প্রধান মন্ত্রী, শ্রী নরেন্দ্র মোদীনা ব্ল্যুবর্দ ব্লোক-2বু LVM3-M6 লোঞ্চ ভেহিকলনা মাইপাক্না লোঞ্চ তৌখিবগীদমক স্পেস সাইন্তিস্তশিং অমসুং ইঞ্জিনীয়রশিংদা নুংঙাইবা ফোংদোকখ্রে। ব্ল্যুবর্দ ব্লোক-2 অসি USAগী স্পেসক্রাফ অমনি অমসুং মসিনা ভারতকী লৈমাইদগী মাগী অপাম্বা ওর্বিৎতা থাগৎপা খ্বাইদগী লুম্বা সেতেলাইৎনি। শ্রী মোদীনা হায়খি মদুদি মসিনা ভারতকী স্পেস খোঙচৎতা চাউথোকচনীংঙাই ওইবা মাইলস্তোন অমা ওইরে অমসুং আত্মনির্ভর ভারতকী মায়কৈদা হোৎনরিবশিং অদু উৎলি।
শ্রী মোদীনা হায়খি, "LVM3না থাজবা য়াবা হেভি-লিফ্ত পর্ফোমেন্স উৎপগা লোয়ননা, ঐখোয়না গগনয়ানগুম্বা তুংগী মিসনশিংগীদমক য়ুম্ফম মপাঙ্গল কনখৎহল্লে, কম্মর্সিএল লোঞ্চ সর্ভিসশিং পাকথোক চাউথোকহল্লে অমসুং গ্লোবেল পার্তনরশিপশিং হেন্না চেৎশিলহল্লে।"
প্রধান মন্ত্রীনা Xতা পোস্ত তৌখি:
"ভারতকী স্পেস সেক্তরদা মশক থোকপা খোঙথাং অমা...
ভারতকী লৈমাইদগী থাগৎপা খ্বাইদগী লুম্বা সেতেলাইৎ, USAগী স্পেসক্রাফ, ব্ল্যুবর্দ ব্লোক-2বু মাগী লৈফম থোকপা ওর্বিৎতা LVM3-M6না মাইপাক্না থাগৎপা অসিনা ভারতকী স্পেস খোঙচৎতা চাউথোকচনীংঙাই ওইবা মাইলস্তোন অমা ওইরে।
মসিনা ভারতকী হেভি-লিফ্ত লোঞ্চকী তৌবা ঙম্বগী মপাঙ্গল হেনগৎহল্লি অমসুং মালেমগী কম্মর্সিএল লোঞ্চ মার্কেত্তা ঐখোয়গী চাউখৎলক্লিবা থৌদাং অদু মপাঙ্গল কনখৎহল্লি।
মসিনা আত্মনির্ভর ভারতকী মায়কৈদা ঐখোয়না হোৎনরিবশিং অদুসু উৎলি। ঐখোয়গী কন্না হোৎনরিবা স্পেস সাইন্তিস্তশিং অমসুং ইঞ্জিনীয়রশিংদা নুংঙাইবা ফোংদোকচরি।
ভারতনা স্পেসকী লমদা মখা তানা হেন্না থাক ৱাংখৎলক্লি!"
@isro
A significant stride in India’s space sector…
— Narendra Modi (@narendramodi) December 24, 2025
The successful LVM3-M6 launch, placing the heaviest satellite ever launched from Indian soil, the spacecraft of USA, BlueBird Block-2, into its intended orbit, marks a proud milestone in India’s space journey.
It strengthens… pic.twitter.com/AH6aJAyOhi
"ভারতকী নহারোলশিংনা শক্তি পীদুনা, ঐখোয়গী স্পেস প্রোগ্রাম অসি হেন্না এদভান্স অমসুং ইম্পেক্তিব ওইরক্লি।
LVM3না থাজবা য়াবা হেভী-লিফ্ত পর্ফোমেন্স উৎপগা লোয়ননা ঐখোয়না গগনয়ানগুম্বা তুংগী মিসনশিংগীদমক য়ুম্ফম মপাঙ্গল কনখৎহল্লে, কম্মর্সিএল লোঞ্চ সর্ভিসশিং পাকথোক চাউথোকহল্লে অমসুং গ্লোবেল পার্তনরশিপশিং মপাঙ্গল কনখৎহল্লে।
অসিগুম্বা হেনগৎলক্লিবা তৌবা ঙম্বা অমসুং মশা মথন্তা থাজবা হেনগৎলকপা অসি লাক্কদৌরিবা মীরোনগীদমক য়াম্না ফবা অমনি।"
@isro
Powered by India’s youth, our space programme is getting more advanced and impactful.
— Narendra Modi (@narendramodi) December 24, 2025
With LVM3 demonstrating reliable heavy-lift performance, we are strengthening the foundations for future missions such as Gaganyaan, expanding commercial launch services and deepening global… pic.twitter.com/f53SiUXyZr
