পি.এম.না মোরিসসকী পি.এম. অমসুং শ্রী লঙ্কাগী রাস্ত্রপতিগা পুন্না UPI সর্ভিস হৌদোকখ্রে

প্রধান মন্ত্রী, শ্রী নরেন্দ্র মোদীনা শ্রী লঙ্কাগী রাস্ত্রপতি, শ্রী রানিল ৱিক্রেমাসিঙ্গে অমসুং মোরিসসকী প্রধান মন্ত্রী, প্রবিন্দ জগনোথকা লোয়ননা ভিদিও কনফরেন্সিংগী খুত্থাংদা শ্রী লঙ্কা অমসুং মোরিসস্তা য়ুনিফাইদ পেমেন্ত ইন্তর্ফেস (UPI) সর্ভিস অমসুং মোরিসস্তা রুপে কার্দ সর্ভিস পুন্না হৌদোকমিন্নখ্রে।

মোরিসসকী প্রধান মন্ত্রী, শ্রী প্রর্বিন্দ জগনোথনা কো-ব্রান্দ তৌরবা রুপে কার্দ অসি মোরিসস্তা দোমেস্তিক কার্দ অমা ওইনা দিজাইন তৌগনি হায়খ্রে। ঙসি হৌদোক্লিবা সর্ভিস অসিনা লৈবাক অনিমক্কী মীয়ামদা কান্নবা য়াম্না পীগনি মহায়না মহাক্না মখা তাখি।

শ্রী লঙ্কাগী রসাত্রপতি, শ্রী রানিল ৱিক্রেমাসিঙ্গেনা প্রধান মন্ত্রীবু অয়োধ্যা ধামদা শ্রী রাম মন্দির শঙ্গাখিবগীদমক্তা থাগৎপা ফোংদোকখ্রে। মহাক্না চহি চা কয়াদগী লৈরক্লবা শেন্মিৎলোনগী মরীদসু মিৎয়েং চঙখি। রাস্ত্রপতিনা কন্নেক্তিবিতীগী খোঙজেল ঙাক্তুনা থমগনি অমসুং লৈবাক অনিগী মরীনা চেৎশিল্লকপা হেনগনি হায়বগী থাজবা থমখি।

প্রধান মন্ত্রীনা ঙসিগী থৌরমদা ৱা ঙাঙবদা, ঙসি অসিদি অফবা মরী লৈনবা য়ুম্লোন্নবা লৈবাক অহুম,  ভারত, শ্রী লঙ্কা অমসুং মোরিসসকী মরু ওইবা নুমিৎ অমনি অমসুং ঙসিগী নুমিৎ অসিদি লৈবাকশিং অসিগী পুৱারীদগী লৈনরক্লবা মরীনা মোদর্ন দিজিতেল কন্নেক্তকী শক্তম অমা লৌরে হায়না ফোংদোকখি। সরকারনা মীয়ামগী চাউখৎ থৌরাংগীদমক্তা খোঙফম চেৎলি হায়বসি ঙসিগী নুমিৎ অসিনা খুদম ওইনা তাক্লে হায়না মহাক্না হায়খি। প্রধান মন্ত্রীনা ফিন্তেক কন্নেক্তবিতী অসিনা ক্রোস-বোর্দর ত্রাঞ্জেক্সন অমসুং কন্নেক্সন হেন্না ফগৎহনগনি হায়খি। “ভারতকী UPI নত্ত্রগা য়ুনাইতেদ পেমেন্ত ইন্তর্ফেস অসিনা ঙসিদগী অনৌবা থৌদাং অমা লৌরে, ভারতকা পার্ত্নরশিংগা অমত্তা ওইহনবগী থৌদাং অমা”, প্রধান মন্ত্রীনা হায়খি।

