শক্নাইরবা ক্লাসিকেল শৈশকপা পন্দিৎ ছন্নুলাল মিশ্রা জি লৈখিদবদা ঙসি প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে, মহাক ভারতকী কলা অমসুং নাৎকী পুন্সি চুপ্পা কৎথোকখ্রবা মীওই অমনি হায়না শিংথাখি।
পন্দিৎ জি কাসিগী চৎনবীশিংদা চেৎনা মরা তাখ্রবা হিন্দুস্তানি ক্লাসিকেল ঈশৈগী স্কুল অমা ওইরিবা, বারানাস ঘারানাগী মশক থোকপা গুরুশিংগী মনুংদা অমনি। মহাক্কী ঈশৈশিংদা সহর অসিগী ঈশৈগী হেরিতেচগী মহাও অমা য়াওরি। মহাক্না কাসিদা মশিং থিঙমদ্রবা মহৈরোয় কয়া লমজিংখি, সহর অসিগী ঈশৈগী চৎনবীশিং ঙাক-শেনখি অমসুং মথং মথং থংথখি, বারানসীদা মহাক্কী য়ুম তম্নবা, কৎথোক্নবা অমসুং কলাগী মতোল লোম্নবা মফম অমা ওইহনখি।
পন্দিৎ জিগা মহাক্কা লোয়নখিবা অদু নিংশিংলদুনা, প্রধান মন্ত্রীনা হায়খি বারানাসী কেন্দ্রদগী মহাক্না ২০১৪ দা লোক সভা মীখল থেংনবা মতমদা পন্দিৎ জিনা মহাক্কী প্রোপোজর ওইদুনা মহাক্কী থৌজাল অমসুং মতেং ফংখি, সহর অসিদা অমসুং মসিগী পুৱারিদা মহাক্না অচেৎপা থাজবা থম্বগী খুদম অমনি।
শ্রী মোদীনা য়াম্না তোইনা পন্দিৎ জিগী মীনুংশি অমসুং থৌজালশিংগী মরমদা ফোঙদোকখি, মখোয় মহাক মশাগী লাইবক ফবনি হায়না ফোঙদোকখি। মখোয়গী মরী অদুদা ভারতকী ক্লাসিকেলগী চৎনবীশিং, অধ্যতিক্কী থবক অমসুং নাৎকী অওনবা পুরকপা ঙম্বা শক্তিগী মরমদা মমি তাখি।
ভারতকী ক্লাসিকেল ঈশৈদা মহাক্না পাংথোকখিবা মশক থোকপা থবকশিংগীদমক হৌজিক পাল্লিবা সরকার অসিনা ২০২০ দা পন্দিৎ ছন্নুলাল মিশ্রা জিদা ভারতকী খ্বাইদগী ৱাংবা ইকায়খুম্নবা পদ্ম বিভুসন পীদুনা ইকায়খুম্নবা উৎখ্রে।
প্রধান মন্ত্রীনা হায়খি পন্দিৎ জিনা ম্যুজিসিয়ানশিং, কলাকারশিং অমসুং নাৎ পামজবশিংদা মখা তানা ইথিল পীগনি।
এক্সতা প্রধান মন্ত্রীনা হায়খি;
“শক্নাইরবা ক্লাসিকেল শৈশকপা পন্দিৎ ছন্নুলাল মিশ্রা জি লৈখিদবদা ঐ অৱাবা ফাওহল্লে। ভারতকী কলা অমসুং নাৎ চাউখৎনবা মহাক্না মহাক্কী পুন্সি কৎথোকখি। মহাক্না ক্লাসিকেল ঈশৈ মীয়ামদা য়ৌহনবা খক নত্তনা ভারতকী চৎনবীশিং মালেমগী ফম্বাক্ত পুখৎনবা মমল নাইদ্রবা থবক কয়া পাংথোকখি। ঐনা মতম পুম্নমক্ত মহাক্কী মীনুংশি অমসুং থৌজাল ফংখি। ২০১৪ দা, মহাক্না বারানসী সিত্ত ঐগী প্রোপোজর ওইখি। অৱাবা তানফম অসিদা মহাক্কী ইমুং-মনুং অমসুং মহাক নুংশিজবশিংগী অৱাবদা ঐনা শরুক য়াজরি। ঔম শান্তি”।
सुप्रसिद्ध शास्त्रीय गायक पंडित छन्नूलाल मिश्र जी के निधन से अत्यंत दुख हुआ है। वे जीवनपर्यंत भारतीय कला और संस्कृति की समृद्धि के लिए समर्पित रहे। उन्होंने शास्त्रीय संगीत को जन-जन तक पहुंचाने के साथ ही भारतीय परंपरा को विश्व पटल पर प्रतिष्ठित करने में भी अपना अमूल्य योगदान… pic.twitter.com/tw8jb5iXu7
— Narendra Modi (@narendramodi) October 2, 2025
