Share
 
Comments
Decades of deceit make farmers apprehensive but now there is no deceit, work is being done with intentions as pure as Gangajal: PM
New agricultural reforms have given farmers new options and new legal protection and at the same time the old system also continues if someone chooses to stay with it: PM
Both MSP and Mandis have been strengthened by the government: PM

প্রধান মন্ত্রী শ্রী নরেন্দ্র মোদীনা ঙসি বরানসিদা এন.ঐচ.-১৯গী বরানসি – প্রয়াগরাজ শরুক লেন তরুক য়ৌনা পাকথোকপগী প্রোজেক্ত শঙ্গাখ্রে‍।

থৌরমদুদা ৱা ঙাঙলদুনা, প্রধান মন্ত্রীনা হায়খিবদা মমাঙদা কাসিবু মশক থোকহনখিবদুগা লোয়ননা হৌজিক্তি ঐখোয়না লম্বী থোং ফগৎহনবগী থবক্কী মহৈ উবা ফংলে‍। বরানসি মনুং অমসুং অকোয়বদা লম্বী চিনবা হন্থহন্নবগীদমক হান্নগা মান্নদবা মওংদা অনৌবা হাইৱেশিং, পুল-ফ্লাইওভরশিং, লম্বী পাকথোকপনচিংবা থবকশিং ইচং থৌনা পায়খৎলি‍ হায়না মহাক্না হায়খি‍।

প্রধান মন্ত্রীনা হায়খিবদা মফমসিদা অনৌবা মতমগী লম্বী থোং য়ৌরকপদা ঐখোয়গী লৌমীশিংনা চাউনা কান্নবা ফংগনি‍। হৌখিবা চহী খরসিদা খুঙ্গঙশিংদা অনৌবা মতমগী লম্বী থোংগা লোয়ননা কোল্দ স্তোরেজনচিংবা মচাক মথুমশিং শেমগৎনবা থৌরাং পায়খৎলি‍। মসিগীদমক্তা লুপা করোর লাখ ১গী ফন্দ শেমগৎখ্রে।

কমদৌনা লৌমীশিংনা লৈঙাক্কী থৌরাং অমসুং অনৌবা মতমগী মচাক মথুমশিংদগী কান্নবা ফংলিবগে হায়বগী মতাঙদা প্রধান মন্ত্রীনা খুদম অমা পীখি‍। চহী ২গী মমাঙদা লৌমীশিংগী শেন্থোক হেনগৎননবা চন্দৌলিদা চাকহাউ পুশিল্লকখি‍। মমাঙ চহীদা লৌমীশিংগী লূপ অমা শেমখি অমদি লৌমী ৪০০রোমদা হায়রিবা ফৌ অসি খারিফ লৌরোক্তা থাননবা পীখি‍। চুম্নগী চেঙনা কে.জি.দা লুপা ৩৫-৪০গী চাংদা শিৎপা মতমদা চাকহাউনা কে.জি.দা লুপা ৩০০গী চাংদা শিৎখি‍। অহানবা ওইনা হায়রিবা চেঙ অসি ওস্ত্রেলতিয়াদা থাদোকখি অমদি কে.জি.দা লুপা ৮০০গী চাংদা য়োনখি‍।

ভারতকী লৌউ শিংউগী পোত্থোকশিং লৈবাক পুম্বদা মমীং চৎলি হায়না প্রধান মন্ত্রীনা ফোঙদোকখি‍। করিগীদমক্তা লৌমীশিংনা হায়রিবা অচৌবা কৈথেলশিংসিদা চঙদুনা হেন্না ৱাংবা মমল ফংলোইদৌরিবনো হায়না মহাক্না হংখি‍। মহাক্না হায়খিবদা লৌউ শিংউগী লমদা নৌনা অহোংবা পুরক্লিবা অসিনা লৌমীশিংদা অনৌবা লম্বী অমদি অনৌবা আইনগী চৈঙাক পীরি অদুগা অমুকসু কনাগুম্বনা হান্নগী মওং অদু পাম্লগদি মদুসু অদুমক চৎনখিগনি‍। হান্নদি মন্দিগী ৱাংমদা লৈবা য়োনবা তৌবা আইন্না য়ারমদে অদুবু হৌজিক্তি অপীকপা লৌমীশিংনা মন্দিগী ৱাংমদা লৈবা য়োনবা তৌবদা আইনগী থবক লৌখৎপা য়ারগনি‍।

