প্রধান মন্ত্রী শ্রী নরেন্দ্র মোদীনা লখনৌবু UNESCO ক্রিএতিব সিতী ওফ গ্যাস্ত্রোনোমী ওইনা শকখঙবদা নুংঙাইবা ফোংদোকখ্রে।
প্রধান মন্ত্রীনা হায়খি মদুদি লখনৌ অসি অচৌবা কুলিনরী কুলচরগী ময়োল্লম অমা ওইরিবা, অচৌবা কলচর অমগা পাঙ্খক ওই। UNESCOগী শকখঙবসিনা সহর অসিগী তোপ তোপ্পা মশক অসিবু ময়েক শেংহল্লি হায়না মহাক্না পনখি অমসুং মালেমগী মফম কয়াদগী লাকপা মীওইশিংদা লখনৌদা চৎতুনা মাগী অখন্নবা মশক অদু এক্সপরিয়েন্স তৌনবা হায়খি।
দিবেলপমেন্ত অসিগী মতাংদা কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱতকী পোস্ত অমদা পাউখুম পীরদুনা শ্রী মোদীনা Xতা ইখি;
“লখনৌ অসি অচৌবা কুলিনরী কুলচরগী ময়োল্লম অমা ওইরিবা, অচৌবা কলচর অমগা পাঙ্খক ওই। UNESCOনা লখনৌগী হীরম অসিবু শকখঙবিবদা ঐহাক নুংঙাইবা ফাওই অমসুং মালেমগী মফম কয়াদগী লাকপা মীওইশিংদা লখনৌদা চৎতুনা মসিগী অখন্নবা মশক অদু খঙদোক্নবা ঐহাক্না হায়জরি।"
Lucknow is synonymous with a vibrant culture, at the core of which is a great culinary culture. I am glad that UNESCO has recognised this aspect of Lucknow and I call upon people from around the world to visit Lucknow and discover its uniqueness. https://t.co/30wles8VyN
— Narendra Modi (@narendramodi) November 1, 2025
