Share
 
Comments
Atal Tunnel would transform the lives of the people in Himachal, Leh, Ladakh and J&K: PM Modi
Those who are against recent agriculture reforms always worked for their own political interests: PM Modi
Government is committed to increasing the income of farmers, says PM Modi

প্রধান মন্ত্রী শ্রী নরেন্দ্র মোদীনা ঙসি হিমাচল প্রদেশকী সোলাং তম্পাক্তা অভিনান্দন প্রোগ্রামদা শরুক য়াখ্রে। নুমিৎ অসিগী অঙনবা শরুক্তা মহাক্না রোহতাংদা মালেমগী খ্বাইদগী শাংবা অতল তনেল জাতিদা কত্থোকখি অমসুং হিমাচল প্রদেশকী সিসুদা ‘অভার সমারোহ’দা শরুক য়াখি।

তনেল অসিনা অওনবা পুরক্কদবা

থৌরম অসিদা ৱা ঙাংলদুনা প্রধাম মন্ত্রীনা হায়খি অতলজীনা মনালি নুংশিজরম্বা অমসুং মহাক্না লমদম অসিগী ইনফ্রাস্ত্রকচর, লম্বী-থোং অমসুং তুরিজমগী ইন্দস্ত্রী ফগৎহনবা পামজরম্বা অসিনা মরম ওইরগা মহাক্না তনেল অসি লোয়শিন্নবা ৱারেপ লৌখি।

শ্রী মোদীনা হায়খি অতল তনেলনা হিমাচল, লেহ, লদাখ অমসুং জে অমসুং কেগী মীয়ামগী পুন্সিদা অওনবা পুরক্লগনি। মহাক্না হায়খি তনেল অসিনা মীচম প্রজাগী পোৎলুম হন্থহনদুনা হৌজিক্তি চহি চুপ্পা লাহাউল অমসুং স্পিতিদা লায়না চত্থোক-চৎশিনবা তৌবা য়াহল্লগনি। তনেল অসিনা লমদম অসিগী শেন্মীৎলোন অমসুং তুরিজম চাউখৎ হল্লগনি।

মহাক্না হায়খি লমকোয়বশিংনা সিদু ঘীগী কুলু-মনালিদা ব্রেকফাস্ত তৌরগা লহাউলদা চৎতুনা মফম অদুদা ‘দো-মার’ অমসুং ‘চিলাদে’গী অয়ুক্কী চাকলেন চাবা য়ারগবা নুমিৎ অদু লাক্কদবা কুইররোই।

হমীরপুরগী ধৌলাসিধ হাইদ্রো প্রোজেক্ত

প্রধান মন্ত্রীনা হমীরপুরদা এম.দবল্যু ৬৬ ধৌলাসিধ হাইদ্রো প্রোজেক্ত শানবা লাউথোকখ্রে। মহাক্না হায়খি মসিনা মৈ ফংহনবতা নত্তনা লমদম অসিগী নহাশিংদা মখল কয়াগী থবক্কী খুদোংচাবশিংসু পীরগনি।

মহাক্না হায়খি মরু ওইনা খুঙ্গংদা লম্বীশিং, হায়ৱেশিং, পাৱর প্রোজেক্তশিং, রেল কন্নেক্তিবিতী অমসুং এয়র কন্নেক্তিবিতী হায়রিবা মতম অসিগা চান্নবা ইনফ্রাস্ত্রকর অসি লৈবাক শিনবা থুংনা শানবা সরকারনা হোৎনরিবশিং অসিদা হিমাচল প্রদেশ অসি মরু ওইবা স্তেকহোল্দর অমা ওইরি।

হিমাচল প্রদেশতা ইনফ্রাস্ত্রকচর শেমগৎপা

প্রধান মন্ত্রীনা হায়খি কিরাৎপুর – কুলু – মনালি রোদ কোরিদপর, জিরাকপুর – পরৱানো – সোলান – কাইথলিঘাৎ রোদ কোরিদোর, নানগল দাম – তালৱরা রেল রুৎ, ভানুপলি – বিলাসপুর রেল রুৎ অসি খোঙজেল য়াংনা থবক চত্থরি অমসুং প্রোজেক্তশিং অসি অথুবদা লোয়শিন্নবা অমসুং হিমাচলগী মীয়ামগী থবক্তা মতেং পাংনবা হোৎনরি।

মীয়ামগী পুন্সি অসি নুংঙাইনা হিংনবা লম্বী, রেলগুম্বা তঙাই ফদবা পোৎলমশিং অসিগা লোয়ননা ইলেক্ত্রিসিতী, মোবাইল অমসুং ইন্তরনেৎ কন্নেক্তিবিতী অসিসু য়াম্না মরু ওই হায়না মহাক্না ফোঙদোকখি।

প্রধান মন্ত্রীনা লৈবাক অসিগী খুঙ্গং লাখ ৬তা ওপ্তিকেল ফাইবর থম্নবা সরকারগী প্রোগ্রাম অসি ফোঙদোকখি। হায়রিবা অসি চহি অসিগী অগস্ত ১৫দগী হৌরগা নুমিৎ ১০০০দা লোয়শিনগনি।

মহাক্না হায়খি প্রোজেক্ত অইগী মখাদা, ৱাই-ফাই হোৎস্পোৎশিং খুঙ্গংশিংদা ইনস্তোল তৌগনি অমসুং য়ুমথোংশিংদা ইন্তরনেৎ কন্নেক্সন ফংহনগনি। মসিগা লোয়ননা হিমাচল প্রদেশকী অঙাংশিংনা মহৈ-মশিং, হীদাক-লাংথকশিং অমসুং তুরিজম হীরম খুদিংদা কান্নবা ফংলগনি।

প্রধান মন্ত্রীনা হায়খি মীয়ামবা নুংঙাইনা হিংনবা অমসুং মখোয়গী ফংফম থোকপা হকশিং মপুং ফানা ফংহন্নবা সরকারনা লেপ্তনা হোৎনরি। তোলোপ, পেন্সন, বেঙ্কিং সর্ভিসশিং, মৈগী পৈশা অমসুং তেলিফোন বিলশিং থিবা অসিগুম্বা সরকারগী সর্ভিসশিং অসি দিজিতাইজ তৌখ্রে। মহাক্না হায়খি অসিগুম্বা অওনবা কয়ানা মতম, শেল মাংহনদে অমসুং শেঞ্জা-থুনজা মুত্থৎপা ঙম্মি। 

কোরোনাগী তানফম অসিগী মনুংদসু হিমাচল প্রদেশকী পেন্সনর লাখ ৫ হেন্না অমসুং বেনিফিসরী লাখ ৬কী জন ধন একাউন্তদা লুপা করোর কয়া কয়া দিপোজিৎ তৌখি।

লৌউ-শিংউগী অওনবশিং

হন্দক্কী লৌউ-শিংউদা অওনবশিং পুরকপা অসিগী মায়োক্তা লৈরিবা মীওইশিংবু চৈরদুনা প্রধান মন্ত্রীনা হায়খি, মখোয় মশাগী রাজনিতীগী ওইবা কান্নবশিংগীদমক থবক তৌদুনা লাকখিবশিংনা অওনবশিং অসিদা নুংঙাইতবা পোক্লি। অসিগুম্বা মীওইশিং অসিনা মখোয়না শেমখিবা দলালি চারিবা মীওইশিং অসি মুত্থৎলগনি হায়বদা শাউনীংবা পোক্লি।

