প্রধান মন্ত্রী শ্রী নরেন্দ্র মোদীনা ঙসি ভিদিও পাউজেলগী খুত্থাঙদা য়ুনাইতেদ নেসন্স ৱর্ল্দ জিওস্পেসিএল ইন্তরনেস্নেল কংগ্রেসতা ৱা ঙাঙখ্রে।
মালেমগী মীথুংশিংবু তরাম্না ওক্লদুনা, প্রধান মন্ত্রীনা, “ভারতকী মীয়াম্না ঐখোয়না তুংলমচৎ শেম্নবগী অসিগুম্লবা থৌরম অসিদা ময়ামগী থৌবু ওইবদা নুংঙাইবা ফাওই,” হায়না হায়খি। মীফম অদু অহমদবাদতা পাঙথোকপগীদমক নুংঙাইবা ফোঙদোক্লদুনা, প্রধান মন্ত্রীনা ময়োল্লম অসি মাগী নাৎ, চীঞ্জাক, মীওক মীচান অমসুং হাই-তেক মঙলানগীদমক মমিং চৎলি হায়বা ৱাফম থমখি।
মীফম অসিগী থীম, ‘জিও-ইনেব্লিং দি গ্লোবেল ভিলেজ: নো ৱন সুদ বি লেফ্ত বিহাইন্দ’ হায়রিবসি হৌখিবা চহি খরসিদা ভারতনা লৌখৎলক্লিবা খোঙথাঙশিংদা উবা ফংবিগনি হায়বা ৱাফম প্রধান মন্ত্রীনা থমখি। “ঐখোয়না অন্ত্যোদয়াগী মঙলানগা লোয়ননা, হায়বদি মমৈদা লেপ্লিবা মীওইদু ফাওবা য়ৌনা মপাঙ্গল কলহন্নবগী পান্দমদা, মিসন মোদতা থবক পায়খৎলি,” হায়না মহাক্না হায়খি। বেঙ্ককা শম্নরমদবা মীওই মিলিয়ন ৪৫০, য়ু.এস.এ.গী অপুনবা মীশিংদগী হেনববু বেঙ্কিং নেৎকী মখাদা পুশিল্লকখ্রে অমদি মীওই মিলিয়ন ১৩৫, ফ্রান্সকী অপুনবা মীশিংগী শরুক অনিদা, ইন্স্যুরেন্স পীরি, হায়না প্রধান মন্ত্রীনা মচা খায়না পাউদমখি। “ভারতনা কনাগুম্বা অমত্তা চিত্থহৌদনবা হোৎনরি” হায়বা ৱাফম থম্লদুনা সেনিতেসন ফেসিলিতী ইমুং মিলিয়ন ১১০দা য়ৌহল্লে অদুগা তোতি ঈশিং ইমুং মিলিয়ন ৬০ হেনবদা ফংহল্লে হায়না মহাক্না হায়খি।
তেক্নোলোজী অমসুং তেলেন্ত হায়বসিনা ভারতকী চাওখৎ খোঙচৎকী মরুওইবা য়ুম্বী অনিনি। তেক্নোলোজীনা অহোংবা পুরকই হায়রদুনা প্রধান মন্ত্রীনা মীওই মিলিয়ন ৮০০দা অপনবা লৈতনা কান্নবা ফংহল্লিবা জেম ত্রিনিতী অমসুং মালেমগী খ্বাইদগী চাউবা ভেক্সিনেসন দ্রাইব পাঙথোকখিবা তেক প্লেতফোর্মবু খুদম ওইনা পনখি। “ভারত্তা, তেক্নোলোজী হায়বসি খত্তোক্নবগী এজেন্ত অমা নত্তে। মসি কোনশিন্নবগী এজেন্ত অমনি,” হায়না শ্রী মোদীনা হায়খি।
পুম্নমক কোনশিনবদা অমদি খোঙজেল পীবদা জিওস্পেসিএল তেক্নোলোজীনা লৌরিবা শক্লোনগী মরমদা প্রধান মন্ত্রীনা পাউদমখি। স্বামিত্ব অমসুং য়ুম-কৈ শাবগী স্কীমশিংদা তেক্নোলোজীনা লৌরিবা শক্লোন অমদি লনথুমগী মপু ওইবা অমসুং নুপী মপাঙ্গল কলহনবদা ফংলিবা মহৈশিং অসিনা লায়রবা অমদি পা-পী থোং মান্নবগী লমদা য়ু.এন.গী সস্তেনেবল দিভেলপমেন্ত গোলশিংদা হকথেংননা ইনোৎ হাপ্লি হায়বা ৱাফম প্রধান মন্ত্রীনা থমখি। পি.এম. গতিশক্তি মাস্তর প্লান অমদি দিজিতেল ওসীন প্লেতফোর্ম অসি জিও-স্পেসিএল তেক্নোলোজীনা মথৌ হাপ্পনি হায়না মহাক্না মখা তাখি। ভারতনা জিও-স্পেসিএল তেক্নোলোজীগী কান্নবশিং ময়ামদা পাউদমবদা খুদম অমা মাঙজৌননা পীদুনা লৈরে হায়রদুনা প্রধান মন্ত্রীনা ভারতকী য়ুম্লোন্নবা লৈবাকশিংদা কম্ম্যুনিকেসনগী ফীভম ফগৎহন্নববদা সাউথ এসিয়া সেতলাইতনা লৌরিবা থৌদাংবু খুদম ওইনা পীখি।
“ভারতকী খোঙচত্তা তেলেন্তনা অনিসুবা য়ুম্বী ওইনা লৌরিবা শক্লোনগী মরমদা পল্লদুনা “ভারত অসি অচৌবা ইনোভেসনগী স্পিরিৎ লৈবা নহা ওইরিবা লৈবাক অমনি,” হায়না প্রধান মন্ত্রীনা হায়খি। ভারত অসি মালেমগী মকোক থোংবা স্তার্তঅপ হবশিংগী মরক্তা অমা ওইরে অমদি ২০২১দগী হৌজিক ফাওবদা য়ুনিকোর্ন স্তার্তঅপ মশিং শরুক অনিগী ময়াদা হেনগৎলক্লিবসিনা ভারতকী নহাশিংগী হৈথোই শিংথোইবগী খুদম্নি হায়না মহাক্না মখা তাখি।
