ক্রিকেত অসি ভারত অমসুং ওস্ত্রেলিয়া অনিমক্কী থৱাইনি: পি.এম.

প্রধান মন্ত্রী, শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী, শ্রী এন্থোনী অল্বানিজনা ঙসি গুজরাতকী অহমেদবাদতা লৈবা নরেন্দ্র মোদী স্তেদিয়মদা বোর্দর-গভাস্করগী ৪শুবা কম্মেমোরেতিব তেস্ত মেৎচকী শরুক খরা মিৎয়েং তাখ্রে।

ওস্ত্রেলিয়াগী প্রধান মন্ত্রী, শ্রী এন্থোনী অল্বানিজকী ত্বীত অমগী পাউখুম পীরদুনা, প্রধান মন্ত্রীনা অসুম্না ত্বীত তৌখিঃ

“ভারত অমসুং ওস্ত্রেলিয়াগী মীয়ামগী মান্নবা অপাম্বা অমদি ক্রিকেৎনি! ঐহাক্কী চানরবা মরুপ, পি.এম. এন্থোনী অল্বানিজকা ওস্ত্রেলিয়া-ভারতকী তেস্ত মেৎচ শরুক খরা য়েংমিন্নবসিদা ঐহাক্না নুংঙাইবা ফাওই। মসি য়াম্না নুংঙাইবা মেৎচ অমা ওইগনি হায়বা ঐহাক্না থাজৈ”।

অহমেদবাদতগী তেস্ত মেৎচ অসিগী শক্তম খরা শেয়র তৌরদুনা, প্রধান মন্ত্রীনা অসুম্না ত্বীত তৌখিঃ

“অহমেদবাদতগী শক্তম খরা শেয়র তৌজরি। মফমসিদি ক্রিকেত ঙাক্তা ঙাইখ্রে”।

 

 

 

 

 

 

 

 

প্রধান মন্ত্রী অমসুং মহাক্কী ওস্ত্রেলিয়াগী ফম মান্নবা মরুপ, শ্রী এন্থোনী অল্বানিজনা মফমসিদা য়ৌরকপা মতমদা মখোয়বু ভারতকী বোর্দ ওফ ক্রিকেত কন্ত্রোলনা তরাম্না ওকখি। বি.সি.সি.আই.গী প্রসিদেন্ত, শ্রী জয় শাহ অমসুং শ্রী রোজর বিন্নীনা মখোয়বু তরাম্না ওকখি। প্রধান মন্ত্রী অমসুং ওস্ত্রেলিয়াগী প্রধান মন্ত্রীনা শৈশকপী মিস ফালগুনী শাহনা লান্থোকপা য়ুনিতী ওফ সিম্ফোনী হায়রিবা কলচরগী থৌরম অমসু মিৎয়েং তাখি।

প্রধান মন্ত্রীনা ভারতকী তেস্ত কেপ্তেন শ্রী রোহিত শর্মদা তেস্ত কেপ পীখি অমসুং ওস্ত্রেলিয়াগী প্রধান মন্ত্রীনা ওস্ত্রেলিয়াগী কেপ্তেন, শ্রী স্তিব স্মিথতা তেস্ত কেপ পীখি। মসিগী মতুংদা প্রধান মন্ত্রী অনিনা স্তেদিয়মগী মীয়াম মাঙদা গোল্ফ কার্ত তোংদুনা গার্দ ওফ ওনর লান্থোকখি।

কেপ্তেন অনিনা পিৎচতা তোস তৌনবা থোকখিবগা লোয়ননা প্রধান মন্ত্রী অমসুং মহাক্কী ওস্ত্রেলিয়াগী ফম মান্নবা মরুপ অসিনা ফ্রেন্দশিপ হোল ওফ ফেমদা ঙৈহাক চৎখি। ভারতকী হান্নগী তীম কোচ অমসুং শান্নরোই, শ্রী রবি শাস্ত্রীনা লৈবাক অনিমক্কী প্রধান মন্ত্রীগা লোয়নখি অমসুং ভারত অমসুং ওস্ত্রেলিয়াগী মরক্তা লৈনরিবা ক্রিকেতকা মশক থোক্লবা পুৱারীগী মতাংদা নিংথীনা তাকখি।

মসিগী মতুংদা তীম অনিমক্না মখোয়গী প্রধান মন্ত্রীগা লোয়ননা শান্নফম লম্পাক্তা থোক্নরকখি। কেপ্তেন অনিনা মশাবু প্রধান মন্ত্রীগী মফমদা শক্তাকখি অমসুং মদুগী মতুংদা ভারত অমসুং ওস্ত্রেলিয়াগী নেস্নেল এন্থেম অমুক শকখি। প্রধান মন্ত্রী অমসুং ওস্ত্রেলিয়াগী প্রধান মন্ত্রীনা ক্রিকেতকী মশান্নগী মপাঙ্গল লৈরবা তীম অনিনা শান্নগদৌরিবা তেস্ত মেৎচ য়েংনবগীদমক্তা প্রসিদেন্ত বোক্সতা চঙখি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
EPFO Payroll data shows surge in youth employment; 15.48 lakh net members added in February 2024

Media Coverage

EPFO Payroll data shows surge in youth employment; 15.48 lakh net members added in February 2024
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government