প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা বিক্ষিৎ ভারত সঙ্কল্প য়াত্রাগী বেনিফিসরীশিংগা ৱা শাখ্রে অমসুং মখোয়দা ৱা ঙাংখ্রে। থৌরম অসিদা প্রধান মন্ত্রীনা রাজস্থান, মধ্য প্রদেশ, ছত্তিসগর, তেলঙ্গানা অমসুং মিজোরামদা বিক্ষিৎ ভারত সঙ্কল্প য়াত্রা লমথাখ্রে।
থৌরম অসিদা ৱা ঙাংলদুনা প্রধান মন্ত্রীনা রাজস্থান, মধ্য প্রদেশ, ছত্তিসগর, তেলঙ্গানা অমসুং মিজোরামগী রাজ্য মঙাদা বিক্ষিৎ ভারত সঙ্কল্প য়াত্রা লমথাবা ফংবগী খুদোংচাবা ফংখিবদা নুংঙাইবা ফোঙদোকখি অমসুং হায়খি মদুদি ‘মোদী কী গরেন্তী’গী গারীনা হৌজিক লৈবাক্কী শরুক পুম্নমক্তা য়ৌরে। মাগী থা অমগী খোঙচৎ অসিদা VBSYনা খুঙ্গং লিশিং কয়া লোয়ননা অপীকপা সহর অমসুং তাউনা য়াওনা সহর 1500দা য়ৌশিনবা ঙমখ্রে। মীখলগী মোদেল কোদ ওফ কন্দক্ত লৈবনা মরম ওইরগা মমাংদা VBSY অসি হৌবা য়াদনা লৈখি হায়না ফোঙদোক্লদুনা প্রধান মন্ত্রীনা রাজ্য মঙাগী নৌনা শেম্লবা সরকারশিংদা মখোয়গী রাজ্যশিংদা খোঙজেল য়াংনা বিক্ষিৎ ভারত সঙ্কল্প য়াত্রা পাকথোক চাউথোক্নবা হায়খি।
প্রধান মন্ত্রীনা বিক্ষিৎ ভারত য়াত্রা সঙ্কল্পকী জন অন্দোলনগী মতাংদা ফোঙদোকখি। “বিকাস ভারত সঙ্কল্প য়াত্রা অসি মোদীনা লমথাজরবসু অচুম্বদি ঙসি ইরৈবাকচাশিংনা মসিগী থৌদাং লৌরি” হায়না মহাক্না ফোঙদোকখি। মহাক্না বেনিফিসরীশিংগা লোয়ননা মহাক্না ৱারী শাবদা ‘মোদী কী গরেন্তী কী গারী:” তরাম্না ওকপগী থৱায় য়াওবা অমসুং অথোই-অহেন তানবা অসিগী মতাংদা ফোঙদোকখি।
VBSYগী খোঙচৎকা লোয়ননা প্রধান মন্ত্রীনা কন্নেক্ত তৌবা মসি মরিশুবনি হায়না ফোঙদোক্লদুনা মহাক্না খুঙ্গংগী মফমশিংদগী মীওইশিংগী মহাক্না পি.এম. কিসান সম্মান নিধি, মহৌশাগী লৌউ-পথাপ, খুঙ্গংগী শেন্মীৎলোনগী লমশিং অমসুং ভারতকী খুঙ্গংশিং চাউখৎহনবগী মতাংদা ৱারী শাখি হায়না ফোঙদোকখি। ঙসিগী থৌরমদা সহরগী মফমশিংদগী মশিং য়াম্লবা মীওইশিংনা শরুক য়াখিবগী মতাংদা পল্লদুনা পি.এম. মোদীনা হায়খি ঙসিগী ফোকস অসি ঐখোয়না অর্বান দিবেলপমেন্তদা তৌরি।
