প্রধান মন্ত্রী, শ্রী নরেন্দ্র মোদীনা লৈবাক অসিগী দিফেন্সকী তৌবা ঙম্বগী মতিকপু ত্রাই-সর্ভিস লাইব ফাইর অমসুং মেন্যুভর এক্সর্সাইসকী খুত্থাংদা ঙসি রাজস্থানগী পোখ্রন্দা পাংথোকপা সিনর্জাইজ দিমোনস্ত্রেসন অমগী মিৎয়েং তাখ্রে। ‘ভারত শক্তী’ অসিদা লৈবাক অসিদা শাজবা ৱেপন সীস্তেম কয়া উৎকনি অমসুং লৈবাক্কী মতিক মগুনগী দিমোনস্ত্রেসন অমগী প্লেতফোর্ম অমসু ওইগনি, থৌরমসি লৈবাক্কী আত্মানির্ভরতাগী খোঙথাংদা য়ুম্ফম ওইবনি।
প্রধান মন্ত্রীনা থৌরম অসিদা ৱা ঙাঙবদা, ঙসি উরিবা থৌনা অমসুং স্কিল অসিদি অনৌবা ভারতকী শক্তম অমনি হায়খি। “ঙসি, পোখ্রন্না ভারতকী আত্মানির্ভরতা, মশাদা থাজবা অমসুং থোওং অসিদা মায় পাকপগী ত্রিবেনী অমা অমুক্কা হন্না মিৎয়েং তারে”, মহাক্না হায়খি। মহাক্না মখা তানা হায়খি, “মসিদি ভারতকী ন্যুক্লিয়র তেস্ত মিৎয়েং তাখিবা চপ মান্নবা পোখ্রন অদুনি অমসুং ঙসি ঐখোয়না ইন্দিজেনাইজেসনগী পাঙ্গলগী শক্তী অমুক্কা হন্না উবা ফংলে”।
এদভান্স ওইরবা MIRV তেক্নোলোজী লোয়নবা লোং-রেঞ্জ অগ্নি মিসাইল ঙরাং চাংয়েং তৌখিবগী মতাংদা পাউদম্লদুনা, প্রধান মন্ত্রীনা মসিগুম্বা অনৌবা তেক্নোলোজী অমসুং পাঙ্গল অসি লৈবা মালেমগী লৈবাক খরখক্তমক লৈ অমসুং চাংয়েং অসিনা ভারতকী দিফেন্সকী আত্মানির্ভরতাদা অতোপ্পা মায় পাকপা অমগা হাপচিল্লি হায়খি।
“বিকশিৎ ভারতকী ৱাখল্লোন অসিদি আত্মানির্ভর ভারত য়াওদনা লাম্বা ফংলোই”, প্রধান মন্ত্রীনা হায়খি অমসুং অতোপ্পগী মখা পোনবগী থোওং হন্থহনবগী মথৌ তাই হায়না মখা তানা ফোংদোকখি। ঙসিগী থৌরম অসিদি ৱারেপ অসিগী মায়কৈদা থাংজিনবা খোঙথাং অমনি হায়রদুনা, প্রধান মন্ত্রীনা ভারতনা চানবা থাউদগী হৌরগা ফাইতর জেৎ ফাওবগী আত্মানির্ভরতাদা অকনবা মিৎয়েং থম্লি হায়খি। ভারতকী মপাঙ্গল উৎলিবা ভারতকে তেঙ্ক, কেনন, ফাইতর জেৎ, হেলিকোপ্তর অমসুং মিসাইল সীস্তেমদা ভারতনা দিফেন্সতা আত্মানির্ভরতা পুরকপদা মায় পাক্লে হায়বা উবা ঙম্লে। “আর্ম অমসুং এম্যুনিএসন, কম্ম্যুনিকেসনগী খুৎলায়, সাইবর অমসুং স্পেসকী হীরমদা মেদ ইন ইন্দিয়াগী থৌওংশিং ঐখোয়না উবা ফংলি। মসিদি ভারত শক্তী হায়বদুনি”, নুংঙাইরবা প্রধান মন্ত্রীনা হায়খি। মহাক্না লৈবাক অসিনা শাজবা তেজস ফাইতর জেৎ, এদভান্স লাইত কোম্বেত হেলিকোপ্তর, সবমেরিন, দেস্ত্রোইয়র, এয়রক্রাফ কেরিয়র, এদভান্স অর্জুন তেঙ্ক অমসুং কেননশিংগী মতাংদশু পনখি।
