প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা সরকারগী বিভাগশিং অমসুং ওর্গনাইজেসনশিংদা নৌবা থবক চংখিবশিংদা এপোইন্তমেন্ত লেত্তর ৭১,০০০ য়েন্থোকখ্রে। রোজগার মেলা অসি প্রধান মন্ত্রীনা থবক পীবদা খ্বাইদগী চাউনা মীৎয়েং চংনবা হোৎনরিবা ফিরেপ অসি থুংহন্নবা মাইকৈদা চংশিল্লিবা খোঙথাং অমনি। রোজগার মেলানা থবক পীবা হেনগৎহনবদা কেতলিস্ত অমা ওইনা মথৌ তৌরগনি অমসুং নহারোলশিংদা মখোয়বু শক্তি পীনবা অমসুং লৈবাক শেমগৎপদা শরুক য়ানবা অফবা খুদোংচাবশিং পীরগনি পানরি।
প্রধান মন্ত্রীনা থৌরম অসিদা এপ্পোইন্তীশিংগসু ৱারী-ৱাতাই শাখি।
পঞ্জাব নেস্নেল বেঙ্কতগী এপোইন্তমেন্ত লেত্তর ফংখিবা ৱেস্ত বেঙ্গলদগী কুমারি সুপ্রভা বিস্বাসনা প্রধান মন্ত্রীগা লোয়ননা অহানবা ৱারী শাখি। মহাক্না থবক লৌবগী থৌওংশিং থুনা লোইশিনবীদুনা শেবা তৌনবগী খুদোংচাবা পীবীখিবগীদমক প্রধান মন্ত্রীবু মহাক্না থাগৎখি। প্রধান মন্ত্রীনা মঙোন্দা মখা তানা মহৈ তম্নবসু হায়খি। মহাক্না আই.জি.ও.তি. মোদ্যুলগা মহাক্কা লৈনবা মরী অমসুং মোদ্যুলগী কান্নবগী মতাংদা পাউদমখি। শ্রী মোদীনা মহাক্কী থবক্তা দিজিতেল ত্রাঞ্জেক্সন তৌবা থৌগৎনবগী মতাংদসু হংখি। প্রধান মন্ত্রীনা লম খুদিংমক্তা নুপীশিংনা অনৌবা থবকশিং পাইখৎপগী মতাংদা নুংঙাইবা ফোঙদোকখি।
এন.আই.তি., শ্রীনগরদা জুনিয়র এসিস্তেন্ত ওইনা থবক খনখিবা জম্মু অমসুং কাশ্মিরগী শ্রীনগরদগী শ্রী ফাইসল সৌকত শাহনা প্রধান মন্ত্রীগা লোয়ননা ৱারী শাখি অমসুং সরকারগী থবক তৌবা মহাক্না মখোয়গী ইমুং মনুংগী অহানবা মীশকনি হায়না মহাক্না ফোঙদোকখি। প্রধান মন্ত্রীনা মঙোন্দা মহাক্কী মরুপশিংদা মহাক্কী এপোইন্তমেন্তনা করি ইথিল পীবগে হংখি। ফাইসলনা প্রধান মন্ত্রীদা হায়খি মদুদি মহাক্কী মরুপশিংনা সরকারগী থবক তৌনবগী ইথিল ফাওখি। মহাক্না আই.জি.ও.তি. মোদ্যুলগী কান্নবশিংগী মতাংদসু ফোঙদোকখি। প্রধান মন্ত্রীনা হায়খি ফাইসলগুম্বা নহারোলশিংগী খুত্থাংদা জম্মু অমসুং কাশ্মিরনা অনৌবা পনখৈশিং য়ৌবা ঙম্লগনি হায়না থাজৈ। মহাক্না নহা ওইরিবা এপোইন্তীশিংদা মখা তানা তমশিন্নবা হায়খি।
