প্রধান মন্ত্রী শ্রী নরেন্দ্র মোদীনা ঙসি উত্তরাখন্দগী দেহরাদুনদা 38শুবা নেস্নেল গেম্স হৌদোকখ্রে। মীয়াম তিনখিবা অদুদা ৱা ঙাংলদুনা মহাক্না হায়খি মদুদি উত্তরাখন্দ অসি ঙসি নহারোলশিংগী ইনর্জীনা মঙাল পীরি। মহাক্না মখা তাখি মদুদি 38শুবা নেস্নেল গেম্স অসি ঙসি বাবা কেদর্নাথ, বদ্রীনাথ অমসুং মা গঙ্গাগী য়াইফ-পাউজেলগা লোয়ননা হৌখ্রে। উত্তরাখন্দ শেমখিবগী চহি 25 শুবা নুমিৎনি হায়না পল্লদুনা শ্রী মোদীনা হায়খি মদুদি লৈবাক শিনবা থুংবগী নহারোলশিংনা নহা ওইরিবা রাজ্য অসিদা মখোয়গী পোতেন্সিএল উৎকনি। থৌরম অদুদা 'এক ভারত, শ্রেস্থ ভারত'কী ফজরবা মওং উৎখি হায়না মহাক্না মখা তাখি। মহাক্না মখা তানা হায়খি মদুদি নেস্নেল গেম্সকী ইদিসন অসিদা লোকেল গেম কয়া অমা য়াওখি অমসুং থিম অসি "গ্রীন গেম্স"নি, মরমদি অকোইবগী ফিভমদা কান্নবা পোৎলমশিং শীজিন্নখি। হীরম অসিগী মতাংদা মখা তানা শন্দোক্না তাক্লদুনা, প্রধান মন্ত্রীনা হায়খি মদুদি ত্রোফী অমসুং মেদলশিং অসিসু ই-ৱেস্ততগী শেমখ্রে অমসুং মেদল ফংলবা মীওই খুদিংমক্কী মিংদা পাম্বী অমা থাবা হৌরে, মসি য়াম্না ফবা খোঙথাং অমনি। মহাক্না শান্নরোই পুম্নমকপু অফবা পর্ফোমেন্সকীদমক্তা য়াইফ-পাউজেল পীখি। অসিগুম্বা চাউরবা থৌরম অমা শীনবগীদমক মহাক্না উত্তরাখন্দ সরকার অমসুং মীয়াম্বু থাগৎপা ফোংদোকখি।
প্রধান মন্ত্রীনা হায়খি মদুদি মৈনা সনাগী মগুন অদু হেনগৎহনবা অদুগুম্না, শান্নরোয়শিংদা মখোয়গী হৈশিংবশিং অদু ফগৎহন্নবগী খুদোংচাবা হেন্না পীরি। মহাক্না মখা তাখি মদুদি হৌজিক চহি অসিদা টুর্ণামেন্ত কয়া অমা শীনখ্রে অমসুং খেলো ইন্দিয়া সেরিজতা অনৌবা টুর্ণামেন্ত কয়া অমা য়াওখ্রে। খেলো ইন্দিয়া য়ুথ গেম্সনা নহা ওইরিবা শান্নরোয় কয়াদা মাংজিল থানা চংশিনবগী খুদোংচাবা পীরি হায়না শ্রী মোদীনা অকনবা ৱাফম থমখি। য়ুনিভর্সিতী গেম্সনা য়ুনিভর্সিতীগী মহৈরোইশিংদা খুদোংচাবা কয়া পীরি। খেলো ইন্দিয়া পেরা গেম্সনা পেরা এথলেৎশিংবু মখোয়গী পর্ফোমেন্স ফগৎহনবদা অমসুং অনৌবা এচিবমেন্তশিং পুথোকপদা মতেং পাংলি হায়না মহাক্না ফোংদোকখি। প্রধান মন্ত্রীনা লদাখতা হন্দক্তা ৫শুবা খেলো ইন্দিয়া ৱিনতর গেমস পাংথোকখিবা অদু নীংশিংখি। মমাং চহিদা, বিচ গেম্স পাংথোকখিবা অদুসু মহাক্না পনখি।
