নেতাজী সুভাস চন্দ্র বোস দ্বীপ্তা শাগদবা নেতাজীগী নেস্নেল মেমোরিএলগী মোদেল মাইখুম হাংদোকখ্রে
“পুৱারী শেম্লিবা অসিনা, তুংগী মীরোলশিংনা মসিবু নীংশিংবা, য়েংশিনবা অমদি নৈনবখক নত্তনা মসিদগী লেপ্পা নাইদনা পুক্নিং থৌগৎনফমসু ওইগদৌরিবনি”
“নুমিৎ অসি তুংগী মীরোলশিংনা অজাদী কা অমৃৎ কালগী মশক নাইবা পন্দুপ অমা ওইনা নীংশিংনহৌরগনি”
“ঙসিসু সেলুলর জেলগী কাশিংদগী কল্লবা চৈনাখোলগা লোয়ননা খন্নরুদবা মওংদা মরৈবাক নুংশিখিবশিংগী খোঞ্জেল তারি”
“বেঙ্গলদগী দিল্লী, অন্দমান ফাওবদা, লৈবাকসিগী শরুক খুদিংমক্না নেতাজীনা থম্বিরম্বশিংবু কোক নোল্লি অমদি থাক ৱাংনা থাঙগত্তুনা থম্লি”
“ঐখোয়গী মীয়ামগী লৈঙাক্কী ইন্সতিত্যুসনশিং অমদি কর্তব্য পথকী মমাঙদা খিল্লিবা নেতাজীগী অচৌবা মীতম অসিনা ঐখোয় পুম্নমকপু ঐখোয়গী ইথৌদাং নীংশিংহল্লি”
“সমুদ্রনা তোঙান তোঙানবা ঈথৎশিং শম্নহনবগুম, ‘এক ভারত, শ্রেস্থ ভারত’কী ইহুলনা ইমা ভারতকী মচা পুম্নমকপু অমত্তা ওইনা পুনশিল্লি”
“লান্মীগী থৌদাংগী লোয়ননা লৈবাক ঙাক্নবগীদমক মপুন্সি কত্থোকখিবা লান্মীশিংবু পাক শন্না মশক খঙবিবা হায়বসি লৈবাক অসিগী থৌদাংনি”
“হৌজিক্তি মীয়াম্না মখোয়গী পুন্সি অমদি পুৱারী খঙনবগীদমক অন্দমান অমসুং নিকোবর ঈথত্তা লাক্নরি”

ঙসি পরাক্রম দিবস্তা, প্রধান মন্ত্রী, শ্রী নরেন্দ্র মোদীনা অন্দমান অমসুং নিকোবর ঈথৎকী মমিং থোন্দ্রিবা খ্বায়দগী চাউবা ঈথৎ ২১বু পরম বীর চক্র মনা ফংখ্রবা মীওই ২১গী মমিং লৌদুনা মিংথোনবগী থৌরমদা ভিদিও কন্ফরেন্সিংগী খুত্থাঙদা শরুক য়াখ্রে‍। থৌরম অদুদা, প্রধান মন্ত্রীনা নেতাজী সুভাস চন্দ্র বোস দ্বীপ্তা শাগদবা নেতাজীগী নেস্নেল মেমোরিএলগী মোদেলসু মায়খুম হাংদোকখি‍।