মনিপুরগী মিস বাহনৈ চোংনা গুৱাহাতি এম্সতা নর্সিং ওফিসর ওইনা এপোইন্তমেন্ত লেত্তর ফংখি। মহাক্না হায়খি অৱাং নোংপোক্কী হেল্থ সেক্তরদা লৈবা অসি মহাক্কী মঙলান্নি। অতোপ্পশিংগুম্না মহাকসু মহাক্কী ইমুং মনুংদা সরকারগী থবক তৌবা অহানবা মীশকনি। প্রধান মন্ত্রী মঙোন্দা সেলেক্সন প্রোসেস মনুংদা মহাক্না খুদোংচাদবা মায়োক্নবা লৈখিব্রা হংখি অমসুং মহাক্কী অৱা নুংঙাই পাউদম্নবা হায়খি। মহাক্না মখা তানা মহৈ তমনীংবগী অপাম্বা ফোঙদোকখি। মহাক্না থবক মফমদা সেকচুএল হরাসমেন্ত মায়োক্ননবা প্রোভিজনশিংগী মতাংদা সেন্সিতাইজেসন তৌনবা অমসুং তমশিন্নবগী মতাংদসু ফোঙদোকখি। প্রধান মন্ত্রীনা মঙোন্দা অৱাং নোংপোক লমদা মহাক্কী এপোইন্তমেন্ত ফংখিবগীদমক নুংঙাইবা ফোঙদোকখি অমসুং লমদম অসি চাউখৎহন্নবা সরকারনা খোঙফম চেৎনা লেপ্পি ফোঙদোকখি।
বিহারদগী দিব্যাঙ্গ, শ্রী রাজু কুমারনা ইন্দিয়ন ইস্তর্ন রেলৱেজতা জুনিয়র ইঞ্জিনীয়র ওইনা মহাক্কী এপোইন্তমেন্ত লেত্তর ফংখি। দিব্যাঙ্গ, রাজুনা মহাক্কী খোঙচৎকী মতাংদা পাউদমখি অমসুং পুন্সিদা হেন্না খুমাং চাউশিনবগী অপাম্বা ফোঙদোকখি। মহাক্না মহাক্কী মরুপশিং অমসুং ইমুং মনুংদগী মহাক্না ফংখিবা মতেংগী মতাংদসু ফোঙদোকখি। রাজুনা কর্ময়োগী প্ররম্ভ কোর্সতা কোর্স ৮ তমখ্রে অমসুং স্ত্রেস মেনেজমেন্ত অমসুং কোদ ওফ কন্দক্তকী মতাংদা তমখিবা কোর্সশিংদগী চাউনবা কান্নবা ফংখি। মহাক্না প্রধান মন্ত্রীদা মহাক্না য়ু.পি.এস.সি.গী সিভিল সর্ভিসেসকীদমক হোৎনখিগনি ফোঙদোকখি। প্রধান মন্ত্রীনা মহাক্কী খোঙচৎতা য়াইফবা ওইয়ু হায়না মঙ্গোল পীখি।
তেলঙ্গানাদগী কন্নামলা ভমসি কৃষ্ণনা কোল ইন্দিয়া লিমিতেদতা মেনেজমেন্ত ত্রেনী ওইনা মহাক্কী এপোইন্তমেন্ত লেত্তর ফংখি। মহাক্কী মমা-মপাশিংমা কন্না হোৎনখিবা অমসুং মায়োক্নখিবা অৱাবশিংগী মতাংদা প্রধান মন্ত্রীদা পাউদমখি অমসুং অনৌবা ত্রেনী ওইনা মহাক্কী খোঙচৎতা থেংনখিবশিং আদু নীংশিং অমসুং রোজগার মেলাগীদমক প্রধান মন্ত্রীবু থাগৎপা ফোঙদোকখি। কন্নামলা ভমসি কৃষ্ণনা মোদ্যুল অসি য়াম্না কান্নৈ মরু ওইনা মসি মোবাইল ফোনশিংদসু ফংই হায়খি। শ্রী মোদীনা মঙোন্দা য়াইফ মঙ্গোল পীখি অমসুং মহাক্কী কেরিয়রদা মখা তানা তমশিন্নবা হায়খি।
থৌরম অদুদা ৱা ঙাংলদুনা প্রধান মন্ত্রীনা মসি ২০২৩গী অহানবা রোজগার মেলানি মসিনা ইমুং মনুং ৭১,০০০গীদমক সরকারগী লমদা থবক পীবগী মমল য়াম্লবা খুদোল পীরি হায়না ফোঙদোকখি। প্রধান মন্ত্রী অনৌবা এপোইন্তীশিংদা নুংঙাইবা ফোঙদোকখি অমসুং মসিগী থবক্কী খুদোংচাবশিং অসিনা এপোইন্তীশিংদা থাজবগী অনৌবা মঙাল অমা পোকহনবা খক্তা নত্তনা ইমুং করোর কয়াদসু মঙাল ফংহল্লি হায়খি। প্রধান মন্ত্রীনা অনৌবা ইমুং লাখ কয়ানা এন.দি.এ.