প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা নিতি আয়োগকী ৬শুবা গবর্নিং কাউন্সিল মীফম হৌদোকপগী ৱারোল ওইনা ৱা ঙাংখ্রে।
থৌরম অসিদা মহাক্কী ৱাফম থমখিবা ওইনা, প্রধান মন্ত্রীনা লৈবাক অসিনা চাউখৎলিবা অসি কো-ওপরেতিব ফেদেরেলিজমদা য়ুম্ফম ওইরগনি অমসুং ঙসিগী মীফম অসিগী পান্দম অসিনা মসিগী মতাংদা ৱা খন্নদুনা মসিবু ৱাহন্থোক হেন্না লৈহন্দুনা কম্পিতিতিব ওপরেতিব ফেদেরেলিজমগী মাইকৈদা চঙশিনবনি হায়খি। কোরোনাগী লাইচৎ মনুংদা কেন্দ্র অমসুং রাজ্য সরকারনা পুন্না থবক তৌমিন্নখিবা অদুদা লৈবাক অসিনা মাই পাকখি হায়না মহাক্না ফোংদোকখি। লৈবাক অসিগী খ্বাইদগী হান্না তৌগদবশিং মশক খঙলবা মতুংদা ঙসিগী মীফম অসিদা খন্ন-নৈনগদবা হীরমশিং খনগৎখিবনি হায়না মহাক্না হায়খি।
প্রধান মন্ত্রীনা হায়খিবদা, লায়রবা খুদিংগী ওইনা পক্কাগী য়ুম্থক পীবগী কেম্পেন অসি হৌজিক চত্থরি হায়খি। ইং ২০১৪ ফাওবদা, শহর অমসুং খুঙ্গং পুল্লগা য়ুম করোর ২গা লাখ ৪০ শাবা লোইশিনখ্রে। জল জীবন মিসন হৌদোকখিবগী থা ১৮গী মনুংদা খুঙ্গংগী ইমুং-মনুং লাখ ৩.৫দা থক্নবা তোতিগী ঈশিং ফংহনখি হায়না মহাক্না হায়খি। খুঙ্গংশিংদা ইন্তর্নেৎ ফংহনবগী ভারত নেৎ স্কিম অসিনা অচৌবা অহোংবা অমা পুরকপগী পাম্বৈ ওইরি হায়না মহাক্না মখা তানা পনখি। অসিগুম্বা স্কিমশিং অসিদা কেন্দ্র অমসুং রাজ্য সরকারনা পুন্না থবক তৌমিন্নরকপা মতমদা মসিগী থবকশিংগী খোঙজেলসু হেনগৎলক্কনি অমসুং মসিগী কান্নবা অসিসু মীপুম খুদিংদা য়ৌহনবা ঙমগনি।
প্রধান মন্ত্রীনা হন্দক্কী চহিগী বজেৎ অসিদা মীয়াম্না পাম্নখিবগী মওংশিং অসিদগী লৈবাক অসিনা করি ফাওরি হায়বা তাক্লে হায়খি। লৈবাক অসিনা ৱারেপ লৌরে অমসুং লৈবাক অসিনা খোঙজেল য়াঙনা তুং লমচৎকীদমক্তা চৎনিংই, লৈবাক অসিনা হৌজিক মতম মাংহন্নিংদ্রে। ঐখোয়গী লৈবাক্কী প্রাইভেৎ সেক্তর অসিনা চাউখৎপগী খোঙচৎ অসিদা থৱাই য়াওবগা লোয়ননা চোংথোরক্লিবা অসিসু ঐখোয়না উবা ফংলে হায়না মহাক্না হায়খি। মসিগী থৱাই য়াওরিবা মওং অমসুং প্রাইভেৎ সেক্তরগী অনিংবা-অপাম্বা অসিসু সরকার অমা ওইনা পুক্নিং থৌগৎফম থোকই অমসুং মখোয়দা আত্মানির্ভর ভারত অভিয়ানগীদমক্তা পীফম থোকপা খুদোংচাবা খুদিংমকসু পীগনি হায়নসু মহাক্না হায়খি। আত্মানির্ভর ভারত অভিয়ান অসি ভারতপু চাউখৎহনবগী থৌওং মখল অমনি, মসিদা ঐখোয়গী তঙাই ফদবশিং খক্তা নত্তনা মালেমগী ওইনসু পোত্থোক পুথোকপদা তেংবাংগনি অমসুং মসিগী পোত্থোকশিং অসিনা মালেমগী থাক্তা য়ৌবা ঙম্লে হায়বগীসু খুদম ওইগনি হায়নসু মহাক্না মখা তানা পনখি।