প্রধান মন্ত্রীনা হায়খিবদা লৈঙাক্না খুজিন থৌরাং, আইন অমদি চৎন-কাঙলোনশিং শেম্মী‍। ওপোজিসনবু শীথরদুনা মহাক্না হায়খিবদা হান্নদি লৈঙাক্কী ফিরেপ্তা য়ানিংদবা উৎলম্বনি অদুবু হৌজিক্তা চিংনবা অমা হেক লৈবদা অফ-ফত্তা নৈনবা হেক্তা হৌরকই‍। হৌজিক ওইসু ওইদ্রিবা অদুগা কৈদৌঙৈদসু ওইরক্লোইদবা ৱাফম অমদা খুন্নাইবু চমম্নহল্লি‍। হায়রিবা মীওইশিং অসি লৌমীশিংবু চহী কয়া লেপ্পা নাইদনা লৌনম তৌদুনা লাক্লিবা মীওইশিংদুনি হায়না মহাক্না ফোঙদোকখি‍।

লৌথুম লৌকোইনা থল্লবা হৌখিবা মতমগী মতাঙদা মখা তারদুনা প্রধান মন্ত্রীনা হায়খিবদা এম.এস.পি. লাউথোক্লবসু য়াম্না তাথবা এম.এস.পি.দা লৈবা য়োনবা তৌরম্মী‍। অসুম্না চহী কয়া লৌনম তৌদুনা লাকখি‍। লৌমীশিংগী মিংদা চাউরবা শেন্ফমগী লোন কোকপিবগী থৌরাং লাউথোকখি অদুবু হায়রিবশিং অদু অপীকপা অমদি ইচম চমবা লৌমীশিংদদি য়ৌখিদে‍। লৌমীশিংগী মিংদা অচৌবা থৌরাং কয়া লাউথোকখি অদুবু মমাঙগী লৈঙাকশিংনা লুপা ১গী মনুংদা শুপ্নতগী পৈশা ১৫খক লৌমীশিংদা য়ৌই হায়না মখোয় মশানা খঙজখি, অমদি মদুমক থৌরাংশিং অসিগী মরুমদা নমথাক তৌবনি হায়না মহাক্না ফোঙদোকখি‍।

নমথাক কয়ানা থল্লবা পুৱারী অমদা পোৎশক অনি মহৌশা ওইরকই হায়না প্রধান মন্ত্রীনা হায়খি‍। অহানবদা লৌমীশিংনা লৈঙাক্কী ৱাশকশিংদা চিংনদুনা চহী কয়া লাকখি‍। অনিসুবদা হায়রিবা ৱাশকশিং থুগায়রিবা মীওইশিংদুনা হান্নগী মতৌগুম অদুমক ওইদুনা লৈগনি হায়না অরানবা ৱাফম কয়া শন্দোকপনা মথৌ ওইরক্লি‍। অদোম্না লৈঙাক অসিগী থবক থৌরমশিং য়েংবা মতমদা অশেংবদু মথন্তা চোংথোরক্কনি‍। য়ুরিয়া লোন্না লল্লোনবগী থবক থিংদুনা লৌমীশিংদা মরাং কায়না ফংহনগনি হায়না ৱাশকখিবা অদু লৈঙাক অসিনা ঙাকখি‍। লৈঙাক অসিনা স্বামিনাথন কম্মিসনগী ৱাফমগা চাননা এম.এস.পি. শরুক ১.৫ হেনগৎনা লেপকনি হায়না ৱাশকখিবা অদু ঙাকখি‍। হায়রিবা ৱাশকশিং অসি চেদখক্তা ঙাকপা নত্তে, লৌমীশিংগী বেঙ্ক একাউন্ততা য়ৌরিবনি হায়না মহাক্না হায়খি‍।