প্রধান মন্ত্রীনা হায়খি, “ঐখোয়গী সহরশিংনা চাউখৎপা ভারত অমগী ফিরেপ লৌবদা অচৌবা থৌদাং লৈ। নীংতম্বা ফংলবা মতুংদা মতম শাংনা লৌখৎলকখিবা চাউখৎ-থৌরাংগী লম অসি লৈবাক্কী অচৌবা সহর খরা খক্তমক্তা লোইশিনখি। অদুবু ঙসি ঐখোয়না লৈবাক্কী তায়র -2 অমসুং তায়র -3 সহরশিংগী চাউখৎ থৌরাংদা মীৎয়েং চংলি। শক্তি পীদুনা লৈবাক্কী অপীকপা সহর চা কয়ানা চাউখৎপা ভারতকী অচৌবা শক্তম মপাঙ্গল কনখৎহল্লগনি”। হীরম অসিদা মহাক্না অপীকপা সহরশিংগী তঙাই ফদবা খুদোংচাবশিং অপগ্রেদ তৌরিবা AMRUT মিসন অমসুং স্মার্ত সিতীগী খুদমশিং পীখি। অপগ্রেদশিং অসিনা ইজ ওফ লিবিং, ইজ ওফ ত্রেবেল অমসুং ইজ ওফ দুইং বিজিনেস্তা হকথেংননা কান্নবা পীরি। লায়রবা, নিও-মিদ্দল ক্লাস, মিদ্দল ক্লাস নত্ত্রগা ইনাক খুনবা মীওই, পুম্নমক্তা ফগৎহল্লবা খুদোংচাবশিং অসিগী কান্নবা ফংলি, হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি, “সরকারনা নখোয়গী সমস্যাশিং অসি ইমুংগী মীওই অমগুম্না হন্থহন্নবা মীৎয়েং চংলি”। সরকারনা কোরোনা ভাইরস লাইচৎ মনুংদা সরকারনা পীখিবা তেংবাংগৌ মতাংদা পল্লদুনা প্রধান মন্ত্রী নুপী করোর 20গী বেঙ্ক একাউন্তদা লুপা করোর লিশিং কয়া কাইথখিবা, লেম্না কোবিদ ভেক্সিন ফংহনবা, লায়রবা ইমুংশিংদা লেম্না রাসন ফংহনবা অমসুং অপীকপা বিজিনেসশিংদা লুপা করোর লাখ কয়াগী তেংবাং পীখিবা অদুগী মতাংদা পনখি। “অতোপ্পশিংদগী থাজবা মাংলকপা মতমদা মোদীগী গরেন্তী হৌই” হায়না প্রধান মন্ত্রীনা ফোঙদোকখি। পি.এম. মোদীনা পি.এম. স্বনিধি য়োজনাগী মখাদা লোনশিং লাইনা ফংবা ঙমহন্দুনা স্ত্রীত ভেন্দরশিং অমসুং হোকরশিং বেঙ্কিং সিস্তেমগা কন্নেক্ত তৌবগী মতাংদসু ফোঙদোকখি। পি.এম, স্বনিধি য়োজনাগী মখাদা হৌজিক ফাওবদা বেঙ্ককী তেংবাং মীওই লাখ 50 হেনবদা পীখ্রে হায়না ফোঙদোক্লদুনা মীওই লাখ 1.25না পি.এম. স্বনিধিগীদমক VBSYগী খুত্থাংদা এপ্লাই তৌখি। “পি.এম. স্বনিধি য়োজনাগী বেনিফিসরীশিং অসি চাদা 75 হেনবনা দলিত, শোত্থরবা অমসুং ত্রাইবেল ফুরুপশিংগী মেম্বরশিংনা চাদা 75 হেন্না ওইরি মসিদা নুপী বেনিফিসরী চাদা 45 হেন্না য়াওরি” হায়না ফোঙদোক্লদুনা প্রধান মন্ত্রীনা মোদীগী গরেন্তী অসি বেঙ্ককীদমক মশাগী গরেন্তী অমত্তা লৈজদবা মীওইশিংগীদমক কান্নৈ হায়না মখা তাখি।
