প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিকশিৎ ভারত সঙ্কল্প য়াত্রাগী বেনেফিশরীশিংগা উন্নদুনা ৱারী শাখ্রে। কেন্দ্র মন্ত্রী, এম.পি., এম.এল.এ. অমসুং লোকেলগী থাক্কী মীহুৎশিং য়াওনা বিকশিৎ ভারত সঙ্কল্প য়াত্রাগী লৈবাক শিনবা থুংবগী বেনেফিশরী লিশিং কয়ানা ঙসিগী থৌরমদা শরুক য়াখি।
ঙসি তিনখিবা মীয়ামদা ৱা ঙাঙবদা, প্রধান মন্ত্রীনা VBSYনা হন্দক্তা নুমিৎ 50 মপুং ফাখ্রে অমসুং চাউরাক্না মীওই করোর 11বু অমত্তা ওইহনখ্রে হায়না ফোংদোকখি। “বিকাস ভারত সঙ্কল্প য়াত্রানা সরকারগী খোঙচৎ ওইবখক্তা নত্তনা লৈবাক্কী খোঙচৎ অমসু ওইরবনি”, মহাক্না হায়খি। “মোদীগী গেরেন্তীনা লৈবাক্কী কাচিন কোয়া খুদিংদা য়ৌশিল্লে। সরকারগী স্কিমগী কান্নবা ঙাইবতদা মশাগী পুন্সিগী লোইশিনখ্রবা লাইরবা মীয়াম্না ঙসিদি মখোয়গী পুন্সিদা ৱাহন্থোক লৈবা অহোংবা অমা ফংলে। সরকারনা বেনেফিশরী খুদিংগী য়ুম্থোংদা য়ৌশিল্লি অমসুং কান্নবা কয়া হকথেংননা পীরি”, প্রধান মন্ত্রীনা হায়খি। “মোদীগী গেরেন্তীগী গারীগা লোয়ননা সরকারগী ওফিস অমসুং মীয়ামগী মীহুৎশিংনা মীয়ামদা য়ৌশিল্লি”, মহাক্না মখা তাখি।
‘মোদীগী গেরেন্তী’গী মতাংদা মালেমদা ঙাঙনরিবশিংগী মতাংদা পল্লদুনা, গেরেন্তীগী তোঙানবা ৱাহন্থোক অমসুং বেনেফিশরীশিংগী মফমদা কান্নবা কয়াবু মিসন মোদতা য়ৌহনবগী মতাংদা পাউদমখিবগা লোয়ননা বিকশিৎ ভারতকী পান্দম অমসুং স্কিমগী কভরেজশিংবু সেচ্যুরেসন তৌবগগী মরক্তা মরী লৈনরিবা কয়াসু প্রধান মন্ত্রীনা ফোংদোকখি। পি.এম. মোদীনা লাইরবা, নহা, নুপী অমসুং লৌমী কয়ানা চারোন-শুরোন কয়াদগী থেংনরক্লিবা অৱাবা কয়াদসু মিৎয়েং চঙখি। প্রধান মন্ত্রীনা হায়খি, “ঐখোয়গী সরকারনা মমাংগী চারোন শুরোনশিংনা হিংলম্বা পুন্সি মহিং অদু হৌজিক অমসুং তুংগী চারোন শুরোনশিংনা হিংহনবা পামদে। নোংমগী অপীকপা তঙাই ফদবগীদমক্তা অৱাবা কয়া অদু লৈবাক্কী মীশিং অয়াম্বগী মফমদা ৱাহনবা পামদে। মরম অদুনা, ঐখোয়না লাইরবা, লৌমী অমসুং নহাশিংদা অহেনবা মিৎয়েং চঙলিবনি। ঐখোয়গী ওইনদি, মসিনা লৈবাক অসিদা লৈবা খ্বাইদগী চাউবা কাস্ত মরিনি হায়না লৌই। লাইরবা, নুপী, লৌমী অমসুং নহাশিংনা পাঙ্গল লৈরকপা মতমদা, লৈবাক অসিসু মপাঙ্গল লৈবা লৈবাক অমা ওইরক্কদৌরিবনি”।
প্রধান মন্ত্রীনা VBSYগী মপুং ওইবা পান্দম্বু অমুক হন্না নীংশিংলদুনা, মসিগী পান্দমদি মতিক চাবা বেনেফিশরী অমত্তবু চিত্থহন্দবা হায়বসিনি হায়খি। য়াত্রা অসিনা হেক হৌদোকখিবদগী, সুরক্ষা বিমা য়োজনা, জীবন জ্যোতী য়োজনা, পি.এম. স্বনিধীগী এপ্লিকেসন লাক্ষ কয়াগা লোয়ননা উজ্বালা কন্নেক্সনগী অনৌবা এপ্লিকেসন লাক্ষ 12সু ফংখ্রে হায়না মহাক্না পাউদমখি।
