প্রধান মন্ত্রী শ্রী নরেন্দ্র মোদীনা ঙসি রোজগার মেলাদা ৱা ঙাংখি অমসুং মহাক্না তোঙান তোঙানবা সরকারগী দিপার্তমেন্তশিং অমসুং ওর্গানাইজেসনশিংদা নৌনা এপ্পোইন্ত তৌরবা নহারোল 51,000 হেনবদা ভিদিও কনফরেন্সকী থোংদা এপ্পোইন্তমেন্ত লেতরশিং য়েন্থোকখি। মীয়াম তিনখিবা অদুদা ৱা ঙাংলদুনা মহাক্না হায়খি মদুদি ঙসি অসি ভারত সরকারগী তোঙান তোঙানবা দিপার্তমেন্তশিংদা নহাশিং অসিগীদমক অনৌবা থৌদাংশিং লৌবগী অহৌবনি। তোঙান তোঙানবা থৌদাংশিং ওইজরবসু, মখোয়গী মান্নবা পান্দমদি "সিতিজন ফার্স্ত"কী কাংলোনগী মখাদা লৈবাক্কী সেবা তৌবনি হায়না মহাক্না ফোংদোক্লদুনা নহাশিংবু তোঙান তোঙানবা দিপার্তমেন্তশিংদা মখোয়গী থবক হৌবদা নুংঙাইবা ফোংদোকখি।
প্রধান মন্ত্রীনা ভারতকী দেমোগ্রাফিক অমসুং দেমোক্রেতিক ফাউন্দেসনশিংগী অপুনবা মপাঙ্গল অদু ফোংদোকখি। মালেমগী খ্বাইদগী চাউবা নহা ওইরিবা মীশিং অমসুং খ্বাইদগী চাউবা দেমোক্রেসী লৈবা ভারতনা লৈবাক মনুং অমসুং মালেমগী থাক্তা তুংলমচৎ শেম্নবগী তোপ তোপ্পা পোতেন্সিএল লৈ হায়না মহাক্না ফোংদোকখি। প্রধান মন্ত্রীনা পনখি মদুদি মসিগী অচৌবা নহারোলগী শক্তি অসি ভারতকী খ্বাইদগী চাউবা কেপিতেলনি, অমসুং সরকার অসিনা কেপিতেল অসিবু মতম শাংনা চাউখৎনবগী কেতেলিতাইজর অমা ওইহন্নবা হোৎনবদা লেপ্পা লৈতনা হোৎনরি।
“নুমিৎ নিনিগী মমাংদা ঐহাক লৈবাক মঙাদা চৎলুবদগী হল্লকখি। ঐহাক্না চৎখিবা লৈবাক খুদিংদা, ভারতকী নহাশিংগী শক্তি অসি চাউনা শোন্নহৌই। খোঙচৎ অসিগী মনুংদা খুৎয়েক পীনখিবা এগ্রীমেন্তশিং অসিনা লৈবাক অসিগী মনুংদা অমসুং মপাল্লমদা লৈরিবা ভারতকী নহারোলশিংদা কান্নবা পীগনি", হায়না শ্রী মোদীনা ফোংদোকখি মহাক্না মখা তানা হায়খি মদুদি খোঙচৎ অসিগী মনুংদা দিফেন্স, ফার্মাস্যুতিকেল্স, দিজিতেল তেক্নোলোজী, ইনর্জী অমসুং অতাংবা লৈনুংদগী ফংবা খোনীশিংগুম্বা মরুওইবা সেক্তরশিংদা খুৎয়েক পীনখিবা তোঙান তোঙানবা এগ্রীমেন্তশিংনা কান্নবা কয়া ফংহল্লগনি। শ্রী মোদীনা হায়খি মদুদি থৌরাংশিং অসিনা ভারতকী মালেমগী শেন্মিৎলোনগী থাকপু মপাঙ্গল কনখৎহনবতা নত্তনা মেনুফেকচরিং অমসুং সর্ভিস অনিমক্তা নহা ওইরিবা ভারত মচাশিংগীদমক মগুন লৈরবা খুদোংচাবশিংসু পীরগনি।