প্রধান মন্ত্রীনা কুলু, শিমলা নত্রগা কিন্নোরদগী শেমশিং অসি লৌমীশিংদগী কে.জি. অমদা লুপা ৪০-৫০গী চাংদা লৈরগা এন্দ য়ুজরদা লুপা ১০০-১৫০দা মমলশিং হেনগৎনা য়োনবগী মতাংদা ফোঙদোকখি।মসিদা লৌমী নত্রগা লৈরিবা মীওই অমত্তদা কান্নবা ফংহনদে। মসিদা নত্তনা শেলগী পন্থা ওইরকপদা মমলশিং অসিনা অঙকপা ফংনা হন্থখি অমসুং অপিকপা হৈকোলশিং লৈজবা লৌমীশিংনাখ্বাইদগী অৱাবা নংলি। মহাক্না হায়খি লৌউ-শিংউগী সেক্তরদা চাউখৎপা পুরক্নবা লোশিংদা ইতিহাসিক ওইরবা অওনবশিং পুরকখ্রে। হৌজিক করিগুম্বা অপিকপা লৌমীশিংনা পাম্লবদি মখোয়গী ওইবা এসোসিএসনশিং শেম্বা য়াগনি অমসুং শেমশিং অসি লৈবাক অসিগী মফম অমা হেক্তদা অমসুং মীওই অমা হেক্তদা য়োনবা য়াগনি।

পি.এম. কিসান সম্মান নিধি

প্রধান মন্ত্রীনা হায় সরকারনা লৌমীশিংগী ইনকম হেনগৎনবা কন্না হোৎনরি। পি.এম. কিসান সম্মান নিধিগী মখাদা হৌজিক ফাওদা লৈবাক অসিগী লৌমী ইমুং চাউরাক্না করোর ১০.২৫কী একাউন্তশিংদা চাউরাক্না লুপা করোর লাখ অমা দিপোজিৎ তৌখ্রে। মসিগী মনুংদা হিমাচলগী লৌমী ইমুং লাখ ৯দা লুপা করোর ১০০০ অমা ফংবা য়াওরি।  

প্রধান মন্ত্রীনা হায় মতম খরগী মমাংদানু পীশিংনা থবক তৌবা য়াদবা লৈবাক অসি সেক্তর কয়ামরুম লৈরম্মি অদুবু হন্দক্তা চৎনখিবা লেবর রিফোর্মশিংনা মসি লৌথোকখ্রে। হৌজিক্তি নুপাশিংগা মান্ননা নুপীশিংদা থবক তৌবগী হক অমসুং মান্নবা তোলোপ পীরে।

প্রধান মন্ত্রীনা হায় লৈবাক অসিগী প্রজা খুদিংমক্তা থাজবা লৈহন্নবা অমসুং মরোমদোম লেপ্পা ঙম্বা ভারত অমা ওইহন্নবা অওনবশিংগী প্রোসেস অসি মখা চত্থখিগনি।

মহাক্না হায় হিমাচল অমসুং লৈবাক অসিগী নহা খুদিংমক্কী মংলাং অমসুং অশা অসি য়াম্না মরু ওই।

Click here to read PM's speech

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Indian startups raise $10 billion in a quarter for the first time, report says

Media Coverage

Indian startups raise $10 billion in a quarter for the first time, report says
...

Nm on the go

Always be the first to hear from the PM. Get the App Now!
...
PM to interact with CEOs and Experts of Global Oil and Gas Sector on 20th October
October 19, 2021
Share
 
Comments

Prime Minister Shri Narendra Modi will interact with CEOs and Experts of Global Oil and Gas Sector on 20th October, 2021 at 6 PM via video conferencing. This is sixth such annual interaction which began in 2016 and marks the participation of global leaders in the oil and gas sector, who deliberate upon key issues of the sector and explore potential areas of collaboration and investment with India.

The broad theme of the upcoming interaction is promotion of clean growth and sustainability. The interaction will focus on areas like encouraging exploration and production in hydrocarbon sector in India, energy independence, gas based economy, emissions reduction – through clean and energy efficient solutions, green hydrogen economy, enhancement of biofuels production and waste to wealth creation. CEOs and Experts from leading multinational corporations and top international organizations will be participating in this exchange of ideas.

Union Minister of Petroleum and Natural Gas will be present on the occasion.