দিজিতেল পব্লিক ইনফ্রাস্ত্রকচর অসিনা ভারত্তা অচৌবা অহোংবা অমা পুরকখি, খুঙ্গংগী মনুং হঞ্জিনবদা লৈবা খ্বাইদগী পীকপা ভেন্দর ফাওবনা UPIগী খুত্থাংদা ত্রাঞ্জেক্সন তৌরি অমসুং দিজিতেল পেমেন্ত পাংথোকপা ঙম্লে হায়না প্রধান মন্ত্রীনা হায়খি। UPI ত্রাঞ্জেক্সন শিজিন্নবগী নুংঙাইবা অমসুং খোঙজেল য়াঙনা ত্রাঞ্জেক্সন পাংথোকপগী মতৌগী মতাংদা হায়রদুনা, প্রধান মন্ত্রীনা মমাংগী চহিদা UPIগী খুত্থাংদা ত্রাঞ্জেক্সন বিলিয়ন 100 হেন্না পাংথোকখি, মসিগী শেনফমদি ভারতকী ওইনা লুপা করোর লাক্ষ 2, শ্রী লঙ্কাগী ওইনা রুপী ত্রিলিয়ন 8 অমসুং মোরিসসকী ওইনা মোরিসস রুপী ত্রিলিয়ন 1 ওইগনি হায়খি। প্রধান মন্ত্রীনা বেঙ্ক একাউন্ত, আধার অমসুং মোবাইল ফোনগী GEM ত্রিনিতীগী খুত্থাংদা লাস্ত-মাইল দেলিভরী তৌখিবা অমসুং লুপা করোর লাক্ষ 34 নত্ত্রগা US দোল্লর বিলিয়ন 400 অসিবু বেনেফিশরীশিংগী বেঙ্ক একাউন্ততা হাপখিবগী মতাংদা পাউদমখি। ভারতনা কোৱিন প্লেতফোর্ম শিজিন্নদুনা মালেমগী খ্বাইদগী চাউবা ভেক্সিনেসন কেম্পেন পাংথোকখি হায়না প্রধান মন্ত্রীনা হায়খি। “তেক্নোলোজী শিজিন্নবনা নুং-পান ফাওনা উহনবগী থৌওং খুমাং চাউশিনহল্লি, শেঞ্জা থুমজা হন্থহল্লি অমসুং খুন্নাইদা ইনক্লুসিবিতী হেনগৎহল্লি”, প্রধান মন্ত্রীনা মখা তাখি।

প্রধান মন্ত্রীনা হায়খি, “ভারতকী পোলিসীদি ‘য়ুম্লোন্নবনা হান্না’ হায়বসিনি।  ঐখোয়গী মেরিতাইম ভিজন্না SAGAR, হায়বদি, সেক্যুরিতী এন্দ গ্রোথ ফোর ওল ইন দি রিজন, হায়বসিনি। ভারতনা মশাগী চাউখৎ থৌরাংবু য়ুম্লোন্নবশিংগী চাউখৎ থৌরাংনি হায়না উই”।

শ্রী লঙ্কাগী রাস্ত্রপতিগী অকোনবা খোঙচত্তা য়ানবা পুরকখিবা ভিজন দোক্যুমেন্তকী মতাংদা পল্লদুনা, প্রধান মন্ত্রীনা ফাইনেন্সিএল কন্নেক্তিবিতী হেনগৎহনবনা মসিগী মরু ওইবা মচঙ অমনি হায়না ফোংদোকখি। ৱাফম অসিমক প্রধান মন্ত্রী, প্রবিন্দ জগনোথকসু শান্নখিবনি, মহাকসু G20গী সম্মিত্তা অখন্নবা মীথুংলেন ওইনা লাকখিবনি।