ভারতপু দিফেন্স সেক্তরদা মরোমদোম লেপচবা ঙমহন্নবা পায়খৎপা খোঙথাং কয়াগী মতাংদা পল্লদুনা, প্রধান মন্ত্রীনা পোলিসী রিফোর্ম তৌবা, প্রাইভেত সেক্তরবু শরুক য়াহনবা অমসুং MSMEগী স্তার্তঅপশিংবু পুক্নিং থৌগৎপগী মতাংদা পনখি। উত্তর প্রদেশ অমসুং তমিল নাদুগী দিফেন্স কোরিদোরগী মতাংদা পল্লদুনা মসিদা চাউরাক্না লুপা করোর ৭০০০ থাদখ্রবনি হায়না পনখি। মহাক্না ফোর্স অহুমক্কী চীফশিংবু মখোয়না মীরমদগী পুশিল্লক্লরোইদবা পোৎলমশিংগী লিস্ত শেমখিবা অমসুং হায়রিবা পোৎলমশিং অসিগী ভারতকী ওইবা ইকোসীস্তেম অমা শৌগৎপগীদমক্তা থাগৎপা ফোংদোকখি। হৌখিবা চহি ১০দা লুপা করোর লাক্ষ ৬কী পোৎলম ভারতকী কম্পেনীশিংদগী লৈশিনখি হায়না প্রধান মন্ত্রীনা নুংঙাইবা ফোংদোকখি। মতম অসিগী মনুংদা, লৈবাক্কী দিফেন্স প্রদক্সন্না শরুক অহি ওইদুনা লুপা করোর লাক্ষ ১ হেনখি। হৌখিবা চহি ১০দা দিফেন্স স্তার্তঅপ ১৫০ হেনবনা থবক হৌখি অমসুং দিফেন্স ফোর্সনা মখোয়দা লুপা করোর ১৮০০মুক্কী ওর্দরশু পীখ্রবনি।
“ভারতকী দিফেন্সকী তঙাই ফদবশিংদা আত্মানির্ভরতা লাকপসিনা আর্ম্দ ফোর্স্তা থাজবগী গেরেন্তী ওইরে”, পি.এম. মোদীনা হায়খি। লান্দা শিজিন্নবা খুৎলায়শিং পুম্নমক ইশাগী লৈবাক্তা পুথোকচবা ওইরকপা মতমদা আর্ম্দ ফোর্সশিংগী থৌনা পাঙ্গলদা শরুক য়াম্না হেনগৎলকই হায়না মহাক্না মিৎয়েং চঙখি। প্রধান মন্ত্রীনা মখা তানা পাউদম্বদা, হৌখিবা চহি ১০ অসিদা ভারতনা মশাগী ফাইতর জেত, এয়রক্রাফ কেরিয়র, C295 ত্রান্সপোর্ত কেরিয়র অমসুং এদভান্স ফ্লাইত ইঞ্জিন কয়া পুথোকখ্রে। ভারত্তা ৫শুবা জেনেরেসনগী ফাইতর জেত দিজাই তৌবা, শাবা অমসুং পুথোকপগী কেবিনেতনা হন্দক্তা অয়াবা পীখিবগী মতাংদা পল্লদুনা, প্রধান মন্ত্রীনা দিফেন্স সেক্তরগী শাহৌ লৌরকপা অমসুং মসিনা মরম ওইরগা তুংগী মতমদা থবক কয়া পীবা ঙমগদৌরিবা অসিগী মতাংদা পাউদমখি। ভারতনা মালেমগী খ্বাইদগী চাউবা দিফেন্স ইম্পোর্তর ওইরম্বগী মতম নীংশিংলদুনা, প্রধান মন্ত্রীনা ভারতনা হৌজিক্তি দিফেন্স একপোর্তর ওইরক্লে অমসুং ইং ২০১৪গা চাংদম্নবদা লৈবাক্কী দিফেন্স এক্সপোর্তনা শরুক নিপান হেনগৎলে হায়বা ৱাফমসু থমখি।