থবক পীবগী হোংলক্লিবা ফিভমগী মতাংদা পল্লদুনা প্রধান মন্ত্রীনা হায়খি মদুদি থবক পীবগী মওং-মতৌ অসি 21শুবা চহিচাদা য়াম্না থুনা হোংলক্লি। ইন্নোবেসন, স্তার্ত-অপ অমসুং রিসর্চকী মরুওইবা অদু পল্লদুনা মহাক্না ভারত্তা চাউখৎলক্লিবা ইকোসিস্তেমগী মতাংদা পনখি। মসিনা নহা ওইরিবা মীওইশিংদা অচৌবা মঙলানশিং শাগৎপা ঙম্নবা শক্তি পীরি। মহাক্না অনৌবা মীরোন অসিগীদমক মহাক্কী ওইবা চাউথোকচবা অমসুং থাজবা ফোংদোকখি। মহাক্না নহাশিংনা অনৌবা অমা শেমগৎনবা অপাম্বা, মীৎয়েং অমসুং অচেৎপা অপাম্বগা লোয়ননা মাংলোমদা চংশিল্লক্লিবা অসিদা নুংঙাইবা ফোংদোকখি।
শ্রী মোদীনা হায়খি মদুদি ভারত সরকারনা প্রাইবেৎ সেক্তরদা অনৌবা থবক পীবগী খুদোংচাবশিং শেমগৎপদা মীৎয়েং থম্লি। হন্দক্তা সরকারনা এম্প্লোইমেন্ত লিঙ্ক ইন্সেন্তিব স্কিম কৌবা অনৌবা স্কিম অমা অয়াবা পীখ্রে। স্কিম অসিগী মখাদা সরকারনা প্রাইবেৎ সেক্তরদা অহানবা থবক ফংলবা নহাশিংদা লুপা 15,000 পীগনি। “অতোপ্পা ৱাহৈদা হায়রবদা, সরকারনা মখোয়গী অহানবা থবক অসিগী অহানবা শেনফমদা মতেং পাংগনি। মসিগীদমক সরকারনা চাউরাক্না লুপা করোর লাখ 1গী বজেৎ কাইথখ্রে। স্কিম অসিনা অনৌবা থবক করোর 3.5 রোম শেমগৎপদা মতেং পাংগনি হায়না আশা তৌরি", হায়না শ্রী মোদীনা ফোংদোকখি।
প্রধান মন্ত্রীনা নেস্নেল গ্রোথ, থবক পীবা অমসুং মালেমগী খ্বাইদগী চাউবা অহুমশুবা শেন্মিৎলোন ওইবগী মায়কৈদা ভারতকী খোঙচৎপু খোঙজেল য়াংশিনবদা ভারতকী মেন্যুফেকচরিং সেক্তরগী ত্রান্সফোর্মেতিব পাৱরদা মরুওইবা পীখি। প্রধান মন্ত্রীনা হায়খি মদুদি হৌখিবা চহিশিংদা মেক ইন ইন্দিয়া ইনিসিএতিব অসি মপাঙ্গল কনখৎহনখ্রে। PIL (প্রদক্সন লিংক ইন্সেন্তিব) স্কিমগী খুত্থাংদা লৈবাক শিনবা থুংনা থবক মিলিয়ন 1.1 হেন্না শেমখ্রে। মোবাইল ফোন অমসুং ইলেক্ত্রোনিক্স সেক্তরদা মমাংদা অমুক্তা ওইখিদ্রিবা মওংদা চাউখৎপা অমা লাক্লি। ঙসিদি, ভারত্তা ইলেক্ত্রোনিক্স মেন্যুফেকচরিং অসি চাউরাক্না লুপা করোর লাখ 11গী ভেল্যু ওইরে। মসিনা হৌখিবা চহি 11দা শরুক মঙা হেনগৎলক্লি। মমাংদা, লৈবাক অসিদা মোবাইল ফোন পুথোকপা য়ুনিৎ 2-4 খক্তমক লৈরম্মি। ঙসিদি, ভারত্তা মোবাইল ফোন পুথোকপগা মরী লৈনবা য়ুনিৎ 300 রোম লৈরে, মসিনা নহা লাখ কয়া থবক পীরি", হায়না শ্রী মোদীনা হায়খি।
