ঐহাক্না লৈবাক পুম্নমক্কী দিগ্নিতরীশিংবু থমোই শেংনা তরাম্না ওক্লি, অমসুং নুমিৎ নিনিগী সম্মিত অসিদা নখোয়না সেক্তর অসিগা মরি লৈনবা হিরম কয়া অমা খন্নখ্রে। ঐহাক্না থাজৈ মদুদি, সিভিল সেক্তরগী খ্বাইদগী হেন্না হৈথোই-শিংথোইরবা এক্সপর্তশিংনা ঐখোয়গী মরক্তা তিল্লরে। মসিমক ঐখোয়গী ফিরেপ অমসুং এসিয়া পেসিফিক রিজনগী পোতেন্সিয়েল অনিমক অসিবু মশক তাক্লি। ওর্গনাইজেশন অসিগী খোংচৎ অসি চহি ৮০ মপুং ফাখ্রে অমসুং উ-পাম্বি লিশিং ৮০ থানবগী অচৌবা থৌরাং অমা অদুশু ইমাগী মিংদা, ঐখোয়গী মন্ত্রী শ্রীমান নাইদু জীগী লমজিং-লমতাক অমসুং লুচিং মখাদা পাইখৎখ্রে। অদুবু ঐহাক্না নখোয় ময়াম্বু অতোপ্পা হিরম অমদা পুক্নিং চিংশিনবা পাম্লি, মদুদি ঐখোয়গী লৈবাক অসিদা কনাগুম্বা মীওই অমনা চহি ৮০ মপুং ফাবা মতম অসি হরাওবা মখল অমনি। একোয়গী পারি-পুরিশিংনা মশিং থিরম্বশিং অদুগী মতুং ইন্না মখোয়না চহি ৮০ মপুং ফাবা মতমদা মপুং ফাবা থানিল লিশিং অমা উনবগী খুদোংচাবা অদু ফংলবনি হায়না লৌই। মসিনা হায়বদি ঐখোয়গী সেক্তর অসিগী ওর্গনাইজেশন অসিনশুমপুং ফাবা থানিল লিশিং অমা উখ্রে অমসুং নাকল অমরোমদা হায়রগদি, মদুশু পাইরগা নক্না উবা ফংবগী এক্সপরিয়েন্স অদু লৈখ্রে। মরম অদুনা, অর্থ ৱেব অসিদা মসিগী চহি ৮০ শুরবা খোংচৎ অসি য়াম্না নিংশিংনিংঙাই ওইরবা, মাইপাকপা অমসুং থাগৎপদা মতিক চারবা অদুগুম্বা খোংচৎ অমনি।
মরুপশিং,
মসিগী শাহৌ অসি পুরকপদা সিভিল এভিয়েশনগী য়াম্না মরু ওইবা থৌদাং লৈ। ঐখোয়গী এভিয়েশন সেক্তর অসি ভারতকী খ্বাইদগী য়াংনা চাউখৎলক্লিবা ইকোনোমী অসিবু ওইহল্লকখিবা সেক্তরশিংগী মনুংদা অমনি। ঐখোয়না সেক্তর অসিগী খুত্থাংদা মীশিং, চৎনবী অমসুং নুংঙাই-য়াইফবগা মরি লৈনহল্লি। মী বিলিয়ন ৪, য়াম্না য়াংনা চাউখৎলক্লিবা মিদল ক্লাস অমসুং মসিনা মরম ওইরগা হেনগৎলক্লিবা দিমান্দ, মসিমক সেক্তর অসিবু চাউখৎহন্নবগী অচৌবা শাফু অমনি। ঐখোয়না রিজন অসিদা খুদোংচাবশিংগী নেতৱার্ক অমা শেম্নবগী পান্দমগা লোইননা মাং লোমদা চংশিল্লি। অমসুং অসিগুম্বা নেতৱার্ক অসিনা শেন্মিৎলোন চাউখৎহনবদা ইনোৎ হাপ্লগনি, ইনোভেশন প্রোমোত তৌরগনি অমসুং শান্তি অমসুং নুংঙাই-য়াইফবা পুরক্লগনি। এভিয়েশনগী তুংলমচৎ ঙাক্না থম্বা অসি ঐখোয়গী অচেৎপা ফিরেপ্নি। মফম অসিদা নখোয় পুম্নমক্না সিভিল এভিয়েশনগা মরি লৈনবা খুদোংচাবশিংগী মতাংদা য়াম্না চেকশিন্না খন্ন-নৈনখি। নখোয় পুম্নমক্না হোৎনবদগী, দিল্লী দেক্লেরেশন অসি ঙসি ঐখোয়গী মাংদা লৈররে। মসিগী দেক্লেরেশন অসিনা এভিয়েশনদা রিজেনল কনেক্তিবিতী, ইনোভেশন অমসুং সস্তেনেবল গ্রোথকীদমক্তা ঐখোয়গী ফিরেপ অদুবু খুমাং চাউশিনহল্লগনি। ঐহাক্না থাজৈ মদুদি পোইন্ত খুদিংমক্তা রেপিদ এক্সন লৌখৎকনি। ঐখোয়না মসিগী দিক্লেরেশন অসিবু থবক ওইনা পাংথোক্লগনি অমসুং অপুনবগী শক্তিনা অনৌবা অৱাংবা থাক অমা য়ৌহল্লগনি। এসিয়া পেসিফিক রিজন অসিনা ঐখোয়দা এভিয়েশন কনেক্তিবিতী হেনগৎহন্নবগী পাঙ্গল পী, ঐখোয় পুম্নমক্কী মরক্তা নোলেজ, এক্সপর্তিজ, রিসোর্সশিং শিয়র তৌবনা, ঐখোয়গী পাঙ্গল অসি অমুক্কশু হেন্না হেনগৎহল্লে। ঐখোয়না ইনফ্রাস্ত্রকচরদা ইনভেস্তমেন্তশু য়াম্না মথৌ তাগনি। অমসুং মসিমক মরি লৈনবা লৈবাকশিংগীদমক্তা খ্বাইদগী হেন্না মরু ওইবা অমা ওইনা লৌগদবনি। অদুবু ইনফ্রাস্ত্রকচর খক্তনদি য়ারোই, মসিগী হৈ-শিংলবা মেনপাৱরগী লেপ্তবা থৌওং অমসুং তেক্নোলোজী অপগ্রেদ তোবা অসিনা দেবেলপমেন্তকীদমক্তা য়াম্না মরু ওই অমসুং ঐখোয়গী ইনভেস্তমেন্তকী অতোপ্পা মখল অমশু ওইরগনি। মীচমশিংদা এয়র ত্রাভেল ফংহনবা হায়বসিনা ঐখোয়গী পান্দম্নি। মসিগীদমক্তা, এখোয়গী দিক্লেরেশন অমসুং এখোয়গী কোলেক্তিব এফর্তশিং অমসুং মত কুইনদগী লৈরক্লবা ঐখোয়গী এক্সপরিয়েন্স অসিনা ঐখোয়দা কান্নগনি।
মরুপশিং,
ঙসি ঐহাক্না নখোয়দা ভাররতকী এক্সপরিয়েন্স অদু শিয়র তৌবা পাম্লি। ঙসি ভারতনা মালেম অসিগী মকোক থোংবা সিভিল এভিয়েশন ইকোসিস্তেমগী য়াম্না লিংবা ঙাক্লৌ অমা ওইরি। ঐখোয়গী সিভিল এভিয়েশন সেক্তর অসি মবামদগী থোইদোক-হেন্দোকপা অমনি। ভারততনা দেকেদ অমখক্তদা য়াম্না চাউনা অহোংবা পুরকখ্রে। চহিশিং অসিদা ভারতনা এভিয়েশন এক্সক্লুসিব ওইবা লৈবাক্তগী এভিয়ৈশন ইনক্লুদসিব ওইবা লৈবাক