খ্বাইদগী মরুওইবা নীংতম্বশিংগী মরক্তা ইনোভেসনগী নীংতম্বা অসিসু অমনি, অদুগা মসিমক জিওস্পেসিএল সেক্তরদা ফংহল্লি হায়না প্রধান মন্ত্রীনা হায়খি। জিওস্পেসিএল দেতা খোমজিনবা, পুথোকপা অমদি দিজিতাইজেসনগী থবক দিমোক্রেতাইজ তৌরে হায়না মহাক্না মখা তাখি। অসিগুম্বা অওনবশিংনা দ্রোন সেক্তরদা ইনোৎ হাপ্লি অমদি ভারত্তা ৫জি হৌদোকপগা লোয়ননা স্পেস সেক্তরবু প্রাইভেৎ পার্তিসিপেসনগীদমক হাংদোক্লি হায়না মহাক্না হায়খি।
প্রধান মন্ত্রীন মোদীনা মতুং ইন্না, কোবিদ-১৯ লাইচৎ অসি পুম্নমক পুন্না চৎমিন্ননবগী মীকপ থোক্নবা খোল্লাউ অমা ওইহনফম থোকই হায়না ফোঙদোকখি। লাংফমগী মতমদা মালেমগী কম্ম্যুনিতীশিংনা অমনা অমগী মতেং পাংননবগীদমক ইন্সতিত্যুস্নেল এপ্রোচ অমা মথৌ তারে হায়বা ৱাফম মহাক্না থমখি। “য়ুনাইতেদ নেসন্সকুম্বা মালেমগী লুপশিংনা মফম পুম্নমক্তা কাচিন কোয়া শিন-থুংনা রিসোর্সশিং য়ৌহন্নবগী খোঙথাঙ লমজিংবা য়াই,” হায়না মহাক্না ফোঙদোকখি। হেন্দ-হোল্দিং অমসুং তেক্নোলোজী ত্রান্সফর অসি অইং অশাগী খল কায়থরকপা থেংনবদা মরু ওই হায়রদুনা প্রধান মন্ত্রীনা ঐখোয়গী প্লানেৎ অসি কন্নবগীদমক খ্বাইদগী ফবা থৌওংশিং তাথোক তাশিন তৌননবা ৱাফম হৌদোকখি।
প্রধান মন্ত্রীনা জিও-স্পেসিএল তেক্নোলোজীনা পীরিবা লোইনাইদ্রবা খুদোংচাবশিংগী মরমদা ৱাফম কয়া থমখি। তুং কোইগদবা মওংদা ময়োল্লম শেমগৎপা, অমাঙ অতাশিং মেনেজ তৌবা অমদি হন্থহনবা, অইং অশাগী খল কায়থরকপনা পীরিবা চৈথেং খোঙ্গুল লীবা, উমং শেমগৎ-শাগৎপা, ঈশিংগী মেনেজমেন্ত, লৈকঙলাগী লম ওলহনবা লেপ্পা অমদি চীঞ্জাক্কী ঙাকশেল থৌরাং লৈহনবনচিংবা ৱাফমশিং মহাক্না থমখি। মীফম অসিনা অসিগুম্বা মরুওইবা হীরমশিংদা চাওখৎ থৌরাংগী ৱাফমশিং খন্ননবা ফম্বাক অমা ওইহন্নিংবগী অপাম্বা মহাক্না ফোঙদোকখি।
লোইশিল্লকপদা, প্রধান মন্ত্রীনা থৌরমদুনা অফবা মহৈ পুরক্কনি হায়বগী থাজবা ফোঙদোকখি। জিও-স্পেসিএল ইন্দস্ত্রীগী স্তেকহোল্দরশিং পুনশিন্নদুনা মালেমগী খুজিল থৌরাং য়াৎলিবশিং অমসুং মহৈ মশিংগী লমদা লৈরিবা মীওশিংনা অমগা অমগা ৱারী ৱাতায় শানদুনা, মীফম অসিনা গ্লোবেল ভিলেজ অসিবু অনৌবা তুংলমচৎ অমগী মায়কৈদা হিমায় চুম্বদা মতেং ওইগনি হায়না ঐনা চপ চানা থাজৈ,” হায়না মহাক্না মখা তাখি।
India is working on a vision of 'Antyodaya'. pic.twitter.com/e77tEeRTpM
— PMO India (@PMOIndia) October 11, 2022
India's development journey has two key pillars:
— PMO India (@PMOIndia) October 11, 2022
1) Technology
2) Talent pic.twitter.com/NRKefxcWlz
Technology brings transformation.
— PMO India (@PMOIndia) October 11, 2022
It is an agent of inclusion. pic.twitter.com/NqpfoBIN8G
PM-SVAMITVA Yojana is an example of how digitisation benefits the people. pic.twitter.com/d7qVyKLsgY
— PMO India (@PMOIndia) October 11, 2022
There is a need for an institutional approach by the international community to help each other during a crisis. pic.twitter.com/Put6mqJaV8
— PMO India (@PMOIndia) October 11, 2022
India is a young nation with great innovative spirit. pic.twitter.com/MsuSS0kIuz
— PMO India (@PMOIndia) October 11, 2022