প্রধান মন্ত্রীনা অর্বানদা লৈরিবশিংগীদমক সোসিএল সেক্যুরিতী পীনবা সরকারগী ফিরেপ অদু নৌনা ফোঙদোকখি। মহাক্না সহরগী মফমশিংদা লৈরিবা মীওইশিংগী সেক্যুরিতী নেৎ হেনগৎহনবগী মতাংদসু ফোঙদোকখি। অতল পেন্সন স্কিমনা চহি 60 শুরবা মতুংদা লুপা লিশিং মঙাগী থাগী পেন্সন সবস্ক্রাইবর করোর 6তা পীরি। পি.এম. সুরক্ষা বিমা য়োজনা অমসুং জীবন জ্যোতি য়োজনানা লুপা লাখ 2 ফাওবগী লাইফ কবর পীরি। স্কিমশিং অসিগী মখাদা লুপা করোর লিশিং 17গী ক্লেমশিং সেত্তল তৌখ্রে। মহাক্না মীপুম খুদিংমক্তা স্কিমশিং অসিদা রেজিস্তর তৌদুনা মখোয়গী সেক্যুরিতী শিল্দ মপাঙ্গল কনখৎহন্নবা হায়খি।
“ইনকম তেক্স নত্ত্রগা লো-কোস্ত ত্রীৎমেন্ত কোকপীবা ওইরবসু সরকারনা সহরগী ইমুং মনুংশিংগী শেল তুংশিনবীনবা লেপ্পি” হায়না প্রধান মন্ত্রীনা ফোঙদোকখি। আয়ুশ্মান ভারত য়োজনাগী মরমদা ঙাংলদুনা প্রধান মন্ত্রীনা সহরগী লায়রবা করোর কয়া হাপচিনখিবা অসিনা মেদিকেলগী চাদিং তৌবদা লুপা করোর লাখ 1 তংশিনবদা মতেং পাংখি। মহাক্না চাদা 80গী দিস্কাউন্তদা হীদাকশিং ফংহল্লিবা জন ঔশাধি কেন্দ্রশিংগী মতাংদা পনখি, মসিনা সহরগী লায়রবা অমসুং মিদ্দল ক্লাসকীদমক লুপা করোর 25,000 হেন্না তুংশিনবদা মতেং পাংখি। প্রধান মন্ত্রীনা সরকারনা জন ঔশাধি কেন্দ্রশিংগী মশিং 25,000 হেনগৎহন্নবা ৱারেপকী মতাংদা ফোঙদোকখি। শ্রী মোদীনা উজালা স্কিমগী মখাদা লৈবাক অসিদা LED বল্বশিংগী রিভোল্যুসনগী মতাংদা পনখি, মসিনা সহরগী ইমুংশিংগী ইলেক্ত্রিসিতী বিলশিং চাউনা হন্থহনখি।
প্রধান মন্ত্রীনা ৱান নেসন ৱান রাসন কার্দনা মাইগ্রেন্ত লেবর্রশিং মতেং পাংবগী মতাংদা ফোঙদোকখি। মহাক্না হায়খি হৌখিবা চহি 9দা য়ুম য়ুনিৎ করোর 4 হেন্না লায়রবা ইমুংশিংদা পীখি, সহরগী লায়রবা বেনিফিসরীশিংদা করোর অমা পীখি। মশাগী য়ুম লৈজদবা অমসুং মাইগ্রেন্ত লেবরশিংগী স্পেসিএল কম্প্লেক্সশিংগীদমক চৎনবা য়াবা রেন্তশিং পীবা ঙম্নবা ক্রেদিৎ লিঙ্ক সবসিদী স্কিমগী মতাংদা পল্লদুনা মহাক্না হায়, “ঐখোয়গী সরকারনা মিদ্দল-ক্লাসকী ইমুংশিংদা মখোয়গী য়ুম অমা লৈজনবগী মঙলান মঙফাওনবা ঙমহন্নবা অঙম্বা মতেং খুদিংমক পীরি”।