VBSYনা পীরিবা কান্নবশিংদা মিৎয়েং চঙলদুনা, প্রধান মন্ত্রীনা হৌজিক ফাওবগী ওইনা তি.বি.গী চেকঅপ করোর 1 অমসুং সিক্কল সেলগী চেকঅপ লাক্ষ 22 য়াওনা মীওই করোর 22 গী চেকঅপ পাংথোকখ্রে হায়না পাউদমখি। ঙসিদি, দাক্তরশিংনা লাইরবা, দলিত, শোত্থরবা অমসুং ত্রাইবেলশিংগী য়ুম্থোং খুদিংদা য়ৌশিল্লি, মসি হান্নগী সরকারনা শিংনবা অমা ওইনা লৌরম্বনি হায়না মহাক্না মখা তাখি। লাক্ষ 5 ফাওবগী হেল্থ ইন্স্যুরেন্স পীরিবা আয়ূশমান য়োজনা, লাইরবশিংগী লেম্না দাইলাইসীস তৌবা অমসুং জন ঔশধী কেন্দ্রশিংদা হিদাক হোঙনা পীবগী মতাংদা মহাক্না পনখি। “লৈবাক শিনবা থুংবদা শারিবা আয়ুশমান আরোগ্যা মন্দির অসিনা খুঙ্গং অমসুং লাইরবশিংগী চাউরবা হেল্থ সেন্তর অমা ওইরে”, মহাক্না মখা তাখি।
লৈবাক অসিগী নুপীশিংবু মপাঙ্গল হাপ্পগী মতাংদা সরকারনা পীরিবা শাফুদা প্রধান মন্ত্রীনা মিৎয়েং চঙবগা লোয়ননা মুদ্র য়োজনাগী খুত্থাংদা লোন ফংনরিবা, নুপীশিংনা বেঙ্ক মিত্রা, পশু শখী অমসুং অশা ৱর্করগী থৌদাং লৌরিবশিং অসিগী মতাংদসু পনখি। হৌখিবা চহি 10দা নুপী করোর 10না নুপীগী সেল্ফ হেল্প গ্রুপশিংদা য়াওরকখিবা, মসিগী মতুং ইন্না মখোয়গী মফমদা লুপা করোর লাক্ষ 7.5 হেন্না পীথখিবগী মতাংদসু মহাক্না পাউদমখি। পুম্নমক অসিনা মরম ওইরগা, ইচে-ইচল কয়া অমনা চহি খরসিগী মনুংদা লাক্ষপতি দিদি ওইনখ্রে হায়না প্রধান মন্ত্রীনা হায়খি। থৌরাংশিং অসিগী মায় পাকপশিংদা মিৎয়েং চঙলদুনা, লাক্ষপতি দিদিগী মশিংবু করোর 2দা হেনগৎনবা সরকারনা হোৎনরিবা, VBSYগী মনুংদা দ্রোন লাক্ষ 1 গী দিমোনস্ত্রেসন উৎখিবা নমো দ্রোন দিদি স্কিমগী মতাংদসু মহাক্না মখা তানা পনখি। লৈবাক অসিগী পুৱারীদা খ্বাইদগী অহানবা ওইনা, মীয়ামগা অনৌবা তেক্নোলোজীগা মিসন মোদতা মরী লৈনহল্লিবা অসিগী মতাংদসু মহাক্না পনখি। “হৌজিক্কী ওইনা, লৌউ-শিংউগী সেক্তরদা দ্রোন শিজিন্নবগী ত্রেনিং পীরি। অদুবু, লাক্কদৌরিবা মতমশিংদা, মসিগী স্কোপ অসিসু অতোপ্পা হীরমশিংদা পাকথোক চাউথোরকখিগনি”, শ্রী মোদীনা মখা তাখি।
মমাংগী সরকারগী মতমদা লৈবাক্কী লৌউ-শিংউগী থৌশিল থৌরাংগী মতাংদা খন্নরম্বা অসিদি শুপ্নগী পোত্থোক কয়া য়াম্না পুথোকপা হায়বদা অয়াম্বা মিৎয়েং চঙলম্মি, লৌমীশিংনা নুমিৎ খুদিংগী থেংনরিবা শিংনবা কয়া অসিদদি মিৎয়েং চঙলমদে হায়না প্রধান মন্ত্রীনা পাউদমখি। “ঐখোয়গী সরকারনা লৌমীশিংগী অৱাবা খুদিংমক কোকহন্নবা লৈজবী মতিক পুথোক্তুনা হোৎনরি”, পি.