সন্ত রবিদাসকী অনৌবা মীতম মায়খুম হাংদোকখ্রে
সন্ত রবিদাস জনম স্থলীগী অকোয়বদা চাওখৎ থৌরাংগী থবকশিং শঙ্গাখ্রে অমসুং উরেপ উয়ুং তমখ্রে
সন্ত রবিদাস ম্যুজিয়ম অমসুং পার্ক অদু মশক ফজথোকহনবগী উরেপ উয়ুং তমখ্রে
“ভারতকী পুৱারী অমা লৈ, লৈবাক অসিনা মথৌ তারকপা খুদিং, লম্বোইবা, মুনি নৎত্রগা অথোইবা মীওই অমা ভারত্তা পোকই।”
“সন্ত রবিদাস জী, মপাঙ্গল শোন্থরবা অমসুং তোখাই তোখাই তারবা ভারত্তা অনৌবা মতিং হাপ্পিরম্বা, ভক্তি ঈহৌগী অথোইবা লম্বোইবা অমনি”
“সন্ত রবিদাস জীনা খুন্নাইদা মনিং তম্বগী মরুওইবা তাকপিরম্মি অমসুং খুন্নাইদা খাইবুং তানরিবা অসিবু শমজিন্নবসু হোৎনবিরম্মি”
“রবিদাস জী মীপুম খুদিংমক্কীনি অমসুং মীপুম খুদিংমক রবিদাস জীগীনি।"
“লৈঙাক্না ‘সবকা সাথ সবকা বিকাস’কী লাইৱা তুংইন্বগা লোয়ননা সন্ত রবিদাস জীনা তাকপিরম্বা অমসুং মাগী ফিদমবু মাঙদা পুদুনা চৎলি”
“ঐখোয়না ফুরুপ খাইবগী ফত্তবা ৱাখল্লোন থাদোক্কদবনি অমসুং সন্ত রবিদাস জীগী অফবা পাউতাকশিং ইনগদবনি”

প্রধান মন্ত্রী শ্রী নরেন্দ্র মোদীনা ঙসি বরানসীদা সন্ত গুরু রবিদাসকী ৬৪৭শুবা মপোক কুমওন থৌরমদা ৱা ঙাংখ্রে‍। বি.ঐচ.য়ু. মনাক্কী সীর গোবর্ধনপুরদা লৈবা সন্ত গুরু রবিদাস জন্মস্থলীদা, প্রধান মন্ত্রীনা থংননা লৈবা রবিদাস পার্কতা নৌনা খিল্লিবা সন্ত রবিদাসকী মীতম অদুবু শঙ্গাখি‍। মহাক্না সন্ত রবিদাস জন্মস্থলীগী অকোয়বদা লুপা করোর ৩২রোমগী ওইগদবা তোঙান তোঙানবা প্রোজেক্তশিং শঙ্গাখি অমসুং লুপা করোর ৬২ রোম চঙনা পায়খৎগদবা সন্ত রবিদাস ম্যুজিয়ম অমসুং পার্ক্কী মশক মতৌ ফজথোকহনবগী থবক্কী উরেপ উয়ুংসু তমখি‍।

 

তিল্লিবা মীয়ামদা ৱা ঙাংলদুনা, প্রধান মন্ত্রীনা মীপুম খুদিংমকপু সন্ত রবিদাসকী পোক্নফম লমদমদা মহাক্কী ৬৪৭শুবা মপোক কুমওন থৌরমদা তরাম্না ওকখি‍। লৈবাক পুম্বদগী মহাকপু নীংজবশিংনা শরুক য়ারিবদুবু শিংথারদুনা, প্রধান মন্ত্রীনা মরুওইনা পঞ্জাবতগী কাসিদা লাক্লিবশিংগী ইহুলবু থাগৎখি অমসুং কাসি অসি অপীকপা পঞ্জাব অমগুম ওইরক্লে হায়খ‍ি‍। প্রধান মন্ত্রীঈনা সন্ত রবিদাস জীগী পোক্নফমদা অমুক হন্না লাকপগীদমক অমসুং মহাক্কী ফিদম অমসুং ফিরেপ্পু পুদুনা চৎপগীদমক থাগৎপা ফোঙদোকখি‍।

