খাংবা কনবনা অশেংবা লম্বীনি হায়বা সুনিতা ৱিলিয়মস অমসুং ক্রিয়ু-৯ এষ্ট্রোনোতশিংনা ঐখোয়দা অমুক হন্না উৎলে: প্রধান মন্ত্রী
মখোয় অশোই-অঙাম য়াওদনা পৃথিবীদা হল্লকপদা প্রধান মন্ত্রী শ্রী নরেন্দ্র মোদীনা ভারত্তগী হৌখিবা সুনিতা ৱিলিয়মস য়াওনা ক্রিয়ু-৯ এষ্ট্রোনোতশিং থাগৎপা ফোঙদোকখ্রে। ক্রিয়ু-৯ এষ্ট্রোনোতশিংগী থৌনা, অচেৎপা ফিরেপ অমসুং স্পেসতা থিজিনবগী লমদা পাংথোকখিবা থবকশিং প্রধান মন্ত্রীনা থাগৎপা ফোঙদোকখ্রে।
প্রধান মন্ত্রী মোদীনা হায়খি মদুদি স্পেসকী লমদা থিজিনবা অসি মীওইবনা পাংথোকপা ঙম্বা থবক্কী ৱাংমদা থবক তৌনবা হোৎনবনি, মঙলানশিং মায়োক্নবনি অমসুং মঙলানশিং মঙফাওন্নবা থৌনা লৈবনি। শক্নাইরবী অমা ওইরবী সুনিতা ৱিলিয়মসনা মহাক্কী শীনফমগী খুৎথাংদা থৌনা অসি খুদম ওইনা উৎলে।
এক্সতা পাউজেল অমদা, প্রধান মন্ত্রীনা হায়খি;
“ অমুক হন্না তরাম্না ওকচরি, #Crew9! পৃথিবী অসিনা অদোমগা উনখিদ্রে।
মখোয়গী মপান নাইদ্রবা থৌনা অমসুং মীওইবগী থৌনা লৈরি। খাংবা কনবা অসিনা অশেংবা পাম্বৈনি হায়বা সুনিতা ৱিলিয়মস অমসুং #Crew9 এষ্ট্রোনোতশিংনা ঐখোয়দা অমুক হন্না উৎলে। পাক-চাউরবা মশক খঙদ্রিবা মফম অসিদা মখোয়গী অচেৎপা ফিরেপ অসিনা মতম পুম্নমক্ত মিল্লিয়ন কয়া ইথিল পীরগনি।
স্পেসকী লমদা থিজিনবা অসি মীওইবনা পাংথোকপা ঙম্বা থবক্কী ৱাংমদা থবক তৌনবা হোৎনবনি, মঙলানশিং মায়োক্নবনি অমসুং মঙলানশিং মঙফাওন্নবা থৌনা লৈবনি। শক্নাইরবী অমা ওইরবী সুনিতা ৱিলিয়মসনা মহাক্কী শীনফমগী খুৎথাংদা থৌনা অসি খুদম ওইনা উৎলে।
মখোয় অশোই-অঙাম থোক্তনা হল্লক্নবা চোকথবা নাইদনা থবক তৌখিবশিংগীদমক ঐখোয়না চাউথোকচবা ফাওরি। য়াম্না চেকশিন্না থবক তৌবা অসিগা পামজবা অমসুং তেক্নোলোজিগা উনবা মাইপাকপা ঙম্মী হায়বা মখোয়না উৎলে।
@Astro_Suni
@NASA”
Welcome back, #Crew9! The Earth missed you.
— Narendra Modi (@narendramodi) March 19, 2025
Theirs has been a test of grit, courage and the boundless human spirit. Sunita Williams and the #Crew9 astronauts have once again shown us what perseverance truly means. Their unwavering determination in the face of the vast unknown… pic.twitter.com/FkgagekJ7C