প্রধান মন্ত্রীনা দিফেন্স মেন্যুফেকচরিংদা ভারতনা মালেমগী লুচিংবা অমা ওইনা লুপা করোর লাখ 1.25 হেনবগী আউতপুত ফংলকপগী মতাংদসু ৱা ঙাংখি। মহাক্না ভারতনা মালেমগী খ্বাইদগী চাউবা লোকোমোতিব পুথোকপা লৈবাক অমা ওইরকপা অমসুং লোকোমোতিবশিং, রেল কোচশিং অমসুং মেত্রো কোচশিংদা লৈবাক অসিনা মপাঙ্গল কনবা মওংদা এক্সপোর্ত তৌরকপগীদমক থাগৎপা ফোংদোকখি। মহাক্না মখা তাখি, ওতোমোবাইল সেক্তরনা চহি মঙা খক্তদা FDIদা বিলিয়ন দোল্লর 40 লাকহনখ্রে। মসিনা অনৌবা ফেক্তরীশিং, অনৌবা থবক ফংবগী খুদোংচাবশিং অমসুং রেকোর্দ ওইবা ভেহিকল য়োনবা ঙমহল্লে।
প্রধান মন্ত্রীনা ইন্তরনেস্নেল লেবর ওর্গনাইজেসন (ILO) গী হন্দক্কী রিপোর্ত অমদা হৌখিবা চহী তরা অসিদা ভারতকী প্রজা করোর 90 হেনবনা সরকারগী য়াইফ-থৌরাংগী স্কিমশিংগী মখাদা কভরেজ ফংলে হায়না পনখি। স্কিমশিং অসি য়াইফ-থৌরাংগী কান্নবখক্তদা অকক্নবা ওইদে হায়না মহাক্না ফোংদোকখি, অদুবু মরুওইনা ভারতকী খুঙ্গংশিংদা অচৌবা থবক ফংহনবদা মরুওইবা থৌদাং লৌরি।
প্রধান মন্ত্রীনা পি.এম. আৱাস য়োজনাগুম্বা মকোক থোংবা প্রোগ্রামশিংগী মতাংদা অকুপ্পা মরোল পীখি। মসিগী মখাদা হৌজিক ফাওবদা পর্মিনেন্ত হাউস করোর 4 শাখ্রে অমসুং করোর 3 হেন্না শাগৎলি। স্বচ্ছ ভারতকী মখাদা তোইলেৎ করোর 12 শাবনা প্লম্বরশিং অমসুং কন্সত্রক্সন ৱার্করশিংগীদমক থবক ফংহনখ্রে। উজ্জ্বলা য়োজনাগী মখাদা পীরিবা LPG কনেক্সন করোর 10 হেনবনা বোত্তলিং ইনফ্রাস্ত্রকচর অমসুং দেলিভরী নেৎৱার্ক পাকথোক চাউথোকহনখ্রে। মসিনা দিস্ত্রিব্যুসন সেন্তর লিশিং কয়া অমসুং অনৌবা থবক লাখ কয়া শেমগৎলক্লি।
“পি.এম. সুর্য় গার মুফত বিজলী য়োজনা, য়ুমথক্তা সোলর ইনস্তোলেসনগীদমক য়ুমথোং খুদিংগী লুপা 75,000গী মথক্তা পীরি। মসিনা য়ুমথোংগী ইলেক্ত্রিসিতী বিল হন্থহল্লি অমসুং তেক্নিসিয়নশিং, ইঞ্জিনীয়রশিং অমসুং সোলর পেনেল মেন্যুফেকচরশিংদা থবক ফংহন্নবগী খুদোংচাবা পীরি। নমো দ্রোন দিদীনা খুঙ্গংগী নুপীশিংদা দ্রোন পাইলোৎশিং ওইনা ত্রেনিং পীদুনা মখোয়গী শক্তি হেনগৎহল্লে," হায়না শ্রী মোদীনা মখা তাখি।