প্রধান মন্ত্রী হায়খি, “সহরদা লৈরিবা লায়রবা অমসুং মিদ্দল-ক্লাসকী ইমুংশিংদা শাফবা পুন্সি অমা পীনবা পব্লিক ত্রান্সপোর্ত অসি মরু ওইবা পাম্বৈ অমনি। হৌখিবা চহি 10দা মোদর্ন পব্লিক ত্রান্সপোর্তকীদমক তৌখিবা থবক অসি লম্বা লৈতে”। মহাক্না হায়খি হৌখিবা চহি 10 অসিদা অনৌবা সহর 15না মেত্রো সর্ভিস ফংখি মরমদা মেত্রোগী থবক অসি সহর 27 তা মপুং ফানা লোইশিনখ্রে নত্ত্রগা কন্না চত্থরি। পি.এম.-ইবস সেবা অভিয়ানগী মখাদা ইলেক্ত্রিক বসশিং সহর কয়াদা চেল্লি। “নুমিৎ নিনি-হুমনিগী মমাংদা কেন্দ্র সরকারনা দিল্লীদা অনৌবা ইলেক্ত্রিক বস 500 চেলহনখ্রে। দিল্লীদা কেন্দ্র সরকারনা হৌজিক চেলহনখিবা ইলেক্ত্রিক বসশিংগী মশিং অসি 1300 হেনখ্রে”, হায়না মহাক্না ফোঙদোকখি।
ৱারোল পীবা লোইশিনবদা প্রধান মন্ত্রীনা হায়খি মদুদি সহরশিং অসি নহারোল অমসুং নুপীশিংব শক্তি পীনবা অচৌবা মেদিয়ম অমনি হায়না ফোঙদোক্লদুনা হায়খি, “‘মোদী কী গরেন্তী’গী গারীনা নহারোল অমসুং নুপীশিংবু শক্তি পীরি”। মহাক্না মীপুম খদিংমক্তা VBSYগী কান্নবা য়ারিবা মখৈ লৌনবা অমসুং বিক্ষিৎ ভারতকী ফিরেপ মাংদা পুখৎনবা হায়খি।
বেকগ্রাউন্দ
বিক্ষিৎ ভারত সঙ্কল্প য়াত্রা অসি স্কিম অসিগী কান্নবশিং অপীবা মতমগী মনুংদা পান্দম থম্লিবা মীওইশিংদা য়ৌহন্নবগীদমক লৈঙাক্কী ফ্লেগশিপ স্কিমশিং ফংহনবগী পান্দমদা লৈবাক অসিদা পাইখৎলি।
লৈবাক শিনবা থুংবদগী বিক্ষিৎ ভারত সঙ্কল্প য়াত্রাগী বেনিফিসরী লিশিং কয়ানা থৌরম অসিদা শরুক য়াখি। থৌরম অসিদা মশিং য়াম্লবা কেন্দ্রগী মন্ত্রীশিং, MP শিং, MLA শিং অমসুং লোকেল থাক্কী মীহুৎশিংসু শরুক য়াখি।
देश के सैकड़ों छोटे शहर ही विकसित भारत की भव्य इमारत को सशक्त करने वाले हैं: PM @narendramodi pic.twitter.com/gjOT2QQRda
— PMO India (@PMOIndia) December 16, 2023
Ensuring 'Ease of Living' for the citizens. pic.twitter.com/BOTUQ3kP6s
— PMO India (@PMOIndia) December 16, 2023
हमारी सरकार मिडिल क्लास परिवारों के घर का सपना पूरा करने में भी हर संभव मदद कर रही है: PM @narendramodi pic.twitter.com/5l9VtlEHh1
— PMO India (@PMOIndia) December 16, 2023