প্রধান মন্ত্রীনা কাসিগী মীহুৎ অমা ওইনা, মহাক্না সন্ত রবিদাস জীবু ইঞ্জবশিংগী থৌগল তৌনবগী তাঞ্জা ফংবগীদমক নুংঙাইবা ফোঙদোকখি‍। প্রধান মন্ত্রীনা, লাইশঙগী মফম নৌনা শেমগৎপা, চঙফম লম্বীশিং শেম্বা, লাই খুরম্ফম অমসুং প্রসাদশিং নৌনা শীন্দোকপা য়াওনা সন্ত রবিদাস জীগী জন্মস্থলীগী ফীভম ফগৎহন্নবগী স্কীমগী মতাঙদা পনখি‍। প্রধান মন্ত্রীনা সন্ত রবিদাসকী অনৌবা মীতমগী মরমদসসু ৱা ঙাংখি অমসুং সন্ত রবিদাস ম্যুজিয়মগী উরেপ উয়ুংসু তমখি‍।

 

প্রধান মন্ত্রীনা ঙসি অসি অথোইবা লম্বোইবা অমসুং খুন্নাই শেম্দোক্লম্বা গেদ্জ বাবাগী মপোক কুমওনসু ওইরি হায়রদুনা চাকথুং ফিথুংদ্রবা অমসুং লায়রবশিংগী ফীভম ফগৎহনবগী মায়কৈদা মহাক্না লৌরম্বা থৌদাংশিংবুসু শিংথাখি‍। পি.এম. মোদীনা বাবা সাহেব অম্বেদকর অসি গেদ্জ বাবাগী থবক থৌওংশিংবু চাউনা খোয়দাজখিবা মীশক অমনি অমসুং গেদ্জ বাবাসু বাবা সাহেব্না ইথিল পীখি হায়না পাউদমখি‍। প্রধান মন্ত্রীনা গেদ্জ বাবাগী মফমদসু মহাক্কী মপোক কুমওন্না লাকপদা কোক নোনখি‍।

প্রধান মন্ত্রীনা সন্ত রবিদাসনা তাকপি তম্বিরম্বশিংনা মহাকপু মতম পুম্বদা লমজিংই হায়খি অমসুং সন্ত রবিদাসকী ফিদমশিংবু থৌগল তৌনবগী ফম অমা পায়বা ফংবগীদমক নুংঙাইবা ফোঙদোকখি‍। মহাক্না মধ্য প্রদেশতা কুইদ্রিঙৈদা সন্ত রবিদাস মেমোরিএলগী উরেপ উয়ুং তমখিবগী ৱাফমসু পনখি‍।

“মথৌ তারকপা মতমদা কন্বিবা মীওই অমা লম্বোইবা, মুনি নৎত্রগা অথোইবা মীওই অমগী মওংদা থোরকপা হায়বসি ভারতকী পুৱারীনি,” হায়না প্রধান মন্ত্রীনা ফোঙদোক্লদুনা, সন্ত রবিদাস জী মপাঙ্গল শোন্থরবা অমসুং খাইবুং তারবা ভারত অমবু নৌনা মতিং হাপখিবা ভক্তি ঈহৌগী শরুক অমা ওইরম্মি হায়বা ৱাফম থমখি‍। রবিদাস জীনা খুন্নাইনা নীংতম্বগী ৱাহন্থোক পীবিরম্মি অমসুং খুন্নাইদা খাইবুং তানববু তাইশিন্নবা হোৎনরম্মি হায়না মহাক্না হায়খি‍। মহাক্না শোক্ন-শম্নবা য়াদবা, থাক নাইবা, অমসুং অচান মীরান নাইবগী মায়োক্তা খোঞ্জেল থোক্না লাউরম্মি‍। “সন্ত রবিদাসপু ৱাখল্লোন অমসুং লাইনিংগী ৱাংঙুলোন্দা পুন্দুনা থম্বা য়ারোই”, হায়না মহাক্না হায়খি, “রবিদাস জী মীপুম খুদিংগীনি অমসুং মীপুম খুদিংমক রবিদাস জীগীনি‍।” বৈষ্ণব কাঙলুপ্নসু মহাকপু জগৎগুরু রমানন্দগী তুংইনবা অমা ওইনা মখোয়গী গুরুনি হায়না লৌনৈ, অমসুং সিখ ফুরুপ্নসু মহাকপু নুংশিবা মীৎয়েঙনা য়েংই‍ হায়না মহাক্না হায়খি‍। গঙ্গাদা থাজবা থম্লিবা অমসুং বরানসীদা লৈবা মীওইশিংনা সন্ত রবিদাস জীবু পুক্নিং থৌগৎনফম ওইনা লৌনরি হায়না পি.এম. মোদীনা ফোঙদোকখি‍। হৌজিক্কী লৈঙাক অসিনা ‘সবকা সাথ সবকা বিকাস’কী লাইৱা তুংইন্দুনা, সন্ত রবিদাস জীনা তাকপিরম্বশিং অমসুং মহাক্কী ফিদমবু পুদুনা মাঙদা চঙশিল্লি হায়না ৱাফমসু মহাক্না ফোঙদোকখি‍।