এম. সম্মান নিধীগী খুত্থাংদা লৌমী খুদিংগী মফমদা য়ামদ্রবদা লুপা 30,000 পীথবা, PACS, FPOগুম্বা লুপশিংগী তেংবাংদগী লৌউ-শিংউদা কোওপরেসন হেনগৎহন্নবা হোৎনরিবা, স্তোরেজ ফেসিলিতী মশিং হেনগৎহনবা অমসুং লৈবাক্কী ফুদ প্রোসেসিং ইন্দস্ত্রী হেন্না চাউখৎহন্নবা হোৎনরিবা কয়া অসি পল্লদুনা শ্রী মোদীনা হায়খি। তুর অমসুং অর্হর হৱাই থাবা লৌমীশিংনা হৌজিক্তি মখোয়গী পোত্থোকশিং অসি MSPদা সরকারগী মফমদা ওনলাইন্দা হকথেংননা নত্ত্রগা অহেনবা শেন্দোং ফংনবগীদমক্তা কৈথেলদা য়োনবা য়ারগনি হায়না প্রধান মন্ত্রীনা হায়খি। মসিগী স্কিম অসিগী পাক চাউবসু অতোপ্পা হৱাইসু কোল্লগনি হায়না মহাক্না হায়খি। “ঐখোয়না হৱাই লৈনবগীদমক্তা মীরমদা থাদোক্লিবা শেলশিং অসি লৈবাক্কী লৌমীশিংদা য়ৌহনবা হায়বসি ঐখোয়গী পান্দম্নি”, মহাক্না হায়খি।
প্রধান মন্ত্রীনা মহাক্কী ৱারোল লোইশিনবা ওইনা, থৱাই হকচাং য়াওনা হোৎনরিবা লোকেল এদমিনিস্ত্রেসন য়াওনা VBSYগী থবকশিং চলায়রিবা তীম্বু থাগৎপা ফোংদোকখি। “মসিগুম্বা ইথিলগা লোয়ননা, ঐখোয়না ভারতপু চাউখৎপা লৈবাক অমা ওইহন্নবগীদমক্তা ইশাগী থৌদাংশিং শোইদনা পাংথোক্কদবনি”, মহাক্না ৱারোল লোইশিনখি।
বেকগ্রাউন্দ
নবেম্বর 15, 2023দা হেক হৌদোকখিবদগী হৌদুনা প্রধান মন্ত্রীনা লৈবাক শিনবা থুংবগী বিকশিৎ ভারত সঙ্কল্প য়াত্রাগী বেনেফিশরীশিংগা চাং নাইনা ৱারী শাদুনা লাক্লি। মসিগুম্বা ৱারী শাবগী থৌওং অসি মমাংদা মরিরক (নবেম্বর 30, দিসেম্বর 9, দিসেম্বর 16 অমসুং দিসেম্বর 27) পাংথোকখ্রে। লোয়ননা, প্রধান মন্ত্রীনা মমাংগী থাগী ভরানসী খোঙচত্তা (দিসেম্বর 17-18) বিকশিৎ ভারত সঙ্কল্প য়াত্রাগী বেনেফিশরীশিংগা হকথেংননা অনিরকসু ৱারী শাখ্রবনি।
বিকশিৎ ভারত সঙ্কল্প য়াত্রা অসি সরকারগী স্কিমশিংগী পান্দম থম্লিবা বেনেফিশরীশিংগী মনুংদা সরকারগী ফ্লেগশিপ স্কিম কয়া অসিগী কান্নবা খুদিংমক অকক্নবা মতমগী মনুংদা য়ৌহন্নবগী পান্দমগা লোয়ননা লৈবাক শিনবা থুংনা চত্থবনি।
বিকশিৎ ভারত সঙ্কল্প য়াত্রানা জনুৱারী 5, 2024দা মশক থোকপা মায় পাকপা অমা ফংবা ঙমখি, নুমিৎ অসিদা য়াত্রাদা শরুক য়াবা মীওইগী মশিংনা করোর 10 হেনখি। মসিগুম্বা মশিং য়াম্লবা মশিং অসি য়াত্রা অসি হৌদোকখিবা শুপ্নগী নুমিৎ 50গী মনুংদা য়ৌখিবনি অমসুং থৌওং অসিমক্না বিকশিৎ ভারতকী মঙলান অমগী মাইকৈদা লৈবাকপু অমত্তা ওইনা পুনশিনবদা য়াত্রা অসিনা পাংথোক্লিবা মশক নাইবা অমসুং চাংদম্ননীংঙাই লৈত্রবা থৌওংগী মতাংদা তাক্লি।
समाज में अंतिम पायदान पर खड़े व्यक्ति तक सरकार खुद पहुंच रही है, उसे अपनी योजनाओं से जोड़ रही है: PM @narendramodi pic.twitter.com/NWc2Pgskbv
— PMO India (@PMOIndia) January 8, 2024
विकसित भारत संकल्प यात्रा को लेकर गांव हो या शहर, हर जगह उत्साह देखा जा रहा है। pic.twitter.com/WsXE8RoyMT
— PMO India (@PMOIndia) January 8, 2024
विकसित भारत संकल्प यात्रा का सबसे बड़ा मकसद है- कोई भी हकदार, सरकारी योजना के लाभ से छूटे नहीं: PM @narendramodi pic.twitter.com/0CIc3sSjfI
— PMO India (@PMOIndia) January 8, 2024