তিল্লিবা মীয়ামগী মফমদা ৱা ঙাঙলদুনা, প্রধান মন্ত্রীনা পুম্নমক্কী মফমদা পরাক্রম দিবসকী য়াইফ-পাউজেল পীখি অমদি পুক্নিং থৌগৎনিংঙাই ওইরবা নুমিৎ অসি লৈবাক শিনবা থুংনা নেতাজী সুভাস চন্দ্র বোসকী মপোক কুমওনসিদা পাঙথোক্লি হায়বা ৱাফম থমখি‍। প্রধান মন্ত্রীনা ঙসি অসি অন্দমান অমসুং নিকোবর ঈথৎকী পুৱারী ওইরগদবা নুমিৎ অমনি হায়খি অমদি, “পুৱারী শেম্লিবা অসিনা, তুংগী মীরোলশিংনা মসিবু নীংশিংবা, য়েংশিনবা অমদি নৈনবখক নত্তনা মসিদগী লেপ্পা নাইদনা পুক্নিং থৌগৎনফমসু ওইগদৌরিবনি” হায়খি‍। অন্দমান অমসুং নিকোবর ঈথৎকী ঈথৎ ২১ মমিং থোনবগী থৌরম ঙসি পাঙথোক্লি অমদি মখোয় অসি পরম বীর চক্র ফংখ্রবা মীওই ২১গী মমিংদা খঙনরগনি হায়না প্রধান মন্ত্রীনা পাউদমখি‍। নেতাজী সুভাস চন্দ্র বোসকী পুন্সিবু ইকায়খুম্নদুনা অনৌবা মেমোরিএল অমা শানবগী উরেপ উয়ুং মহাক্না লৈরম্বা ঈথৎসিদা তম্লি হায়না মহাক্না মখা তাখি অমদি, নুমিৎ অসি তুংগী মীরোলশিংনা অজাদী কা অমৃৎ কালগী মশক নাইরবা পন্দুপ অমা ওইনা নীংশিংনহৌরগনি হায়বা ৱাফমসু থমখি‍। নেতাজী মেমোরিএল অমদি নৌনা মমিং থোনগদৌরিবা ঈথৎ ২১ অসিনা নহারোলশিংগী মফমদা লেপ্পা লৈতনা পুক্নিং থৌগৎনফম ওইরগনি হায়না প্রধান মন্ত্রীনা ফোঙদোকখি‍।

অন্দমান অমসুং নিকোবর ঈথৎগী পুৱারীগী মরমদা পল্লদুনা, প্রধান মন্ত্রীনা মচু অহুমগী ফিরাল মফম অসিদা অহানবা ওইনা চিংখৎখি অমদি ভারতকী অহানবা মনীং তম্বা লৈঙাক শেমখি হায়না পাউদমখি‍। বীর সাবরকর অমদি মহাক্কুম্বা অতৈ অথৌবা কয়ানা মফম অসিদা লৈবাক অসিগীদমক খাঙবা অমদি কত্থোকপগী মতোল লোম্বা ফীভম ফংখি হায়না মহাক্না মখা তাখি‍। “ঙসিসু সেলুলর জেলগী কাশিংদগী কল্লবা চৈনাখোলগা লোয়ননা খন্নরুদবা মওংদা মরৈবাক নুংশিখিবশিংগী খোঞ্জেল তারি”, হায়না মহাক্না হায়খি‍। অন্দমানগী শক্তম অসি নীংতম লালহৌগী হৌখ্রবা থৌদোকশিংগী মহুত্তা মীনায় নাইথাংগী খুদম চাংদমশিংগ লোয়নদুনা লৈরম্বনি হায়না প্রধান মন্ত্রীনা নুংঙাইতবা ফোঙদোকখি অমদি, “ঐখোয়গী ঈথৎশিংগী মমিং ফাওবা মীনায় নাইথাংগী মমি তারম্মী” হায়খি‍। প্রধান মন্ত্রীনা চহি মরি-মঙাগী মমাঙদা মরুওইবা ঈথৎ অহুম মমিং নৌনা থোন্নবা পোর্ত ব্লেয়রদা লাকখিবা নীংশিংলদুনা, “ঙসিদি রোস আইলেন্দ অসি নেতাজী সুভাস চন্দ্র বোস আইলেন্ত ওইরে, হেবলোক অমদি নীল আইলেন্দশিং অসিনা মথঙশিৎনা স্বারাজ অমদি সহীদ আইলেন্দ ওইরে” হায়খি‍। স্বরাজ অমদি সহীদ হায়রিবা মমিংশিং অসি নেতাজী মশামক্না থোনবিরম্বনি অদুবু নীংতম্লবা মতুংদা মসিবু থৌশাদনা থম্বিরম্মী হায়না মহাক্না ফোঙদোকখি‍। “অজাদ হিন্দ ফৌজ লৈঙাক্না চহি ৭৫ মপুং ফারক্লবা মতমসিখক্তদা ঐখোয়গী লৈঙাক্না হায়রিবা মমিংশিং অসি অমুক হন্না থোল্লিবনি” হায়না প্রধান মন্ত্রীনা অঙকপা ফোঙদোকখি‍।

