ঙসি প্রধান মন্ত্রী শ্রী নরেন্দ্র মোদীনা গুজরাতকী গান্ধীনগরদা মহাত্মা মন্দিরদা সেমিকোনইন্দিয়া ২০২৩ হৌদোকখ্রে। মীফম অসিগী পান্দমদি ‘ ভারতকী সেমিকন্দক্তরগী থবকশিং ফগৎহনবা’ হায়বনি। ভারত অসি সেমিকন্দক্তর দিজাইন, মেনুফেকচরিং অমসুং তেক্নোলোজিগী মফম অমা ওইহন্নবা ভারতনা সেমিকন্দক্তরগী লাল্লোং অমসুং থৌশিল শেম্লিবা অদু থৌরম অসিদা উৎকনি।
থৌরম অদুদা উদোগকী লুচিংবশিংনা মখোয়গী ওইবা ৱাখল্লোনশিং ফোঙদোকখি। সেমিগী প্রসিদেন্ত অমসুং সি.ই.ও শ্রী অজিৎ মিনোচানা হায়খি অহানবা ওইনা ভারতকী পুৱারি, মালেমগী রাজনিতি, লৈবাক মনুংগী রাজনিতি অমসুং অরোনবশিং অসিনা ভারত অসি সেমিকন্দক্তর পুথোকপা লৈবাক অমা ওইনবা ভারতকী খুদোংচাবা অমা ওইরে। মাইক্রোন্না ভারত্তা শেন থাদরকপা অসিনা ভারত্তা পুৱারি অমা শেম্লে অমসুং মসি অতোপ্পশিংন তুংইল্লক্নবগী ফিবম অমা শেম্লগনি। লুচিংবনা সেমিকন্দক্তরগী থবকশিং খঙবদগী হৌজিক ওইরিবা ফিবম অসি অহোংবা পুরকপনি। এসিয়াদা ভারতনা সেমিকন্দক্তরগী মথংগী পৱারহাওস ওইরগনি।
হন্দক হ্বাইদ হাওসতা প্রধান মন্ত্রী শ্রী নরেন্দ্র মোদীগা উনখিবা অদু মার্ক পেপরমাস্তর, ই.ভি.পি অমসুং সি.তি.ও এ.এম.দিগা উনখিবা অদু নিংশিংখি। মহাক্না হায়খি মথং চহি ৬দা এ.এম.দিনা চাউরাক্না দোল্লর মিল্লিয়ন ৪০০ রোম থাদগনি। এ.এম.দিনা মসিগী রিছার্স অমসুং দিবলপমেন্তগী থবক ফগৎহনগনি। বেঙ্গালুরুদা ঐখোয়গী খ্বাইদগী চাউবা দিজাইন সেন্তর ঐখোয়না শারগনি।
সেমিকন্দক্তর প্রদক গ্রুপ এপ্লাইদ মেতরিয়েলগী প্রসিদেন্ত দোক্তর প্রভু রাজানা হায়খি প্রধান মন্ত্রী মোদীগী অচেৎপা পান্দমগা লোয়ননা সেমিকন্দক্তর ইন্দস্ত্রিদা মরুওইবা থৌদাং অমা লৌনবা ভারতনা থৌরাং তৌরি। হৌজিক অসি ভারতনা ঙান্থোইগদবা মতমনি হায়বা ঐখোয় চেৎনা থাজৈ। সেক্তর অসিদা কম্পেনি নত্ত্রগা লৈবাক অমতনা নাইতোম শিংনবা ঙম্লোই। সেক্তর অসিদা পুন্না থবক তৌমিন্নবা মতম য়ৌরে। মসিগী অনৌবা পুন্না থবক তৌমিন্নবগী নমুনা অসি সেক্তর অসিদা অনৌবা কেতালিস্ত অমা ওইরগনি। ভারতকী সেমিকন্দক্তরগী মঙলান্দা ঐখোয় ভারতকী মমল য়াম্লবা খোঙলোই অমা ওইনা লৌবগীদমক ঐনা অদোম থাগৎচরি।
কেদেন্সকী প্রসিদেন্ত অমসুং সি.ই.ও শ্রী অনিরুধ দেবগান্না হায়খি ভারতনা কাইনথংদা সেমিকন্দক্তরদা শেন থাদবা উবদা নুংঙাই। থবক অসিদা সরকারনা শেন থাদবা অসিদা হরাওই।