ওইরকখি। মরমদি মতম অমদা ভারত্তা এয়র ত্রাভেল তৌবা অসি অখন্ননা মী খরা খক্তমক ওইরম্মি। অচৌবা সহরশিংদা অফবা এয়র কনেক্তিবিতী লৈখি। অচৌবা মী খরনা এয়র ত্রাভেলগী খুদোংচাবা অসি য়াম্না তৌইনা লৌখি। করিগুম্বা অশোনবা অমসুং মিদল ক্লাসকী মীওইশিংনা তঙাইফদবদগী এ্যর ত্রাভেল তৌবা তারবশু মদু মখোয়গী পুনশিগী শরুক অমা নত্তে হায়না মখোয়না খল্লম্মি। অদুবু ঙসিদি ভারত্তা লৈরিবা ফিভম অসি পুমহোং হোংলে। ঙসিদি ঐখোয়গী তিয়র-২ অমসুং তিয়র-৩ সহরশিংদা ফাওবা, নগ্রিকশিংনা মফম অদুদগী ফ্লাইত তোংলে। মসিগীদমক্তা ঐখোয়না অনৌবা থৌরাং কয়া অমা পাইখৎখি, পোলিসীদা অহোংবা পুরকখি, সিস্তেমশিং দেবেলপ তৌখি। ঐহাক্না থাজৈ মদুদি নখোয়না ভারতকী UDAN সকীম অদু শোইদনা নৈনগনি, রিজনেল কনেক্তিবিতী য়াম্না ফরবা স্কীম অসিনা ভারত্তা এভিয়েশনবু ইনক্লুসিব ওইহল্লে। স্কীম অসিনা এয়র ত্রাভেলবু ভারতকী অপিকপা সিতীশিংদা অমসুং লোৱর মিদল ক্লাসতা পুরকখ্রে। হৌজিক ফাওবদা পেসেঞ্জর মিলিয়ন ১৪না স্কীম অসিগী মখাদা ত্রাভেল তৌখ্রে। মসিগী মরক্তা মী লাখ কয়া অমনা এয়রপ্লেন অমবু অহানবা ওইনা মনুংদগী উবা ফংজখি। UDAN স্কীম্না লৈহল্লকখিবা দিমান্দ অদুনা মরম ওইরগা, অপিকপা সহর কয়া অমদা এয়রপোর্ত কয়া অমা শাখ্রে অমসুং অনৌবা রুত কয়া অমশু শেমহনখ্রে। শ্রী নাইদুনা হায়খিবা অদুগুম্না নখোয়না তাবদা ঙক্কনি মদুদি চহি ১০দা ভারত্তা লৈরিবা এয়রপোর্তশিংগী মশিং অসি শরুক অনি থোক্না হেনগৎলকখ্রে। ঐখোয়না অতোপ্পা থবকশিংদশু য়াম্না য়াংনা খুমাং চাউশিল্লক্লি। নাকল অমদা, ঐখোয়না অপিকপা সহরশিংদা এয়রপোর্তশিং শাগৎলি অদুগা নাকল অমদনা ঐখোয়না অচৌবা সিতীশিংদা লৈরিবা এয়রপোর্তশিংবু হেন্না মোদর্ন ওইহল্লি।
তুংগী ভারতনা এয়র কনেক্তিবিতীগী মতাংদ আমালেম অসিদা খ্বাইদগী হেন্না কনেক্তেদ ওইবা রিজনশিংগী মনুংদা অমা ওইরগনি। মসি ঐকয়গী এয়রলাইনশিংনশু খঙই। মরম অসিনা ইন্দিয়ন এয়রলাইন্সনাঅনৌবা এয়রক্রাফ ১২০০ হেন্না ওর্দর তৌখ্রে। সিভিল এভিয়েশন চাউখৎপা হায়বা অসি প্লেনশিং অমসুং এয়রপোর্ত খক্তদা লোইবা নত্তে। ভারতকী এভিয়েশন