প্রধান মন্ত্রীনা ২১শুবা চহিচাগী ভারত অসিনা ভারতনা নীংতম্লবা মতুংদা পুৱারীগী চেনাশিংদা মাঙলুরবা নেতাজীবু নীংশিংলি হায়খি‍। নেতাজীনা অহানবা ওইনা অন্দমান্দা মচু অহুমগী ফিরাল চিংখৎখিবা মফমদুমক্তদা ঙসি চিংখৎলিবা অতিয়া পক্না ৱাংলবা ভারতকী ফিরালবু পল্লদুনা, মসিনা মফমসিদা লাক্লিবা লৈবাক মীয়াম খুদিংদা মরৈবাক নীংবগী ইথিল পোকহল্লগনি হায়না মহাক্না ফোঙদোকখি‍। মহাকপু নীংশিংদুনা শাগৎকদৌরিবা অনৌবা ম্যুজিয়ম অমদি মেমোরিএল অসিনা অন্দমানগী খোঙচৎশিংবু হেন্না কাউঙমদবা ওইহল্লগনি হায়বা ৱাফমসু মহাক্না থমখি‍। প্রধান মন্ত্রীনা ২০১৯দা দিল্লীগী রেদ ফোর্ত্তা শঙ্গাখিবা নেতাজী ম্যুজিয়মগী মরমদা পনখি অমদি মফম অদু মীয়ামবু পুক্নিং থৌগৎনফম অমা ওইরে হায়খি‍। মহাক্কী ১২৫শুবা মপোক কুমওন্দা বেঙ্গলদা পাঙথোকখিবা অখন্নবা থৌরমশিং অমদি নুমিৎ অদুবু পরাক্রম দিবস হায়না লাউথোকখিবা ৱাফমশিংসু শিংথাখি‍। “বেঙ্গলদগী দিল্লী, অন্দমান ফাওবদা, লৈবাকসিগী শরুক খুদিংমক্না নেতাজীনা থম্বিরম্বশিংবু কোক নোল্লি অমদি থাক ৱাংনা থাঙগত্তুনা থম্লি”, হায়না প্রধান মন্ত্রীনা ফোঙদোকখি‍।

প্রধান মন্ত্রীনা নীংতম্লবা মতুংদা খুদক্তা পায়খৎলম্বা য়াবা নেতাজী সুভাস চন্দ্র বোসকা মরী লৈনবা থবকশিং পুথোক্তুনা মখোয়শিং অসি হৌখিবা চহি ৮-৯ অসিদখক্তা পাঙথোকখিবনি হায়বা ৱাফম থমখি‍। মনীং তম্বা ভারতকী অহানবা লৈঙাক লৈবাকসিগী মফম অসিদা ১৯৪৩দা শেমখিবনি অমদি লৈবাকসিনা মসিবু হেন্না চাউথোকচবগা লোয়ননা য়াজরি হায়না মহাক্না হায়খি‍। অজাদ হিন্দ লৈঙাক শেমখিবা চহি ৭৫ মপুং ফারকপদা রেদ ফোর্ত্তা লৈবাক্কী ফিরাল চিংখত্তুনা লৈবাকসিনা নেতাজীগী মফমদা শ্রদ্ধাঞ্জলি কৎখি হায়বা ৱাফম মহাক্না থমখি‍। প্রধান মন্ত্রীনা চহি কয়া নেতাজীগী পুন্সিগা মরী লৈনবা ফাইলশিং দিক্লাসিফাই তৌনবা দিমান্দশিংগী মতাঙদা পল্লদুনা থবকশিং অদু মপুং ফানা কত্থোকপগা লোয়ননা পাঙথোকখি হায়খি‍। “ঙসিদি ঐখোয়গী মীয়ামগী লৈঙাক্কী ইন্সতিত্যুসনশিং অমদি কর্তব্য পথকী মমাঙদা খিল্লিবা নেতাজীগী অচৌবা মীতম অসিনা ঐখোয় পুম্নমকপু ঐখোয়গী ইথৌদাং নীংশিংহল্লি”, হায়না প্রধান মন্ত্রীনা হায়খি‍।

