প্রধান মন্ত্রী, শ্রী নরেন্দ্র মোদীনা গুজরাতকী এক্তা নগরদা পাংথোকপা ওল ইন্দিয়া কনফরেন্স ওফ লো মিনিস্তর এন্দ লো সেক্রেতরীগী সেসন হৌদোকপদা ভিদিও মেসেজকী খুত্থাংদা মহাক্কী ৱাফম থমখ্রে।
প্রধান মন্ত্রীনা ঙসিগী তিল্লিবা মীয়ামগী মফমদা লৈবাক্কী রাজ্য পুম্নমক্কী লো মন্ত্রী অমসুং সেক্রেতরীশিংগী মরু ওইবা মীফম অসি স্তেচ্যু ওফ য়ুনিতীগী মখাদা পাংথোক্লি, অমসুং নীংতম্বগী অমৃত মহোৎসবকী ফেজ অসিগী মনুংদা ঐখোয়বু অচুম্বা মাইকৈদা লমজিংদুনা ঐখোয়গী পান্দম ফংবদা তেংবাংগদৌরিবসি সর্দার পতেলগী ইথিলা ওইগনি হায়না ফোংদোকখি।
ঐখোয়গী লৈবাক্কুম্বা চাউখৎলক্লিবা লৈবাক্কী মশাদা থাজবা অমসুং অফবা খুন্নাই অমগী থাজবা য়াবা অমসুং খোঙজেল য়াঙবা জস্তিস সীস্তেম অমগী তঙাই ফদবদা প্রধান মন্ত্রীনা মীয়ামগী পুক্নিং চিংশিনখি। খুন্নাই খুদিংগী লৈজবা জুদিসিএল সীস্তেম অমসুং মরী লৈনবা তোঙানবা থৌওং অমসুং চৎনবী কয়ানা মতমগী তঙাই ফদবগী মখা পোন্না অহোংবা পুরক্তুনা চাউখৎলক্লি হায়না মহাক্না মখা তাখি। “অচুম্বা ৱায়েল পীরে হায়না খঙবা মতমদা, লৈবাক মীয়াম্না কন্সতিত্যুস্নেল ইন্সতিত্যুতশিংদা থম্বা থাজবগী চাং য়াম্না হেনগৎলি। অদুগা অচুম্বা ৱায়েল পীবা মতমদা, মীচম মীয়াম্না থাজবসু য়াম্না হেনগৎলকই”, শ্রী মোদীনা হায়খি। ঙসিগী থৌরম অসি লৈবাক্কী লো অমসুং ওর্দরনা লেপ্পা লৈতনা ফগৎপদা য়াম্না মরু ওই হায়না মহাক্না হায়খি।
ভারতকী খুন্নাই চাউখৎলকপগী খোঙচৎ অসি চহি লিশিং কয়া হেল্লে অমসুং অরুবা খুদোংচাদবা কয়া মাইয়োক্নখ্রবসু, ঐখোয়না লেপ্পা লৈতনা চাউখৎলক্লি হায়না প্রধান মন্ত্রীনা হায়খি। “ঐখোয়গী খুন্নাইগী খ্বাইদগী চাউবা মপাঙ্গলদি, চাউখৎপগী লম্বীদা চঙশিনবগা লোয়ননা মশাগী মনুংদগী শেমদোকচনবা হোৎনবা অসিনি”, শ্রী মোদীনা হায়খি। লেপ্পা শেমদোকপগী তঙাই ফদবা লৈবসিদা মিৎয়েং চঙলদুনা, প্রধান মন্ত্রীনা মসিদি পথাপ খুদিংনা নীংথিনা মথৌ তৌবদা চঙদ্রবা য়াদ্রবা থৌওংনি হায়না ফোংদোকখি। “ঐখোয়গী খুন্নাইনা কান্নদবা কাঙলোন কয়া খন্দোক্তুনা লৌথোক্তুনা লাক্লি। মসি তৌদ্রবদি অমসুং চৎনবী অমনা ওর্থোদোক্সীদা ওনখ্রবদি, মসিনা খুন্নাইগী পোৎলুম ওইরক্কনি”, অমসুং “লৈবাক মীয়াম্না কৈদৌনুংদা সরকার লৈতে হায়না খল্লোইদবনি অমসুং সরকারগী প্রেসরসু লৈরোইদবনি”, হায়না মহাক্না মখা তাখি।
ভারতকী মীয়ামগী মফমদগী পোৎলুম লৌথোকপগী থৌওংদা অহেনবা মিৎয়েং চঙলদুনা, প্রধান মন্ত্রীনা মমাংগী চহি ৮সিদা, অনৌবা থৌওং পাংথোকপা অমসুং পুন্সি মহিং লায়হনবগী লম্বীদা অয়েৎপা পীরিবা অরীবা অমসুং কান্নদবা লো লিশিং অমগা মখায় অমসুং কমপ্লাইএন্স লিশিং ৩২ ভারতনা হন্দোকখ্রে হায়না ফোংদোকখি। “হায়রিবশিং অসিগী মনুংদগী লো কয়া অমদি ঐখোয়না মীখা পোল্লিঙৈদগী চৎনরক্লবনি”, মহাক্না