Share
 
Comments
সেক্তর ১৩দা লৈরিবা পি.এল.আই.না সরকারগী কম্মিৎমেন্ত উৎলি: পি.এম.
পি.এল.আই.না সেক্তর অসিগা মরী লৈনরিবা ইকোসিস্তেম পুম্নমক কানবা ফংহল্লি: পি.এম.
পোৎ-চৈ হেন্না পুথোকপা ঙম্নবা স্পিদ অমসুং স্কেল হেনগৎকদবনি: পি.এম.
ভারত্তা শাগদবনি, মালেম অসিগীদমক শাগদবনি: পি.এম.
ভারতনা মালেম পুম্বদা অচৌবা ব্রান্দ অমা ওইবা ঙমখ্রে, ন্যুফাউন্দ ত্রস্ত অসি শিজিন্ননবা স্ত্রাতিজীশিং য়াৎখ্রে: পি.এম.

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা প্রদক্সন লিঙ্ক ইন্সেন্তিব স্কিমশিং অসিগী মতাংদা নিতি অয়োগ অমসুং ইন্দস্ত্রী অমসুং ইন্তরনেস্নেস ত্রেদকী দিপার্তমেন্তনা শিল্লিবা ৱেবিনার অমদা ৱা ঙাংখ্রে৷

হন্দক চহী অসিগী য়ুনিয়ন বদজেৎতা ত্রেদ অমসুং ইন্দস্ত্রী অসি হেন্না চাওখৎনবা লৌখৎখিবা খোঙথাংশিং অসিগী মতাংদা ৱা ঙাংলদুনা, হৌখিবা চহী ৬-৭ অসিদা তোঙান তোঙানবা লেবেলশিংদা মেক ইন ইন্দিয়া অসি হেন্না মাই পাক্ননবা ইফর্ত কয়া অমা মাই পাক্না পাংথোকখ্রে হায়না প্রধান মন্ত্রী অসিনা ফোংদোকখ্রে৷ পোৎ-চৈ পুথোকপগী চাং অসি হেনগৎহন্নবা স্পিদ অমসুং স্কেল অসি হেন্না পাকথোক চাওথোকহনবগী তঙাই ফদবা অদুগী মতাংদসু মহাক্না ফোংদোকখ্রে৷ মালেম অসিদা লৈরিবা লৈবাক কয়া অমনা মখোয় মখোয়গী মেনুফেকচরিং কেপাসিতীশিং অসি হেন্না পাকথোক চাওথোকহন্দুনা মশা-মশাগী লৈবাকশিং অদু হেন্না চাওখৎপা মাইকৈ অমদা পুরকখিবা লৈবাকশিং অসি খুদম ওইনা পল্লদুনা মহাক্না ফোংদোকখ্রে৷ লৈবাক অমগী মেনুফেকচরিং কেপাসিতীশিং হেনগৎহনবা অসিনা লৈবাক অদুদা লৈরিবা মীয়ামশিং অসিদা থবক্কী খুদোংচাবা হেন্না হেন্না ফংহনবা ঙম্মী হায়না মহাক্না ফোংদোকখ্রে৷

সরকার অসিনা খল্লিবা মংলিবা মংলান-মিনিমম গভর্মেন্ত, মেক্সিমম গভর্নেন্স অমসুং জিরো ইফেক্স, জিরো দিফেক্ত অসি হেন্না ময়েক শেংলে হায়না প্রধান মন্ত্রীনা ফোংদোকখ্রে৷ ইজ ওফ দুইং ব্যুজিনেস, কমপ্লাইন্স বর্দন হন্থহনবা, লোজিস্তিক কেস্তশিং অসি হন্থনবা মল্তিমোদেল ইনফ্রাস্ত্রকচর শেমগৎপা, দিস্ত্রিক লেবেল এক্সপোর্ত হবশিং শেমগৎ-শাগৎপা য়াওনা তোঙান তোঙানবা ইন্দস্ত্রীশিং অসি য়োকখৎনবা সরকার অসিনা লেবেল খুদিংমক্তা হোৎনরি হায়না মহাক্না ফোংদোকখ্রে৷ ভারতকী কম্পেনীশিং অমসুং মেনুফেকচরিং অসি ভারত মশাদা শাজহন্দুনা গ্লোবেল্লী কম্পিতিতিব ওইনা অমসুং ঐখোয়গী প্রদক্সন কোস্ত, প্রদক্তশিং, ক্বালিতী অমসুং ইফিসিয়েন্সী অসি মালেম অসিগী লৈবাকশিং অসিনা হেন্না মশক খঙহনবগী তঙাই ফদবা লৈ হায়না মহাক্না ফোংদোকখ্রে৷ “ঐখোয়গী মরু ওইবা কম্পিতেন্সী অসিগা মরী লৈনবা সেক্তরশিং অসিদা শেল হেন্না থাদবা অমসুং কত্তিং এদজ তেক্নোলোজী ঐখোয়না শিজিন্নগদবনি” , হায়না মহাক্না ফোংদোকখ্রে৷