মখোয় মখোয়গী মশক নাইবা মীওইশিং অমদি নীংতম লান্মীশিংগা মীয়ামগা মতম চানা মরী শেমগৎখিবা, অমদি মতিং লৈবা ফিদমশিং শেমগত্তুনা মীয়ামদা লান্থোকখিবা লৈবাকশিং অদুনি ঙসি চাউখৎপা অমদি লৈবাক শেমগৎপগী লমজেলদা মাঙজিল থানা চেল্লিবশিং অসি হায়রদুনা, প্রধান মন্ত্রীনা ভারতনা অজাদী কা অমৃৎ কাল অসিদা হায়রিবা খোঙথাঙশৎং অদু পায়খৎলি হায়বা ৱাফম থমখি‍।

ঈথৎ ২১ মমিং থোনবগী মরুমদা চেল্লিবা ‘এক ভারত, শ্রেস্থ ভারত’কী তোপ তোপ্পা পাউজেলগী মরমদা পল্লদুনা, প্রধান মন্ত্রীনা মসি লৈবাক্কীদমক থৱায় কৎখিবা অমদি ভারত লান্মীগী মথৌনা মরিংজেলগী লোইনাইদবা মশক অদুগী পাউজেলনি হায়খি‍। পরম বীর চক্র ফংখিবা মীওই ২১ অসিনা ইমা ভারতপু ঙাকথোক্নবা পুম্নমক কত্থোকখি হায়না হায়রদুনা প্রধান মন্ত্রীনা হায়রিবা মথৌনা লৈরবা ভারত লান্মীশিং অসি তোঙান তোঙানবা স্তেৎশিংদগীনি, তোঙান তোঙানবা লোল, অমদি লোন্থৈ লৈ, অমদি তোঙান তোঙানবা পুন্সি মহিং হিংই অদুবু মখোয়বু অমত্তা ওইনা পুনশিল্লিবা অসিদি ইমা ভারতকী থৌগল অমদি মমা লৈবাক্কীদমক হোংবা নাইদবা খোঙফম অদুননি হায়খি‍। “সমুদ্রনা তোঙান তোঙানবা ঈথৎশিং শম্নহনবগুম, ‘এক ভারত, শ্রেস্থ ভারত’কী ইহুলনা ইমা ভারতকী মচা পুম্নমকপু অমত্তা ওইনা পুনশিল্লি”, হায়না প্রধান মন্ত্রীনা ফোঙদোকখি‍। “মেজর সোমনাথ শর্ম, পিরু সিংহ, মেজর সৈতান সিংহদগী হৌরগা কেপ্তেন মনোজ পান্দে, সুবেদার জোগিন্দর সিংহ অমদি লান্স নাইক অল্বর্ত এক্কা ফাওবা, বীর অব্দুল হমীদ অমদি মেজর রামাস্বামী পরমেস্বরন্দগী হৌরগা পরম্বীর ২১মক্কী মফমদা – লৈবাক্না মাঙদা! ভারতনা মাঙদা! – হায়রিবা ফিরেপ অসি লৈখি‍। হায়রিবা ফিরেপ অসি হৌজিক্তি ঈথৎশিং অসিগী মমিং ওইনা মতম চুপ্পা শিবা নাইদনা লৈহৌরগনি‍। অন্দমানগী চীং অমসু কার্গিল লানগী কেপ্তেন বিক্রম বত্রাগী মিংদা কত্থোক্লি”, হায়না মহাক্না হায়খি‍।