ভেদান্ত গ্রুপকী চিয়ারমেন, শ্রী অনিল অগরৱালনা হায়খি গুজরাত অসি ভারতকী সিলিকোন ভেল্লিগী চপ চারবা মফমনি হায়না অখঙ-অহৈশিংগী পুক্নিংদা ফাওরে। ভারতকী নহারোলশিংগীদমক অনৌবা খুদোংচাবা কয়া পীনবা প্রধান মন্ত্রীনা পান্দম থম্লি। হৌখিবা চহি ১০দা কমদৌনা ভারত্তা অওনবা পুরকখিবগে হায়বা ঐখোয়না উরে অমসুং ভারতকী নহারোলশিংগী অনিংবশিং য়াম্না ৱাংলি।
ভারত অসি মালেমগী সেমিকন্দক্তরগী মফম অমা ওইহন্নবা প্রধান মন্ত্রীগী পান্দম অদু থাগৎপা ফোঙদোক্লদুনা মাইক্রোন তেক্নোলোজিগী প্রসিদেন্ত অমসুং সি.ই.ও শ্রী সঞ্জয় মেহরোতানা হায়খি গুজরাত্তা সেমিকন্দক্তর পানখৎফম অমসুং চাংয়েং তৌফম অমা লিংখৎপা অসিদা চাউথোকচবা ফাওই অমসুং মসিগী প্রোজেক অসিনা থবক ৫,০০ পীগনি অমসুং লাক্লিবা চহিশিংদা অহেনবা থবক ১৫,০০০ পীগনি। দিজিতেল ইন্দিয়া অমসুং মেক ইন ইন্দিয়ানা তশেংনা অওনবা অমা পুরক্তুনা মখা তানা চাউখৎপা ঙমহনগনি।
ফোক্সকোনগী চিয়ারমেন য়ুং লিয়ুনা হায়খি তাইৱানগী সেমিকন্দক্তর ইন্দস্ত্রি অসি ৱাকৎ অমা লৈতনা থবক কন্না শুবা ঙম্বগী থৌনা লৈরি অমসুং মসিগা চপ মান্নবা থৌনা অসি ভারত্তা লৈগদবনি। ভারত অসি হায়খিবা খুদিংমক থবক্ত পাংথোকপগী চাং য়াম্না ৱাংই অমসুং থাজবা অমসুং পুন্না থবক তৌমিন্নবনা চহি কয়াগী মমাঙদা তাইৱান্না থেংনখিবা খুদোংচাদবশিং অদুগুম্বা অদু মায়োক্নবা ঙমগনি। ভারত সরকারগী অচেৎপা ফিরেপ অমসুং খাংবা কনবনা সেমিকন্দক্তর ইন্দস্ত্রিদা মাংজিল থাবা ঙমগনি। আই.তি হায়বদি ইন্দিয়া অমসুং তাইৱান হায়বনি। সেমিকন্দক্তর ইন্দস্ত্রিদা তাইৱান্না ভারতকী খ্বাইদগী থাজবা অমসুং অফবা মরুপ ওইগনি।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা হায়খি সেমিকোনগুম্বা থৌরম অসি অখঙ-অহৈশিং অমসুং উদোগকী লুচিংবশিং উনবা অমসুং অমগা অমগা পাউ ফাওদোক্নবা সোফৱায়ার অপদেদ তৌবগুম্বনি। মসি ঐখোয়গী মরী অমতা ওইহন্নবগী মরুওইবা অমনি। থৌরম অদুদা পাংথোকপা একজিবিসন শ্রী মোদীনা য়েংখি অমসুং সেক্তর অসিগী অনৌবশিং অমসুং থৌনা উবদা অপেনবা ফোঙদোকখি। হৌজিক পাংথোক্লিবা একজিবিসন অসি য়েংনবা অমসুং অনৌবা তেক্নোলোজিগী শক্তি খঙনবা প্রধান মন্ত্রীনা নহারোলশিংদা তকশিনখি।
হৌখিবা চহিদা পাংথোকখিবা অহানবা সেমিকোন শরুক য়াখিবা অদু নিংশিংলদুনা, প্রধান মন্ত্রীনা হায়খি সেমিকন্দক্তর ইন্দস্ত্রিদা ভারত্তা শেন থাদনবগী মতম অদু লাক্লে। চহি অমগী মনুংদা, ‘করিগী ভারত্তা শেন থাদরিবনো’ হায়বা ৱাহং অসিদগী ‘করিগী ভারত্তা শেন থাদদ্রিবনো’ হায়বা অসিদা হোংলে। উদোগকী লুচিংবশিংনা হোৎনবদগী মাইওন অমদা হোংলক্লে। মখোয় মশাগী