 

মমাংগী মতমদা লৈরম্লিবা স্কিমশিং অসিগা হৌজিক পাইরিবা সরকার অসিনা পুথোরক্লিবা স্কিমশিং অসিগী মতাংদা লৈরিবা খেন্নবশিং অসিগী মতাংদা প্রধান মন্ত্রী শ্রী নরেন্দ্র মোদীনা পনখ্রে৷ ইহান হানবা ওইনা সেক্তর ১৩ প্রদক্সন লিঙ্ক ইন্সেন্তিবশিংগী মখাদা থমখ্রে হায়না প্রধান মন্ত্রী অসিনা ফোংদোকখ্রে৷ সেক্তর অসিগা মরী লৈনবা ইকোসিস্তেম পুম্নমক পি.এল.আই. অসিনা কান্নহল্লি৷

ভারতনা হায়জবগী মতুং ইন্না য়ুনাইতেদ নেসন্সনা ২০২৩ চহী অসি মালেম অসিগী মিল্লেতকী চহী ওইনা লাওথোকখিবা অসি য়াম্না চাওথোকচনিংঙাই হায়না প্রধান মন্ত্রী অসিনা ফোংদোকখ্রে৷ লৈবাক ৭০ হেনবনা ভারতনা পুথোরক্লিবা প্রপোজেল অসি সপোর্ত তৌখি অমসুং মসিবু য়ু.এন. জেনেরেল এসেমব্লীদা য়েৎনবা লৈতনা য়াখি হায়না মহাক্না ফোংদোকখ্রে৷ মসি ঐখোয়গী লৌমীশিং অসিগী ওইনা খ্বাইদগী চাওবা খুদোংচাবা অমনি হায়না মহাক্না ফোংদোকখ্রে৷ মীয়ামশিং অসি নারক্কদবদগী কনবা ঙম্নবা মিল্লেতশিং নত্রগা কোর্স গ্রেনশিং অসিদা য়াওরিবা ন্যুত্রিস্নেল পোতেন্সিয়েল অদুগী মতাংদা মীয়ামশিং অসিদা খঙহন্নবা ২০২৩দা ৱার্ল্দৱাইদ কেমপেন্দ অমা শিন্নবা মহাক্না তকশিনখ্রে৷ য়ু.এন.না ২০২৩ চহী অসি মালেম অসিগী মিল্লেতশিংগী নুমিৎনি হায়না লাওথোকখ্রবা মতুং অসিদা লৈবাক অসিদা অমসুং মপান লৈবাকশিং অসিনা মিল্লেতশিং অসিগী তৌরকপা দিমান্দ অসি অসুক্কী মতিক ৱাংলগনি অমসুং মসিনা ঐখোয়গী লৌমীশিং অসিদা চাওনা কান্নবা ফংহল্লগনি হায়না মহাক্না ফোংদোকখ্রে৷

হন্দক চহী অসিগী বদজেৎ অসিদা পি.এল.আই. স্কিম অসিগা মরী লৈনবা স্কিমশিং অসিগীদমক লুপা কোতি লাখ ২রোমগী ওইবা প্রোবিজন অমা শেমখ্রে হায়না প্রধান মন্ত্রীনা পনখ্রে৷ চাংচৎতা প্রদক্সনগী ৫%দি ইন্সেন্তিব ওইনা পী৷ মসিনা তাক্নিংলিবা অদুদি লাক্কদৌরিবা চহী মঙা অসিদা ভারততা পি.এল.আই. স্কিমশিং অসিনা বিলিয়ন $ ৫২০গী পোৎ-চৈ পুথোকপা ঙম্লগনি৷

পি.এল.আই.গা মরী লৈনবা এনাউন্সমেন্তশিং নিংথীনা পাংথোক্লি হায়না প্রধান মন্ত্রীনা ফোংদোকখ্রে৷ আই.তি. হার্দৱেয়রনা চহী ৪ অসিদা লুপা ত্রিলিয়ন ৩গী মমল ওইগদবা প্রদক্সন পুথোকপা ঙমগদ্র হায়না পানরি অমসুং লাক্কদৌরিবা চহী ৫ অসিদা দোমেস্তিক ভেল্যু এদিসন অসি হৌজিক লৈরিবা ৫-১০ পর্সেন্ত অসিদগী ২০-২৫ পর্সেন্তদা হেনগৎলক্কদ্র হায়না পানরি৷ অসিগুম্না তেলিকোম ইক্যুইপমেন্ত মেনুফেকচরিংসু লাক্কদৌরিবা চহী মঙা অসিদা লুপা কোতি লাখ ২.৫গী চাংদা হেনগৎলক্লবা য়াই৷ মসিদগী ঐখোয়না লুপা কোতি লাখ ২রোমগী পোৎ-চৈ এক্সপোর্ত তৌনবা শেম-শাদুনা লৈগদবনি হায়না প্রধান মন্ত্রীনা ফোংদোকখ্রে৷