UPIগা মরী লৈনবা অসিনা শ্রী লঙ্কা অমসুং মোরিসস্তা কান্নবা পীগনি অমসুং দিজিতেল ত্রান্সফোর্মেসন্দসু অনৌবা শাফু অমা ফংগনি, লোকেল শেন্মিৎলোন্দা অফবা অওনবা অমা লাক্কনি অমসুং তুরিজম্বুসু খুমাং চাউশিলহনগনি হায়না প্রধান মন্ত্রীনা হায়খি। “ভারতকী লমকোয়বশিংনা UPI চৎনবা পন্থুংফমশিংদা অহেনবা মিৎয়েং চঙনরক্লগনি। শ্রী লঙ্ক অমসুং মোরিসস্তা লৈবা ভারত্তগী হৌখিবা মীওই অমসুং মফম অসিদা মহৈ তম্লিবা মহৈরোইশিংনা মসিদগী কান্নবা য়াম্না ফংগনি”, প্রধান মন্ত্রীনা মখা তাখি। এসিয়াগী নেপাল, ভুতান, সিঙ্গাপোর অমসুং গল্ফতনা UAEগী মতুংদা, রুপে অসি হৌজিক মোরিসস্তগী অফ্রিকাদা হৌদোক্লি। মসিনা মোরিসস্তগী ভারত্তা লাকপা মীওইশিংদা মতেং পাংগনি। হার্দ করেন্সী লৈবগী মথৌ তাবসু হন্থরগনি। UPI অমসুং রুপে কার্দ সীস্তেম্না ইশাগী করেন্সীদা রীএল তাইম, কোস্ত-ইফেক্তিব অমসুং কনভেনিএন্ত পেমেন্ত পাংথোকপদা তেংবাংগনি। লাক্কদৌরিবা মতমশিংদা, ঐখোয়না ক্রোস-বোর্দর রেমিত্তেন্স, হায়বদি, পর্সন তু পর্সন (P2P), পেমেন্ত ফেসিলিতীগী মাইকৈদা খোঙদাবা ঙমহনগনি হায়না প্রধান মন্ত্রীনা মখা তাখি।

ঙসিগী লোঞ্চ অসিনা গ্লোবেল সাউথ কোওপরেসনগী মায় পাকপগী মতৌ অমগী খুদম ওইরি হায়না প্রধান মন্ত্রীনা হায়খি। “ঐখোয়গী মরী অসিদি শুপ্নগী ত্রাঞ্জেক্সনগীদমক নত্তে, মসিদি পুৱারীগী মরীনি”, পি.এম. মোদীনা লৈবাক অহুমগী পীপল-তু-পীপল রিএলসন অসিগী মপাঙ্গলদা মিৎয়েং চঙলদুনা হায়খি। হৌখিবা চহি তরা অসিদা ভারতনা য়ুম্লোন্নবা লৈবাকশিংদা মতেং পাংদুনা লাকখিবশিংগী মতাংদা পল্লদুনা, মহৌশাগী অমাঙ-অতা থোকপা ওইরো, হকশেলগা মরী লৈনবা ওইরো, শেন্মিৎলোন নত্ত্রগা মালেমগী ফম্বাক্তা তেংবাংবা ওইরো, ইরাং লাকপা খুদিংদা ভারতনা য়ুম্লোন্নবা মরুপশিংগীদমক্তা লেপ্পি হায়না প্রধান মন্ত্রীনা হায়খি। “ভারতনা খ্বাইদগী অহানবা মতেং পীবা ওইদুনা লাক্লি অমসুং থৌওং অসিমক মখা চত্থখিগনি”, শ্রী মোদীনা হায়খি। ভারতকী G20 প্রসিদেন্সী মনুংদা গ্লোবেল সাউথকী শিংনবশিংদা ভারতনা অখন্নবা মিৎয়েং চঙখিবগী থৌওংবুসু প্রধান মন্ত্রীনা নৌনা নীংশিংখি। গ্লোবেল সাউথকী লৈবাকশিংদা ভারতকী দিজিতেল পব্লিক ইনফ্রাস্ত্রকচরশিংগী কান্নবা ফংহন্নবা সোসিএল ইম্পেক্ত ফন্দ অমা শেমখিবগী মতাংদসু মহাক্না পনখি।