শ্রী মোদীনা হায়খি মদুদি লৈবাক অসিনা লাখপতি দিদি করোর 3 শেম্নবা মাগী মিসনগা লোইননা মাংলোমদা চংশিল্লি অমসুং নুপী করোর 1.5না মসিগী মাইলস্তোন অসি ফংখ্রে। বেঙ্ক সাখি, বিমা সাখি, কৃষি সাখি অমসুং পশু সাখিগুম্বা তোঙান তোঙানবা স্কিমশিংনা নুপীশিংদা তুং কোইনা থবক ফংহনবদা মতেং পাংলি। পি.এম. স্বানিধি স্কিম্না লম্বীদা পোৎ য়োনবা মীওইশিং অমসুং হোকরশিংদা মওং চুম্না তেংবাং পীরদুনা মীওই মিলিয়ন কয়াবু মেনস্ত্রীম ইকনোমিক এক্তিবিতীদা পুরক্লি হায়না মহাক্না হায়খি। অমরোমদা, পি.এম. বিশ্বকর্মা স্কিমনা ত্রেনিং, খুৎলাইশিং অমসুং ক্রেদিৎ ফংহন্দুনা ত্রেদিস্নেল আর্তিসানশিং, ক্রাফ্তমেনশিং অমসুং সর্বিস প্রোভাইদরশিংবু অমুক হন্না হিংগৎহল্লি।
প্রধান মন্ত্রীনা হায়খি মদুদি হায়রিবা স্কিম ময়াম অসিনা মরম ওইদুনা হৌখিবা চহি 10 অসিদা মীওই করোর 25না লাইরবদগী কোকহনবা ঙমখ্রে। থবক ফংহন্দনা অসিগুম্বা অহোংবা অসি ওইথোকপা ঙম্লোই। মসিনা মরম ওইদুনা ঙসিদি মালেমগী মরুওইবা ইন্সতিত্যুসনশিং হায়বদি ৱার্ল্দ বেঙ্কনা ভারতপু থাগৎলি। ভারত অসি হৌজিক্তি মালেমগী খ্বাইদগী ৱাংবা থাক্তা ইক্বেলিতী লৈবগী মকোক থোংবা লৈবাকশিংগী মনুংদা অমা ওইরে”, হায়না শ্রী মোদীনা ফোংদোকখি।
প্রধান মন্ত্রীনা হৌজিক ওইরিবা তাঙ্কক অসি চাউখৎ-থৌরাংগী মহায়জ্ঞা, লায়রবা মুত্থৎনবা অমসুং থবক ফংহন্নবা হোৎনরিবা নেস্নেল মিসন অমনি হায়না ফোংদোকখি। মহাক্না লৈবাক অসিগী নহাশিং অমসুং সরকারগী নৌনা খল্লবা মীওইশিংদা অনৌবা ইনর্জী অমসুং থৌনাগা লোয়ননা মিসন অসিবু মাংলোমদা পুখৎনবা হায়খি।
মহাক্কী ৱারোল লোইশিল্লদুনা, প্রধান মন্ত্রীনা নাগরিক খুদিংমকপু ঈশ্বরগুম্না লৌবগী "নাগরিক দেবো ভাভা"গী লমজিং-লমতাক্লিবা ইথোস অদু ফোংদোকখি। মহাক্না পব্লিক সর্ভিসকীদমক অফবা অমসুং কান্নবা তুংলমচৎ অমগীদমক নৌনা থবক খল্লব মীওইশিংদা মহাক্না থম্মোয়না শেংনা থাগৎপা ফোংদোকখি অমসুং য়াইফ-মঙ্গোল পীখি।
বেকগ্রাউন্দ
রোজগর মেলা অসি থবক ফংহনবদা খ্বাইদগী মরু ওইবাম মীৎয়েং থম্লিবা প্রধান মন্ত্রীগী ফিরেপ অদু মপুং ফাহন্নবা মাইকৈদা খোংথাং অমনি। রোজগর মেলা অসিনা নহারোলশিংদা মখোয়গী এম্পাৱরমেন্ত অমসুং নেসন বিল্দিংদা শরুক য়াবগী কান্নরবা খুদোংচাবশিং ফংহনবদা মরু ওইবা থৌদাং অমা লৌগনি। লৈবাক শিনবা থুংনা রোজগার মেলাশিংগী খুত্থাংদা হৌজিক ফাওবদা রিক্রুতমেন্ত লেতর লাখ 10 হেন্না পীখ্রে।