না পানবা রাজ্যশিং অমসুং য়ুনিয়ন তেরিতোরীশিংদা চাং নাইনা রোজগার মেলাশিং পাঙথোক্তুনা লাক্কদবা মতমদা সরকারগী থবকশিং ফংলগনি হায়খি। মহাক্না হায় অসাম সরকারনা ঙরাং খক্তা রোজগার মেলা অমা পাঙথোকখি অমসুং মধ্য প্রদেশ, উত্তর প্রদেশ, মহারাস্ত্র অমসুং উত্তরাখন্দগুম্বা রাজ্যশিংদা অথুবদা পাঙথোক্লগনি। প্রধান মন্ত্রীনা হায়খি, “চাং নাইনা রোজাগর মেলাশিং পাঙথোকপা অসিনা সরকারগী ফীদম অমা ওইরি। মখোয়না সরকারনা লৌখিবা ফিরেপ খুদিংমক মঙফাওনবা ঙমহল্লি তাক্লি”।
প্রধান মন্ত্রীনা হায়খি মহাক্না অনৌবা এপোইন্তীশিংগী মাইথোংদা হরাওবা অমদি অপেনবা উবা ফংই অমসুং কেন্দিদেৎ অয়াম্বা ইচম চম্বা ইমুংশিংদগী হৌরকপনি অমসুং মখোয় কয়ানা মখোয়গী ইমুং মনুংগী মীরোল মঙাদা সরকারগী থবক ফংবা অহানবা ওইরি হায়না ফোঙদোকখি। প্রধান মন্ত্রীনা হায়খি মসি সরকারগী থবক ফংবদগী হেন্না নুংঙাইবনি। কেন্দিদেৎশিংনা ত্রান্সপরেন্ত ওইবা অমসুং ময়েক শেংবা থবক লৌবগী থৌওংগী খুত্থাংদা নুংঙাইবা ফংলি অমসুং মখোয়গী তেলেন্ত অদু শকখঙলি। প্রধান মন্ত্রীনা হায়খি, “নখোয়না থবক লৌবগী থৌওংদা চাউনা অহোংবা উবা ফংলমগনি। কেন্দ্রগী থবকশিংদা থবক লৌবগী থৌওং অসি হেন্না স্ত্রীমলাইন তৌখি অমসুং অকক্নবা মতমগী মনুংদা পাঙথোক্লি”।
প্রধান মন্ত্রীনা হায়খি থবক লৌবগী থৌওংদা ত্রান্সপরেন্সী লৈবা অমসুং খোঙজেল য়াংবা অসিনা ঙসিগী সরকারগী মথৌ তৌবগী লম খুদিংমক তাক্লি। শ্রী মোদীনা রুতিন প্রমোসনশিং ফাওবা থিন্থহনখিবা অমসুং মরৈ য়েৎনদুনা লৈখিবা মতম অদু নীংশিংখি। মহাক্না হায়খি মদুদি সরকার অসিনা অসিগুম্বা সমস্যাশিং কোকহনখি অমসুং ত্রান্সপরেন্ত প্রোসেস অমা লৈহনবা ঙমখি। মহাক্না হায়, “ত্রান্সপরেন্ত রিক্রুৎমেন্ত অমসুং প্রমোসন্না নহারোলশিংগী মরক্তা থাজবা পোকহনখি”।
ঙসি এপোইন্তমেন্ত লেত্তরশিং ফংখিবশিংগীদমক মসি অনৌবা খোঙচৎকী আহোবনি হায়না ফোঙদোক্লদুনা প্রধান মন্ত্রীনা মখোয়না শরুক তম্বা অমদি পার্তনরশিপশিংনা জাতিগী চাউখৎ খোঙচৎতা গভর্নমেন্ত মেছিনরীগী শরুক অমা ওইরগনি। মহাক্না হায়খি অনৌবা এপোইন্তী কয়ানা মীচম মীয়ামগা সরকারগী হকথেংনবা মীহুৎ ওইনা ৱারী-ৱাতাই শারগনি অমসুং মখোয়গী মশাগী মওংদা শাফু আমা পীরগনি। বিজিনেস অমসুং ইন্দস্ত্রীগী লমদা কঞ্জুমরশিংনা মতম চুপ্পদা চুম্মি হায়না হায়নরিবা পাউরৌগা চাংদম্নরদুনা প্রধান মন্ত্রীনা এদমিনিস্ত্রেসন্দা ‘প্রজানা মতম চুপ্পদা চুম্মি’ হায়বা