প্রধান মন্ত্রীনা মহাক্কী ৱারোল লোইশিনবা ওইনা, ঙসিগী লোঞ্চ অসিদা অচৌবা থৌদাং য়াখিবা রাস্ত্রপতি রানিল ৱিক্রেমাসিঙ্গে অমসুং প্রধান মন্ত্রী প্রবিন্দ জগনোথকী মফমদা থম্মোই শেংনা থাগৎপা ফোংদোকখি। মহাক্না ঙসিগী লোঞ্চ অসিবু মায় পাকহনবগীদমক্তা লৈবাক অহুমগী সেন্ত্রেল বেঙ্ক অমসুং এজেন্সীশিংবু থাগৎখি।

বেকগ্রাউন্দ

ভারতনা ফিন্তেক ইন্নোভেসন অমসুং দিজিতেল পব্লিক ইনফ্রাস্ত্রকচরগী লুচিংবা অমা ওইরে। প্রধান মন্ত্রীনা ঐখোয়গী দিভেলপমেন্ত এক্সপেরিএন্স অমসুং ইন্নোভেসনশিংবু পার্ত্নর লৈবাকশিংগা শেয়র তৌবদা অহেনবা মিৎয়েং চঙলি। ভারত অমসুং শ্রী লঙ্কা অমদি মোরিসস্কী মরক্তা লৈরিবা নাৎ অমসুং মীয়ামগী মরীগী চাউরবা মরী য়েংলুরগদি, ঙসিগী লোঞ্চ অসিনা খোঙজেল য়াঙবা অমসুং মওং-মরিল চুম্বা দিজিতেক ত্রাঞ্জেক্সন এক্সপেরিএন্স অমগী খুত্থাংদা মীয়াম মশিং য়াম্বদা কান্নবা পীগনি অমসুং লৈবাকশিং অসিগী দিজিতেল কন্নেক্তিবিতীসু ফগৎহনগনি।

লোঞ্চ অসিনা শ্রী লঙ্কা অমসুং মোরিসস্তা চৎলিবা ভারত মচাশিং নত্ত্রগা ভারত্তা লাকপা মোরিসস মচাশিংদা UPI সেত্তলমেন্ত সর্ভিস ফংহনগনি। মোরিসস্তা রুপে কার্দ সর্ভিস হৌদোকপনা মোরিসসকী বেঙ্কশিংনা রুপে মেকানিজমদা য়ুম্ফম ওইবা কার্দ মোরিসস্তা পীবা য়াহনগনি অমসুং ভারত অমসুং মোরিসস্তা সেত্তলমেন্ত তৌনবগীদমক্তা রুপে কার্দ শিজিন্নবা য়াহনগনি।

A special day for digital connectivity between India, Sri Lanka and Mauritius. pic.twitter.com/Ra0FPTN4qy

— PMO India (@PMOIndia) February 12, 2024

भारत का Unified Payments Interface, यानि UPI, अब नया दायित्व निभा रहा है – Uniting Partners with India: PM @narendramodi pic.twitter.com/Xj9OOJOJIp

— PMO India (@PMOIndia) February 12, 2024

भारत में Digital Public Infrastructure से एक क्रांतिकारी परिवर्तन आया है: PM @narendramodi pic.twitter.com/q5LfOBlvLm

— PMO India (@PMOIndia) February 12, 2024

भारत की नीति है Neighbourhood First: PM @narendramodi pic.twitter.com/vcqS8e0DoC

— PMO India (@PMOIndia) February 12, 2024

मुझे विश्वास है कि श्रीलंका और मॉरीशस का UPI प्रणाली से
जुड़ने से, दोनों देशों को भी लाभ मिलेगा: PM pic.twitter.com/ZT6A98EAg5

— PMO India (@PMOIndia) February 12, 2024

चाहे आपदा प्राकृतिक हो, हेल्थ संबंधी हो, economic हो या अंतर्राष्ट्रीय पटल पर साथ देने की बात हो, भारत first responder रहा है, और आगे भी रहेगा: PM @narendramodi pic.twitter.com/FMr92Zj9zG

— PMO India (@PMOIndia) February 12, 2024

ৱা ঙাংখিবগী মপুংফাবা ৱারোল পানবা মসিদা নম্বীয়ু