প্রধান মন্ত্রী শ্রী নরেন্দ্র মোদীনা ঙসি ভারতকী ব্লাইন্দ ৱুমেন্স ক্রিকেত তীমগী মফমদা অহানবা ব্লাইন্দ ৱুমেন্স T20 ৱর্ল্দ কপ মায় পাক্তুনা পুৱারী শেম্বগীদমক নুংঙাইবা ফোঙদোকখ্রে।
প্রধান মন্ত্রীনা তীম অদুনা সেরিজ পুম্বদা মায়থিবা নংদনা শিংথানিংঙাই ওইনা মায় পাক্লকপদু থাগৎলদুনা, মদুবু হোৎনবা কনবা, তীমৱর্ক, অমদি অচেৎপা খোঙফমগী তরং তরংবা খুদম অমনি হায়খি। শান্নরোয় খুদিংমক মখোয়গী কত্থোকপনা লৈবাক্কী মিংচৎ পুরকখিবা তশেং তশেংবা চেম্পিয়ন অমম্নি হায়বা ৱাফম মহাক্না থমখি।
প্রধান মন্ত্রীনা X তা থাগৎপা পোস্ত অমদা হায়খি:
“ভারতকী ব্লাইন্দ ৱুমেন্স ক্রিকেত তীমগী মফমদা অহানবা ব্লাইন্দ ৱুমেন্স T20 ৱর্ল্দ কপ মায় পাক্তুনা পুৱারী শেমখিবগীদমক নুংঙাইবা ফোঙদোকচরি! অমুক্কা হেন্না শিংথানিংঙাই ওইরিবদি মখোয়না সেরিজ পুম্বসিদা মায়থিবা নংখিদবসিনি। মসি তশেংনমক পুৱারী ওইরবা শান্ন-খোৎনবগী মায় পাকপনি, হোৎনবা কনবা, তীম ৱর্ক অমদি অচেৎপা খোঙফমগী তরং তরংবা খুদম অমনি। শান্নরোয় খুদিংমক চেম্পিয়ম অমম্নি! তীম অসিগী তুংগীদমক ঐহাক্না য়াইফ পাউজেল পীজরি। মায় পাকপা অসিনা তুংদা লাক্কদৌরিবা মীরোলশিংবু পুক্নিং থৌগৎনরগনি।”
Congratulations to Indian Blind Women’s Cricket Team for creating history by winning the inaugural Blind Women’s T20 World Cup! More commendable is the fact that they stayed unbeaten in the series. This is indeed a historic sporting achievement, a shining example of hardwork,… pic.twitter.com/wARpvRRoIm
— Narendra Modi (@narendramodi) November 24, 2025