মান্নবা মন্ত্র অসি শীজিন্নগদবনি হায়খি। “মসিনা শেবা তৌবগী ৱাখল্লোন পোকপা হেনগৎহল্লি অমসুং মদুবুসু মপাঙ্গল কনখৎহল্লি”, প্রধান মন্ত্রীনা মখা তারদুনা হায় সরকারগী থবক ফংলবা মতমদা মদু সরকারগী শেবা ওইনা লৌই থবক ওইনা লৌদে হায়খি। মহাক্না ভারত মচা করোর ১৪০ শেবা তৌবগী নুংঙাইবগী মতাংদা ফোঙদোক্লদুনা হায় মসিনা মীয়ামদা অফবা শাফু অমা পীরি।
আই.জি.ও.তি. কর্ময়োগী প্লেৎফোর্মদা ওনলাইন কোর্সশিং তম্লিবা সরকারগী কর্মচারী কয়ামরুমগী মতাংদা পলদুনা প্রধান মন্ত্রীনা হায় ওফিসিএল ত্রেনিংগী মথক্তা প্লেৎফোর্ম অসিনা পর্সনেল দিবেলপমেন্তগীদমক কোর্স কয়াসু ফংহল্লি। মহাক্না হায় তেক্নোলোজীগী খুত্থাংদা মশানা তমশিনজবা অসি ঙসিগী মীরোলগী খুদোংচাবা অমনি। শ্রী মোদীনা মহাক্কী মশাগী খুদম পীখি অমসুং মঙোন্দা তমনীংবগী য়াওরিবা ইথিল অদু কৈদৌনুংদা মহাক্না মাংহন্দে হায়খি। মহাক্না হায়, “ইশানা তমনিংবগী ৱাখল্লোন অসিনা লর্নরগী মতিক ময়াই, মহাক্কী ইন্সতিত্যুসনশিং অমসুং ভারতকী মতিক-ময়াই হেনগৎহনগনি”।
শ্রী মোদীনা হায়খি, “খোঙজেল য়াংনা হোংলক্লিবা ভারতগরা থবক্কী খুদোংচাবশিং অমসুং মশানা মশাদা থবক পীজবগী খুদোংচাবা লেপ্পা লৈতনা হেনগৎলক্লি। খোঙজেল য়াংনা খুমাং চাউশিনবা অসিনা ইশানা ইশাদা থবক পীজবগী খুদোংচাবশিং চাউনা হেনগৎহল্লি। ঙসিগী ভারতনা মসি উবা ফংলি”।
প্রধান মন্ত্রীনা হায় লৈবাক অসিদা ইনফ্রাস্ত্রকচরেল দিবেলপমেন্তগী হোলিস্তিক এপ্রোচকা লোয়ননা হৌখিবা চহি নিপাল অসিদা থবক্কী খুদোংচাবা লাখ কয়া পীখি। মহাক্না ইনফ্রাস্ত্রকচরদা তৌখিবা লুপা করোর লাখ কয়াগী ইনভেস্তমেন্তগী খুদম পীখি অমসুং লম্বেল অসিদা চৎপগা লোয়ননা থবক্কী খুদোংচাবশিং পীনবা অনৌবা লম্বেলশিং করম্না শেম্বা হায়বা অসিদা মীৎয়েং চংখিবগে ফোঙদোকখি। প্রধান মন্ত্রীনা হায় অনৌবা লম্বী অমসুং রেলৱে লাইনশিং চাউখৎলপগা লোয়ননা অনৌবা কৈথেলশিং থোরক্লি অমসুং লৌবুক্তগী চান্নবা মহৈ-মরোংশিং পুথোক-পুশিন তৌবা হেন্না লায়হল্লি অমরোমদনা মসিনা তুরিজমদা শাহৌসু পীরি। প্রধান মন্ত্রীনা মখা তারদুনা হায়, “ওইথোকপশিং অসিনা থবক্কী খুদোংচাবশিং পীবা হেনগৎহনখি”।