সেক্তর অসিনা থবক ফংবা হেনগৎহল্লি। অসিগুম্বা থবক কয়া অমা হৈ-শিংলবা পাইলোতশিং, ক্রু মেম্বরশিং, ইঞ্জিনীয়রশিংগীদমক্তা লৈহল্লি। মেন্তেনেন্স রিপেয়র অমসুং MRO সর্বিস পম্নমক্কীদমক্তা মরু ওইবা থমদুনা মসিগী মাইকৈদা ৱারেপ অমগী মতুংদা অমা লৌদুনা মাং লোমদা লেপ্তনা খোং থাংজিল্লি। ভারতনা দেকেদ অসি লোইশিল্লকপদা খ্বাইদগী মকোক থোংবা এভিয়েশন হব অমা ওইরক্নবগী পান্দমগা লোইননা মাং লোমদা খোং থাংজিল্লি। MRO ইন্দস্ত্রী খক্তগী ওইনা MRO পোলিসীশিংশু শেমখ্রে, হায়রিবা অসি বিলিয়ন $৪গী ওইগনি। তিয়র-২ অমসুং তিয়র-৩ সিতীশিংদা কনেক্তিবিতী লৈহনবগা লোইননা ভারত্তা অনৌবা সহর চামা-চামানা শাহৌগী অনৌবা সেন্তরশিং ওইরগনি।
নখোয় পুম্নমক্না মল্তিপোর্তগুম্বা ইনোভেশনশিং অসিশু নিংথিনা খঙলম্লগনি। মসিগী মোদেল অসি সহরশিংদা ইজ ওফ ত্রাভেল হেনগৎহনখিবা এ্যর ত্রান্সপোর্তকী মোদেল অমনি। ঐখোয়না ভারতপু এদভান্স এয়র মোবিলিতীগীদমক্তা শেম-শারি। এয়র তেক্সিদা ত্রাভেলিং তৌবা হায়বসি অশেংবা ওইনা ওইরকপা মতম অদু কুইররোই অমসুং মসিবু অনৌবা নোর্ম অমা ওইরকপগী ওইথোকপশু লৈ। নুপীনা লুচিংবা দবেলপমেন্ত হায়সিনা এখোয়গী ফিরেপ্নি, অমসুং নখোয়নশু উরম্লগনি মদুদি G-20 সম্মিত্তা লৌখিবা মরু ওইবা ৱারেপশিংগী মনুংদা অমদি নুপীনা লুচিংবা চাউখৎ-থৌরাংগী মতাংদনি। ঐখোয়গী এভিয়েশন সেক্তর অসিনা নুপীনা লুচিংবা চাউখৎ-থৌরাংগী ঐখোয়গী মিসন অদুদা য়াম্না মতেং পাংই। ভারত্তা লৈরিবা পাইলোতশিং অদুদা চাউরাক্না ১৫%দি নুপীনি। মালেমগী এভেরেজ অসি ৫% খক্তনি অদুগা ভারতকীনা ১৫%নি। সেক্তর অসিবু হেন্না ৱিমেন ফ্রেনলী ওইহন্নবা তঙাইফদবা এদভাইজরীশিংশু ইমপ্লিমেন্ত তৌখ্রে। মসিদা নুপীশিংগীদমক্তা রিতর্ন তু ৱার্ক পোলিসীশিং য়াওরি, ঐখোয়না নুপীশিংগীদমক্তা স্পেসিয়েল লীদরশিপ অমসুং মেন্তরশিপ প্রোগ্রামশিংগী মতাংদশু মরু ওইবা থমখি।