শ্রী মোদীনা হায়খি মদুদি শান্ন-খোৎনববু খুমাং চাউশিলহন্নবা হোৎনবা অসি সরকার খক্তনা চংশিল্লোই, অদুবু পার্লিয়ামেন্তকী মীহুৎ কয়ানা মখোয়গী কন্সতিত্যুএন্সীশিংদা অনৌবা হৈশিংবা পুরক্নবা শান্ন-খোৎনবগী কম্পিতিসনশিং পাংথোক্লি। কাশীগী এম.পি.সু ওইরিবা প্রধান মন্ত্রীনা হায়খি মদুদি মহাক্কী পার্লিয়ামেন্তরী কন্সতিত্যুএন্সী খক্তদা চাউরাক্না নহা লাখ 2.5না চহি খুদিংগী স্পোর্তস কম্পিতিসনশিংদা শরুক য়ানবা খুদোংচাবা ফংলি। মহাক্না মরুওইনা ফোংদোকখি মদুদি লৈবাক অসিদা শান্ন-খোৎনবগী ফজরবা ফজবা মখল অমা শেমখ্রে। চহি খুদিংগী ফজবা লৈশিং লৈরি অমসুং টুর্ণামেন্তশিং লেপ্পা লৈতনা পাংথোক্লি।
“ভারতকী অপুনবা চাউখৎ-থৌরাংগীদমক শান্ন-খোৎনবনা মরুওইবা মিদিয়ম অমনি”, হায়না প্রধান মন্ত্রীনা হায়খি। মহাক্না হায়খি মদুদি লৈবাক অমনা শান্ন-খোৎনবদা মগুন লৈরকপা মতমদা, মদুগী মিংচৎ অমসুং মগুনসু হেনগৎলকই। মরম অদুনা, শান্ন-খোৎনববু ভারতকী চাউখৎ-থৌরাং অমসুং নহারোলশিংগী থাজবগা শম্নহল্লি হায়না মহাক্না মখা তাখি। প্রধান মন্ত্রীনা হায়খি মদুদি ভারতনা মালেমগী খ্বাইদগী চাউবা অহুমশুবা ইকোনোমিক পাৱর ওইবগী মায়কৈদা খুমাং চাউশিল্লি, অমসুং স্পোর্তস ইকোনোমী অসি মসিগী হোৎনবদা মরুওইবা শরুক অমনি। শান্নরোয় খুদিংমক্কী মথক্তা কোচশিং, ত্রেনরশিং, ন্যুত্রিসন অমসুং ফিৎনেস এক্সপর্তশিং, দোক্তরশিং অমসুং ইক্বিপমেন্ত য়াওনা ইকোসিস্তেম অমা লৈ হায়না মহাক্না ফোংদোকখি। শ্রী মোদীনা হায়খি মদুদি ভারতনা মালেমগী শান্নরোয়শিংনা শীজিন্নরিবা স্পোর্তস ইক্বিপমেন্তশিংগী মগুন লৈবা মেনুফেকচরর অমা ওইরক্লি। মহাক্না পনখি মদুদি মীরাত্তা স্পোর্তসকী খুৎলায় পুথোকপা অপীকপা অমসুং অচৌবা ফেক্তরী 35,000 হেন্না লৈরি অমসুং মীওই লাখ 3 হেন্না থবক ফংলি। অসিগুম্বা ইকোসিস্তেমশিং অসি লৈবাক শীনবা থুংনা শেমগৎলি হায়না মহাক্না অকনবা ৱাফম থমখি।
মন্ত্রীনা হায়খি মদুদি মহাক্না ইকুই কুইদ্রিঙৈদা দিল্লীদা লৈবা মহাক্কী ময়ুমদা ভারতকী ওলিম্পিক তীমগা উনবগী খুদোংচাবা ফংখি। মহাক্না হায়খি মদুদি ৱারী শানবা অদুগী মনুংদা, শান্নরোয় অমা "প্রধান মন্ত্রী"গী মহুত্তা "পরম মিত্র" (খ্বাইদগী চান্নবা মরুপ) হায়না "পি.