প্রধান মন্ত্রীনা অন্দমান অমসুং নিকোবরগী ঈথৎশিং মমিং থোল্লিবসি পরম্বীর চক্র ফংখ্রবশিংগী মফমদখক্তা কত্থোকপা নত্তে ভারতকী খুৎলায় পায়বা লান্মীশিংগী মফমদসু কত্থোক্লিবনি হায়খি‍। ঐখোয়গী লান্মীশিংনা নীং হেক তম্লকপদগী লান মায়োক্নদুনা লাক্লে হায়বা ৱাফম নৌহৌননা নীংশিংলদুনা, ঐখোয়গী লান্মীশিংনা লানফম খুদিংদা মখোয়গী মথৌনা উৎলি হায়না প্রধান মন্ত্রীনা হায়খি‍।“লান্মীগী থৌদাংগী লোয়ননা লৈবাক ঙাক্নবগীদমক মপুন্সি কত্থোকখিবা লান্মীশিংবু পাক শন্না মশক খঙবিবা হায়বসি লৈবাক অসিগী থৌদাংনি‍। লৈবাক অসিনা হায়রিবা থৌদাং অদু পাঙথোক্লি অমদি লান্মীশিংগী মমিংদা শকখঙলি”, হায়না প্রধান মন্ত্রীনা হায়খি‍।

অন্দমান অমসুং নিকোপর ঈথৎকী মতিংগী মরমদা পল্লদুনা, প্রধান মন্ত্রীনা মফম অসি ঈশিং, মহৌশা, অকোয়বগী ফজরবা ফীভম, হোৎনবা, থৌনা, চৎনবী, লমকোয়, পুক্নিং মঙাল ফাওহনবা, অমদি পুক্নিং থৌগৎনবগী লমদম্নি হায়খি, অমদি মতিংশিং খঙদোকপা অমসুং খুদোংচাবশিং খঙদোকপগী মথৌ তাবা ৱাফম থমখি‍।

প্রধান মন্ত্রীনা হৌখিবা চহি ৮দা পায়খৎখিবা থবকশিং পল্লদুনা, ২০১৪গা চাংদম্নবদা ২০২২দা অন্দমান্দা লাকখিবা লম কোয়ব মশিং শরুক অনি হেনগৎলে হায়না পাউদমখি‍। মহাক্না থবক পীবা হেনগৎপা অমদি তুরিজমগা মরী লৈনবা শেন্থোক হেনগৎপগী মতাঙদসু শিংথাখি‍। প্রধান মন্ত্রীনা অন্দমানগা মরী লৈনবা নীংতম্বগী পুৱারীগী মরমদা খঙনিংবগী ইখৌ লাংবা হেনগৎলকপগা লোয়ননা লমদম অসিগী শক্তমসু খেন্নবা মশক কয়া থোরক্লি হায়বা ৱাফমদা ময়ামগী পুক্নিং চিংশিনখি‍। “হৌজিক্তি পুৱারী খঙনবা অমদি হকথেংননা পুক্নিংদা ফাওননবা মীয়াম্না মফমসিদা লাক্নরি”, হায়না মহাক্না হায়খি‍। মহাক্না অন্দমান অমদি নিকোবর ঈথৎকী ইনাক খুল্লবা ত্রাইবেলগী চৎনবীবুসু শিংথাখি অমদি নেতাজী সুভাস চন্দ্র বোসকা মরী লৈনবা মেমোরিএল অমদি লান্মীগী থৌনাবু ইকায়খুম্নবা উৎলিবা অসিনা ভারত মচাশিংবু মফমসিদা লাক্নিংবগী লাংতক্নবসু হেনগৎহল্লগনি হায়খি‍।