ভারতনা খুঙ্গংগী লমশিংদা, মরু ওইনা এগ্রিকলচরগী সেক্তরদা দ্রোনশিংগী য়াম্না এম্বিসিয়স ওইবা প্রোজেক্ত অমা হৌদোকখ্রে। ঐখোয়না খুঙ্গংশিংদা দ্রোন দিদি কেমপেনগী খুত্থাংদা নিংথিনা ত্রেন তৌরবা দ্রোন পাইলোতশিংগী পুল অমা শেমখ্রে। ভারতকী এভিয়েশন সেক্তর অসিগী অনৌবা অমসুং তোপ-তোপ্পা মচং অমা লৈ- দিজি য়াত্রাগী অনৌবা থৌরাং, মসি য়াম্না কোম্না অমসুং অপনবা লৈতনা ত্রাভেল তৌনবগী দিজিতেল সোল্যশন অমনি। মসিদা ফেসিয়েল তেক্নোলোজি শিজিন্নবনা পেসেঞ্জরশিংবু এয়রপোর্তকী তোঙান-তোঙানবা চেকপোইন্তশিংদা চেক তৌবগী মথৌ তাদ্রে অমসুং মখোয়গী মতম মাংহন্দ্র। দিজি য়াত্রা অসি য়াম্না এফিসিয়েন্ত অমসুং কনভিনিয়েন্ত ওইবদা নত্তনা তুংদা ত্রাভেল তৌবগী মওং অদুবু উৎলি। ঐকোয়গী লমদম অসিগী ফজরবা পুৱারি, চৎনবী অঅমসুং দাইভর্সিতী লৈ, মরমদি ঐখোয় অসি চহি লিশিং কয়া লিরবা কলচরেল হেরিতেজ লৈ, ঐখোয়গী ফজরবা ত্রেদিশনশিং লৈ। মালেম অসিনা মরম অসিগীদমক্তা ঐখোয়গী লৈবাক অসিদা পুক্নিং চিংশিল্লিবনি। ঐখোয়না ঐখোয়গী-ঐখোয়গী তুরিজম ফগৎহন্নবা অমন-অমবু মতেং পাংনগদবনি। লোর্দ বুদধা অসি অসি লৈবা কয়া অমদা নিংনৈ। ভারতনা বুদধিস্ত সর্ক্যুইত অমা দেবেলপ তৌখ্রে। কুশিনানগরদা ইন্তর্নেস্নেল এয়রপোর্ত অমা শাখ্রে। করিগুম্বা ঐখোয়না এসিয়া শিনথুংনা লোর্দ বুদধাগা মরি লৈনবা পিলগ্রিমেজশিংবু কেনেক্ত তৌনবা কেমপেন অদু পাইখৎলবদি এখোয়না এভিয়েশন সেক্তরগা লোইন-লোইননা মসিদা শরুক য়ারিবা লৈবাকশিং অমসুং ত্রাভেলেরশিংগীদমক্তা পুম্নমক্তা কান্নবা মোদেল অমা শেম্বা য়াগনি, অমসুং ঐখোয়না মসিগী মাইকৈদশু থবক পাইখৎকদবনি। করিগুম্বা ঐখোয়না অসিগুম্বা ত্রাভেলরশিংবু লৈবাক অমদগী লৈবাক অমদা পুনবগী কমপ্রেহেন্সিব মোদেল অমা শেম্লবদি, মরি লৈনবা লৈবাকশিংনা অকন্নবা খুদোংচাবশিং শোইদনা ফংগনি। করিগুম্বা ঐখোয়না ইন্তর্নেস্নেল সর্ক্যুগিত অমা শেম্লবদি, মরি লৈনবা লৈবাক খুদিংমক্কী ত্রাভেলরশিং অমসুং লৈবাক খুদিংমক্কী ইকোনোমিদা য়াম্না চাউনা খুদোংচাবা পীগনি। এসিয়া পেসিফিক্কী লৈবাকশিংনা অতোপ্পা হিরম অমদা কোওপরেশন হেনগৎপা য়াগনি।
