Share
 
Comments
“ভারতকী লেবর ফোর্সনা অমৃত কালদা চাউখৎপা জাতি অমা ওইহন্নবা ভারতকী মঙলানশিং অমসুং অনীংবশিং থুংহন্নবা অচৌবা থৌদাং অমা লৌখি”
“ভারতপু খ্বাইদগী খুমাং য়াংনা চাউশিল্লিবা লৈবাকশিংগী মরক্তা অমা অমুক হন্না ওইবা ঙমহনখিবগী মনা ঐখোয়গী শিন্মীশিংদা পীফম থোকই”
“হৌখিবা চহি নিপান অসিদা সরকারনা মীখা পোল্লিঙৈ মতমদা লৈরম্বা অমসুং মীখা পোনবগী ৱাখল্লোনগী মমি তাবা আইনশিং মুত্থৎনবা থৌরাংসু পাইখৎখি”
“অমৃত কালদা লেবর মন্ত্রালয়না ইং কুমজা ২০৪৭কী মাগী বিজন শেম-শারি”
“তুংলমচৎকীদমক ফ্লেক্সিবল ৱার্কপ্লেসশিং, ৱার্ক-ফ্রোম-হোম ইকোসিস্তেম অমা অমসুং ফ্লেক্সিবল ৱার্ক আৱরশিং মথৌ তাই”
“ঐখোয়না ফ্লেক্সিবল ৱার্কপ্লেসশিংগুম্বা সিস্তেমশিং অসি নুপীগী লেবর ফোর্সনা শরুক য়ানবগীদমক খুদোংচাবশিং ওইনা শীজিন্নবা য়াগনি”
“বিল্দিং অমসুং কন্সত্রক্সন ৱার্করশিংগীদমক ‘সেস’ মপুং ফানা শীজিন্নবা মথৌ তাই। লুপা করোর ৩৮,০০০ হেন্না রাজ্যশিংনা শীজিন্নদনা লৈরি”

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা রাজ্য অমসুং য়ুনিয়ন তেরিতোরী পুম্নমক্কী লেবর মন্ত্রীশিংগী ওইবা নেস্নেল কনফরেন্সতা ৱা ঙাংখ্রে। থৌরম অদুদা কেন্দ্রগী মন্ত্রীশিং শ্রী ভুপেন্দ্র য়াদব অমসুং শ্রী রামেশ্বর তেলি অমসুং রাজ্যশিংগী লেবর মন্ত্রীশিংনা শরুক য়াখি।

প্রধান মন্ত্রীনা ভগৱান তিরুপতি বালাজীদা মকোক নোন্না খুরুমদুনা মহাক্কী ৱারোল পীবা হৌখি। প্রধান মন্ত্রীনা হায়খি ভারতকী লেবর ফোর্সনা অমৃত কালদা চাউখৎপা জাতি অমা ওইহন্নবা ভারতকী মঙলানশিং অমসুং অনীংবশিং থুংহন্নবা অচৌবা থৌদাং অমা লৌখি অমসুং ৱাখল্লোন অসিগা লোয়ননা লৈবাক অসিনা ওর্গনাইজ অমসুং অনওর্গনাইজ সেক্তরগী শিন্মী করোর কয়াগীদমক লেপ্পা লৈতনা থবক পাইখৎলি।

প্রধান মন্ত্রীনা শিন্মীশিংদা সেক্যুরিতী কবর মখল অমা ফংহল্লিবা প্রধান মন্ত্রী শ্রম-য়োগী মানধন য়োজনা, প্রধান মন্ত্রী সুরক্ষা বীমা য়োজনা, প্রধান মন্ত্রী জীবন জ্যোরি বীমা য়োজনা অসিগুম্বা সরকারগী খোঙথাংশিংগী মরমদা নৌহৌনা ফোঙদোকখি। স্কিমশিং অসিনা শিন্মীশিংবু মখোয়না কন্না হোৎনবা অমদি শরুক তম্লিবা অদুবু শকখঙগনি হায়না থাজবা পীখি। প্রধান মন্ত্রীনা হায়, “স্তদী অমগী মতুং ইন্না ইমর্জেন্সী ক্রেদিত গরেন্তী স্কিমনা লাইচৎ মনুংদা থবক করোর ১.৫ মাংহনদবা ঙমখি”। মহাক্না মখা তারদুনা হায়, “লৈবাক অসিনা মাগী শিন্মীশিংবু মখোয়না অৱাবা তাবা মতমদা মতেং পাংখিবা অদুগুম্না শিন্মীশিংনা লাইচৎ অসিদগী রিকবর তৌনবা মখোয়গী অঙম্বা পাঙ্গল পুথোকখিবা ঐখোয়না উবা ফংখি”। প্রধান মন্ত্রীনা হায়খি ঙসি ভারতনা মালেমগী খ্বাইদগী খুমাং য়াংনা চাউশিল্লিবা ইকনোমী অমুক হন্না ওইবা ঙমখি, মসিগী মনা ঐখোয়গী শিন্মীশিংদা পীফম থোকই।