মশাবু হন্থনা খঞ্জবা অমদি মশানা মশাদা থাজবা ৱাৎপা, মরুওইনা শেরান্নবা ৱাখল্লোনগী রাজনিতীনা মরম ওইরগা লৈবাকসিগী মতিং খঙদোকপদা মমাঙগী লৈঙাকশিংনা হোৎনরম্বা ৱাৎপগী ফীভমবু প্রধান মন্ত্রীনা পেন্দবা ফোঙদোকখি‍। “ঐখোয়গী হিমালয়ান স্তেতশিং, মরুওইনা অৱাং নোংপোক ওইরবসু, নৎত্রগা অন্দমান অমসুং নিকোবরগুম্বা সমুদ্রগী ঈথৎকী মফমশিং ওইরবসু, অসিগুম্বা মফমশিং অসিবু মনুং হঞ্জিনবা, য়ৌশিনবা ঙমদবা অমদি মরী লৈনদবা মফমশিংনি খন্না চাওখৎ থৌরাংগী থবকশিং নাথৈদুনা চহি কয়া লাকখি” হায়না প্রধান মন্ত্রীনা হায়খি‍। ভারতকী ঈথৎ অমদি ঈথৎ মচাশিংগী মশিংসু নীংথিনা থম্লমদে হায়বা ৱাফমসু মহাক্না থমখি‍। চাওখৎলবা ঈথৎকী লৈবাক সিঙ্গাপ,র, মাল্দিব্স, অমদি সিসিলিসকুম্বশিংগী খুদম পীরদুনা, প্রধান মন্ত্রীনা হায়রিবা লৈবাকশিং অসিগী পাক চাউবসি অন্দমান অমসুং নিকোবর ঈথত্তগী তারিবনি অদুবু মখোয়না মখোয়গী রিসোর্সশিং মওং চুম্না শীজিন্নদুনা চাওখৎপগী অনৌবা পন্দোলশিং লোমখ্র‍ে হায়খি‍। ভারতকী ঈথৎশিংসু মখোয়গা মান্নবা মতিংশিং লৈরি অমদি লৈবাকসিনা হায়রিবা মায়কৈ অসিদা খোঙ থাংজিল্লি হায়না প্রধান মন্ত্রীনা ফোঙদোকখি‍। প্রধান মন্ত্রীনা ‘সবমেরিন ওপ্তিকেল ফাইবর’গী খুত্থাঙদা অন্দমানবু খোঙজেল য়াঙবা ইরন্তরনেৎকা শম্নহন্দুনা দিজিতেল পেমেন্ত অমদি অতৈ অরুবা সর্ভিসশিং পীবা হেনগৎহল্লিবা অমদি লম কোয়বশিংদা কান্নহল্লিবা ৱাফমশিংবু খুদম ওইনা পনখি‍। “হৌজিক্তি লৈবাকসিদা মহৌশাগী খল অমদি মতমগী রিসোর্সশিং পুন্না মাঙদা চঙশিনমিন্নরি” হায়না প্রধান মন্ত্রীনা হায়খি‍।

নীংতম ঈহৌবু অনৌবা মায়কৈ তাকখিবা মমাঙগী অন্দমান অমসুং নিকোবর ঈথৎকা মান্নবা ৱাফমশিং পুথোক্লদুনা, লমদম অসিনা তুংদা লৈবাক অসিনা চাওখৎপগী মায়কৈদা অনৌবা ইনোৎ অমা হাপকনি হায়বা ৱাফমগা লোয়ননা প্রধান মন্ত্রীনা মহাক্কী ৱারোল লোইশিনখি‍। “ঐখোয়না মতিং লৈবা ভারত অমা শেমগৎকনি, অমদি মতমগা চুননা চাওখৎপগী অনৌবা পন্দোল লোম্বা ঙমগনি হায়না ঐনা থাজৈ”, হায়না প্রধান মন্ত্রীনা ফোঙদোকখি‍।

কেন্দ্রগী গৃহ মন্ত্রী, শ্রী অমিত সাহ, অমদি অন্দমান অমসুং নিকোপর ঈথৎকী লেফ্তনেন্ত গভর্নর, এদমিরেল দি.কে. জোসী, চীফ ওফ দিফেন্স স্তাফসু থৌরমদুদা অতৈ কয়াগা লোয়ননা শরুক য়াখি‍।

বেকগ্রাউন্দ

অন্দমান অমসুং নিকোপর ঈথৎকী পুৱারীগী ওইবা মরুওইববু পুক্নিংদা থমদুনা অমদি নেতাজী সুভাস চন্দ্র বোসকী হৌখ্রবা পুন্সিবু ইকায়খুম্ননবগীদমক, রোস আইলেন্দবু নেতাজী সুভাস চন্দ্র বোস দ্বীপ হায়না প্রধান মন্ত্রীনা ইথৎ অসিদা ২০১৮দা চৎখিবা খোঙচত্তা মমিং হোংলমখি‍। নীল আইলেন্দ অমসুং হেবলোক আইলেন্দবুসু সহীদ দ্বীপ অমসুং স্বরাজ দ্বীপ হায়না মমিং হোংখি‍।