16শুবা রোজগর মেলা অসি লৈবাক অসিগী মফম 47তা পাংথোকখ্রে। কেন্দ্র সরকারগী মন্ত্রালয়শিং অমসুং বিভাগশিংদা রিক্রুতমেন্তশিং পাংথোক্লি। লৈবাক শীনবা থুংনা খনগৎলবা অনৌবা রিক্রুতশিং অসি রেলৱেজ মন্ত্রালয়, গৃহ মন্ত্রালয়, পোস্ত দিপার্তমেন্ত, হকশেল অমসুং য়াইফ-য়ুম্বাল মন্ত্রালয়, ফাইনান্সিএল সর্ভিসেস দিপার্তমেন্ত, লেবর অমসুং এমপ্লোইমেন্ত মন্ত্রালয় অমসুং অতোপ্পা বিভাগশিং অমসুং মন্ত্রালয়শিংদা থবক তৌরগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
आज 51 हज़ार से अधिक युवाओं को नियुक्ति पत्र दिए गए हैं।
— PMO India (@PMOIndia) July 12, 2025
ऐसे रोजगार मेलों के माध्यम से अब तक लाखों नौजवानों को भारत सरकार में परमानेंट जॉब मिल चुकी है।
अब ये नौजवान...राष्ट्र निर्माण में बड़ी भूमिका निभा रहे हैं: PM @narendramodi
आज दुनिया मान रही है कि भारत के पास दो असीमित शक्तियाँ हैं।
— PMO India (@PMOIndia) July 12, 2025
एक डेमोग्राफी, दूसरी डेमोक्रेसी।
यानि सबसे बड़ी युवा आबादी और सबसे बड़ा लोकतंत्र: PM @narendramodi
स्टार्ट अप्स, इनोवेशन और रिसर्च का जो इकोसिस्टम आज देश में बन रहा है... वो देश के युवाओं का सामर्थ्य बढ़ा रहा है: PM @narendramodi
— PMO India (@PMOIndia) July 12, 2025
भारत सरकार का जोर प्राइवेट सेक्टर में रोजगार के नए अवसरों के निर्माण पर भी है।
— PMO India (@PMOIndia) July 12, 2025
हाल ही में सरकार ने एक नई स्कीम को मंज़ूरी दी है...
Employment Linked Incentive Scheme: PM @narendramodi
आज भारत की एक बहुत बड़ी ताकत हमारा मैन्युफेक्चरिंग सेक्टर है।
— PMO India (@PMOIndia) July 12, 2025
मैन्युफेक्चरिंग में बहुत बड़ी संख्या में नई जॉब्स बन रही हैं।
मैन्युफेक्चरिंग सेक्टर को गति देने के लिए इस वर्ष के बजट में मिशन मैन्युफेक्चरिंग की घोषणा की गई है: PM @narendramodi
हाल में इंटरनेशनल लेबर ऑर्गेनाइज़ेशन- ILO की एक रिपोर्ट आई है।
— PMO India (@PMOIndia) July 12, 2025
इस रिपोर्ट में कहा गया है... बीते दशक में भारत के 90 करोड़ से अधिक नागरिकों को वेलफेयर स्कीम्स के दायरे में लाया गया है: PM @narendramodi
आज वर्ल्ड बैंक जैसी बड़ी वैश्विक संस्थाएं भारत की प्रशंसा कर रही हैं।
— PMO India (@PMOIndia) July 12, 2025
भारत को दुनिया के सबसे अधिक equality वाले शीर्ष के देशों में रखा जा रहा है: PM @narendramodi