এসিয়া পেসিফিক রিজন অসিশু হজিক্তি বিজনেস হব অমা ওইরক্লি। মালেম অসিগী মফম খুদিংমক্তগী একজিক্যুতিবশিং অমসুং এমপ্লোয়ীশিংনা মশিং য়াম্না রিজন অসিদা লাকই। রিজন অসিদা মীওই খরনা মখোয়গী ওফিসশিং হাংদোক্লম্বা হায়সিদি মহৌশানি, মরম অদুনা মখোয়গী থবক-থৌরমশিং অদুশু মৈগুমনা কন্না চাকখৎলক্লি। প্রোফেস্নেলশিং অসিনা লাক্লিবা অমসুং চৎলিবা কমন ওইবা রুতশিং অদু করম্বনো, অমসুং করম্বদা খ্বাইদগী হেন্না তোইবগে? কমপ্রেহেন্সিব এপ্রোচ অমগা লোইননা সিস্তেম অসিগী মথৌ তাবগী মতুং ইন্না ঐখোয়না এখোয়গী রুতশিং অদুবু অমুক রি-রুত তৌবা য়াব্রা? অমসুং মদুবু ঐখোয়না হেন্না খুদোংচাবা ওইহনবা য়াগদ্রা? ঐহাক্না নখোয় পুম্নমকপু মদুগী মাইকৈদশু থবক তৌহনবা পাম্মি, মরমদি রিজন অসি চাউখৎপা হায়বসি শোইদ্রবনি অমসুং মদুদা প্রোফেস্নেলশিংগী খুদোংচাবা হেনগৎলিবমখৈ, থবক্কী খোংজেলশু হেন্না হেনগৎলক্কনি। ঐখোয়না ইন্তর্নেস্নেল সিভিল এভিয়েশন ওর্গনাইজেশন অমসুং চিকাগো কনভেন্সনগী ১৮শুবা কুমওন পাংথোক্লগনি। অদু ওইরবদি, ঐখোয়না ঐখোয়গী ফিরেপ অদুবু রেসিদেন্সিয়েল অমসুং ইনক্লুসিব এভিয়েশন সেক্তরদা নৌহৌননা হোংদোক্কদবনি। ঐহাক্না সাইবর সেক্যুরিতী অমসুং দেতা সেক্যুরিতীগা মরি লৈননা নখোয়না ৱারিবশিং অদুবুশু খঙই। করিগুম্বা তেক্নোলোজীগী মতাংদা শিংনবশিং লৈরবদি মদুগী সোল্যুশন অদুশু তেক্নোলোজীদা লৈগনি। ঐখোয়না ইন্তর্নেস্নেল কোলাবোরেশন অসিবু মখাতানা খনখৎহনগদবনি। ঐখোয়না তেক্নোলোজী অমসুং ইনফোর্মেশনবু ৱাখল চাউথোক্নাশিয়র তৌগদবনি, মদুদা খক্তমক মসিগী সিস্তেম অসিবু অসোই-অঙাম য়াওহন্দনা থম্বা ঙমগনি। মসিগী দিল্লী কনফরেন্স অসিনা ঐখোয় পুম্নমকপু অমত্তা ওইনা অমসুং ময়াম পুম্নমক্কী অমত্তা ওইবা পান্দমগা লোইননা খুমাং চাউশিন্নবা লৌরিবা ঐখোয়গী ফিরেপ অদুবু হেন্না কনখৎহল্লগনি। অতিয়া অসি মীপুম খুদিংমক্কীদমক্তা হাংদোকপা, মালেম অসিদা লৈরিবা মীপুম খুদিংমক্কী পাইনিংবগী মঙলান অদুবু মঙফাওনহনবা অদুগুম্বা তুংলমচৎ অমগীদমক্তা ঐখোয় পুন্না থবক তৌমিন্নসি। ঐহাক্না অমুক্কশু হন্না মীথুংলেন পুম্নমকপু তরাম্না ওক্লি অমসুং নখোয় পুম্নমকপু অসিগুম্বা য়াম্না মরু ওইবা সম্মিত অসিগীদমক্তা থমোই শেংনা তৌবীমল খংবা উৎচরি। ঐহাক্না নখোয় পুম্নমকপু য়াইফ-মঙ্গল পীজরি।
থাগৎচরি!
