লুপা করোর ৩৭০০ রোমগী লম্বীগী প্রোজেকশিং শঙ্গাখ্রে অমসুং উরেপ-উয়ুং তমখ্রে
তিরুথুরাইপোন্দি-অগাস্থিয়ামপালিগী মরক্তা কিলোমিতর ৩৭ গেজ ওন্থোকপা শঙ্গাখ্রে
তাম্বারাম অমসুং শেঙ্গোত্তাই মরক্তা এক্সপ্রেস সর্বিস অমসুং তিরুথুরাইপোন্দি-অগাস্থিয়ামপালিগী দেমু সর্বিস লমথাখি
“তামিল নাদু পুৱারি অমসুং অহল-লমনশিংনা থম্বীরম্বা পুক্কৈ-লনগৈগী মফমনি, লোন অমসুং সাহিত্যগী লমনি”
“হান্নদি, ইনফ্রাস্ত্রকচর প্রোজেকশিং অসি মতম চানা লোইশিন্দবগা মান্নৈ অদুবু হৌজিক মসি মতম চানা লোইশিল্লে”
“খজনা থিরবশিংগী লুপা খুদিংমক মরম চানা শীজিন্নগদবনি হায়বা সরকারদা ফাওরি”
“ঐখোয়না ইনফ্রাস্ত্রকচর শেমগৎপদা মীওইবগী কান্নবা খল্লি। মসি মাইপাকপা, মীওইবগী খুদোংচাগদবা অমসুং মঙলানশিং থবক ওইনা পাংথোকপগা মরী লৈনৈ”
“তামিল নাদুগী চাউখৎ-থৌরাংদা সরকারনা মরুওইনা লৌরি”
“চেন্নাই ইন্তরনেসনেল এয়রপোর্তকী অনৌবা ইন্তেগ্রেতেদ তর্মিনেল বিল্দিংগী নমুনাদা ফজরবা তামিল কলচরগী মমি তারে”
“তামিল নাদু অসি ভারত চাউখৎপগী ইঞ্জিনশিংগী মনুংদা অমনি”

ঙসি তামিল নাদুগী চেন্নাইদা লৈবা অলস্ত্রোম ক্রিকেত গ্রাউন্দদা প্রধান মন্ত্রী শ্রী নরেন্দ্র মোদীনা তোঙান-তোঙানবা প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। ঙসি অঙনবদা, প্রধান মন্ত্রীনা চেন্নাই ইন্তরনেসনেল এয়রপোর্ততা অনৌবা ইন্তেগ্রেতেদ তর্মিনেল বিল্দিং(ফেজ-১) শঙ্গাখি অমসুং চেন্নাইদা চেন্নাই-কোয়েম্বতুর বন্দে ভারত এক্সপ্রেস লমথাখি।

 

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি তামিল নাদু পুৱারি অমসুং অহল-লমনশিংনা থম্বীরম্বা পুক্কৈ-লনগৈগী মফমনি, লোন অমসুং সাহিত্যগী লমনি। ঐখোয়গী নিংতম লান্মী অয়াম্বা তামিল নাদুদগীনি। রাজ্য অসি মরৈবাক নুংশিবা অমসুং লৈবাক্কী খনবগী মফম অমনি। তামিল নাদুগী অনৌবা চহি হৌবা নুমিৎ লাক্কদৌরে অমসুং মসি অনৌবা থৌনা, থাজবা, অনিংবশিং অমসুং অনৌবা থবক হৌবগী মতমনি। অনৌবা ইনফ্রাস্ত্রকচরশিংনা ঙসিদগী মীয়ামগী থবক তৌবা হৌরগনি অমসুং খরনা শেমগৎ-শাগৎপা হৌবা উরগনি। রেলৱেজ, লম্বী-থোঙ অমসুং এয়রৱেজগা মরী লৈনবা অনৌবা প্রোজেকশিং অসিনা অনৌবা চহি হৌবগী হরাওবা হেনগৎহল্লগনি।

 

