প্রধান মন্ত্রী শ্রী নরেন্দ্র মোদীনা ঙসি লোক কল্যান মার্গ ৭তা তোঙান তোঙানবা মন্ত্রালয়শিং/দিপার্তমেন্তশিংনা লৌখৎলিবা খোঙথাংশিং য়েংশিন্নবা কেবিনেৎ কম্মিতী ওন সেক্যুরিতী (সি.সি.এস.) গী অখন্নবা মীফম অমদা ময়াই তাংবল লৌখ্রে। মসিনা হায়রিবা হীরম অসিগী মতাংদা অখন্নবা সি.সি.এস. মীফমনি।
কেবিনেৎ সেক্রেতরীনা পেত্রোলিয়ম প্রদক্তশিং, মরু ওইনা এল.এন.জি./এল.পি.জি.গী সপ্লাই অমসুং মতিক চাবা পাৱর ফংহন্নবা লৌখৎলিবা খোঙথাংশিংগী মতাংদা পাউদমখি। তোঙান-তোঙানবা লৈবাকশিংদগী অনৌবা ইনফ্লোশিং লাকপগা লোয়ননা এল.পি.জি.গী প্রোক্যুর্মেন্তগীদমক সোর্সশিং দাইভর্সিফাইদ তৌখ্রে। মসিগা মান্ননা, লিক্বিফাইদ নেচরেল গ্যাস (এল.এন.জি.) অসি তোঙান তোঙানবা লৈবাকশিংদগী ফংলি। মহাক্না মখা তানা হায়খি মদুদি দোমেস্তিক কঞ্জ্যুমরশিংগীদমক এল.পি.জি.গী মমল অসি হান্নগুম লৈরি অমসুং এল.পি.জি.গী হোর্দিং অমসুং ব্লেক মার্কেতিং থিংনবা এন্তি-দাইভর্সন এনফোর্সমেন্ত চাং নাইনা পাংথোক্লি।
পাইপলাইন নেচরেল গ্যাস কনেক্সনশিং পাকথোক চাউথোকহন্নবা থৌরাংসু লৌখৎলি। গ্যাস পুলিং মেকানিজমদগী ৭-৮ গিগাৱাৎকী কেপাসিতি ওইবগা লোয়ননা গ্যাস বেজ পাৱর প্লান্তশিং একজেম্প তৌবা অমসুং থর্মেল পৱার স্তেসনশিংদা থাও হেন্না থম্নবগীদমক রেক হেনগৎহনবা অসিনচিংবা খোঙথাংশিংসু পীক সমরগী থাদা পাৱর ফংহন্নবা লৌখৎলি।
মখা তানা, লৌউ-শিংউ, সিভিল এভিএসন, শিপ্পিং অমসুং লোজিস্তিক্সকুম্বা তোঙান-তোঙানবা সেক্তরশিংদা থোক্লক্লিবা শীংনবশিং থেংননবা খন্ন-নৈনখিবা থৌরাংশিং অদুসু খন্নখি।
মথৌ তাবশিং ফংহন্নবা য়ুরিয়া পুথোকপা লেপহন্নবা, দি.এ.পি./এন.পি.কে.এস. সপ্লাইয়রশিংগীদমক মপানগী সপ্লাইশিংগা কোওর্দিনেৎ তৌদুনা হারগী সপ্লাই লৈহন্নবা তোঙান তোঙানবা থবক কয়া পায়খৎলি। রাজ্য সরকারশিংদা নুমিৎ খুদিংগী য়েংশিনবা, রেদ তৌবা অমসুং অকনবা থবকশিং পায়খৎতুনা ব্লেক মার্কেতিং, হোর্দিং অমসুং ফর্তিলিতরশিং থাদোকপা থিংনবা হায়রি।
হৌখিবা থা অমা অসিদা চিঞ্জাক্কী পোৎলমশিংগী রিতেল মমল লেংদনা লৈরি। মমল অমসুং তঙাই ফদবা পোৎলমশিংগী এক্তকী চৎন-কাঙলোনগী মতাংদা রাজ্যশিং/য়ু.তি.শিংগা লোয়ননা লেপ্পা লৈতনা য়েংশিনবা অমসুং ৱারী শানবগীদমক কন্ত্রোল রুমশিং লিংখৎখ্রে। লৌউ-শিংউগী পোত্থোকশিং, মনা-মশিং অমসুং মহৈ-মরোংশিংগী মমলসু য়েংশিল্লি।
ইনর্জী, হার অমসুং অতোপ্পা সপ্লাই চেনশিংগীদমক্তা ঐখোয়গী সোর্সশিং মালেমগী থাক্তা দাইভর্সিদাই তৌনবা হোৎনরি অমসুং স্ত্রেত ওফ হোর্মজকী থোংদা জহাজশিংবু শাফনা চৎহন্নবা ইন্তর্নেস্নেল ইনিসিয়েতিবশিং অমসুং দিপ্লোমেতিক ইন্সতোলমেন্তশিং পায়খৎলি।
হেন্না ফবা কোওর্দিনেসন, রিএল-তাইম কম্ম্যুনিকেসন, অমসুং ইফেক্তিব ওইবা ই-পাউ শন্দোকপা অমসুং মীয়ামদা খঙহনবা ঙম্নবা কেন্দ্র, রাজ্য অমসুং দিস্ত্রিক্তকী থাক্তা প্রোএক্তিব ওইবা খোঙথাংশিং লৌখৎলি।
প্রধান মন্ত্রীনা মীচম প্রজাগীদমক মথৌ তাবা মরুওইবা পোৎলমশিং ফংহনবা ঙম্বগী চাং য়েংশিনখি। মহাক্না লৈবাক অসিদা হারশিংগী লৈরিবা চাংগী মতাংদা খন্ন-নৈনখি অমসুং খরিফ অমসুং রবি সিজনশিংদা ফর্তিলাইজরশিং লৈহন্নবা লৌখৎলিবা খোঙথাংশিংগী মতাংদা খন্নখি। মহাক্না হায়খি মদুদি খুদোংচাদবা অসিদগী নাগরিকশিংবু ঙাকথোক্নবা হোৎনগদবনি। প্রধান মন্ত্রীনা মীয়ামদা অরানবা পাউ অমসুং তোকঙা শন্দোকপা থিংনবা অচুম্বা পাউ মরাং কায়না ফংহনবদা মরুওইবা পীখি।
প্রধান মন্ত্রীনা মরী লৈনবা দিপার্তমেন্ত পুম্নমক্তা হৌজিক মালেমগী ওইনা ওইরক্লিবা ফীভম অসিনা শোকহল্লবা নাগরিকশিং অমসুং সেক্তরশিংগী সমস্যাশিং কোকহন্নবা লৌখৎপা য়াবা থৌরাং খুদিংমক লৌখৎনবা খঙহনখি।
Chaired a meeting of the Cabinet Committee on Security (CCS). Reviewed the steps being taken by various Ministries and Departments in the wake of the ongoing West Asia conflict and also discussed the next set of initiatives to be taken. Aspects relating to sectors like energy,… pic.twitter.com/vb0UluPbtu
— Narendra Modi (@narendramodi) April 1, 2026