ফার্ম সেক্তরদা লাক্কদৌরিবা চহী ৫-৬ অসিদা পি.এল.আই.গী মখাদা লুপা কোতি লিশিং ১৫ হেন্না ইনভেন্ত তৌদুনা ফার্মদা লুপা কোতি লাখ ৩রোম য়োন্দুনা অমসুং মপান লৈবাক্তা লুপা কোতি লাখ ২গী চাংদা হেনগৎতুনা এক্সপোর্ত তৌরবা য়াই হায়না প্রধন মন্ত্রী অসিনা থাজরি৷

ঙসিদি ভারতনা মালেম অসিদা লৈরিবা মীওইবা জাতি অসিগীদমক হোৎনদুনা মালেম অসিদা ভারত লৈবাক অসি অচৌবা ব্রান্দ অমা ওইবা ঙমখ্রে হায়না প্রধান মন্ত্রীনা ফোংদোকখ্রে৷ ভারতকী ক্রেদিবিলিতী অমসুং ভারতকী আইদেন্তিতী অসি লেপ্পা লৈতনা অৱাংবা থাকশিংদা য়ৌবা ঙমখ্রে৷ ভারততা মোবাইল ফোনশিং অমসুং ইলেক্ত্রোনিক্স কম্পোনেন্তশিং পুথোক্লিবা অসি ইন্সেন্তিবাইস তৌনবা হৌখিবা চহী অসিদা পি.এল.আই. স্কিম অসি পুথোকখিবনি হায়না মহাক্না ফোংদোকখি৷ লাইনা-লাইচৎ অসিগী মনুং হৌখিবা চহী অসিদা সেক্তর অসিনা পোৎ-চৈ লুপা কোতি ৩৫০০০গী চাংদা পুথোকপা ঙমখি, চাওরাক্না লুপা কোতি ১৩০০ নৌনা ইনভেস্ত তৌখি অমসুং সেক্তর অসিদা অনৌবা থবক লিশিং কয়া পীবা ঙমখি৷

পি.এল.আই. স্কিম অসিনা ভেল্যু চেন পুম্নমক অসিদা মরু ওইরক্কদৌরিবা অনৌবা সপ্লাই বেজ অমগীদমক সেক্তর খুদিংমক্তা এঙ্কর য়ুনিতশিং শেমগৎতুনা লৈবাক অসিগী এম.এস.এম.ই. ইকোসিস্তেম অসিদা অচৌবা শাফু অমা পীরগনি হায়না প্রধান মন্ত্রীনা ফোংদোকখ্রে৷ পি.এল.আই. স্কিম অসিদা শরুক য়াদুনা অমসুং লৈরিবা কান্নবশিং অদু লৌহৌনবা ইন্দস্ত্রী অসিদা মহাক্না তকশিনখ্রে৷ লৈবাক অসিগীদমক অমসুং মালেম অসিগীদমক খ্বাইদগী ফরবা পোৎ-চৈশিং শেম্বা অসিনা ইন্দস্ত্রী অসিগী পান্দম ওইগদবনি হায়না মহাক্না ফোংদোকখ্রে৷ থুনা হোংলক্লিবা মালেম অসিগী মওং-মতৌ অসিগী মতুং ইন্না ইন্দস্ত্রী অসিনা পোৎ-চৈ পুথোক্নবা, আর. অমসুং দি.দা হেন্না শরুক য়ানবা, মেনপৱার স্কিলশিং অসি হেন্না অপগ্রেদ তৌনবা অমসুং অনৌবা তেক্নোলোজী শিজিন্ননবা মহাক্না তকশিনখ্রে৷

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Govt saved ₹1.78 lakh cr via direct transfer of subsidies, benefits: PM Modi

Media Coverage

Govt saved ₹1.78 lakh cr via direct transfer of subsidies, benefits: PM Modi
...

Nm on the go

Always be the first to hear from the PM. Get the App Now!
...
PM congratulates Class X students on successfully passing CBSE examinations
August 03, 2021
Share
 
Comments

The Prime Minister, Shri Narendra Modi has congratulated Class X students on successfully passing CBSE examinations. He has also extended his best wishes to the students for their future endeavours.

In a tweet, the Prime Minister said, "Congratulations to my young friends who have successfully passed the CBSE Class X examinations. My best wishes to the students for their future endeavours."