প্রধান মন্ত্রীনা হায়খি য়াংনা অমসুং পাক-চাউনবা পায়খৎপা ইনফ্রাস্ত্রকচরগী অওনবা অমা ভারতনা উরে। ২০১৪গী বজেত্তগী শরুক ৫ হেনগত্তুনা, চহি অসিগী বজেত্তা ইনফ্রাস্ত্রকচর শেমগৎনবা লুপা করোর লাখ ১০ খাক্তুনা থম্লে। ২০১৪গা চাংদম্নবদা, চহি অমদা নেসনেল হায়ৱেশিং শেমগৎপা শরুক অনিদা হেনগৎলে, চহি অমদা রেল লাইনশিং মৈ ফংহনবা রুত কিলোমিতর ৬০০তগী রুত কিলোমিতর ৪০০০দা হেনগৎলে অমসুং এয়রপোর্ত ৭৪দগী ১৫০দা হেনগৎলে। ২০১৪গা য়েংনবদা হিথাংফমশিং থবক তৌবা ঙম্বগী শক্তি হেনগৎহনবদা শরুক অনি হেনগৎলে।

প্রধান মন্ত্রীনা হায়খি ২০১৪গী মমাঙদা লৈবাক অসিদা মেদিকেল কলেজ ৩৮০ লৈরম্বদা ঙসিদি ৬৬০ লৈরে। হৌখিবা চহি ৯দা লৈবাক অসিদা পুথোকপা এপ্প মশিং শরুক অহুম হেনগৎলে অমসুং দিজিতেল ত্রান্সসেক্সনশিংদা মালেমগী মকোক্তা লৈরে অমসুং ওপ্তিক ফাইবর কিলোমিতর লাখ ৬ হেন্না ফুমদুনা গ্রাম পঞ্চায়ত লাখ ২ হেন্না শম্লে। ঙসিদি ভারত্তা সহরশিংদা ইন্তরনেত শীজিন্নবা মীওই মশিংদগী খুঙ্গংশিংদা ইন্তরনেত শীজিন্নবা মীওইনা মশিং হেন্না লৈরে।

 

প্রধান মন্ত্রীনা হায়খি থবক শুবগী মওং অমসুং পান্দমদা অহোঙবা পুরকপদগী অফবা অহোঙবা লাকপনি। হান্নদি, ইনফ্রাস্ত্রকচর প্রোজেকশিং অসি মতম চানা লোইশিন্দবগা মান্নৈ অদুবু হৌজিক মসি মতম চানা লোইশিল্লে অমসুং থেংথবগী চৎনবীদগী মতম চানা লোইশিনবা অসি থবক শুবগী চৎনবীগী মহৈনি। অকক্নবা মতমগী মমাঙদা মাইপাক্না থবকশিং পাংথোক্নবা থবক তৌবা মতমদা খজনা থিরবশিংগী লুপা খুদিংমক মরম চানা শীজিন্নগদবনি হায়বা সরকারদা ফাওরি। ইনফ্রাস্ত্রকচর হায়রগা কংক্রিৎ, চেক অমসুং বিলাতিমাতি অদু খক নত্তে মসি মীওইবগী য়েংলগা পায়খৎকদবনি অমসুং  মসি মাইপাকপা, মীওইবগী খুদোংচাগদবা অমসুং মঙলানশিং থবক ওইনা পাংথোকপগা মরী লৈনৈ।

ঙসিগী প্রোজেক খুদম ওইনা পীরদুনা, প্রধান মন্ত্রীনা হায়খি রেলৱেগী প্রোজেক অমনা বিরুধুনাগর অমসুং তেনকাসিগী লশিং থাবা লৌমীশিং অতোপ্পা কৈথেলশিংগা শম্নহল্লে অমসুং চেন্নাই অমসুং কোয়েম্বতুর মরক্কী বন্দে ভারত এক্সপ্রেসনা অপীকপা ললোন-ইতিক্কী থবকশিংগা কস্তমরশিংগা শম্নহল্লে অমসুং চেন্নাই এয়রপোর্তকী অনৌবা তর্মিনেল বিল্দিংনা তামিল নাদুগা মালেমগা শম্নহল্লে। মসি শেন থাদরক্তুনা মফম অসিগী নহারোলশিং অনৌবা খুদোংচাবা ফংলগনি। গারিশিং য়াংনা থৌবা খক নত্তনা মীয়ামগী মঙলানশিং অমসুং ললোন-ইতিক্কী ৱাখল্লোনশু য়াংখৎলে। শেন-থুমগী ফিবম ফগৎলে। ইনফ্রাস্ত্রকচর প্রোজেক অমমম্না ইমুং করোর কয়াগী পুন্সি কয়া অওনবা পুরক্লে।

