এক্সিলেন্সী প্রধান মন্ত্রী এন্দ্রিয়ু হোলনেস,
লৈবাক অনিমক্তগী লৈবীরিবা দেলিগেতশিং,
মীদিয়াগী মরুপশিং,
নমস্কার!
প্রধান মন্ত্রী হোলনেস অমসুং মহাক্কী দেলিগেতশিংবু ভারত্তা তরাম্না ওকচবদা নুংঙাইবা ফাওজৈ। মসিনা প্রধান মন্ত্রী হোলনেসকী ভারত্তা লৈবাক অনিগীদমক লেঙবীরকপা অহানবনি। মসিগীদমক্তনি ঐখোয়না খোঙচৎ অসিদা য়াম্না মরুওইবা মফম অমা পীরিবসু। প্রধান মন্ত্রী হোলনেস ভারতকী মতম শাংনা মরুপ ওইদুনা লাক্লবা মীশক অমনি। ঐহাক্না মহাকপু তাংকক কয়াদা উনবা ফংজখ্রে। অমসুং উনবা খুদিংদা মহাক্কী মফমদা ভারতকা মরী ফগৎনবগীদমক খল্লিবা ৱাখলদু উবা ফংজৈ। ঐহাক্না থাজৈ মদুদি মহাক্কী খোঙচৎ অসিনা লৈবাক অনিগী মরক্তা অনৌবা পাঙ্গল হাপ্লগনি অমসুং কেরিবিয়ন লমদম অপুনবদা ঐখোয়গী মরী হেনগৎকনি।
মরুপশিং,
ভারত অমসুং জামাইকাগী মরী অসি ঐখোয়গী মান্নবা পুৱারী, মান্নবা গনতন্ত্রগী মগুন, অমসুং মীয়ামগী মরিদা তিন্দুনা লৈরি। ঐখোয়গী মপাং অসি C মরিনা পুন্দুনা চৎলি – কলচর, ক্রিকেত, কম্মনৱেল্থ, অমসুং কেরিকোম্নি। ঙসিগী মীফম অসিদা, ঐখোয়না সেক্তর খুদিংমক্তা মতেং পীনবা হেনগৎনবা অমসুং অনৌবা থৌরাংশিং খঙদোক্নবা খন্নরে। ভারত অমসুগ জামাইকাগী মরক্তা লৈনরিবা ত্রেদ অমসুং ইনভেস্তমেন্ত অসি চাউখৎলক্লি। ভারতনা মতম চুপ্পদা জামাইকাগী চাউখৎপগী খোঙজেলদা থাজবা য়াবা মপাং অমা ওইদুনা লাক্লি। হীরম অসিগী মায়কৈদা ঐখোয়না হোৎনরিবা কয়া অসি জামাইকাগী মীয়ামগী তঙাইফদবদা থমগনি। ITEC অমসুং ICCR স্কোলারশিপকী খুত্থাংদা, ঐখোয়না জামাইকাগে মীয়ামগী স্কিল দিবেলপমেন্ত অমসুং কেপাসিতী শাগৎনবা হোৎনবদা মতেং পাংগনি।
ঐখোয়না দিজিতেল পব্লিক ইনফ্রাস্ত্রকচর, স্মোল ইন্দস্ত্রীজ, বাইওফ্যুল, ইন্নোভেসন, হেল্থ, এজুকেসন, লৌউশিংউগুম্বা হীরমশিংদা জামাইকাদা ঐখোয়গী খঙ হৈবশিং লান্থোক্নবা শেম শাদুনা লৈ। ঐখোয়না জামাইকাগী মিলিতরীগা ঙাকশেলগী লমদা ত্রেনিং অমসুং কেপাসিতী শাগৎনবা চঙশিনগনি।
ওর্গানাইজ ক্রাইম, দ্রগ ত্রাফিক্কিং, তেরোরিজম হায়বসি ঐখোয়না থেংনরিবা মান্নবা খুদোংচাদবনি। ঐখোয়না হায়রিবা খুদোংচাদবশিং অসি পুন্না থেংনমিন্ননবা য়ানরে। ঐখোয়না জামাইকাগা লোইননা স্পেস সেক্তরদা ঐখোয়গী মায় পাকপশিং লান্থোক্নবা শেম শাদুনা লৈরি।
মরুপশিং,
ঙসিগী মীফম অসিদা, ঐখোয়না মালেমগী অমসুং লমদম লমদমগী ওইবা শমশ্যাশিং খন্নখি। ঐখোয়না তেন্সন পুম্বা অমসুং য়ানদবা পুম্বা ৱারী শানদুনা লোইশিন্নবা য়ানরে। ঐখোয়না মখা তানা মালেমগী শান্তি অমসুং তংদু লৈতাবা পুরক্নবা হোৎনমিন্নগনি। ভারত অমসুং জামাইকানা মালেমগী ইন্সতিত্যুসনশিংদা য়ুনাইতেদ নেসন্স সেক্যুরিতী কাউন্সিল য়াওনা অহোংবা পুরকমিন্নবা তঙাইফদবা লৈরে হায়বসি য়ানরে। ঐখোয়না হায়রিবা ইন্সতিত্যুসনশিং অসিবু মতম অসিগা চুননবা হোৎনমিন্নগনি।
মরুপশিং,
ভারত অমসুং জামাইকা অসি পাক চাউরবা শমুদ্রনা খাইদোক্নবদি য়াই, অদুবু ঐখোয়গী ৱাখল, ঐখোয়গী নাত অমসুং ঐখোয়গী পুৱারীদি চেৎনা মরী লৈনৈ। চহি ১৮০গী মমাংদা ভারত্তগী জামাইকাদা হোংখিবা মীয়াম্না মীয়ামগী মরক্তা অচেৎপা মরী অমা শেম্বীরম্লে। ঙসিদি, জামাইকাবু মশাগী ময়ুম্নি হায়জরবা ভারত্তগী হৌখিবা মীওই চাউরাক্না ৭০,০০০ লোম্না ঐখোয়গী মান্নবা হেরিতেজকী অহিংবা খুদম ওইরি। মখোয়বু ঙাকপী শেনবীবগীদমক ঐহাক্না প্রধান মন্ত্রী হোলনেস অমসুং মহাক্কী লৈঙাকপু থাগৎপা ফোঙদোকচরি। ঐহাক্না প্রধান মন্ত্রী হোলনেস অমসুং মহাক্কী লৈঙাক্তা কম্ম্যুনিতী অসিবু ঙাকপী শেনবীবা অমসুং মতেং পাংবীবগীদমক থম্মোই শেংনা থাগৎপা ফোংদোকচরি।