ইং ২০১৪গী মমাংদা লৈরম্বা দিফেন্সকী ৱাথোক, এম্যুনিসন ৱাৎপা অমসুং ওর্দনান্স ফেক্তরীশিংগী ফিভম শোকচিল্লকপগী মতৌ নীংশিংলদুনা, প্রধান মন্ত্রীনা ওর্দনান্স ফেক্তরীশিংবু অচৌবা কম্পেনী ৭তা কোর্পোরেত ওইহনখিবগী ৱাফম থমখি। মান্নবা মতৌ ওইনা, ঐচ.এ.এল. অমুক হন্না চিংখৎলক্তুনা শেন্দোং তানবা ঙম্বা অচৌবা কম্পেনী অমা ওইহল্লকখি। সি.দি.এস. শেমখিবা, ৱার মেমোরিএল শেম্বা অমসুং বোর্দর ইনফ্রাস্ত্রকচর চাউখৎহনবগী ৱাফমসু প্রধান মন্ত্রীনা পনখি।
“আর্ম্দ ফোর্সকী সর্ভিস পর্সোন্নেলশিংগী ইমুংনা মোদীগী গেরেন্তীগী ৱাহন্থোক অসি হকথেংননা থেংনখ্রবনি”, প্রধান মন্ত্রীনা অপেনবগা লোয়ননা ফোংদোকখি, অমসুং ৱান রেঙ্ক ৱান পেন্সন থবক্তা ওন্থোকখিবগী মতাংদা মীয়ামগী পুক্নিং চীংশিনখি। রাজস্থানগী দিফেন্স পর্সোন্নেল লাক্ষ ১.৭৫না ও.আর.ও.পি.গী মখাদা লুপা করোর ৫০০০গী কান্নবা ফংখ্রবনি।
আর্ম্দ ফোর্সকী মপাঙ্গলনা লৈবাক্কী শেন্মিৎলোনগী মতিক্কা চাং মান্ননা হেনগৎলি হায়না প্রধান মন্ত্রীনা হায়খি। ঐখোয়না মালেমগী খ্বাইদগী অহুমশুবা চাউবা শেন্মিৎলোন ওইরবনিনা দিফেন্সকী মতিক-মপাঙ্গলসু অনৌবা থাক্তা য়ৌরগনি হায়না মহাক্না হায়খি। থৌওংশিং অসিদা রাজস্থান্না লৌরিবা থৌদাংশিংবু মহাক্না শকখঙলদুনা অসুম্না হায়খি, “বিকশিৎ রাজস্থান্না বিকশিৎ সেনাগী মপাঙ্গল হাপকনি”।
রাজস্থানগী মুখ্য মন্ত্রী, শ্রী ভজন লাল শর্মা, দিফেন্সকী কেন্দ্র মন্ত্রী, শ্রী রাজনাথ সিংহ, চীফ ওফ দিফেন্স স্তাফ, জেনেরেল অনিল চাউহান, চীফ ওফ আর্মী স্তাফ, জেনেরেল মনোজ পান্দে, চীফ ওফ এয়র ফোর্স স্তাফ, এয়র চীফ মার্শেল বিবকে রাম চৌধরী অমসুং চীফ ওফ নেভেল স্তাফ, এদমিরেল আর. হরি কুমারসু ঙসিগী থৌরম অসিদা অতোপ্পা মীথুংলেন কয়াগা লোয়ননা শরুক য়ামিন্নখি।
বেকগ্রাউন্দ
‘ভারত শক্তি’ হায়রিবা এক্সরসাইজ অসিদা লৈবাকসিগী আত্মনিরভর্তা থৌরাংদা য়ুম্ফম ওইবা লৈবাকসিগী মতিক উৎকদবা লমদমসিগী ওইবা খুৎশু খুৎলায়গী সিস্তেম অমসুং প্লেতফোর্ম কয়া অমা উৎকনি। মসিদা কংফাল, নোংথক, সমুদূ্র, সাইবর, অমসুং স্পেসকী দোমেন্দা ইন্দিয়ন আর্ম্দ ফোর্সেসকী অপুনবা ওপরেস্নেল কেপেবিলিতীশিং উত্তুনা তশেং তশেংবা মওংদা, পুম্নমক পুনশিনবা, মল্তি-দোমেন ওপরেসন পাঙথোক্কনি।
