Share
 
Comments
পি.এম.না ওফিসিএলশিংদা মীয়ামবু শাফগদবা মফমদা পুথোকখিনবা লৌখৎফম থোকপা থৌরাং খুদিংমক লৌখৎনবা ৱাফম থমখ্রে
ইসেন্সিএল সর্ভিসশিং নীংথিনবা থম্নবা অমদি য়ারক্তবা য়াওরকপদা থুনা শেমজিন্নবা শিল্লু: পি.এম.
মন্ত্রালয় অমসুং এজেন্সী পুম্নমক্না খুৎশম্নদুনা সাইক্লোনগী শাফম থেংননবা ইচং থৌনা হোৎনরি
এন.দি.আর.এফ.না ডি, উ কক্নবা খুৎলায়, তেলিকোম ইকুইপমেন্তনচিংবা য়াওরবা কাঙবু ২৯ মফম মফমশিংদা থমখ্রে; কাঙবু ৩৩ অমগসু স্তেন্দবাইদা থম্লি
ইন্দিয়ন কোস্ত গার্দ অমসুং নেভীনা তেংবাং, থিনবা অমদি পুন্সি কন্নবা থবক থৌওংশিংগীদমক জহাজ অমসুং হেলিকোপ্তরশিং থাজিনখ্রে
এয়র ফোর্স অমসুং আর্মীগী ইঞ্জিনিয়র তাস্ক ফোর্স থাজিন্নবা শেম শাদুনা থম্লি
নোংপোক থংবা সমুদ্র খোঙবান পরিংদা দিজাস্তর রিলিফ কাঙবু অমসুং মেদিকেল কাঙবু শেম শাদুনা লৈরে

প্রধান মন্ত্রী শ্রী নরেন্দ্র মোদীনা সাইক্লোন জৱার লাকপা য়াবগী ফীভমসিনা ওইহল্লক্কদবা খুদোংথিবশিং থেংননবা স্তেতশিং, কেন্দ্রগী মন্ত্রালয়শিং এজেন্সিশিংনা শেম শারিবশিং য়েংশিন্নবা অৱাংবা থাক্কী মীফম অমা ঙসি পাঙথোকখ্রে‍।

মীয়ামবু শাফগদবা মফমদা পুথোক্নবা অমদি মৈ, ঈ-পাউ ফাওননবা পাম্বৈ, হকশেল, থক্নবা ঈশিংনচিংবা ইসেন্সিএল সর্ভিসশিং মথৌ তৌহন্নবা অমসুং করিগুম্বা য়ারক্তবা য়াওরকপা মতমদা খুৎলৈ থুনা শেমজিন্নবা লৌখৎফম থোকপা থৌরাং খুদিংমক লৌখৎনবা প্রধান মন্ত্রীনা ওফিসিএলশিংদা হায়খি‍। মথৌ তাগদবা হিদাক লাংথকশিং অমসুং সপ্লাইশিং মরাং কায়না থমজিন্নবা অমদি অপনবা লৈতনা পুথোক পুশিন য়ানবা থৌরাং লৌখৎৎনবসু মহাক্না হায়খি‍। কন্ত্রোল রুমশিং পুং ২৪ চুম্না মথৌ তৌনবা ৱাফমসু মহাক্না থমখি‍।

ইন্দিয়ন মেতিওরোলোজিকেল দিপার্তমেন্ত (আই.এম.দি.)না বে ওফ বেঙ্গলদা লৈরিবা অনেমবা প্রেসরগী মফম অসিনা কনশিল্লক্তুনা সাইক্লোন জৱার ওল্লকপা য়াই অমদি অৱাংথংবা অন্ধ্র প্রদেশ-ওরিসাগী সমুদ্র খোঙবানগী মফমশিংদা থাংজ নুমিৎ দিসেম্বর ৪, ২০২১গী অয়ুক্তা পুংদা কিলোমিতর ১০০ ফাওবগী চাংদা শিৎপা নুংশিৎকা লোয়ননা য়ৌরক্লবা য়াই হায়না পানরি হায়বা ৱাফম থমখি‍। মসিনা অন্ধ্র প্রদেশ, ওরিসা অমসুং ৱেস্ত বেঙ্গলগী সমুদ্র খোঙবালগী দিস্ত্রিক্তশিংদা অকনবা নোংজু চুহল্লবা য়াই‍। মরী লৈনবা স্তেতশিংদা আই.এম.দি.না খ্বাইদগী নৌবা ফোর্কাস্তকা লোয়ননা চাং নাইনা ঈ-পাউ পীরি‍।

কেবিনেত সেক্রেতরীনা ওইরিবা ফীভম অমসুং শেম শারিবশিং সমুদ্র খোঙবানগী স্তেতশিংগী চীফ সেক্রেতরীশিং অমসুং কেন্দ্রগী মন্ত্রালয়/এজেন্সীশিংগা লোয়ননা য়েংশিনখি‍।