তুংগী অমসুং মঙলানশিংগা লোয়ননা উদোগকী লুচিংবশিংনা ভারতকী অনিংবশিং অমসুং থবক পাংথোকপা ঙম্বা অদুগা পুন্না চৎমিন্নগদবনি। ভারতনা নিংবা কাইহল্লোই। ২১শুবা চহিচাদা ভারত্তা খুদোংচাবা কয়া মরাংকাইনা লৈরি অমসুং দেমোক্রেসি, দেমোগ্রাফি অমসুং দিবিদেন্দনা ভারত্তা ললোন-ইতিক পাংথোকপদা শরুক অনি অমসুং শরুক অহুম হেনগৎহনগনি।
প্রধান মন্ত্রীনা হায়খি ভারতকী দিজিতেল অমসুং ইলেক্ত্রোনিক মেনুফেকচরিং সেক্তরদা শরুক কয়া চাউখৎলকপা ঐখোয়না উরে। মালেমগী ইলেকত্রোনিক মেনুফেকচরিংদা ভারতকী চাকথুং শরুক কয়া হেনগৎলে। ২০১৪দা ভারতকী ইলেক্ত্রোনিক মেনুফেকচরিং অসি দোল্লর বিল্লিয়ন ৩০গী মখাদা লৈখি, হৌজিক দোল্লর বিল্লিয়ন ১০০ হেল্লে। হৌখিবা চহি ২দা ইলেক্ত্রোনিক্স অমসুং মোবাইল দিভাইস মপান্দা থাদোকপা শরুক অনিদা হেনগৎলে। ২০১৪গী মমাঙদা শুপ্নগী মোবাইল মেনুফেকচরিং য়ুনিত অনি লৈরমখি, অদুবু ঙসিদি মসি ২০০ হেল্লে। মহাক্না হায়খি লৈবাক অসিদা ব্রোদবেন্দ শীজিন্নবা মীওই করোর ৬তগী করোর ৮০দা হেনগৎলে অমসুং ঙসিদি ইন্তরনেত শম্বা করোর ২৫দগী করোর ৮৫দা হেনগৎলে। মসি ভারতকী চাউখৎপা খক নত্তনা লৈবাক অসিদা ললোন-ইতিক চাউখৎপগী খুদম অমনি। সেমিকন্দক্তর ইন্দস্ত্রি চাউখৎহনবদা ভারতনা মরুওইবা থৌদাং অমা লৌগনি।
শ্রী মোদীনা হায়খি ঙসি মালেম্না ইন্দস্ত্রি ৪.৯ রিভোলুসন উরে। মালেমগী উদোগকী অওনবা অমগী হৌরকফম অসি অকক্নবা সেক্তর অমদা মীয়ামগী অনিংবশিং অদুনা ওইগনি। হৌখিবা ইন্দস্ত্রিগী রিভোলুসনশিং অমসুং অমেরিকামচাশিংগী মঙলানগা চপ মান্নবা মরী লৈখি। ইন্দস্ত্রি ৪.৯ রিভোলুসনগা ভারতকী মীয়ামগী অনিংবশিংগগী মরক্তা মান্নবা লৈরি। ভারতমচাশিংগী অপাম্বশিংগী তুংদা চাউখৎলবা ভারতকী শক্তি লৈরি। লৈবাক অসিদা নিও-মিদল ক্লাস কাংবু অমা থোরকপদগী লায়রবা য়াম্না য়াংনা হন্থরক্লে।
ভারতমচাশিংগী তেক্নোলোজিগা চুশিন্নবা ঙম্বা অমসুং তেক্নোলোজি শীজিন্নবগী ঈখৌ লাংবা লৈরিবা অসিগী মতাংদা প্রধান মন্ত্রীনা হায়খি খুঙ্গংশিংদা মমল হোংবা দেতা, অফবা দিজিতেলগী ইনফ্রাস্ত্রকচরশিং অমসুং মৈ লেপ্তনা ফংহনবদগী দিজিতেলগী পোৎথোকশিং শীজিন্নবা হেনগৎলে। হকশেল, লৌউ-শিংউ নত্ত্রগা লোজিসতিক্সতা ওইগেরা, স্মার্দ তেক্নোলোজি শীজিন্নবগী পান্দম অমদা ভারতনা থবক তৌরি। ভারত্তা য়ুমগী তঙাইফদবা পোৎলমশিং শীজিন্নদবা অদুবু অমগা অমগা শম্নবা স্মার্দ দিভাইসশিং শীজিন্নবা মীওইশিং লৈরি।
