ভারতকী রাষ্ট্রপতিনা রাজ্য সভাগী মেম্বর ওইনা হাপ্লবা শক্নাইরবা মীওই মরিদা প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে অমসুং য়াইফ পাউজেল পীখ্রে।
সোসিএল মেদিয়া প্লেতফোর্ম এক্সতা পোস্ত পরেং অমদা, প্রধান মন্ত্রীনা নোমীনি অমমম্না পাংথোকখিবা থবকশিং শিংথাখি।
আইনগী শীনফমদা তমজনফম ওইরবা মহাক্কী কৎথোকপা অমসুং সংবিধানগী গুনশিংদা অচেৎপা থাজবা থম্বগীদমক প্রধান মন্ত্রীনা শ্রী উজৱাল নিকাম থাগৎপা ফোঙদোকখি। মহাক্না হায়খি শ্রী নিকাম মরুওইবা কেসশিংদা অচৌবা থৌদাং লৌখিবা মাইপাক্লবা উকিল অমনি অমসুং মীচম মীয়ামগী ইকায়খুম্নবা ঙাক্নবা কন্না হোৎনখি। মহাক রাজ্য সভাদা মেম্বর ওইনা হাপ্পদা প্রধান মন্ত্রীনা তরাম্না ওকখি অমসুং সংসদতা মহাক্কী থৌদাং মাইপাক্না মহাক্কী মফমদা য়াইফ পাউজেল পীখি।
প্রধান মন্ত্রীনা হায়খি;
“আইনগী লমদা অমসুং ঐখোয়গী সংবিধান্দা শ্রী উজৱাল নিকামগী কৎথোকপা অসি তমজনফম্নি। মহাক মাইপাক্লবা উকিল অমা ওইবতা নত্তনা মরুওইবা কেসশিংদা অচুম্বা পুরক্নবসু মাংজিল থাখি। মহাক্কী আইনগী শীনফম অসিগী মনুংদা, মহাক্না মতম পুম্নমক্ত সংবিধানগী গুনশিং মপাঙ্গল কনখৎহন্নবা থবক তৌখি অমসুং মতম পুম্নমক্ত মীচম মীয়াম ইকায়খুম্ননা লোয়নখি। মহাক্কী সংবিধানগী থবকশিংগীদমক ঐনা য়াইফ পাউজেল পীজরি”।
Shri Ujjwal Nikam’s devotion to the legal field and to our Constitution is exemplary. He has not only been a successful lawyer but also been at the forefront of seeking justice in important cases. During his entire legal career, he has always worked to strengthen Constitutional…
— Narendra Modi (@narendramodi) July 13, 2025
শ্রী সি.সাদানন্দন মাষ্টরগী মতাংদা, প্রধান মন্ত্রীনা হায়খি মহাক্কী পুন্সি অসি থৌনা অমসুং অরানবগী মায়োক্ত লৈবগী খুদম অমনি। অহিংশা অমসুং কিহনবা কয়া মায়োক্নরবসু, শ্রী সি.সাদানন্দন মাষ্টরনা লৈবাক চাউখৎনবগী হনবা লৈতনা হোৎনখি। ওজা অমা ওইনা অমসুং মীয়ামগী থবক তৌবা মীওই অমা ওইনা মহাক্না পাংথোকখিবা থবকশিং প্রধান মন্ত্রীনা থাগৎপা ফোঙদোকখি অমসুং নহারোলশিংগী ফিবম ফগৎনবা মহাক্না হোৎনখিবা অদু পনখি। রাষ্ট্রপতি জিনা রাজ্য সভাগী মেম্বর ওইনা হাপ্পদা প্রধান মন্ত্রীনা মহাক থাগৎপা ফোঙদোকখি অমসুং মহাক্কী অনৌবা থৌদাংশিংগীদমক মহাক্কী মফমদা য়াইফ পাউজেল পীখি।
প্রধান মন্ত্রীনা হায়খি;
“শ্রী সি.সাদানন্দন মাষ্টরগী পুন্সি অসি থৌনা অমসুং অরানবদা কোক নোল্লু হায়বা য়াদবগী খুদমনি। অহিংশা অমসুং কিহনবনা লৈবাক চাউখৎনবা মহাক্কী থৌনা মাইথিবা পীবা ঙমখিদে। ওজা অমা ওইনা অমসুং মীয়ামগী থবক তৌবা মীওই অমা ওইনা মহাক্না পাংথোকখিবা থবকশিং থাগৎনিঙাইনি। নহারোলশিংগী ফিবম ফগৎনবা মহাক্না য়াম্না পামজখি। রাষ্ট্রপতি জিনা রাজ্য সভাগী মেম্বর ওইনা হাপ্পদা মহাক্কী মফমদা হরাওবা ফোঙদোকচরি। এম.পি ওইনা মহাক্কী থৌদাংগীদমক য়াইফ পাউজেল পীজরি।