লৈবাকসিগী তশেংবা অথৌবশিংবু মতিক চাবা ইকায়খুম্নবা উত্তুনা প্রধান মন্ত্রীনা মতম পুম্বদা খ্বায়দগী ৱাংবা থাক্তা থাঙ্গত্তুনা থম্লি‍। হায়রিবা ৱাখল্লোন অসিগী পরিংদা চঙশিন্দুনা, লৈঙাক অসিনা হৌজিক্তি ঈথৎ কাঙলুপ অসিগী মমিং থোন্দ্রিবা খ্বায়দগী চাউবা ঈথৎ ২১বু পরম বীর চক্র ফংখ্রবা মীওই ২১গী মমিং লৌদুনা মিং থোল্লে‍। খ্বায়দগী চাউবা মমিং থোন্দ্রিবা ঈথৎপু পরম বীর চক্র ইহান হান্না ফংখিবা মীশক্কী মমিংদা থোনগনি, মমিং থোন্দ্রিবা অনিশুবা খ্বায়দগী চাউবা ঈথৎনা পরম বীর চক্র অনিশুবা ফংখিবা মীশক্কী মমিংদা থোনগনি অমদি মথং মথং অসুম্না থোনগনি‍। হায়রিবা খোঙথাঙ অসিনা লৈবাকসিগী মনীং তম্বা অমদি অপুনবগী শক্তম ঙাক্নবগীদমক মথৱায় কত্থোকখিবা অথৌবশিংগী মফমদা কৎপা মতম পুম্বগী ওইবা শ্রদ্ধাঞ্জলি ওইরগনি‍।

হায়রিবা ঈথৎশিং অসিগী মমিং পরম বীর চক্র ফংখ্রবা মীওই ২১গী মমিং লৌরগা থোনগদবনি‍। মখোয়শিং অদুদি, মেজর সোমনাৎ শর্ম; সুবেদার অমদি হোনী কেপ্তেন (মতমদুগী লান্স নাইক) করম সিংহ, এম.এম.; সেকেন্দ লেফ্তনেন্ত রামা রঘোবা রানে; নায়ক জাদুনাথ সিংহ; কম্পনী হবিল্দার মেজর পিরু সিংহ; কেপ্তেন জি.এস. সলারিয়া; লেফ্তনেন্ত কোলোনেল (মতমদুগী মেগর) ধন সিংহ থাপা; সুবেদার জোগিন্দর সিংহ; মেজর সৈতান সিংহ; সি.ক্যু.এম.ঐচ. অব্দুল হমীদ; লেফ্তনেন্ত কোলোনেল অর্দেসির বুর্জোরী তারাপোর; লান্স নাইক অল্বর্ত এক্কা; মেজর হোসিয়ার সিংহ; সেকেন্দ লেফ্তনেন্ত অরুন খেত্রপাল; ফ্লাইয়িং ওফিসর নির্মলজিৎ সিংহ সেখোন; মেজর রামাস্বামী পরমেস্বরম; নাইক সুবেদার বন সিংহ; কেপ্তেন বিক্রম বত্রা; লেফ্তনেন্ত মনোজ কুমার পান্দে; সুবেদার মেজর (মতমদুগী রাইফলমেন) সঞ্জয় কুমার; অমদি সুবেদার মেজর রিতাইয়র্দ (হোনী কেপ্তেন) গ্রেনেদিয়র য়োগেন্দ্র সিংহ য়াদবনি‍।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
PM Modi’s Game-Changing Ration Schemes: From Garibi Hatao to Garib Kalyan

Media Coverage

PM Modi’s Game-Changing Ration Schemes: From Garibi Hatao to Garib Kalyan
NM on the go

Nm on the go

Always be the first to hear from the PM. Get the App Now!
...
PM Modi addresses a public meeting in Mayurbhanj, Odisha
May 29, 2024
On June 10, Odisha will witness swearing-in of its first BJP CM: PM Modi in Mayurbhanj, Odisha
The land of Mayurbhanj is known for women empowerment: PM Modi in Mayurbhanj, Odisha
You trusted BJD for 25 years, but it broke your trust at every step: PM Modi in Mayurbhanj, Odisha

Prime Minister Narendra Modi addressed an enthusiastic public meeting in Mayurbhanj, Odisha with a vision of unprecedented development and transformation for the state and the country. PM Modi emphasized the achievements of the last decade under his leadership and laid out ambitious plans for the next five years, promising continued progress and prosperity for all Indians.