এম" অসি নৌনা ৱাহন্দোক পীখি। মহাক্না হায়খি মদুদি মসিগী থাজবা অসিনা মহাকপু থৌনা পীরি। মহাক্না শান্নরোয়শিংগী হৈশিংবা অমসুং মতিক চানা তৌবা ঙম্বগী মতাংদা মহাক্কী মপুং ফানা থাজবা থম্লি হায়না ফোংদোকখি। প্রধান মন্ত্রীনা হৌখিবা চহি 10দা মখোয়গী হৈশিংবশিংবু মতেং পাংবদা লেপ্পা লৈতনা মীৎয়েং থম্লিবা অমসুং হৌখিবা চহি তরা অসিদা স্পোর্তসকী বজেৎ অসি শরুক অহুম হেনগৎলকপা অদু পনখি। মহাক্না মখা তারদুনা হায়খি মদুদি TOPS স্কিমগী মখাদা শান্নরোয় কয়াদা লুপা করোর কয়া শেল থাদরে। খেলো ইন্দিয়া প্রোগ্রামনা লৈবাক শীনবা থুংনা মোদর্ন স্পোর্তস ইনফ্রাস্ত্রকচর শেমগৎলি হায়না মহাক্না ফোংদোকখি। শ্রী মোদীনা হায়খি মদুদি স্পোর্তস অসি স্কুলশিংদা মেনস্ত্রীম তৌরে অমসুং লৈবাক অসিগী অহানবা স্পোর্তস য়ুনিভর্সিতী অসি মনিপুরদা লিংখৎলি।
লৈঙাক্না হোৎনরিবশিং অদুগী মহৈ অদু লমদম অসিদা অমসুং মেদলগী মশীংদা উবা ফংলে হায়না পল্লদুনা প্রধান মন্ত্রীনা হায়খি মদুদি ভারতকী শান্নরোয়শিংনা মখোয়গী হৈ-শিংবা উৎতুনা মালেমগী ইভেন্ত খুদিংমক্তা ময়েক শেংনা উৎলি। মহাক্না ওলিম্পিক্স অমসুং পেরালিম্পিক্সতা ভারতকী শান্নরোয়শিংনা উৎখিবা শান্নবগী মগুনবু থাগৎখি। উত্তরাখন্দগী শান্নরোয় কয়ানা মেদল লৌখ্রে হায়নসু মহাক্না পনখি। মহাক্না শরুক য়ারিবশিংদা পুক্নিং থৌগৎনবা মেদল ফংলবা মীওই কয়া মফম অসিদা লাকপদা নুংঙাইবা ফোংদোকখি।
শ্রী মোদীনা হায়খি মদুদি হোকীগী মতিক ময়াই চেনবা মতমশিং অমুক হল্লক্লি। মহাক্না হায়খি মদুদি ভারতকী খো-খো তীমনা হন্দক্তা ৱার্ল্দ কপতা মায় পাকখ্রে, অমসুং গুকেশ দি.না ৱার্ল্দ চেস চেম্পিয়নশিপতা মায় পাকপদা মালেম পুম্ববু থাগৎখি। মসিগী মথক্তা, কোনেরু হম্পী অসি ৱিমেন ৱার্ল্দ রেপিদ চেক্স চেম্পিয়ন ওইখি। প্রধান মন্ত্রীনা অকনবা ৱাফম থমখি মদুদি মসিগী মাইপাকপশিং অসিনা ভারত্তা শান্ন-খোৎনবশিং অসি হৌজিক্তি এক্সত্রা-করিক্যুলর এক্তিবিতীশিং খক্তমক ওইদ্রে, অদুবু নহাশিংনা হৌজিক্তি শান্ন-খোৎনবশিং অসি মরুওইবা কেরিয়রগী অপাম্বা অমা ওইনা লৌরে।