ঐখোয়গী নহা ওইরিবা লৈবাক অসিগী অপাম্বা অসিবু খন্দুনা ভারত্তা মতমগা চান্নবা ইনফ্রাস্ত্রাকচর শাগদবনি হায়না প্রধান মন্ত্রীনা ফোংদোকখি। অনৌবা থৌওং পাংথোকপদা পুক্নিং থৌগৎকদবনি অমসুং এজুকেসন অমসুং স্কিলগীদমক্তা হেন্না ফবা খুদোংচাবা ফংহন্নবগীদমক্তা তেক্নোলোজী শিজিন্নবসু হেনগদবনি। ঐখোয়গী কারবার, এম.এস.এম.ই. অমসুং স্তার্ত-অপশিংবুসু হেন্না মপাঙ্গল কনখৎহনবগী তঙাই ফদবা লৈরিবা অসিদসু ম্মহাক্না মিৎইয়েং চঙখি। লৈবাক অসিগী জিলা কয়াগী পোত্থোকশিংবু মখোয়গী অখন্নবা মগুনশিংগীদমক্তা য়েংদুনা মশক খনগদোক্তুনা খনগৎপা অসিনা মখোয়বু হেন্না খুমাং চাউশিনহল্লি অমসুং মসিনা রাজ্যশিংগী মরক্তা অফবা মওংদা চাংয়েংনবগী থৌওংসু লৈহল্লে হায়না মহাক্না হায়খি। মহাক্না থৌওং অসিবু ব্লোক্কী থাক্তা পাংথোক্তুনা রাজ্যগী রিসোর্সকী অয়ৌবী কান্নবা লৌদুনা রাজ্যশিংদগী মীরমদা পোত্থোক থাদোকপদসু হেনগৎহন্নবা হায়খি। কেন্দ্র অমসুং রাজ্যগী মরক্তা হান্নদগী হেন্না নীংথিজনা থবক তৌমিন্নবগী মরু ওইবা অমসুং পোলিসী ফ্রেমৱর্ক অমা লৈবগী মতাংদসু মহাক্না মিৎয়েং চঙখি।
লৈবাক অসিদা পোত্থোক পুথোকপগী চাং হেনগৎহন্নবা অফবা খুদোংচাবা কয়া পীনবগীদমক্তা তোঙান-তোঙানবা সেক্তরশিংগী পি.এল.আই. স্কিম কয়া অমা কেন্দ্র সরকারনা হৌদোকখ্রে হায়না প্রধান মন্ত্রীনা ফোংদোকখি। মহাক্না রাজ্যশিংনসু মসিগী স্কিমশিং অসিগী খুদোংচাবা কয়া লৌদুনা মখোয়গী মফমশিংদা য়ারিবমখৈ শেল-থাবশিংগী পুক্নিং চীংশিন্নবা অমসুং কোর্পোরেৎ তেক্স হন্থখ্রিবা অসিগী খুদোংচাবা লৌনবা হোৎনৌ হায়খি।
হন্দক্কী বজেৎ অসিদা ইনফ্রাস্ত্রকচরগী ওইনা কায়থখ্রিবা শেনফমশিংগী মতাংদা পল্লদুনা, প্রধান মন্ত্রীনা থৌওং অসিনা লৈবাক অসিগী শেন্মিৎলোনবু থাক কয়া অমদা চাউখৎপদা তেংবাংগনি হায়খি। মহাক্না রাজ্যশিংনা মরোমদোম লেপচবা ঙম্বা অমসুং মখোয়গী বজেত্তা চাউখৎপগী হীরমদা মিৎয়েং চঙবগী মরু ওইবগী মতাংদা মিৎয়েং চঙখি। ১৫শুবা ফাইনান্স কম্মিসন্দা লোকেল বোদীশিংগী শেন্মিৎলোনগী রিসোর্সশিংদা য়াম্না চাউনা হেনগৎলগনি হায়নসু মহাক্না লাউথোকখি। মফম-মফমগী লৈঙাকপগী থৌওংশিংদা শেমদোকপা পুরকপদা তেক্নোলোজী খক্তা নত্তনা মীয়াম্না শরুক য়াবসু য়াম্না মরু ওইগনি হায়না মহাক্না ফোংদোকখি।
ঐখোয়গী লৌমীশিংদা পীগদবা লুপা করোর ৬৫০০০গী চাউরাকপা শেনফম অমদি চানবা থাউবু মীরমদগী লৈবদা ওইনা শিজিন্নরি হায়না প্রধান মন্ত্রীনা হায়খি। মসিগা মান্নবা অমা ওইনা, ঐখোয়গী লৈবাক অসিদা পুথোকচবতা নত্তনা মীরমদসু থাদোকপা য়াবা লৌউ-শিংউগী পোত্থোক কয়া অমা লৈ হায়নসু মহাক্না ফোংদোকখি। মসিগীদমক্তা, রাজ্যশিংনা মখোয়গী এগ্রো-ক্লাইমেতিক রিজনেল প্লান্নিংগী থৌরাং য়াৎপগী তঙাই ফদবা লৈ। ঐখোয়না লৌউ-শিংউ, শা-য়েন লোইবা অমসুং ঙা য়োকপা ফাওবগী ওইনা চহি কয়াদগী হায়রিবা অপুনবা হীরমশিংগী থৌরাং য়াৎপগী থৌওং শিজিন্নদুনা লাক্লি হায়না মহাক্না হায়খি। মসিগী মহৈ অমা ওইনা কোরোনাগী মতমদা ফাওবা লৌউ-শিংউগী পোত্থোক মীরমদা থাদোকপগী চাং য়াম্না হেনগৎপা ঙমখ্রিবনি।