প্রধান মন্ত্রীনা হায়খি হান্না সাইকল থৌদবা অকক্নবা মহৈরোয় কাংবু অমা লৈরমখি, অদুবু ঙসিদি মখোয় স্মার্দ ইলেক্ত্রিক বাইকশিং শীজিন্নবদা মাংজিল থারে। মশিং হেনগৎলক্লিবা ভারতকী নিও-মিদল ক্লাসশিং অসি ভারতকী অনিংবশিংগী পৱারহাওস ওইরক্লে। চিপ শানবা উদোগ অসি খুদোংচাবা কয়ানা থল্লবা কৈথেল অমনি অমসুং য়াম্না ঙন্না থবক হৌখিবশিং অতোপ্পশিংদগী খুদোংচাবা অমা ফংলগনি।
কোরোনা লাইচৎ অমসুং রুসিয়া-য়ুক্রেন লালনা পীরিবা চৈথেং পল্লদুনা, প্রধান মন্ত্রীনা হায়খি মালেম্না অফবা সপ্লাই চেন অমা দরকার ওইরি। মালেমদা খ্বাইদগী চাউবা গনতন্ত্র চৎপা লৈবাক অসিদগী হেন্না থাজবা মরুপ অমা কনানা ওইগনি। মালেম অসিনা ভারত্তা থাজবা হেনগৎলক্লে। লৈবাক অসি লেংদবা, দাইত্ব খঙবা অমসুং অওনবা পুরকপা পাম্বা সরকার অমা লৈবদগী ইন্দস্ত্রিনা ভারত্তা থাজবা থম্বনি। হিরম খুদিংমক্তা ইনফ্রাস্ত্রকচর চাউখৎলকপদগী ইন্দস্ত্রিনা ভারত্তা থাজবা থম্বনি। লৈবাক অসিদা তেক্নোলোজি চাউখৎলকপদগী তেক সেক্তরনা ভারত্তা থাজবা থম্লি। ঐখোয়গী হৈথোই-শিংথোইরবা মীওই কয়া লৈবদগী সেমিকন্দক্তর ইন্দস্ত্রিনা ভারত্তা থাজবা থম্লি। হৈথোই-শিংথোইরবা ইঞ্জিনিয়ারশিং অমসুং দিজাইন্নরশিং অসি ঐখোয়গী পাঙ্গলনি। মালেমগী খ্বাইদগী চাউবা অমসুং অপুনবা কৈথেলগী শরুক অমা ওইনিংবা কনাগুম্বা অমনা ভারত্ত থাজবা থমগনি। ঐখোয়না অদোমদা মেক ইন ইন্দিয়া হায়বা মতমদা, মসিগী মনুংদা ঐখোয়গী ভারতকীদমক শারসি, মালেমগীদমক শারসি হায়বা য়াওরি।
প্রধান মন্ত্রীনা হায়খি ভারতনা মালেমগীদমক লৌরিবা থৌদাং খঙই অমসুং মরুপ-মপাং ওইবা লৈবাকশিংগা অপুনবা লম্বী অমগী থবক তৌরি। মরমঅদুনা ভারতনা অফবা সেমিকন্দক্তর ইন্দস্ত্রি অমা শেমগৎলি। হন্দক নেসনেল ক্বান্তম মিসন অয়াবা পীখ্রে। মখা তানা, পর্লিয়ামেন্তদা নেসনেল রিছার্স ফাউন্দেসন বিলশু পুথোক্লগনি। সেমিকন্দক্তর পুথোকপগী থবক অমুক হন্না ফগৎহন্নবা ইঞ্জিনিয়ারিং করিকুল্লম শেমগনি। হৌজিক ভারত্তা ইঞ্জিনিয়ারিং কলেজ ৩০০ হেন্না সেমিকন্দক্তরগী কোর্সশিং হাংদোক্লে। চিপশিংদগী হৌরগা স্তার্দঅপ প্রোগ্রামশিংনা ইঞ্জিনিয়ারশিং মতেং পাংগনি। মথং চহি ৫দা ঐখোয়গী লৈবাক অসিদা দিজাইন ইঞ্জিনিয়ার লাখ ১ হেন্না পুথোক্কনি হায়না পানরি। ভারতকী স্তার্দঅপকী ফিবমশিং ফগৎলকপা অসিনা সেমিকন্দক্তর ইন্দস্ত্রিসু চাউখৎহনগনি।