“শান্নরোয়শিংনা মতম পুম্বদা অচৌবা পান্দমশিং থম্বা পাম্বগুম্না, ভারতনসু অচৌবা ৱারেপশিং লৌদুনা মাংলোমদা চংশিল্লি।" মহাক্না হায়খি মদুদি ভারতনা 2036কী ওলিম্পিক্স পাংথোক্নবা য়াম্না কন্না হোৎনরি। মসিনা ভারতকী শান্ন-খোৎনববু অনৌবা থাক্তা পুখৎকনি। ওলিম্পিক্স অসি শান্ন-খোৎনবগী থৌরম অমখক্তমক নত্তে, অদুবু হোস্ত লৈবাক অসিদা সেক্তর কয়া অমা থৌদাং লৌরি হায়বা ৱাফম থম্লদুনা শ্রী মোদীনা হায়খি মদুদি ওলিম্পিক্সকীদমক্তা শেমগৎলিবা স্পোর্তস ইনফ্রাস্ত্রকচর অসিনা থবক ফংহল্লি অমসুং তুংলমচৎকী শান্নরোয়শিংদা হেন্না ফবা খুদোংচাবশিং ফংহল্লি। মহাক্না মখা তাখি মদুদি ওলিম্পিক্স পাংথোক্কদৌরিবা শহর অসিনা অনৌবা কনেক্তিবিতী ইনফ্রাস্ত্রকচর, কন্সত্রক্সন অমসুং ত্রান্সপোর্ত সেক্তরশিং হেনগৎহল্লে অমসুং মসিগী খ্বাইদগী চাউবা কান্নবা অসি লৈবাক অসিগী তুরিজমদা ফংলি। অনৌবা হোতেলশিং শাগৎলি অমসুং মালেমগী মফম কয়াদগী মীওইশিং গেমশিং অসিদা শরুক য়াবা অমসুং য়েংনবা লাক্লি। দেবভূমি উত্তরাখন্দদা পাংথোক্কদৌরিবা নেস্নেল গেম্স অসিনা মফম অসিগী শেন্মিৎলোনদা কান্নবা পীগনি হায়না প্রধান মন্ত্রীনা ফোংদোকখি। মহাক্না মখা তাখি মদুদি লৈবাক অসিগী অতৈ মফমশিংদগী লাকপা মীৎয়েংবশিংনা উত্তরাখন্দগী তোঙান তোঙানবা মফমশিংদা চৎকনি। মসিনা উৎলি মদুদি শান্ন-খোৎনবগী থৌরমশিংনা শান্নরোইশিং খক্তদা নত্তনা শেন্মিৎলোনগী তোঙান তোঙানবা সেক্তরশিংদা কান্নবা পীরি।
21শুবা চহিচা অসি ভারতকী চহিচা অমা ওইনা শকখঙখি হায়না পল্লদুনা শ্রী মোদীনা বাবা কেদর্নাথ চৎলবা মতুংদা, মসি উত্তরাখন্দগী চহিচা অমনি হায়না মশানা ফাওখি। উত্তরাখন্দগী খোঙজেল য়াংনা খুমাং চাউশিল্লকপদা মহাক্না নুংঙাইবা ফোংদোকখি। প্রধান মন্ত্রীনা হায়খি মদুদি উত্তরাখন্দনা য়ুনিফোর্ম সিবিল কোদ চৎনহনখিবা লৈবাক অসিগী অহানবা রাজ্য ওইরে। মসিনা ইচানুপীশিং, ইমাশিং অমসুং ইচিল-ইনাওশিংগীদমক ইকাই খুম্নরবা পুন্সি অমগী য়ুম্ফম ওইগনি। মসিনা দেমোক্রেসীগী স্পিরিৎ অমসুং সম্বিধানগী মগুনবু হেন্না মপাঙ্গল কনখৎহল্লগনি। শ্রী মোদীনা মসি স্পোর্তস ইভেন্তকা মরী লৈনহনখি। মহাক্না হায়খি মদুদি স্পোর্তস মেননেসন্না মীৎয়েং থিবগী ৱাখল্লোন পুম্নমক মুত্থৎলি। মহাক্না মখা তাখি মদুদি মাইপাকপা অমসুং মেদল খুদিংমক পুন্না হোৎনদুনা ফংই, অমসুং শান্ন-খোৎনবনা তীম ৱার্কপু পুক্নিং থৌগৎলি। মহাক্না হায়খি মদুদি দিস্ক্রিমিনেসন লৈতবা অমসুং মীপুম খুদিংমক মান্নবা য়ুনিফোর্ম সিভিল কোদতা চপ মান্নবা ৱাখল্লোন অসি চৎনগনি। পুৱারী ওইরবা খোঙথাং অসি লৌখৎপগীদমক মহাক্না উত্তরাখন্দগী রাজ্য সরকারবু থাগৎপা ফোংদোকখি।