প্রধান মন্ত্রীনা ফোঙদোকখিবদা ২০১৪গী মমাঙ চহী মঙাদা লৌমীশিংদগী হৱাই চেংৱাই লুপা করোর ৬.৫কী লৈখি‍। অদুগা মতুং তারকপা চহী মঙাদা লুপা করোর ৪৯০০০গী হৱাই চেংৱাই লৈদুনা শরুক ৭৫গী ময়াদা হেনগৎখি‍। ২০১৪গী মমাঙ চহী মঙাদা লুপা করোর লাখ ২গী ফৌ লৈখি‍। অদুবু মতুং তারকপা চহী মঙাদা ঐখোয়না লৌমীশিংদা এম.এস.পি.দা ফৌ লৈবগী লুপা করোর লাখ ৫ ফংহনখি‍। মদুনা তাকপদি লৌমীশিংদা হান্নগী শেন্ফমগী শরুক ২ মখায়গী ময়াদা য়ৌহল্লি হায়বসিনি‍। ২০১৪গী মমাঙ চহী মঙাদা লৌমীশিংনা গেহু য়োনবগী লুপা করোর লাখ ১.৫ ফংখি‍। মতুং তারকপা চহী মঙাদা লৌমীশিংনা লুপা করোর লাখ ৩ হায়বদি শরুক ২ ফংখি‍ হায়না মহাক্না ফোঙদোকখি‍। করিগুম্বা মন্দিশিং অমদি এম.এস.পি. মুত্থৎকদবা ওইরবদি করিগীদমক্তা লৈঙাক্না অদুক য়ামবা শেন্ফম থাদগদৌরিবনো হায়না মহাক্না হংখি‍। লৈঙাক অসিনা মন্দিশিং মতমগা চুননা শেমগৎনবা লুপা করোর কয়া থাদরি হায়বা ৱাফম থমখি‍।

ওপোজিসনবু শীথরদুনা প্রধান মন্ত্রীনা হায়খিবদা মখোয়শিং অসি পি.এম. কিসান সম্মান নিধিদা ৱাহং হংখিবা, শেন্ফম অসি মীখলগী য়েংলগা পীবনি অমদি মীখল মতুংদা শেন্দোয়গা লোয়ননা খোমগৎলক্কনি হায়না তোকঙা শন্দোকখিবা মীওইশিংদুনি‍। ওপোজিসনগী লৈঙাক লৈবা স্তেতশিংদা মখোয়গী রাজনিতিগী মীৎয়েঙনা মরম ওইরগা লৌমীশিংনা থৌরাংশিং অসিগী কান্নবা লৌবা য়াহন্দ্রি হায়না মহাক্না মখা তাখি‍। লৈবাকসিগী লৌমী ইমুং করোর ১০ হেনবগী বেঙ্ক একাউন্তশিংদা হকথেংননা তেংবাংগী শেন্ফম ফংহল্লি‍। হৌজিক ফাওবদা লুপা করোর লাখ ১গী ময়াদা লৌমীশিংদা য়ৌখ্রে‍।

প্রধান মন্ত্রীনা হায়খিবদা চহী কয়া লৌনম তৌদুনা লাকপনা লৌমীশিংদা চিংনবা পোকহল্লে অদুবু হৌজিক্তি নমথাক লৈত্রে, থবক থৌরমশিং গঙ্গাগী ঈশিংগুম শেংলবা পান্দমগা লোয়ননা পায়খৎলি‍। ইচম চম্না চিংনবা পোকপদা য়ুম্ফম ওইরগা মীয়ামবু চমম্নহল্লিবা মীওইশিং অসি লৈবাক মীয়াম মাঙদা লেপ্পা নাইদনা উত্থোক্লি‍। লৌমীশিংনা মখোয়গী নমথাকশিং খঙলক্লবা মতমদা মখোয়না অতোপ্পা হীরম অমদা অমুক অরানবা ৱাফম শন্দোক্লি‍। লৈঙাক অসিনা হৌজিকসু খুদোংচাদবা ফিভম মায়োক্নরিবা লৌমী ইমুংশিংদা লেপ্পা লৈতনা পাউখুম পীরি‍। ঙসি লৌউ শিংউগী লমদা অহোংবা পুরক্লিবা অসিদা চিংনবা পোক্লিবা লৌমীশিংদুসু তুংদা অহোংবা অসিগী খুদোংচাবা লৌরকখিগনি অমদি মখোয়গী শেন্থোক হেল্লকখিগনি হায়না মহাক্না থাজবা পীখি‍।

 

Click here to read full text speech

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
All citizens will get digital health ID: PM Modi

Media Coverage

All citizens will get digital health ID: PM Modi
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 28 সেপ্তেম্বর, 2021
September 28, 2021
Share
 
Comments

Citizens praised PM Modi perseverance towards farmers welfare as he dedicated 35 crop varieties with special traits to the nation

India is on the move under the efforts of Modi Govt towards Development for all