প্রধান মন্ত্রীনা হায়খি তামিল নাদুগী চাউখৎ-থৌরাংদা সরকারনা মরুওইনা লৌরি। চহি অসিগী বজেত্তা খ্বাইদগী য়াম্বা ওইনা রেল ইনফ্রাস্ত্রকরগীদমক রাজ্য অসিগী লুপা করোর ৬০০০ হেন্না খাক্তুনা থম্লে। ২০০৯-২০১৪ মনুংদা চহি খুদিংগী খাক্তুনা থম্বা শেনফম অসি লুপা করোর ৯০০গী মখানি। ২০০৪-২০১৪গী মনুংদা, রাজ্য অসিগী নেসনেল হায়ৱেগী অশাংবা চাউরাক্না কিলোমিতর ৮০০ রোম ওইখি, অদুবু ২০১৪ অমসুং ২০২৩গী মরক্তা কিলোমিতর ২০০০ রোমগী নেসনেল হায়ৱে হেনগৎলে। রাজ্য অসিগী নেসনেল হায়ৱেশিং শেমগৎনবা অমসুং শেমজিন্নবা ২০১৪-১৫দা লুপা করোর ১২০০ রোম চাদিং তৌখি,অদুগা ২০২২-২৩দা শরুক তরুক হেনগৎতুনা লুপা করোর ৮২০০ থাদখি।

 

প্রধান মন্ত্রীনা হায়খি হৌখিবা চহি খরদা তামিল নাদুদা পায়খৎখিবা দিফেন্স ইন্দস্ত্রিএল কোরিদোরনা ভারতকী ঙাক-শেন মপাঙ্গল কনখৎহল্লগনি, পি.এম মিত্রা মেগা তেক্সতাইল পার্ক পায়খৎলে অমসুং বেঙ্গালুরু-চেন্নাই এক্সপ্রেসৱেগী উরেপ-উয়ুং তম্লে। চেন্নাই ময়াদা মল্তি-মোদাল লোজিসতিক্স পার্ক অমা শেমগৎলি অমসুং ভারতমালা প্রোজেক্কী মখাদা মামাল্লাপুরমদগী কন্যাকুমারি ফাওবগী ইস্ত কোস্ত       রোদ ফিবম ফগৎহল্লে।

প্রধান মন্ত্রীনা হায়খি শঙ্গারিবা নত্ত্রগা থবক হৌরিবা প্রোজেকশিং অসিনা চেন্নাই, মদুরাই অমসুং কোয়েম্বতুর সহরশিংদা হকথেংন্না কান্নবা পীরগনি। চেন্নাই ইন্তরনেসনেল এয়রপোর্ততা শঙ্গারিবা অনৌবা ইন্তেগ্রেতেদ তর্মিনেল বিল্দিং অসিনা পেসেঞ্জর মশিং হেনগৎলকপগী দরকার ওইবশিং ফংহনবা ঙম্লগনি। চেন্নাই ইন্তরনেসনেল এয়রপোর্তকী অনৌবা ইন্তেগ্রেতেদ তর্মিনেল বিল্দিংগী নমুনাদা ফজরবা তামিল কলচরগী মমি তারে। বিল্দিং অসি শাবদা মহৌশাগী অকোয়বগী ফিবম শোকহন্দবা পোৎলমশিং শীজিন্নরি অমসুং এল.ই.দি অমসুং সোলার ইনর্জিশু শীজিন্নরি। নৌনা লমথাখিবা চেন্নাই-কোয়েম্বতুর বন্দে ভারত এক্সপ্রেস অসি ‘মেদ ইন ইন্দিয়া’গী চাউথোকচবনি অমসুং মসিনা শক্নাইরবা ভি ও চিদম্বরম পিল্লাইগী লমদম অসিগা চুনরে।

 

প্রধান মন্ত্রীনা হায়খি কোয়েম্বতুর অসি ইন্দস্ত্রিগী পৱারহাওস অমনি। বন্দে ভারত এক্সপ্রেসনা মরম ওইদুনা চেন্নাই অমসুং কোয়েম্বতুর অনিগী মরক্তা চৎথোক-চৎশিন তৌবদা শুপ্নগী পুং ৬ রোম চঙলগনি। মসিনা ইন্দস্ত্রি অমসুং তেক্সতাইলগী হবশিং হায়বদি সালেম, ইরোদ অমসুং তিরুপুরদা কান্নবা পীরগনি। মদুরাই অসি তামিল নাদুগী কলচরগী কোনুংনি অমসুং মালেমদা খ্বাইদগী লিরবা সহরশিংগী মনুংদা অমনি। ঙসি শঙ্গারিবা প্রোজেকশিং অসিনা অরিবা সহর অসিদা অনৌবা মতমগী ইনফ্রাস্ত্রকচর ফগৎহল্লগনি।