উত্তরাখন্দনা অহানবা ওইনা নেস্নেল ইভেন্ত অমা অসিগুম্বা পাক-চাউবা অমদা পাংথোকপা অসি পল্লদুনা প্রধান মন্ত্রীনা হায়খি মদুদি মসি মশামক্না মশক থোকপা মায় পাকপা অমনি। মসিনা থবক ফংবগী খুদোংচাবা হেন্না ফংহল্লে অমসুং লোকেল নহারোলশিংদা থবক ফংহল্লে। মহাক্না তকশিনখি মদুদি উত্তরাখন্দনা চাউখৎপগী অনৌবা লম্বীশিং থিগদবনি, মরমদি মসিগী শেন্মিৎলোন অসি চার ধাম য়াত্রা খক্তদা য়ুম্ফম ওইদুনা লৈরোই। মহাক্না মখা তাখি মদুদি সরকারনা লাইখুরুম্বা অসিগী অপেনবা হেনগৎহন্নবগীদমক লেপ্পা লৈতনা খুদোংচাবশিং হেনগৎহল্লি। চহি খুদিংগী লাইখুরুম্বাগী মশীংনা অনৌবা রেকোর্দশিং শেম্মি। অদুম ওইনমক, মসিনা মতীক চাদে হায়না মহাক্না ফোংদোকখি। শ্রী মোদীনা উত্তরাখন্দদা ৱিন্তর স্পিরিচুএল জর্নেজ প্রমোৎ তৌবগী তঙাইফদবা অদুদা অকনবা ৱাফম থমখি। মহাক্না মসিগী মাইকৈদা অনৌবা খোংথাংশিং লৌখৎলকপদা নুংঙাইবা ফোংদোকখি অমসুং মহাক্না হায়রিবা নীংথম খোঙচৎশিং অসিদা শরুক য়াবা পাম্মি হায়না ফোংদোকখি। মহাক্না লৈবাক শিনবা থুংবদগী লাকপা নহারোলশিংবু অয়ুক্কী মতমদা উত্তরাখন্দদা চৎনবা পুক্নিং থৌগৎখি। মরমদি মফম অসিদা লাইরবশিংগী মশীং অসি হন্থৈ অমসুং এদভেঞ্চরগী থবক থৌরম কয়া পাংথোক্নবগী খুদোংচাবা কয়া লৈ। মহাক্না শান্নরোই পুম্নমক্তা হায়খি মদুদি নেস্নেল গেম্সকী মতুংদা মসিগী খুদোংচাবশিং অসি শিজিন্ননবা অমসুং দেবভূমিগী মীয়োক মীচান ফবা মতৌ অসি মতম শাংনা ফংবা হোৎনগদবনি।
প্রধান মন্ত্রীনা হায়খি মদুদি শান্নরোয়শিংনা মখোয়গী রাজ্যশিংবু মহুৎ শিনগনি অমসুং লাক্কদৌরিবা নুমিৎশিংদা মখোয়না নেস্নেল রেকোর্দশিং থুগাইদুনা অনৌবা রেকোর্দশিং শেমদুনা অকনবা মওংদা চাংদম্নবা ঙম্লগনি। মহাক্না মখোয়বু মখোয়গী খ্বাইদগী ফবা তৌবা ঙম্নবা হোৎননবা হায়খি। নেস্নেল গেম্স অসি শান্ন-খোৎনবগী কম্পিতিসন অমা খক্তা নত্তে, মসি ভারতকী মখল-মখা কয়াগী মঙলানশিং শন্দোক্না তাক্লিবা "এক ভারত, শ্রেস্থ ভারত"কী প্লেৎফোর্ম অমসুনি হায়না পল্লদুনা শ্রী মোদীনা শান্নরোইশিংদা মখোয়গী মেদলশিংনা ভারতকী য়ুনিতী অমসুং এক্সিলেন্স অদু উৎলি হায়বা থাজবা পীনবা পুক্নিং থৌগৎখি। মহাক্না