ভারত-নেৎ প্রোজেক্তনা খুঙ্গং খুদিংমক্তা ব্রোদবেন্দ কন্নেক্তিবিতী পীরিবা অসি পলদুনা প্রধান মন্ত্রীনা কন্নেক্তিবিতী অসি লৈরবা মতমদা থবক্কী অনৌবা খুদোংচাবশিং পীবা ঙম্মি হায়না ফোঙদোকখি। তেক সেভী নত্তবা কয়ানা মসিগী কান্নবা খঙখি। মসিনা খুঙ্গংশিংদা ওনলাইন সর্ভিসেস ফংহন্দুনা ওন্তপ্রিনোরশিপকী অনৌবা হীরমশিং হাংদোকখি। শ্রী মোদীনা তায়র ২ অমসুং তায়র ৩গী সহরশিংদা স্তার্তঅপশিং খুমাং চাউশিল্লিবা অসিগী মতাংদা মাইপাকপা অসিনা মালেমদা নহারোলশিংগী অনৌবা শক্তাক অমা পীবা ঙম্লে হায়খি।
এপোইন্তীশিংগী খোঙচৎ অমসুং হোৎনখিবশিংবু থাগৎলদুনা প্রধান মন্ত্রীনা মখোয়না লৈবাক্কী মীয়াম শেবা তৌনবা খুদোংচাবা ফংবদা মখোয়দা নুংঙাইবা ফোঙদোকখি অমসুং মখোয় মফম অসিদা করম্না য়ৌরকখিবগে নীংশিংনবা অমসুং মখা তানা তমশিন্দুনা শেবা তৌনবা হায়খি। প্রধান মন্ত্রীনা লোইশিনবদা হায়, “লৈবাক অসি মাংদা পুখৎপা ঙম্নবা নখোয়না তমশিনবা অমসুং নশাবু মতিক-ময়াই লৈহন্নবা হোৎনবা তাই”।
বেকগ্রাউন্দ
রোজগার মেলা অসি থবক পীবদা খ্বাইদগী অৱাংবা মীৎয়েং থম্নবগী প্রধান মন্ত্রীনা লেপ্লিবা খোঙফম অসি ফংহন্নবগী মায়কৈদা থাংজিনবা খোঙথাঙ অমনি। রোজগার মেলা অসিনা মখা তানা থবক পীবদা অমদি নহাশিংগী মপাঙ্গল কনখৎহনবা অমদি লৈবাক শেমগৎপদা শরুক য়ানবগী ৱাহন্থোক লৈবা খুদোংচাবশিং পীবদা চাউনা মতেং পাংগদবা থৌরাং অমা ওইগনি হায়না থাজরি।
লৈবাক্কী মফম শিনবা থুংবদগী নৌনা থবক খল্লবশিংদুনা জুনিয়র ইঞ্জিনিয়র, লোকো পাইলোৎ, তেক্নিক্সিয়ন, ইন্সপেক্তর, সব-ইন্সপেক্তর, কন্সতেবল, স্তেনোগ্রাফর, জুনিয়র একাউন্তেন্ত, গ্রামীন দাক সেবক, ইনকম তেক্স ইন্সপেক্তর, ওজা, নর্স, দোক্তর, সোসিএল সিক্যুরিতী ওফিসর, পি.এ. এম.তি.এস., অমদি অতৈ অতৈ ভারত লৈঙাক্কী মখাদা লৈবা তোঙান তোঙানবা ফমশিং পায়গনি।
নৌনা থবক হাপ্লবা থৌমীশিংনা কর্ময়োগী প্রারম্ভ মোদ্যুলদগী তম্লকপশিং থৌরম অসিদা পাউদমগনি। কর্ময়োগী প্রারম্ভ মোদ্যুল অসি লৈঙাক্কী তোঙান তোঙানবা দিপার্তমেন্তশিংদা নৌনা থবক খল্লবা মীওই পুম্নমক্কী ওনলাইন ওরিএন্তেসন কোর্স অমনি।
Rozgar Mela is our endeavour to empower the country's youth. pic.twitter.com/BsNnn94jY7
— PMO India (@PMOIndia) January 20, 2023
भर्ती प्रक्रिया में व्यापक बदलाव हुआ है।
— PMO India (@PMOIndia) January 20, 2023
केंद्रीय सेवाओं में भर्ती प्रक्रिया पहले की तुलना में ज्यादा streamline और time bound हुई है। pic.twitter.com/JpYVzBRlyH
शासन व्यवस्था में हमारा मंत्र होना चाहिए – Citizen is always right. pic.twitter.com/hBVGDJeSCs
— PMO India (@PMOIndia) January 20, 2023