 

সন্ত রবিদাসনা থোং মান্নবা অমসুং নুংশি চান্নবগী মতাঙদা তাকপিরম্বশিংগী মতাঙদা শুগাইনা হায়রদুনা, থোং মান্নবা হায়বসি চাকথুং ফিথুংদ্রবা অমসুং শোত্থহৌরবা ফুরুপশিংবু মাঙদা পুখৎপদগী লাকই হায়না প্রধান মন্ত্রীনা হায়খি অমসুং লৈঙাক্কৌ থৌরাংশিংগী কান্নবশিংবু চাওখৎ লম্বীদা তুং থংহৌরবা মীওইশিংগী মফমদা য়ৌহন্নবগী লৈঙাক্কী থৌরাংগী মতাঙদা পনখি‍। ‘মালেমগী খ্বায়দগী চাউবা য়াইফ-থৌরাংগী স্কীমশিংগী’ মতাঙদা পল্লদুনা, প্রধান মন্ত্রীনা ভারত মচা করোর ৮০দা লেম্না চেঙ চাক ফংংহল্লিববু পনখি‍। “অসিগুম্বা স্কীম অমা অসুম্না পাক চাউনা পায়খৎপা হায়বসি মালেমগী লৈবাক অমত্তদা লৈতে”, হায়না প্রধান মন্ত্রীনা হায়খি‍। স্বচ্চ ভারত মিসনগী মখাদা তোইলেৎশিং শাবনা দলিৎ, শোত্থহৌরবা অমসুং এস.সি./এস.তি./ও.বি.সি. নুপীশিংনা খ্বায়দগী হেন্না কান্নবা ফংলি হায়না মহাক্না হায়খি‍। মতৌ অসুম্না, জল জীবন মিসন্না তোতী ঈশিং য়ুমথোঙ করোর ১১দা চহি ৫ ফাদবা মতমদা য়ৌহল্লি অমসুং লায়রবা করোর কয়ানা অয়ুস্মান কার্দতগী শাফবা পুন্সি অমগী ইথিল অমা ফংলি‍। মহাক্না জন ধন একাউন্তশিংগী খুত্থাঙদা চাউনা পায়খৎলিবা ফাইনেন্সিএল ইনক্লুজনগী মতাঙদসু পনখি‍। দাইরেক্ত বেনিফিৎ ত্রান্সফরনা চাউনা কান্নবা পুরক্লে, মখোয়গী মনুংদা অমা হায়রগদি দলিৎ লৌমী কয়াদা কান্নবা পীরিবা কিসান সম্মান নিধি অসিনি‍। ফসল বিমা য়োজনানসু হীরম অসিদা মতেঙ পাংলি, হায়না মহাক্না হায়খি‍। পি.এম. মোদীনা স্কোলার্সিপ ফংলিবা দলিৎ নহা মশিং ২০১৪দগী হৌরগা শরুক অনি ওইরে অমসুং পি.এম. অৱাস য়োজনাগী মখাদা দলিথ ইমুংশিংনা লুপা করোর কয়াগী তেংবাংশিং ফংলি‍ হায়না পাউদমখি‍।

 

প্রধান মন্ত্রী মোদীনা দলিৎ, চাকথুং ফিথুংদ্রবা অমসুং লায়রবশিংগী ফীভম ফগৎহন্নবগী লমদা লৈঙাক্তা লৈরিবা অপাম্বা অসি ময়েক শেংই অমসুং মসিনা ঙসি মালেমসিদা ভারতনা খুমাঙ চাওশিনবগী মরুমদা লৈরিবা মরম্নি হায়খি‍। লম্বোইবশিংগী ৱাহৈশিংনা ঐখোয়দা চেকশিনৱা থম্বগা লোয়ননা চক খুদিংদা ঐখোয়গী লম্বীবু ঙান্থোকহল্লি‍ হায়না মহাক্না হায়খি‍। রবিদাস জীগী ৱাহৈশিং পল্লদুনা, প্রধান মন্ত্রীনা মী অয়াম্বনা ফুরুপ কাঙলুপ খেন্নবগী ৱাখল্লোন্দা উংদুনা লৈ অমদি ফুরুপ নাইবগী লায়না অসিনা মীওইবা খুন্নাইবু মাঙহল্লি হায়না শন্দোক্না তাকখি‍। করিগুম্বা কনাগুম্বা অমনা অতোপ্পা কনাগুম্বা অমবু ফুরুপগী মিংদা শাউহল্লবদি, মদুনা মীওইবা খুন্নাইদা অমাঙ অতা থোকহল্লি হায়না মহাক্না মখা তাখি‍।