প্রধান মন্ত্রীনা ই-শ্রম পোর্তেল অসি সোসিএল সেক্যুরিতীগী লমদা লেবর ফোর্সপু পুশিন্নবা মরু ওইবা থৌরাংশিংগী মনুংদা অমনি হায়খি। শুপ্নগী চহি অমা খক্তদা মফম ৪০০দগী শিন্মী করোর ২৮না পোর্তেল অসিদা রেজিস্তর তৌখি। মসিনা মরু ওইনা কনস্ত্রক্সন ৱার্করশিং, মাইগ্রেন্ত শিন্মীশিং অমসুং দোমেস্তিক ৱার্করশিংদা কান্নবা ফংহনখি। মহাক্না মন্ত্রী পুম্নমক্তা স্তেৎ পোর্তেলশিংবু ই-শ্রম পোর্তেলদা ইন্তিগ্রেৎ তৌনবা হায়খি।

মহাক্না মখা তারদুনা হায়, হৌখিবা চহি নিপান অসিদা সরকারনা মীখা পোনবগী ৱাখল্লোনগী মমি তাহল্লিবা মীখা পোল্লিঙৈ মতমদা লৈরম্বা আইনশিং মুত্থৎনবা থৌরাংসু পাইখৎখি। “লৈবাক অসিনা হৌজিক অসিগুম্বা লেবর লোশিং অসি হোংদোক্লি, রিফোর্ম তৌরি অমসুং লায়থোকহল্লি”, হায়না প্রধান মন্ত্রীনা ফোঙদোকখি। “ৱাখল্লোন অসিগা লোয়ননা লেবর লো ২৯ অসি অচম্বা লেবর কোদ ৪দা ওন্থোকখি”। মসিনা মিনিমম ৱেজেস, জোব সেক্যুরিতী, সোসিএল সেক্যুরিতী অমসুং হেল্থ সেক্যুরিতীগী থিংদা শিন্মীশিংবু শক্তী পীবা ঙম্লগনি হায়না মহাক্না মখা তাখি।

প্রধান মন্ত্রীনা হোংলক্লিবা ফীভমগী মতুং ইন্না অহোংবা পুরকপা মথৌ তাই হায়না নৌহৌনা ফোঙদোকখি।  মহাক্না ৱারেপ থুনা লৌদুনা অমদি মখোয়বু খোঙজেল য়াংনা থবক ওইনা ওন্থোক্তুনা মরিশুবা ইন্দস্ত্রিএল রিভোল্যুসনগী কান্নবা মপুং ফানা লৌবগী থৌ তাই হায়না অকনবা ৱাফম থমখি। প্লেৎফোর্ম অমসুং গিগ ইকনোমী অমসুং ওনলাইন ফেসিলিতীশিং য়েংলগা প্রধান মন্ত্রীনা থবক্কী অনৌবা দাইমেন্সনশিং অসি মায়োক্নবা ঙম্নবা হোৎনবা মথৌ তাই হায়খি। মহাক্না হায়, “লম অসিদা অচুম্বা পোলিসীশিং অমসুং খোঙথাংশিংনা ভারতবু গ্লোবেল লীদর অমা ওইহনবদা মতেং পাংগনি”।

প্রধান মন্ত্রীনা হায়খি লৈবাক অসিগী লেবর মন্ত্রালয়না অমৃত কালদা ইং কুমজা ২০৪৭কী মাগী বিজন অদুগীদমক শেম-শারি। তুংলমচৎতা ফ্লেক্সিবল ৱার্কপ্লেসশিং, ৱার্ক-ফ্রোম-হোম ইকোসিস্তেম অমা অমসুং ফ্লেক্সিবল ৱার্ক আৱরশিং মথৌ তাই হায়রদুনা প্রধান মন্ত্রীনা হায়খি, ঐখোয়না ফ্লেক্সিবল ৱার্কপ্লেসশিংগুম্বা সিস্তেমশিং অসি নুপীগী লেবর ফোর্সনা শরুক য়ানবগীদমক খুদোংচাবশিং ওইনা শীজিন্নবা য়াগনি। ওগস্ত ১৫দা লাল কিলাগী লানবন্দগী জাতিদা ৱা ঙাংখিবা অদু নীংশিংলদুনা প্রধান মন্ত্রীনা মহাক্না জাতিগী নারী শক্তি মপুং ফানা শরুক য়ানবা অপাম্বা ফোঙদোকখি হায়না হায়খি। মহাক্না মখা তারদুনা হায়, “নুপীগী শক্তি অসি চুম্না শীজিন্নদুনা ভারতনা মাগী পান্দমশিং থুংনা ফংবা ঙমগনি”। প্রধান মন্ত্রীনা লৈবাক অসিদা নৌনা থোরক্লিবা সেক্তরশিংদা নুপীশিংনা করি তৌবা য়াবগে হায়বগী মাইকৈদা খন্নবা মথৌ তাই হায়না অকনবা ৱাফম থমখি।

ভারতকী দেমোগ্রাফিক দিবিদেন্দগী মতাংদা প্রধান মন্ত্রীনা হায়, ২১শুবা চহিচাদা ভারতকী মাইপাকপা হায়বা অসি মসি করম্না শীজিন্নবগে হায়বগী মখা পোনগনি। মহাক্না মখা তারদুনা হায়খি, “ঐখোয়না ক্বালিতী য়াম্না লৈবা স্কিল ৱার্কফোর্স অমা শেমদুনা মালেমগী খুদোংচাবশিংগী কান্নবা লৌগদবনি”। প্রধান মন্ত্রীনা ভারতনা মালেমগী লৈবাক কয়াগা মাইগ্রেসন অমসুং মোবিলিতী পার্তনরশিপ এগ্রীমেন্তশিং খুৎয়েক পীনরি হায়না পাউদমখি অমসুং লৈবাক অমসুং লৈবাক অসিগী রাজ্য পুম্নমক্না খুদোংচাবশিং অসিগী কান্নবা লৌহৌনবা হায়খি। মহাক্না হায়, “ঐখোয়গী খোঙথাংশিং হেনগৎহনবা তাই, অমনা অমদগী তমশিনবা তাই”।

প্রধান মন্ত্রীনা ঐখোয়গী বিল্দিং অমসুং কনস্ত্রক্সন ৱার্করশিংনা ঐখোয়গী ৱার্কফোর্সকী মরু ওইবা শরুক অমনি হায়বা ৱাফম অসি মীপুম খুদিংমক্তা খঙহল্লদুনা থৌরম অসিদা শরুক য়াখিবা মীপুম খুদিংমক্তা মখোয়গীদমক শেমখিবা ‘সেস’ অসিগী কান্নবা মপুং ফানা লৌনবসু হায়খি। প্রধান মন্ত্রীনা হায়খি, “সেস অসিগী মনুংদা লুপা করোর ৩৮,০০০রোমদি রাজ্যশিংনা শীজিন্নদনা লৈরি হায়না ঐঙোন্দা খঙহল্লক্লি”। মহাক্না মীপুম খুদিংমক্তা ই.এস.আই.সি.না আয়ুশ্মান ভারত স্কিমগা লোয়ননা করম্না শিন্মী কয়া-কয়াদা করম্না কান্নবা পীবগে হায়বা অসি খঙনবা হোৎনবীয়ু হায়খি। প্রধান মন্ত্রীনা মীপুম খুদিংমক্তা ঐখোয়গী অপুনবা খোঙথাংশিংনা লৈবাক অসিগী অশেংবা মতিক-ময়াই পুথোকপদা মরু ওইবা থৌদাং লৌগনি হায়না থাজবা পীরদুনা ৱারোল পীবা লোইশিনখি।

বেকগ্রাউন্দ

নুমিৎ নিনি চত্থগদবা মীফম অসি কেন্দ্রগী লেবর অমসুং ইমপ্লোইমেন্ত মন্ত্রালয়না শীন্দুনা ওগস্ত ২৫-২৬, ২০২২দা আন্ধ্র প্রদেশকী তিরুপতিদা পাঙথোক্লি। মীফম অসি কোওপরেতিব ফেদরেলিজমগী ৱাখল্লোন্দা লেবরগা মরী লৈনবা ইস্যুশিং খন্ন-নৈননবগীদমক পাঙথোকপনি। মসিনা অফবা থৌশিলশিং শেম্বা অমসুং শিন্মীশিংগী য়াইফ-থৌরাংগা মরী লৈনবা থৌশিলশিং মপুং ফানা চলাইনবা হোৎনবদা কেন্দ্র অমসুং রাজ্য সরকারশিংগী মরক্তা থবক তৌমিন্ননবগী পাঙ্গল অমা শেম্বদা মতেং ওইরগনি।

মীফম অসিদা সোসিএল প্রোতেক্সনবু য়ুনিভর্সেলাইজ তৌনবা সোসিএল সেক্যুরিতী স্কিমশিং হৌদোক্নবা ই-শ্রম পোর্তেল ইন্তিগ্রেৎ তৌবা; রাজ্য সরকারশিংনা চলাইবা ই.এস.আই. হোস্পিতালশিংগী খুত্থাংদা মেদিকেল কিয়র ফগৎনবা অমসুং পি.এম.জে.এ.ৱাই.গা পুনশিন্ননবা স্বাস্থ্য সে সমৃদ্ধি; লেবর কোদ মরিগী মখাদা কাংলোন শেম্বা অমসুং মখোয়বু থবক্তা ওন্থোক্নবগী নিয়ম কাংলোন শেম্বা; গিগ অমসুং প্লেৎফোর্ম ৱার্কর, থবক্তা নুপা নুপী থাক মান্নবা, অমসুং অতোপ্পা ইস্যু কয়া য়াওনা থবক্কী মান্নবা থাক, শিন্মী খুদিংদা সোসিএল প্রোতেক্সন পীবদা মীৎয়েং থম্লিবা ভিজন শ্রমেব জয়তে @ ২০৪৭ হায়বা মপুং ওইবা মীৎয়েং মরি অসিদা খন্নগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
India’s blue economy sets sail to unlock a sea of opportunities!

Media Coverage

India’s blue economy sets sail to unlock a sea of opportunities!
...

Nm on the go

Always be the first to hear from the PM. Get the App Now!
...
PM Modi's telephonic conversation with Crown Prince and PM of Saudi Arabia
June 08, 2023
Share
 
Comments
Prime Minister Narendra Modi holds telephone conversation with Crown Prince and Prime Minister of Saudi Arabia.
The leaders review a number of bilateral, multilateral and global issues.
PM thanks Crown Prince Mohammed bin Salman for Saudi Arabia's support during evacuation of Indian nationals from Sudan via Jeddah.
PM conveys his best wishes for the upcoming Haj pilgrimage.
Crown Prince Mohammed bin Salman conveys his full support to India’s ongoing G20 Presidency.

Prime Minister Narendra Modi had a telephone conversation today with Crown Prince and Prime Minister of Saudi Arabia, HRH Prince Mohammed bin Salman bin Abdulaziz Al Saud.

The leaders reviewed a number of issues of bilateral cooperation and exchanged views on various multilateral and global issues of mutual interest.

PM thanked Crown Prince Mohammed bin Salman for Saudi Arabia's excellent support during evacuation of Indian nationals from Sudan via Jeddah in April 2023. He also conveyed his best wishes for the upcoming Haj pilgrimage.

Crown Prince Mohammed bin Salman conveyed his full support to India’s initiatives as part of its ongoing G20 Presidency and that he looks forward to his visit to India.

The two leaders agreed to remain in touch.