হোম এফ্যার্স মন্ত্রালয়না ফীভম অসি পুং ২৪ চুপ্না য়েংশিল্লি অমদি স্তেত /য়ু.তি. লৈঙাকশিং অমসুং কেন্দ্রগী এজেন্সীশিংগা লেপ্তনা পাউ ফাওনরি‍। এম.ঐচ.এ.না এস.দি.আর.এফ.কী অহানবা ইন্সতোলমেন্ত স্তেত পুম্নমক্তা মাঙজৌননবা থাদোকখ্রে‍। এন.দি.আর.এফ.না ডি, উ কক্নবা খুৎলায়, তেলিকোম ইকুইপমেন্তনচিংবা য়াওরবা কাঙবু ২৯ স্তেতশিংদুগী তোঙান তোঙানবা মফম মফমশিংদা থমখ্রে; কাঙবু ৩৩ অমগসু স্তেন্দবাইদা থম্লি‍।

ইন্দিয়ন কোস্ত গার্দ অমসুং নেভীনা তেংবাং পীনবা, মাঙখিবা থিনবা অমদি পুন্সি কন্নবা থবক থৌওংশিংগীদমক জহাজ অমসুং হেলিকোপ্তরশিং থাজিনখ্রে‍। এয়র ফোর্স অমসুং আর্মীগী ইঞ্জিনিয়র তাস্ক ফোর্স হি অমসুং খুৎশু খুৎলায়শিংগা লোয়ননা থাজিন্নবা শেম শাদুনা থম্লি‍। সর্ভিলেন্স এয়রক্রাফ্ত অমসুং হেলিকোপ্তরশিংনা সমুদ্র খোঙবান পরিংদা নোংথক্তগী য়েংশিল্লি‍। নোংপোকথংবা সমুদ্র খোঙবান পরিংদা দিজাস্তর রিলিফ কাঙবু অমসুং অনা লায়েংগী কাঙবু শেম শাদুনা লৈরি‍।

পৱার মন্ত্রালয়না ইমর্জেন্সী রেসপোন্স সিস্তেম এক্তিভেত তৌখ্রে অমদি মৈ খুদক্তা ফংহন্নবা ত্রান্সফোর্মর, দি.জি. সেত অমসুং খুৎশু-খুৎলায়নচিংবা শেম শাদুনা থম্লে‍। কম্ম্যুনিকেসন মন্ত্রালয়না তেলিকোম তৱার অমসুং এক্সচেঞ্জ খুদিংমক লেপ্তনা য়েংশিল্লি অমদি তেলিকোম নেতৱর্ক য়ারক্তবদা শেম্ননবা ফীভম চপ চানা শেমদুনা লৈরে‍। হকশেল অমসুং য়াইফ য়ুম্বাল মন্ত্রালয়না শোকহল্লবা য়াই হায়না পানরিবা স্তেতশিংদা হকশেলগী সেক্তরদা অমদি শোকহল্লবা মফমশিংদা কোবিদ থেংননবা ফীভমশিং শেম শাদুনা থম্নবা পাউতাক পীখ্রে‍।

হিথাংফম, সিপ্পিং অমসুং ঈশিং লম্বী মন্ত্রালয়না সিপ্পিং ভেসেল পুম্নমক শাফনা থক্নবা চেকশিন থৌরাং লৌখৎলে অমদি ইমর্জেন্সী ভেসেলশিং থাজিনখ্রে‍। স্তেতশিংদা সমুদ্র খোঙবান পরিংদা লৈবা কেমিকেল অমসুং পেত্রোকেমিকেলনচিংবগী ইন্দস্ত্রিএল এস্তাব্লিসমেন্তশিংদা চেকশিনৱা থম্নবা পাউতাকসু পীখি‍।

শোকহল্লবা য়াবা মফমশিংদগী মীয়াম পুথোরক্নবগীদমক এন.দি.আর.এফ.ঊনা স্তেতকী এজেন্সীশিংদা মতেং পাংলি অমদি সাক্লোন লাকপা মতমদা কমদৌনা থেংনগনি হায়বা মীয়ামদা ৱাখল তাহনবগী থৌওংশিংসু লেপ্তনা চত্থরি‍।

মীফম অদুদা প্রিন্সিপাল সেক্রতরী তু পি.এম., কেবিনেত সেক্রেতরী, হোম সেক্রেতরী, দি.জি. এন.দি.আর.এফ. অমসুং দি.জি. আই.এম.দি.সু শরুক য়াখি‍।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
পি.এম.না ‘পরিক্সা পে চর্চা ২০২২’গীদমক্তা শরুক য়ানবগীদমক্তা চেবাউ পীরকখ্রে
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Corporate tax cuts do boost investments

Media Coverage

Corporate tax cuts do boost investments
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 জনুৱারী, 2022
January 25, 2022
Share
 
Comments

Economic reforms under the leadership of PM Modi bear fruit as a study shows corporate tax cuts implemented in September 2019 resulted in an economically meaningful increase in investments.

India appreciates the government initiatives and shows trust in the process.