প্রধান মন্ত্রীনা লৌউ-শিংউগী পোত্থোকশিং থম্নবা অমসুং প্রোসেস তৌদুনা মখোয়বু মাংহন্দনবা থৌওংদা মিৎয়েং চঙনবা ৱাফম থমখি। ঐখোয়গী শেন্দোং হেনগৎহন্নবগীদমক্তা অহিংবা চিঞ্জাক্কী মহুত্তা প্রোসেস তৌরবা চিঞ্জাক ওইনা মীরমদা থাদোকপগী তঙাই ফদবগী মতাংদসু মহাক্না মিৎয়েং চঙখি। তঙাই ফদবা ইকোনোমিক রিসোর্স ফংনবগীদমক্তা, হেন্না ফবা ইনফ্রাস্ত্রকচর অমসুং মতমগা চান্নবা তেক্নোলোজীগীদমক্তা ঐখোয়গী লৌমীশিংগী ওইনা শেমদোকপগী থৌওংশিং অসি য়াম্না মরু ওইবনি হায়না মহাক্না ফোংদোকখি।
প্রধান মন্ত্রীনা হায়খিবদা, ঐখোয়গী নহাশিংনা মফম অমা হেক্তদগী থবক তৌবদা খুদোংচাবা লৈহন্নবা হন্দক্তা ও.এস.পি.গী কাঙলোন্দা শেমদোকখ্রে অমসুং ঐখোয়গী তেক সেক্তরনা মসিদগী কান্নবা য়াম্না ফংখি হায়না ফোংদোকখি। হান্না লৈরম্বা অথিংবা কয়া অমা লৈহন্দ্রে। জিওস্পেসিএল দেতাসু হন্দক্তা লিবেরেলাইজ তৌখ্রে। মসিনা ঐখোয়গী স্তার্ত-অপ অমসুং তেক সেক্তরশিংবু তেংবাংদুনা মীচম অমগী পুন্সি মহিংদসু য়াম্না নুংঙাইহল্লগনি।
हमने कोरोना कालखंड में देखा है कि कैसे जब राज्य और केंद्र सरकार ने मिलकर काम किया, देश सफल हुआ: PM @narendramodi
— PMO India (@PMOIndia) February 20, 2021
इस वर्ष के बजट पर जिस तरह का positive response आया है, उसने जता दिया है कि mood of the nation क्या है।
— PMO India (@PMOIndia) February 20, 2021
देश मन बना चुका है।
देश तेजी से आगे बढ़ना चाहता है, देश अब समय नहीं गंवाना चाहता है: PM @narendramodi
हम ये भी देख रहे हैं कि कैसे देश का प्राइवेट सेक्टर, देश की इस विकास यात्रा में और ज्यादा उत्साह से आगे आ रहा है।
— PMO India (@PMOIndia) February 20, 2021
सरकार के नाते हमें इस उत्साह का, प्राइवेट सेक्टर की ऊर्जा का सम्मान भी करना है और उसे आत्मनिर्भर भारत अभियान में उतना ही अवसर भी देना है: PM @narendramodi
आत्मनिर्भर भारत अभियान, एक ऐसे भारत का निर्माण का मार्ग है जो न केवल अपनी आवश्यकताओं के लिए बल्कि विश्व के लिए भी उत्पादन करे और ये उत्पादन विश्व श्रेष्ठता की कसौटी पर भी खरा उतरे: PM @narendramodi
— PMO India (@PMOIndia) February 20, 2021
केंद्र सरकार ने विभिन्न सेक्टर्स के लिए PLI schemes शुरू की हैं।
— PMO India (@PMOIndia) February 20, 2021
ये देश में मैन्यूफैक्चरिंग बढ़ाने का बेहतरीन अवसर है।
राज्यों को भी इस स्कीम का पूरा लाभ लेते हुए अपने यहां ज्यादा से ज्यादा निवेश आकर्षित करना चाहिए: PM
बीते वर्षों में कृषि से लेकर, पशुपालन और मत्स्यपालन तक एक holistic approach अपनाई गई है।
— PMO India (@PMOIndia) February 20, 2021
इसका परिणाम है कि कोरोना के दौर में भी देश के कृषि निर्यात में काफी बढोतरी हुई है: PM @narendramodi