মৈনা কন্দক্ততরশিং ফাওদুনা চৎলি অমসুং ইন্সুলেতরশিং ফাওদুনা চৎতে হায়বা ৱারি অমা লীরদুনা প্রধান মন্ত্রীনা হায়খি ভারতনা সেমিকন্দক্তর ইন্দস্ত্রিগী অফবা কন্দক্তর অমা ওইনা থবক পায়খৎলি। সেক্তর অসিগী খ্বাইদগী মরুওইবা অসি মৈনি। হৌখিবা চহি ১০দা ভারতনা সোলারগী মৈ পুথোকপা শরুক ২০ হেনগৎলে অমসুং চৎলি চহি ১০ অসিগী অরোইবদা গিগাৱাত ৫০০গী রিনিউএবল ইনর্জি পুথোক্নবা পান্দম থম্লি। সোলার পি.ভি মোদুলশিং, গ্রিন হায়দ্রোজেন অমসুং ইলেক্ত্রোলাইজরশিং পুথোক্নবা অচৌবা থবক কয়া পায়খৎলে।
ভারত্তা থৌশিলদা অওনবা কয়া পুরক্লিবা অসিনা সেমিকন্দক্তর ইন্দস্ত্রিদা অচৌবা কান্নবা অমা পীরগনি। অনৌবা মেনুফেকচরিং ইন্দস্ত্রিগীদমক তেক্স কোমথোক্লে অমসুং ভারত্তা খ্বাইদগী পীকপা কোর্পোরেত তেক্স লৌরি, অরাইবা মওংদা তেক্স থিবগী থবকশিং পায়খৎলি, অরিবা আইনশিং মুৎথৎলে, ললোন-ইতিক লাইনা পাংথোকপা য়ানবা থবকশিং পায়খৎলে অমসুং সেমিকন্দক্তর ইন্দস্ত্রিগী অখন্নবা খুদোংচাবশিং পীরে। হায়রিবা ৱারেপশিং অমসুং থৌশিলশিং অসি ভারতনা সেমিকন্দক্তর ইন্দস্ত্রিগী ফিরাংজি থাদুনা তরাম্না ওকপগী মমি অমনি। ভারতনা অওনবগী লম্বীদা চঙশিল্লকপা মতমদা, অনৌবা খুদোংচাবশিং শেমগনি। সেমিকন্দক্তরগী শেন থাদনবগী ভারত অফবা মফম অমা ওইরক্লে হায়না প্রধান মন্ত্রীনা মখা তাখি।
প্রধান মন্ত্রীনা মখা তানা হায়খি মালেমগী সপ্লাই চেন, রো মেতরিএলশিং, ত্রেনিং ফংলবা মীওইশিং অমসুং মেছিনগী দরকার ওইবশিং অদু ভারতনা খঙই। লনাই কম্পেনিশিংগা য়াম্না নকশিন্ননা থবক তৌমিন্নরিবা সেক্তর অনৌবা থাক অমদা য়ৌরে। স্পেস সেক্তর নত্ত্রগা জিওস্পাসিএল সেক্তর ওইগেরা, মফম খুদিংদা ঐখোয়না অফবা ফলশিং ফংলে। সেমিকোন ইন্দিয়া প্রোগ্রামগী মখাদা মতেং পাংবগী থবক হেনগৎলে। অনৌবা তেক্নোলোজি ফার্মশিংনা ভারত্তা সেমিকন্দক্তর মেনুফেকচরিং য়ুনিতশিং লিংখৎপদা চাদা ৫০ শেন্থং পীগনি। লৈবাক অসিগী সেমিকন্দক্তর সেক্তর চাউখৎনবা ঐখোয়না লেপ্তনা থৌশিলশিংদা অহোংবা পুরক্লি।
ভারতনা জি-২০গী প্রসিদেন্ত ওইবগী থিম ‘মালেম অমা, ইমুং অমা, তুংলমচৎ অমা’ হায়রিবা অসি পল্লদুনা প্রধান মন্ত্রীনা হায়খি ভারত সেমিকন্দক্তর পুথোক্নবা মফম অমা ওইনা শেমগৎনবা মসিগী ৱাখল্লোন অসি শীজিন্নরি। লৈবাক অসিগী হৈথোই-শিংথোইবা, থবক তৌবা ঙম্বগী কান্নবশিং মালেম শীনবা থুংনা ফংহনবা ভারতনা পাম্মী। অফবা মালেম অমা ওইহন্নবা ভারতনা হোৎনরি। খোঙথাং খুদিংমক্তা ইন্দস্ত্রি অসিগী অৱাৎপশিং মেনখৎনবা ভারত সরকারনা খোঙফম চেৎনা লেপ্লি। মহাক্কী ৱারোইশিন্দা, প্রধান মন্ত্রীনা লাল কিলাদা মহাক্না ৱা ঙাংখিবা অদু নিংশিংখি অমসুং হায়খি, “মতম অদু য়ৌরক্লে। মসি চপ চারবা মতম্নি। মসি ভারত খক্তগী নত্তে, মালেম পুম্নমক্কীনি।