মখোয়দা তোঙান তোঙানবা রাজ্যশিংগী লোলশিং, চিঞ্জাকশিং অমসুং ম্যুজিকশিং তমহন্নবা হায়খি। স্বচ্ছতাগী মরুওইবা অদু পল্লদুনা প্রধান মন্ত্রীনা হায়খি মদুদি উত্তরাখন্দনা প্লাস্তিক-ফ্রী ওইবগী মায়কৈদা খুমাং চাওউশিল্লি, অমসুং মসিগী পান্দম অসি শান্নরোয়শিংগী মতেং য়াওদনা ফংবা ঙম্লোই। মহাক্না মীপুম খুদিংমকপু কেম্পেন অসি মায় পাকহনবদা মতেং পাংনবা হায়খি।
ফিৎনেসকী মরুওইবা অমসুং লৈবাক অসিদা হেনগৎলক্লিবা ওবেসিতীগী প্রোব্লেম অদু পল্লদুনা প্রধান মন্ত্রীনা হায়খি মদুদি ওবেসিতীনা নহারোলশিং য়াওনা চহি কাংলুপ খুদিংমক্তা শোকহল্লি অমসুং দাইএবেতিস অমসুং হার্ত্ দিজিজগুম্বা লায়না কয়াগী রিস্ক হেনগৎহল্লি। ফিৎ ইন্দিয়া মুভমেন্তকী খুত্থাংদা লৈবাক অসিনা ফিৎনেস অমসুং হকচাং ফনা হিংবগী মওং-মতৌগী মতাংদা হেন্না খঙহল্লকপদা শ্রী মোদীনা নুংঙাইবা ফোংদোকখি। নেস্নেল গেমসনা হকচাংগী থবক-থৌরমশিং, দিসিপ্লিন অমসুং তংদু লৈতাবা পুন্সি মহিংগী মরুওইবা তাকই হায়না মহাক্না হায়খি। প্রধান মন্ত্রীনা নাগরিকশিংদা থবক-থৌরম অনিদা মীৎয়েং থম্নবা তকশিনখি: এক্সরসাইজ অমসুং দাইত। মহাক্না মীপুম খুদিংমকপু নুমিৎ খুদিংগী খরা চত্থোক চৎশিন তৌনবা পুক্নিং থৌগৎখি। মসি চৎথোক চৎশিন তৌবা নৎত্রগা থবক শুবা ওইগেরা ওইগেরা ওইগনি। মহাক্না তংদু লৈতাবা অমসুং মচি ওইবা চিঞ্জাক্কী মরুওইবা অদুসু ফোংদোকখি, মসিনা হকচাংদা কান্নদবা ফেত অমসুং ওইলশিং হন্থহন্নবা খংহনখি। মহাক্না থা খুদিংগী য়ামদ্রবদা চাদা 10গী চাংদা অচা থাও শিজিন্নবা হন্থনবা খঙহনখি, মরমদি অপীকপা খোংথাংশিংনা হকশেলদা চাউনা ফগৎলকপা পুরকপা য়াই। হকচাং ফনা লৈবনা ৱাখল-লোন ফবা অমসুং লৈবাক অমা ফনা লৈহনগনি হায়না মহাক্না ফোংদোকখি। শ্রী মোদীনা রাজ্য সরকারশিং, স্কুলশিং, ওফিসশিং অমসুং কম্ম্যুনিতীগী লুচিংবশিংদা ফিৎনেস অমসুং ন্যুত্রিসনগী মতাংদা এৱেরনেস শন্দোক্নবা হায়খি। মতিক চাবা ন্যুত্রিসনগী মতাংদা মখোয়গী প্রেক্তিকেল এক্সপরিয়েন্স অমসুং নোলেজ শেয়র তৌনবা মহাক্না মীপুম খুদিংমক্তা তকশিনখি। মহাক্না "ফিৎ ইন্দিয়া" অমা শেমগৎনবা পুন্না হোৎনমিন্ননবা হায়খি। মহাক্না 38শুবা নেস্নেল গেম্স হৌদোক্লে হায়না লাউথোকখি অমসুং শরুক য়ারিবা পুম্নমক্তা য়াইফ পাউজেল পীখি।