ভারতকী য়োগা, বোলিৱুদ অমসুং ফোল্ক ম্যুজিকপু জামাইকাদা পাম্নবগুম্না জামাইকাদগী "রেগি" অমসুং "দানশোল" অসিসু ভারত্তা মীয়াম্না পাম্নরি। ঙসি পাঙথোক্লিবা নাৎকী থৌরমশিং লান্থোক্নবা অসিনা ঐখোয়গী মান্নবা নক্নবা মরী অসিবু হেন্না মপাঙ্গল হেনগৎহল্লগনি। দিল্লীগী জামাইকা হায় কম্মিসনগী মমাংদা লৈরিবা লম্বী অসি ঐখোয়না "জামাইকা মার্গ" হায়না মমিং থোন্নবা ৱারেপ লৌরে। লম্বী অসিনা লাক্কদবা মীরোলশিংদা ঐখোয়গী মতম কয়াগী মমাংদগী লৈরক্লবা মরুপ মপাং অমসুং মপাং ওইনবদুগী খুদম ওইহৌরগনি।
ক্রিকেতপু নুংশিজবা লৈবাক ওইনা, শান্নখোৎনবা হায়বসিনা ঐখোয়গী মরীদা শম্ননবগী অচৌবা মচাক অমা ওইরি। অয়াঙবা বোল লংবা "কোর্ত্নী ৱাল্স"কী বোলবু ওইরো, নৎত্রগা "খৃস গেল"গী শাথিরবা বেত্তিংবু ওইরো, ভারতকী মীয়াম্না জামাইকাগী ক্রিকেতরশিংদা অখন্নবা নুংশিবা অমা পোক্তুনা লৈর। ঐখোয়না শান্নখোৎনবগী মরীসু হেন্না ফগৎনবা খন্নরে। ঙসিগী খন্ননৈনবা অসিদগী ফংবা মহৈনা ঐখোয়গী মরী অসিবু "উসেন বোল্ত"তগী হেন্না খোঙজেল য়াঙহন্দুনা অনৌবা পনখৈ অমা য়ৌহনবা ঙম্লগনি।
এক্সিলেন্সী,
অমুক্কা হন্না, ঐহাক্না অদোম্বু অমসুং অদোমগী দেলিগেসনবু ভারত্তা তরাম্না ওকচরি।
পুম্নমকপু থাগৎচরি!
प्रधान मंत्री होलनेस और उनके डेलिगेशन का भारत में स्वागत करते हुए मुझे बहुत खुशी हो रही है।
— PMO India (@PMOIndia) October 1, 2024
आज पहली बार जमैका के प्रधान मंत्री भारत की द्विपक्षीय यात्रा पर आए हैं।
इसलिए हम इस यात्रा को विशेष महत्व देते हैं: PM @narendramodi
भारत और जमैका के संबंध हमारे साझा इतिहास, साझा लोकतान्त्रिक मूल्यों और मजबूत people-to-people ties पर आधारित हैं।
— PMO India (@PMOIndia) October 1, 2024
Four Cs हमारे संबंधों को अंकित करते हैं – Culture, Cricket, Commonwealth और CARICOM: PM @narendramodi
Digital Public Infrastructure, लघु उद्योग, biofuel, innovation, health, education, agriculture जैसे क्षेत्रों में हम अपना अनुभव जमैका के साथ साझा करने के लिए तैयार हैं।
— PMO India (@PMOIndia) October 1, 2024
रक्षा के क्षेत्र में भारत द्वारा जमैका की सेना की ट्रेनिंग और capacity building पर हम आगे बढ़ेंगे: PM…
भारत और जमैका एकमत हैं कि United Nations Security Council सहित सभी global institutions में सुधार आवश्यक है।
— PMO India (@PMOIndia) October 1, 2024
इन्हें समकालीन रूप देने के लिए हम साथ मिलकर काम करते रहेंगे: PM @narendramodi
हमने दिल्ली में जमैका उच्चायोग के सामने सड़क का नाम "जमैका मार्ग" रखने का निर्णय लिया है।
— PMO India (@PMOIndia) October 1, 2024
यह सड़क भावी पीढ़ियों के लिए हमारी गहरी मित्रता और हमारे सहयोग का मार्ग प्रशस्त करेगी: PM @narendramodi