থৌরম অদুদা গুজরাতকী চীফ মিনিস্তর শ্রী ভুপেন্দ্র পতেল, ইলেক্ত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিস্তর অশ্বিনি বৈষ্ণব, ইলেক্ত্রোনিক্স অমসুং ইনফোর্মেসন তেক্নোলোজিগী রাজ্য মন্ত্রী শ্রী রজিব চন্দ্রসেখর, কেদেন্সগী সি.ই.ও শ্রী অনিরুধ দেবগান, ফোক্সকোনগী চিয়ারমেন য়ুং লিয়ু, ভেদান্তাগী চিয়ারমেন শ্রী অনিল অগরৱাল, মাইক্রোনগী সি.ই.ও শ্রী সঞ্জয় মেহরোত্রা, এ.এম.দিগী সি.তি.ও মার্ক পেপরমাস্তর অমসুং সেমিকন্দক্তর প্রদক্স গ্রুপ অমাতকী প্রসিদেন্ত শ্রী প্রভু রাজা শরুক য়াখি।
নুঙগীৱারোল
কনফরেন্স অসিগী থিমদি ‘ভারতকী সেমিকন্দক্তরগী থবকশিং ফগৎহনবা’ হায়বনি। থৌরম অসিগী পান্দমদি ইন্দস্ত্রি, একাদেমিয়া অমসুং রিছার্স ইন্সতিতুসনশিংগী লুচিংবশিং অমতা ওইনা পুনশিনবনি। ভারত অসি সেমিকন্দক্তর দিজাইন, মেনুফেকচরিং অমসুং তেক্নোলোজিগী মফম অমা ওইহন্নবা ভারতনা সেমিকন্দক্তরগী লাল্লোং অমসুং থৌশিল শেম্লিবা অদু থৌরম অদুদা উৎখি। সেমিকোনইন্দিয়া ২০২৩ দা মালেমগী অচৌবা কম্পেনিশিং হায়বদি মাইক্রোন তেক্নোলোজি, এপ্লাইদ মেতরিয়েলস, ফোক্সকোন, সেমি, কাদেন্স, এ.এম.দি শরুক য়াখি।
Come, invest in India. pic.twitter.com/HWWAaRiNct
— PMO India (@PMOIndia) July 28, 2023
21वीं सदी के भारत में अवसर ही अवसर हैं। pic.twitter.com/Pou3NaR3Ts
— PMO India (@PMOIndia) July 28, 2023
India is witnessing exponential growth in digital sector, electronics manufacturing. pic.twitter.com/Nrfcx0Mrcp
— PMO India (@PMOIndia) July 28, 2023
Today Indian aspirations are driving the country's development. pic.twitter.com/appzE6Us7h
— PMO India (@PMOIndia) July 28, 2023
The country's growing neo-middle class has become the powerhouse of Indian aspirations. pic.twitter.com/fUwsSKjl6Q
— PMO India (@PMOIndia) July 28, 2023
India is emerging as a trusted partner in the global chip supply chain. pic.twitter.com/fOtqJsPACS
— PMO India (@PMOIndia) July 28, 2023
The world's confidence in India is rising. pic.twitter.com/lF6uiR18Ec
— PMO India (@PMOIndia) July 28, 2023
Make in India, Make for India, Make for the World. pic.twitter.com/fHbgosS0yi
— PMO India (@PMOIndia) July 28, 2023