লোইশিল্লকপদা প্রধান মন্ত্রীনা হায়খি তামিল নাদু অসি ভারত চাউখৎপগী ইঞ্জিনশিংগী মনুংদা অমনি। অফবা মখলগী ইনফ্রাস্ত্রকচরশিংনা মফম অসিদা থবক ফংহল্লি, শেন্থোক হেনগৎহল্লি অমসুং তামিল নাদু চাউখৎহল্লি। তামিল নাদু চাউখৎপা মতমদা, ভারত চাউখৎলি।

ঙসিগী থৌরম অদুদা তামিল নাদুগী রাজ্যপাল শ্রী আর এন রবি, তামিল নাদুগী চীফ মিনিস্তর শ্রী এম কে স্তেলিন, রেলৱেজগী য়ুনিয়ন মিনিস্তর শ্রী অশ্বিনি বৈষ্ণো, সিবিল এভিএসনগী য়ুনিয়ন মিনিস্তর শ্রী জ্যোতিরাদিত্য সিন্দিয়া, ফিসরিজ,এনিমেল হসবেন্দারি অমসুং দাইরিয়িং অমসুং ইনফোর্মেসন অমসুং ব্রোদকাস্তিংগী রাজ্য মন্ত্রী শ্রী এল মুরুগান, শ্রীপেরুমবুদুরগী এম.পি শ্রী তি.আর বালু অমসুং তামিল নাদু সরকারগী মিনিস্তরশিং শরুক য়াখি।

নুঙগীৱারোল

প্রধান মন্ত্রীনা লুপা করোর ৩৭০০ হেনবগী প্রোজেকশিং শঙ্গাখি অমসুং উরেপ-উয়ুং তমখি। প্রধান মন্ত্রীনা মদুরাই সহরদা কিলোমিতর ৭.৩ শাংবা ইলাভেতেদ কোরিদোর অমসুং নেসনেল হায়ৱে ৭৮৫গী কিলোমিতর ২৪.৪ লেন মরিগী লম্বী শঙ্গাখ্রে। প্রধান মন্ত্রীনা নেসনেল হায়ৱেজ-৭৪৪গী লম্বীগী প্রোজেকশিং উরেপ-উয়ুং তমখ্রে। লুপা করোর ২৪০০গী প্রোজেক অসিনা তামিল নাদু অমসুং কেরলাগী মরক্তা চৎথোক-চৎশিনগী খুদোংচাবা হেনগৎহনগনি অমসুং লাই খুরুম্বা মীওইশিংনা মদুরাইগী মিনাক্সি লাইশঙ, শ্রীবিলিপুথুরগী অন্দাল লাইশঙ অমসুং কেরলাগী সবারিমালাদা চৎনবগী খুদোংচাবা ফংলগনি।

প্রধান মন্ত্রীনা থিরুথুরাইপোন্দি-অগাস্থিয়ামপালিগী মরক্তা কিলোমিতর ৩৭ গেজ ওন্থোকপা শঙ্গাখ্রে,মসি লুপা করোর ২৯৪ চঙনা লোইশিনখিবনি। মসিনা নাগাপত্তিনম জিলাদা অগাস্থিয়ামপালিদগী চানবা থুম অমসুং ইন্দস্ত্রিগী থুম পুথোক-পুশিনদা কান্নবা পীগনি।

প্রধান মন্ত্রীনা তাম্বারাম অমসুং শেঙ্গোতিগী মরক্তা এক্সপ্রেস সর্বিস লমথাখ্রে। মহাক্না তিরুথুরাইপোন্দি-অগাস্থিয়ামপালিগী দিজল ইলেক্ত্রিক মল্তিপল য়ুনিত(দেমু) অমা লমথাখি,মসিনা কোয়েম্বতুর, তিরুবরুর অমসুং নাগাপত্তিনম জিলাশিংগী মীয়াম কান্নবা পীগনি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian Athletics Rises as Biggest Gainer in Govt Funding For 2024 Paris Olympics Preparations

Media Coverage

Indian Athletics Rises as Biggest Gainer in Govt Funding For 2024 Paris Olympics Preparations
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 15 জুলাই, 2024
July 15, 2024

From Job Creation to Faster Connectivity through Infrastructure PM Modi sets the tone towards Viksit Bharat