হাপকনি; থবক পীবা, মহৈ মশিং অমদি হেল্থকেয়রগী খুদোংচাবশিং হেন্না ফবা মওংদা ফংহনগনি; অমদি গারী চিনবা অমসুং নুংশিৎ মোৎশিলহনবগী চাং মশক থোক্না হন্থহনগনি।
বেঙ্গলুরু মেত্রো
প্রধান মন্ত্রীনা ফোর্মেল ওইনা লৈবাক্কী মফমদা কত্থোক্কদৌরিবা মেত্রো পরিং অনিসিনা বাইয়াপ্পনাহল্লিদগী কৃষ্ণরাজাপুরা ফাওবা অমদি কেঙ্গেরীদগী চল্লঘত্তা ফাওবা শম্নহনগনি। হায়রিবা মেত্রো পরিং অনি অসি ফোর্মেল ওইনা শঙ্গাবা ঙাইদনা কোরিদোর অসিদা মীয়াম চত্থোক চৎশিন্দা খুদোং চাহন্নবগীদমক ওক্তোবর 9, 2023দগী পব্লিক সর্ভিসকীদমক হাংদোকখ্রবনি।
Today India's first rapid rail service, Namo Bharat Train, has begun. pic.twitter.com/L0FoYi8vKU
— PMO India (@PMOIndia) October 20, 2023
नमो भारत ट्रेन, नए भारत के नए सफर और नए संकल्पों को परिभाषित कर रही है। pic.twitter.com/E7f2r7hy0J
— PMO India (@PMOIndia) October 20, 2023
I congratulate all the people of Bengaluru for the new metro facility: PM @narendramodi pic.twitter.com/itGdGc1tZE
— PMO India (@PMOIndia) October 20, 2023
Namo Bharat Trains are a glimpse of India's promising future. pic.twitter.com/fpD7dVrcqY
— PMO India (@PMOIndia) October 20, 2023
By the end of this decade, the combination of Amrit Bharat, Vande Bharat and Namo Bharat will represent transformation of Indian Railways into a modernised system. pic.twitter.com/SeSwR8Qwef
— PMO India (@PMOIndia) October 20, 2023
Civic amenities are receiving utmost attention in infrastructure development today. pic.twitter.com/G6xAMlIuvM
— PMO India (@PMOIndia) October 20, 2023