প্রধান মন্ত্রীনা দলিৎশিংগী য়াইফনবগী মায়োক্তা লৈরিবা শাফুশিংদগী চেকশিনৱা থমখি‍। অসিগুম্বা মীওইশিং অসিনা ফুরুপকী রাজনিতীগী শক্লোন্দা শাগৈ অমসুং ইমুং মনুংগী রাজনিতী শান্নরি হায়না মহাক্না হায়খি‍। শাগৈগী রাজনিতীনা অসিগুম্বা শাফুশিংবু দলিৎ অমসুং ত্রাইবেলশিংনা য়াইফরকপদা নুংঙাইতবা ফাওই হায়খি‍। “ঐখোয়না ফুরুপ নাইবগী ফত্তবা ৱাখল্লোন নাথৈগদবনি অমসুং রবিদাস জীগী অফবা পাউতাকশিং ইনগদবনি”, হায়না প্রধান মন্ত্রীনা হায়খি‍।

 

রবিদাস জীগী ৱাফম পল্লদুনা, প্রধান মন্ত্রীনা করিগুম্বা কনাগুম্বা মীওই অমনা চহি চাম্ম পুন্সিরবদি, মখোয়না মপুন্সি চুপ্পা থবক তৌবা তাই মরমদি কর্ম হায়বসি লাইনিংনি অমসুং থবক খুদিংমক ওইজবা থিদনা তৌগদবনি হায়না শন্দোক্না তাকখি‍। হায়রিবা সন্ত রবিদাস জীনা তাকপিরম্বা ৱাফম অসি ঙসি লৈবাক পুম্বগী ওইরি‍ হায়না মহাক্না হায়খি‍। ভিক্সিত ভারত অমগী অকনবা য়ুম্ফম থোল্লিবা অজাদী কা অমৃৎ কালগী মতমদা ভারতনা চৎলি হায়রদুনা, প্রধান মন্ত্রীনা মথঙগী চহি ৫সিদা ভিক্সিত ভারতকী য়ুম্ফম হেন্না চেৎশিলহন্নবা ৱাফম থমখি‍। লায়রবা অমসুং চাকথুং ফিথুংদ্রবশিং কোনশিন্নবা কেম্পেন অসিগী পাক চাউবা হেনগৎহনবা হায়বসি লৈবাক মীয়াম করোর ১৪০না শরুক য়ারক্লবা মতমদতা ওইথোকপা ঙমগদৌরিবনি হায়না মহাক্না ফোঙদোকখি‍। লৈবাক মীয়ামগী মঙলান সন্ত রবিদাস জীগী থৌজালগা লোয়ননা মঙফাওনগনি হায়না থাজবা ফোঙদোকপগা লোয়ননা “ঐখোয়না লৈবাক্কীদমক খনবা তাই‍। ঐখোয়না খাইবুং তাবা ৱাখল্লোন্দগী লাপ্না লৈদুনা লৈবাক অসিগী অপুনবগী শক্তম হেন্না চেৎশিলহন্নবা হোৎনবা তাই”, হায়রদুনা প্রধান মন্ত্রীনা মাগী ৱারোল লোইশিনখি‍।

উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং সন্ত গুরু রবিদাস জন্মস্থান তেম্পল ত্রস্তকী চেয়রমেন, সন্ত নিরঞ্জন দাসসু অতৈ মীওই কয়াগা লোয়ননা থৌরমদুদা শরুক য়াখি‍।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
10 years of Modi govt: How has the Indian economy fared?

Media Coverage

10 years of Modi govt: How has the Indian economy fared?
NM on the go

Nm on the go

Always be the first to hear from the PM. Get the App Now!
...
PM Modi's interview to Punjab Kesari, Jag Bani, Hind Samachar, and Navodaya Times
May 27, 2024

In an interview with Punjab Kesari, Jag Bani, Hind Samachar, and Navodaya Times, Prime Minister Modi discussed the Lok Sabha elections and the country's development. On the issue of farmers, he stated that farmers are our 'Annadatas.' He said that his government has undertaken work in the agricultural sector that no previous government had done. Regarding the opposition, he remarked that the INDI alliance lacks any plan or vision for the country's development and is therefore engaged in nonsensical rhetoric.

Following is the clipping of the interview: