প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা লৌউ-শিংউ অমসুং খুঙ্গংগী চাউখৎপগী মতাংদা বজেৎকী মতুংগী ৱেবিনারদা ৱা ঙাংখ্রে। বজেৎ মতুংগী ৱেবিনার অসিদা শরুক য়াবগী মরুওইবা অদু পল্লদুনা প্রধান মন্ত্রীনা থৌরম অসিদা শরুক য়াখিবগীদমক মীপুম খুদিংমক্তা থাগৎপা ফোংদোকখি। মহাক্না হায়খি মদুদি চহি অসিগী বজেৎ অসি সরকারগী অহুমশুবা তর্মগী অহানবা মপুং ফাবা বজেৎনি। মসিনা পোলিসীশিংদা তুং কোইনা চৎপা অমসুং ভিক্সিৎ ভারতকী মীৎয়েংবু অনৌবা মওংদা পাকথোক চাউথোকপা উৎলি। বজেৎ অসিগী মমাংদা স্তেকহোল্দর পুম্নমক্তগী ফংলকখিবা মমল য়াম্লবা ইনপুতশিং অমসুং সজেসনশিং অদু মহাক্না থাগৎখি। মখোয়শিং অসি য়াম্না কান্নখি। বজেৎ অসিবু হেন্না ইফেক্তিব ওইহনবদা স্তেকহোল্দরশিংগী থৌদাং অসি হেন্না মরু ওইরক্লি হায়না মহাক্না অকনবা ৱাফম থমখি।
শ্রী মোদীনা হায়খি, "ভিক্সিৎ ভারতকী পান্দমগী মায়কৈদা ঐখোয়গী ৱারেপ অসি ময়েক শেংলে অমসুং পুন্না, ঐখোয়না লৌমীশিং চাউখৎপা অমসুং শক্তি লৈরবা ভারত অমা শেমগৎলি।" মহাক্না হায়খি মদুদি লৌমী অমত্তবু নাথৈবা তৌদনা অমসুং লৌমী খুদিংমকপু খুমাং চাউশিনহন্নবা হোৎনরি। মহাক্না হায়খি মদুদি লৌউ-শিংউবু চাউখৎপগী অহানবা ইঞ্জিননি হায়না লৌনরি, মসিনা লৌমীশিংদা ইকাই খুম্নবা থাক অমা পীরি। মহাক্না হায়খি, "ভারতনা মরুওইবা পান্দম অনিগী মায়কৈদা মতম অমত্তদা থবক তৌরি: এগ্রিকলচর সেক্তর চাউখৎহনবা অমসুং খুঙ্গংশিং চাউখৎহনবা।"
শ্রী মোদীনা হায়খি মদুদি চহি তরুক্কী মমাংদা পায়খৎখিবা পি.এম. কিসান সম্মান নিধি য়োজনাগী মখাদা লৌমীশিংদা চাউরাক্না লুপা করোর লাখ 3.75 ফংহনখ্রে অমসুং শেনফম অসি লৌমী করোর 11গী একাউন্তশিংদা হকথেংননা ত্রান্সফর তৌখ্রে। চহিগী ওইনা লুপা 6,000গী শেলগী তেংবাং অসিনা খুঙ্গংগী শেন্মিৎলোনবু মপাঙ্গল কনখৎহল্লি হায়না মহাক্না অকনবা ৱাফম থমখি। মহাক্না হায়খি মদুদি স্কিম অসিগী কান্নবশিং অসি লৈবাক শিনবা থুংনা লৈরিবা লৌমীশিংদা ফংহন্নবা ফার্মর-সেন্ত্রিক দিজিতেল ইনফ্রাস্ত্রকচর অমা শেমখ্রে। মসিনা ইন্তরমিদিয়রীশিং নৎত্রগা লিকেজকী খুদোংচাবা লৈহন্দ্রে। প্রধান মন্ত্রীনা হায়খি মদুদি অসিগুম্বা স্কিমশিং অসি এক্সপর্তশিং অমসুং ভিজনরী ইন্দিভিজুএলশিংগী মতেংদগী মায় পাকপা ঙমগনি। মহাক্না মখোয়গী থৌদাংশিংবু থাগৎপা ফোংদোকখি অমসুং হায়খি মদুদি মখোয়গী মতেংগা লোয়ননা স্কিম অমহেক্তবু মপুং ফানা অমসুং ত্রান্সপরেন্সীগা লোয়ননা ইমপ্লিমেন্ত তৌবা য়াই। মহাক্না মখোয়গী হোৎনরিবশিং অদুগীদমক থাগৎপা ফোংদোকখি। মহাক্না হায়খি মদুদি সরকারনা চহি অসিগী বজেৎতা লাউথোকখিবা ৱাফমশিং অদু থবক ওইনা পাংথোক্নবগীদমক খোঙজেল য়াংনা থবক তৌরি, মসিদা মখোয়না মখা তানা তেংবাং পীনবসু হায়খি।
ভারতকী লৌউ-শিংউগী পোত্থোক রেকোর্দকী থাক য়ৌরে হায়না পল্লদুনা প্রধান মন্ত্রীনা হায়খি মদুদি চহি 10-11গী মমাংদা, লৌউ-শিংউগী পোত্থোক তন মিলিয়ন 265 রোম ওইরম্মি, হৌজিক্তি তন মিলিয়ন 330 হেনখ্রে। মতৌ অসুম্না, হোর্তিকলচরগী পোত্থোকসু তন মিলিয়ন 350 হেনখ্রে। মহাক্না মসিগী মায় পাকপগী মরম অসি সরকারগী সিদ তু মার্কেতকী এপ্রোচ, লৌউ-শিংউগী রিফোর্মশিং, লৌমীশিংদা শক্তি পীনবা অমসুং মপাঙ্গল কনবা ভেল্যু চেনগী থৌওংশিংনি হায়না ফোংদোকখি। শ্রী মোদীনা লৈবাক অসিগী লৌউ-শিংউগী ওইথোকপা য়াবশিং মপুং ফানা শীজিন্নবা অমসুং হেন্না চাউবা পান্দমশিং ফংনবগী তঙাইফদবা অদুদা অকনবা ৱাফম থমখি। মসিগী মাইকৈ অসিদা, বজেৎ অসিদা পি.এম. ধন ধান্য কৃশি য়োজনাগী মতাংদা লাউথোকখ্রে। মসিদা লৌউ-শিংউগী পোত্থোক খ্বাইদগী তানা পুথোকপা জিলা 100গী চাউখৎ-থৌরাংদা মীৎয়েং থম্লি হায়না মহাক্না হায়খি। প্রধান মন্ত্রীনা এস্পিরেস্নেল দিস্ত্রিক্তস প্রোগ্রামদগী তোঙান তোঙানবা চাউখৎ-থৌরাংগী পরামিতরশিংদা ফংলিবা পোজিতিব ওইবা মহৈশিং, কোলাবোরেসন, কনভর্জেন্স অমসুং অফবা কম্পিতিসনদগী কান্নবা ফংলিবা অদু পনখি। মহাক্না মীপুম খুদিংমকপু হায়রিবা জিলাশিং অসিগী মহৈশিং নৈননবা অমসুং লৌশিং অদু পি.এম. ধন ধান্য কৃশি য়োজনা অসি খুমাং চাউশিলহন্নবা শীজিন্ননবা হায়খি। মসিনা জিলা 100 অসিদা লৌমীশিংগী শেন্থোক হেনগৎহনবদা মতেং পাংগনি।
প্রধান মন্ত্রীনা হায়খি মদুদি হৌখিবা চহিশিংদা লৈবাক অসিদা পলস পুথোকপা হেনগৎহন্নবা হোৎনরি। অদুম ওইনমক, দোমেস্তিক কঞ্জ্যুম্পসনগী চাদা 20দি ইম্পোর্তকী মখা পোল্লি, মসিনা পলস পুথোকপা হেনগৎহনবগী তঙাইফদবা লৈরি। মহাক্না হায়খি মদুদি ভারতনা চিকপী অমসুং মুংদা মশাগী মথৌ তাবশিং ফংলবসু, পিজন পী, ব্লেক গ্রাম অমসুং লেন্তিলগী পোত্থোক পুথোকপা হেনগৎহনবগী তঙাইফদবা লৈরি। পলস পুথোকপা হেনগৎহন্নবা, এদভান্স ওইরবা মহৈ-মরোংশিংগী সপ্লাই লেংদনা থম্বা অমসুং হাইব্রিদ মখলশিং প্রমোৎ তৌবা অসি তঙাইফদে হায়না মহাক্না ফোংদোকখি। ক্লাইমেৎ চেঞ্জ, কৈথেলগী শিংনবশিং অমসুং মমল অকা-অকুপ তৌবা অসিনচিংবা শিংনবশিংদা মীৎয়েং চংবগী তঙাইফদবা অদু মহাক্না ফোংদোকখি।
হৌখিবা চহি তরা অসিদা, ICARনা মখোয়গী ব্রীদিং প্রোগ্রামদা অনৌবা খুৎলাইশিং অমসুং অৱাংবা থাক্কী তেক্নোলোজীশিং শীজিন্নখি। মসিগী মহৈ ওইনা, 2014 অমসুং 2024গী মরক্তা, চেং-হৱাই, ওইলসীদশিং, পলস,. ফোদ্দর অমসুং চু য়াওনা মহৈ-মরোংগী অনৌবা মখল 2,900 হেন্না পুথোকখ্রে। প্রধান মন্ত্রীনা অনৌবা মখলশিং অসি লৌমীশিংদা শেল চংদনা ফংহন্নবা অমসুং মখোয়গী মহৈ-মরোংশিং অসি ৱেদর ফ্লচুএসন্না শোকহন্দনবা হোৎনবগী তঙাইফদবা অদুদা অকনবা ৱাফম থমখি। মহাক্না চহি অসিগী বজেৎতা হাই-য়িল্দ সিদকীদমক নেস্নেল মিসন অমা লাউথোকখিবা অদু পনখি। মহাক্না প্রাইবেৎ সেক্তরগী শরুক য়ারিবশিংদা মরুওইনা হায়রিবা মরুশিং অসি য়েন্থোকপদা মীৎয়েং চংনবা হায়খি, মখোয়না সীদ চেনগী শরুক অমা ওইদুনা অপীকপা লৌমীশিংদা য়ৌহনগনি।
শ্রী মোদীনা হায়খি মদুদি ঙসিদি মীওইশিংগী মরক্তা ন্যুত্রিসনগী মতাংদা অহেনবা এৱেরনেস লৈরে। মহাক্না হায়খি মদুদি হেনগৎলক্লিবা দিমান্দ অসি ফংনবগীদমক হোর্তিকলচর, দাইরী অমসুং ফিসরী প্রদক্তকুম্বা সেক্তরশিংদা চাউনা ইনভেস্তমেন্ত তৌরি। মহাক্না হায়খি মদুদি উহৈ অমসুং মনা-মশিং পুথোকপা হেনগৎহন্নবা তোঙান-তোঙানবা প্রোগ্রাম কয়া পাইখৎলি অমসুং বিহারদা মখানা বোর্দ শেম্নবা লাউথোকখ্রে। মহাক্না স্তেকহোল্দর পুম্নমক্তা লৈবাক অসিগী মফম খুদিংমক্তা অমসুং মালেমগী কৈথেলদা মখল কয়াগী ন্যুত্রিসনেল ওইবা চিঞ্জাকশিং য়ৌহন্নবা অনৌবা পাম্বৈ পুথোক্নবা হায়খি।
2019দা পি.এম. মতস্য সাম্পাদা য়োজনা হৌদোকখিবা অদু নীংশিংলদুনা, ফিসরী সেক্তরগী ভেল্যু চেন, ইনফ্রাস্ত্রকচর অমসুং মোদর্নাইজেসন মপাঙ্গল কনখৎহন্নবা পান্দম থমখি। প্রধান মন্ত্রীনা হায়খি মদুদি থৌরাং অসিনা ফিসরী সেক্তরদা পোত্থোক পুথোকপা, প্রদক্তিবিতী অমসুং পোস্ত-হর্ভেস্ত মেনেজমেন্ত ফগৎহল্লে। তোঙান তোঙানবা স্কিমশিংগী খুত্থাংদা সেক্তর অসিদা ইনভেস্তমেন্ত হেনগৎলকপদগী ঙাগী পোত্থোক পুথোকপা অমসুং এক্সপোর্ত শরুক অনি হেনগৎলক্লি। ভারতকী এক্সক্লুসিব ইকনোমিক জোন অমসুং ওপন সিজদা তুং কোইনা ঙা ফাবা হেনগৎহনবগী তঙাই ফদবা অদু মহাক্না ফোংদোকখি। মসিগীদমক থৌরাং অমা শেম্লগনি। শ্রী মোদীনা স্তেকহোল্দরশিংদা সেক্তর অসিদা ইজ ওফ দুইং বিজিনেস প্রমোৎ তৌনবা ৱাখল্লোনশিং পুথোক্নবা অমসুং মদুদা অথুবা মতমদা থবক পায়খৎনবা হায়খি। মহাক্না ত্রেদিস্নেল ফিশরমেনশিংগী কান্নবশিং ঙাক শেনবগী মরুওইবা অদুসু ফোংদোকখি।
প্রধান মন্ত্রীনা হায়খি, "ঐখোয়গী সরকারনা খুঙ্গংগী শেন্মিৎলোনবু মপাঙ্গল কনখৎহন্নবা ৱাশক্লি।" পি.এম. অৱাস য়োজনা-গ্রামিনগী মখাদা লায়রবা মীওই করোর কয়া অমা য়ুম ফংহল্লে অমসুং স্বামিৎৱা য়োজনা অসিনা প্রোপর্তী মপুশিংদা 'রেকোর্দ ওফ রাইৎস' পীরে। সেল্ফ হেল্প গ্রুপশিংগী শেন্মিৎলোনগী মপাঙ্গল হেনগৎলক্লি অমসুং মখোয়দা অহেনবা মতেং ফংলি হায়না মহাক্না পনখি। মহাক্না হায়খি মদুদি প্রধান মন্ত্রী গ্রাম সরক য়োজনা অসিনা অপীকপা লৌমীশিং অমসুং বিজিনেসশিংদা কান্নবা ফংহল্লে। লাখপাতি দিদি করোর 3 শেম্নবা পান্দম থম্লিবা অদু নৌহৌনা পল্লদুনা, নুপী করোর 1.25 লাখপাতি দিদি ওইহন্নবা হোৎনরি। শ্রী মোদীনা হায়খি মদুদি খুঙ্গংগী চাউখৎ-থৌরাং অমসুং চাউখৎ থৌরাংগী প্রোগ্রামশিংগীদমক বজেৎ অসিদা লাউথোকখিবা অসিনা থবক ফংহন্নবা অনৌবা খুদোংচাবা কয়া ফংহল্লে। মহাক্না হায়খি মদুদি স্কিলিং অমসুং তেক্নোলোজীদা ইনভেস্তমেন্ত তৌবনা অনৌবা খুদোংচাবশিং পীরি। প্রধান মন্ত্রীনা মীপুম খুদিংমক্তা হৌজিক পায়খৎলিবা স্কিমশিং অসি মতৌ করম্না হেন্না ইফেক্তিব ওইহনগদগে হায়বগী মতাংদা খন্ননবা হায়খি। মখোয়গী ৱাখল্লোনশিং অমসুং তেংবাংশিং অসিনা পোজিতিব ওইবা মহৈশিং ফংলগনি হায়না মহাক্না থাজবা থমখি। মীপুম খুদিংমক্না থৌদাং লৌবনা খুঙ্গংশিংবু মপাঙ্গল কনখৎহল্লগনি অমসুং খুঙ্গংগী ইমুংশিংবু মপাঙ্গল কনখৎহল্লগনি হায়না ফোংদোক্লদুনা মহাক্না ৱারোল পীবা লোইশিনখি। ৱেবিনার অসিনা বজেৎকী স্কিমশিং অথুবা মতমদা ইমপ্লিমেন্ত তৌবদা মতেং পাংগনি হায়না মহাক্না থাজবা থমখি। বজেৎ অসিগী পান্দমশিং ফংনবা মরী লৈনবা স্তেকহোল্দর পুম্নমক্না অমত্তা ওইনা থবক তৌমিন্নবা মহাক্না তকশিনখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
विकसित भारत के लक्ष्य की ओर बढ़ रहे भारत के संकल्प बहुत स्पष्ट हैं।
— PMO India (@PMOIndia) March 1, 2025
हम सभी मिलकर एक ऐसे भारत के निर्माण में जुटे हैं, जहां किसान समृद्ध हो, सशक्त हो: PM @narendramodi
हमने कृषि को विकास का पहला इंजन मानते हुए अपने अन्नदाताओं को गौरवपूर्ण स्थान दिया है।
— PMO India (@PMOIndia) March 1, 2025
हम दो बड़े लक्ष्यों की ओर एक साथ बढ़ रहे हैं - पहला, कृषि सेक्टर का विकास और दूसरा, हमारे गांवों की समृद्धि: PM @narendramodi
हमने बजट में 'पीएम धन धान्य कृषि योजना' का ऐलान किया है।
— PMO India (@PMOIndia) March 1, 2025
इसके तहत देश के 100 सबसे कम कृषि उत्पादकता वाले जिले... low productivity वाले जिलों के विकास पर फोकस किया जाएगा: PM @narendramodi
आज लोगों में पोषण को लेकर काफी जागरूकता बढ़ी है।
— PMO India (@PMOIndia) March 1, 2025
इसलिए, बागवानी, डेयरी और फिशरी प्रोडक्ट्स की बढ़ती मांग को देखते हुए इन सेक्टर्स में काफी इंवेस्टमेंट किया गया है। फल और सब्जियों का उत्पादन बढ़ाने के लिए अनेक कार्यक्रम चलाये जा रहे हैं।
बिहार में मखाना बोर्ड के गठन की घोषणा भी…
हमारी सरकार ग्रामीण अर्थव्यवस्था को समृद्ध बनाने के लिए प्रतिबद्ध है।
— PMO India (@PMOIndia) March 1, 2025
पीएम आवास योजना-ग्रामीण के तहत करोड़ों गरीबों को घर दिया जा रहा है, स्वामित्व योजना से संपत्ति मालिकों को ‘Record of Rights’ मिला है: PM @narendramodi
