প্রধান মন্ত্রী শ্রী নরেন্দ্র মোদীনা ইন্দো-তিবেতন বোর্দর পুলিস (ITBP) গী অথৌবা পুম্নমক অমদি মখোয়গী ইমুং মনুংশিংগী মফমদা ঙসি মখোয়গী রেজিং দেনা লাকপদা য়াইফ পাউজেল পীরক্লি। লান্মী শঙলুপ অসিনা লৈবাক্কী থৌগলদা লৌরিবা শিংথানিংঙাই ওইবা থৌদাংবু শকখঙবা উৎলদুনা, প্রধান মন্ত্রীনা মখোয়গী থৌনা, লীচৎ শাজৎ অমদি মথৌদা উৎলিবা অচেৎপা খোঙফমবু থাগৎখি। মহাক্না থৌগল অমদি মীওইবগী মচৎকী খ্বায়দগী নীংথিরবা মচৎ উৎলিবা মখোয়গী মীনুংশি অমদি অৱা অনা অমসুং লাংফমগী মতমদা তেংবাংনবা শেম শাদুনা লৈববুশিং শিংথাখি।
X তা থাগৎপা পোস্ত অমদা শ্রী মোদীনা হায়খি:
“ITBP গী অথৌবা পুম্নমক অমদি মখোয়গী ইমুং মনুংশিংগী মফমদা মখোয়গী রেজিং দেগী য়াইফ পাউজেল পীজরি। লান্মী শঙলুপ অসিনা মখোয়গী মথৌদা লম্বা লৈত্রবা থৌনা, লীচৎ অমদি পুক্নিং লুপ্পা উৎলি। তমথিরবা ঈশিং নুংশিৎ অমদি খুদোংথিনিংঙাই ওইরবা চীংলক্তা মথৌ তৌদুনা, মখোয়না লৈবাক অসিবু হনবা লৈত্রবা খোঙফমগা লোয়ননা ঙাক্লি। মখোয়গী মীনুংশি অমদি অৱা অনা অমসুং লাংফমগী মতমদা তেংবাংনবগীদমক শেম শাদুনা লৈবসিদা থৌগল অমদি মীওইবগী মচৎকী খ্বায়দগী নীংথিবা মচৎকী মমি তাই।”
Warm greetings to all ITBP Himveers and their families on their Raising Day. The Force embodies unmatched courage, discipline and devotion to duty. Serving amid the harshest climates and most difficult terrains, they safeguard the nation with unwavering resolve. Their compassion… pic.twitter.com/qiyL6gqcb8
— Narendra Modi (@narendramodi) October 24, 2025