Declaring his final day of the election campaign in Odisha, PM Modi declared, "After five decades, the country is poised to form a full majority government for the third consecutive time. The development that people had not witnessed for decades has been seen in the past 10 years." Also, PM Modi highlighted the remarkable economic progress made since 2014 and said, "In 2014, we were the 11th largest economy in the world. Today, we are the fifth largest economic power.”

"Before 2014, less than 40 % of villages in the country had proper sanitation. Today, we have achieved the target of 100 %. Previously, LPG connections were available in only 50-55 % of households. Today, almost 100 % of households have been freed from smoke. Until 2014, more than 75 % of rural families did not have access to tap water. Today, approximately 75 % of households receive water through taps. The idea that free food grains and free medical treatment could be available was unimaginable. Today, Modi has made it possible,” said PM Modi highlighting the progressive approach of his government.

Looking forward, PM Modi assured the people that the next five years would be filled with unprecedented achievements. “India will become the third largest economic power in the world. In the next five years, we will witness an ‘Aatmanirbhar Bharat’ in many sectors. We will see a complete transformation of highways, expressways, and railways. This will directly benefit our eastern regions, including Odisha," PM Modi remarked.

Raising concerns over the conspiracy behind health issues of Odisha CM Naveen Patnaik, PM Modi said, “Today, all well-wishers of Naveen Babu are deeply concerned. They are very distressed to see how Naveen Babu's health suddenly deteriorated in the last year. People who have been close to Naveen Babu for years now discuss this with me when they meet. They tell me that Naveen Babu is now unable to make any decisions on his own. People who have been close to Naveen Babu for a long time now believe that there might be some conspiracy behind his deteriorating health.”

PM Modi expressed confidence that the people of Odisha have decided to put an end to 25 years of BJD rule and said, "I am pleased that Odisha has decided to put an end to 25 years of BJD rule. On June 10, Odisha will witness the swearing-in of its first BJP Chief Minister."

Reflecting on the unique cultural heritage of Mayurbhanj, PM Modi praised its tradition of women empowerment. "The land of Mayurbhanj is known for women empowerment. Traditionally, Mayurbhanj has been celebrated because only women pull the chariot of Maa Subhadra here. But now, the daughter of Mayurbhanj is leading our country of 140 crore people. Our President Draupadi Murmu is the first citizen of the country. This is a matter of pride for Mayurbhanj, Odisha, and the entire nation's women."

Reaffirming his commitment to the welfare of the tribal community, PM Modi stated, "The BJP government is dedicated to the pride and welfare of the tribal community. It was the Atal Bihari Vajpayee government that established a separate Tribal Ministry. The BJP was the first to include the Santhali language in the Eighth Schedule. I am the first Prime Minister to visit the village of Lord Birsa Munda. It is the Modi government that declared Lord Birsa Munda's birth anniversary as ‘Janjatiya Gaurav Diwas."

PM Modi assured the farmers and families involved in forest product collection of substantial support. "Many families in this region are engaged in the collection of forest products like ‘Sal’ leaves, ‘Sabai’ grass, and ‘Kendu’ leaves. Odisha BJP guarantees to purchase kendu leaves at 2 rupees per carry and provide a bonus. When our government comes to power, paddy farmers here will receive an MSP of 3100 rupees per quintal."

PM Modi criticized the BJD government for breaking the trust of the people and engaging in corrupt practices. "You trusted the BJD for 25 years, but the BJD has broken your trust at every step. This same BJD government had introduced a law to grab the lands of tribal brothers. Due to pressure from the BJP, they had to withdraw it. The BJD has also looted your mineral resources. Modi established the District Mineral Fund, giving thousands of crores of rupees to Odisha. The BJD committed fraud even with this fund."