এক্সরসাইজ অসিদা য়াওরিবা মরুওইবা ইকুইপমেন্ত অমসুং ৱীপন সিস্তেমশিংগী ইন্দিয়ন আর্মীগী মরক্তা T-90 (IM) তেঙ্ক, থনুশ অমসুং সারং গন সিস্তেমশিং, আকা ৱীপন সিস্তেম, লোজিস্তিক্স দ্রোনশিং, রোবোতিক ম্যুলশিং, এদভান্স লাইত হেলিকোপ্তা (ALH) অমসুং অনমেন্দ এরিএল ভেহিকল কয়া অতৈ ময়ামগা লোয়ননা খুমাঙ চাওশিল্লবা গ্রাউন্দ ৱারফ্যার অমসুং এরিএল সর্ভিলেন্স কেপেবিলিতীশিং উৎপা য়াওরি। ইন্দিয়ন নেভীনা নেভেল এন্তি-সিপ মিসাইলশিং, ওতোনোমস কার্গো কেরিইং এরিএল ভেহিকলশিং, অমসুং এক্সপেন্দেবল এরিএল তার্গেতশিংনা মেরিতাইমগী মপাঙ্গল অমসুং তেক্নোলোজীকেল সোফিস্তিকেসনশিং উৎখি। ইন্দিয়ন এয়র ফোর্সনা লমদমসিদা শেমগৎপা লাইত কোম্বেৎ এয়রক্রাফ্ত তাজাস, লাইত য়ুতিলিতী হেলিকোপ্তরশিং, অমসুং এভদান্স লাইত হেলিকোপ্তরশিং শীজিন্নদুনা নোংথক্কী ওপরেসন্দা এয়র সুপরিয়রিতী অমসুং ভর্সেতিলিতী উৎখি।
হৌজিক মতমসিগী অমসুং তুংলমচৎকী শিংনবশিং লমদমসিগী ওইবা পাম্বৈনা থেংননবা অমসুং লাকশিন্নবগী ভারতনা শেম শারিবা অসিবু তশেং তশেংনা উৎপা ওইনা, ভারত শক্তিনা মালেমগী থাক্তা ভারতকী দোমেস্তি দিফেন্স কেপেবিলিতীশিংগী রেসিলিএন্স, ইনোভেসন, অমসুং পাঙ্গল উৎলি। থৌরম অসিনা ইন্দিয়ন আর্ম্দ ফোর্সসকী মতিং মথৌ তৌবগী মতিক অমসুং লমদমসিগী দিফেন্স ইন্দস্ত্রীগী ইনজিনুইতী অমসুং ফিরেপ উত্তুনা, দিফেন্সকী লমদা আত্মনিরভর্তাগী মায়কৈদা লৈবাকসিনা থাংজিল্লিবা অকনবা খোঙথাংশিংগী খুদম ওইরি।
यही पोखरण है, जो भारत की परमाणु शक्ति का साक्षी रहा है, और यहीं पर हम आज स्वदेशीकरण से सशक्तिकरण का दम देख रहे हैं: PM @narendramodi pic.twitter.com/b7bWC6e6bC
— PMO India (@PMOIndia) March 12, 2024
विकसित भारत की कल्पना, आत्मनिर्भर भारत के बिना संभव नहीं है।
— PMO India (@PMOIndia) March 12, 2024
भारत को विकसित होना है, तो हमें दूसरों पर अपनी निर्भरता को कम करना ही होगा: PM @narendramodi pic.twitter.com/pf3z58lvRO
भारत शक्ति। pic.twitter.com/lbSPXsaCP1
— PMO India (@PMOIndia) March 12, 2024