উত্তরাখন্দগী গভর্নর, লেফতেনেন্ত জেনরেল (রিতায়র্দ) গুর্মিৎ সিংহ, উত্তরাখন্দগী মুখ্য মন্ত্রী শ্রী পুষ্কর সিংহ ধামি, কেন্দ্রগী রাজ্য মন্ত্রী শ্রী অজয় তামতা, শ্রীমতি রক্ষা খাদসে অমসুং অতোপ্পা মকোক থোংবা মীওইশিংসু শরুক য়াখি।
বেকগ্রাউন্দ
উত্তরাখন্দগী দেহরাদুন্না নেস্নেল গেম্সকী সিলভর জুবিলী চহিগী মনুংদা 38শুবা নেস্নেল গেম্সকী য়ুম্বু ওইরি অমসুং উত্তরাখন্দগী জিলা 8গী শহর 11দা জনুৱারী 28দগী ফেব্রুৱারী 14 ফাওবা পাংথোক্কনি।
রাজ্য 36 অমসুং য়ুনিয়ন তেরিতোরী অমনা নেস্নেল গেম্সতা শরুক য়াগনি। নুমিৎ 17নি চুপ্না স্পোর্তস দিসিপ্লিন 35গী কম্পিতিসনশিং পাংথোক্কনি। মসিগী মনুংদা, শান্ন-খোৎনবগী মখল 33গীদমক মেদলশিং পীগনি, অদুগা অনিদি একজিবিসন স্পোর্তশিং ওইগনি। ইহান হানবা ওইনা নেস্নেল গেম্সতা য়োগ অমসুং মল্লাকম্বসু য়াওহনখ্রে। লৈবাক শিনবা থুংবদগী শান্নরোই 10,000 হেন্না ইভেন্ত অসিদা শরুক য়াগনি।
সস্তেনেবিলিতীদা মীৎয়েং থমদুনা, চহি অসিগী নেস্নেল গেম্সকী থিমদি “গ্রীন গেম্স” নি। স্পোর্তস ফোরেস্ত কৌবা অখন্নবা পার্ক অমা মফম অদুগী মনাক্তা শেমগৎকনি, মসিদা শান্নরোইশিং অমসুং গেস্তশিংনা উ-চারা 10,000 হেন্না থাগনি। শান্নরোইশিংগী মেদলশিং অমসুং সর্তিফিকেৎশিং অসি অকোইবগী ফিভমগা চান্নবা অমসুং বাইওদিগ্রেদেবল ওইবা মচাকশিংদগী শেমগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
We consider sports as a key driver for India's holistic development. pic.twitter.com/bYaHZpWhd1
— PMO India (@PMOIndia) January 28, 2025
We are creating more and more opportunities for our athletes so they can enhance their potential to the fullest. pic.twitter.com/WYoCesPiWx
— PMO India (@PMOIndia) January 28, 2025
India is making a strong push to host the 2036 Olympics. pic.twitter.com/Dy4g809faJ
— PMO India (@PMOIndia) January 28, 2025
The National Games is more than just a sporting event. It is a great platform to showcase the spirit of 'Ek Bharat, Shreshtha Bharat.' It is a celebration of India's rich diversity and unity. pic.twitter.com/nRlLXcXzYC
— PMO India (@PMOIndia) January 28, 2025