Shri C. Sadanandan Master’s life is the epitome of courage and refusal to bow to injustice. Violence and intimidation couldn’t deter his spirit towards national development. His efforts as a teacher and social worker are also commendable. He is extremely passionate towards youth…
— Narendra Modi (@narendramodi) July 13, 2025
শ্রী হর্স ভর্ধন শিঙ্গলা রাজ্য সভাগী মেম্বর ওইনা হাপ্পদা, প্রধান মন্ত্রীনা হায়খি মদুদি দিপ্লোমেত অমা ওইনা, পন্দিৎ অমা ওইনা অমসুং অরুবা ৱাখল খনবা মীওই অমা ওইনা মহাক শক্নাইরবা মীওই অমনি। ভারতকী মপান লৈবাক্কী থৌশিল অমসুং ভারতনা জি-২০ গী প্রসিদেন্ত ওইখিবদা মহাক্না লৌখিবা থৌদাং প্রধান মন্ত্রীনা থাগৎপা ফোঙদোকখি। প্রধান মন্ত্রীনা হায়খি মহাক রাজ্য সভাগী মেম্বর ওইনা হাপ্পা উবদা মহাক হরাওই অমসুং মহাক্কী লৌশিংনা সংসদতা মরৈ য়েৎনবদা য়াম্না কান্নগনি হায়বগী থাজবা থম্লি।
প্রধান মন্ত্রীনা হায়খি;
“শ্রী হর্স ভর্ধন শিঙ্গলা দিপ্লোমেত অমা ওইনা, পন্দিৎ অমা ওইনা অমসুং অরুবা ৱাখল খনবা মীওই অমা ওইনা তোপ-তোপ্পা অমনি। চহি কয়া, ভারতকী মপান লৈবাক্কী থৌশিলদা মহাক্না মরুওইবা থবক কয়া পাংথোকখি অমসুং ঐখোয়না জি-২০ গী প্রসিদেন্ত ওইবদসু মহাক্না থবক কয়া পাংথোকখি। মহাক ভারতকী রাষ্ট্রপতিনা রাজ্য সভাগী মেম্বর ওইনা হাপ্পদা হরাওই। মহাক্কী অখন্নবা মীৎয়েংশিংনা সংসদকী থবকশিং ফগৎহনগনি।
@harshvshringla”
Shri Harsh Vardhan Shringla Ji has excelled as a diplomat, intellectual and strategic thinker. Over the years, he’s made key contributions to India’s foreign policy and also contributed to our G20 Presidency. Glad that he’s been nominated to the Rajya Sabha by President of India.…
— Narendra Modi (@narendramodi) July 13, 2025
দোক্তর মিনাক্সি জেন রাজ্য সভাগী মেম্বর ওইনা হাপ্পদা, প্রধান মন্ত্রীনা হায়খি মসি য়াম্না হরাওবা অমনি। পন্দিৎ অমা ওইনা, থিজিল্লোয় অমা ওইনা অমসুং পুৱারি নৈনবা মীওই অমা ওইনা মহাক্কী মশক থোকপা থবকশিং প্রধান মন্ত্রীনা শিংথাখি অমসুং লাইরিক-লাইশু, সাহিত্য অমসুং পোলিতিকেল সাইন্সতা মহাক্না পাংথোকখিবা থবকশিং পনখি। রাজ্য সভাদা মহাক্কী মতম অদুগীদমক প্রধান মন্ত্রীনা য়াইফ পাউজেল পীখি।
প্রধান মন্ত্রীনা হায়খি;
“রাষ্ট্রপতি জিনা দোক্তর মিনাক্সি জেন রাজ্য সভাগী মেম্বর ওইনা হাপ্পদা য়াম্না হরাওই। মহাক মশামক পন্দিৎ অমা ওইনা, থিজিল্লোয় অমা ওইনা অমসুং পুৱারি নৈনবা মীওই অমা ওইনা শক্নাইরবা মীওইনি। লাইরিক-লাইশু, সাহিত্য অমসুং পোলিতিকেল সাইন্সগী লমদা মহাক্না পাংথোকখিবা থবকশিং শিংথানিঙাইনি। রাজ্য সভাদা মহাক্কী মতম অদুগীদমক প্রধান য়াইফ পাউজেল পীজরি।
@IndicMeenakshi”
It’s a matter of immense joy that Dr. Meenakshi Jain Ji has been nominated to the Rajya Sabha by Rashtrapati Ji. She has distinguished herself as a scholar, researcher and historian. Her work in the fields of education, literature, history and political science have enriched…
— Narendra Modi (@narendramodi) July 13, 2025