হায়খি। মতমদুগী অরীবা লো কয়া অমা হৌজিক হৌজিকসু রাজ্য কয়াদা চৎনরি হায়না প্রধান মন্ত্রীনা পাউদম্লদুনা, মহাক্না ঙসিগী থৌরমদা শরুক য়ারিবা দিগ্নিতরীশিংনা লোশিং অসি লৌথোক্নবা থবক পায়খৎনবা কনফরেন্স অসিদা ফোংদোকখি। “নীংতম্বগী অমৃত কালগী হৌজিক্কী মতমসিদা, ঐখোয়না মীখা পোল্লিঙৈদগী চৎনরক্লবা লো কয়া মুত্থত্তুনা অনৌবা লো শেমগদবনি”, শ্রী মোদীনা মখা তাখি। মীয়ামগী পুন্সি মহিং নুংঙাইহনবা অমসুং অচুম্বা ৱায়েল ফংবদা লায়হনবগী থৌওংদা মিৎয়েং চঙনা চঙনা হৌজিক লৈরিবা লোশিংসু ঐখোয়না হঙ্গৎনা য়েংশিনবগী মথৌ তারিবা অসিদা প্রধান মন্ত্রীনা পুক্নিং চিংশিনখি।
অচুম্বা ৱায়েল পীবদা থেংথবনা খ্বাইদগী চাউবা শিংনবা অমা ওইরক্লে অমসুং জুদিসিএরীনা মাইকৈদা অসিদা অহেনবা মিৎয়েং চঙদুনা হোৎনরি হায়না প্রধান মন্ত্রীনা হায়খি। চয়েৎনবা কয়াগে ৱারোইশিন পুরকপগী মহুত শিনবা য়াবা অতোপ্পা মেকানিজমগী মতাংদা পল্লদুনা, প্রধান মন্ত্রীনা হায়রিবা থৌওংশিং অসি ভারতকী খুঙ্গংশিংদা শাংলবা মতমদগী নীংথিনা শিজিন্নদুনা লাক্লি অমসুং মসিবু ঐখোয়না রাজ্যগী থাক্তা পুখৎপা য়ারে হায়না ফোংদোকখি। “মসিবু রাজ্যশিংদা, লোকেলগী থাক্তা লিগেল সীস্তেমগী শরুক করম্না ওইহনগদগে ঐখোয়না খঙগদবনি”, শ্রী মোদীনা মখা তাখি।
প্রধান মন্ত্রীনা মহাক্না গুজরাতকী মুখ্য মন্ত্রী ওইরিঙৈগী মতম নীংশিংলদুনা, মতমদুদা সরকারনা ইভনিং কোর্তকী থৌওং হৌদোকখি হায়না ফোংদোকখি। করম্বা কেসনা সেক্সনগী মতুং ইন্না লুবা হন্থবশিংবু ইভনিং কোর্তনা পায়খৎখি অমসুং মসিনা মরম ওইরগা, হন্দক্কী চহি খরসিদা গুজরাত্তা কেস লাখ ৯ হেনবগী ৱায়েল পুরকপা ঙমখিবনি হায়না মহাক্না শন্দোক্না তাকখি। তোঙানবা রাজ্যশিংদা কেস কয়াগী ৱারোইশিন পুরকখিবা লোক অদালত থোক্লকখিবগী মতৌদা মহাক্না মীয়ামগী পুক্নিং চিংশিনখি অমসুং মসিনা মরম ওইরগা কোর্তকী পোৎলুম কয়া অমসু হন্থহনবা ঙম্লে হায়না মহাক্না হায়খি। “খুঙ্গংগী মফমশিংদা লৈবা মীয়াম্না মসিগী কান্নবা য়াম্না ফংনখি”, মহাক্না মখা তাখি।
পার্লিয়ামেন্ততা লো শেম্বদা মন্ত্রীশিংগী থৌদাংশিংগী মতাংদা পল্লদুনা, প্রধান মন্ত্রীনা লো মশামক্তদা চমম্নবা লৈরবদি, তুংগী মতমদা মসিগী অৱাবা চৈথেং নংগদৌরিবসি মীচম মীয়াম্নি হায়না থমখি। মীয়াম্না অচুম্বা ৱায়েল ফংনবগীদমক্তা শেল য়াম্না তিংদুনা মফম অমদগী অমদা চৎনবগী মথৌ তারি হায়না মহাক্না মখা তাখি। “মীচম মীয়াম্না লো মমুৎ তানা খঙলবা মতমদা, মদুনা পুরক্কদবা মহৈসিদি তোঙানবা মখাল অমা ওইগনি”, মহাক্না হায়খি।
অতোপ্পা লৈবাক কয়াদগী খুদম পুরক্লদুনা, প্রধান মন্ত্রীনা পার্লিয়ামেন্ত নত্ত্রগা লেজিস্লেতিব এসেমব্লীদা লো অমা শেম্বা মতমদা, লোগী কাঙলোনগী মনুংদা লৈদুনা মসিগী মরমদা কুপ্না তাক্নবা শেম-শাদুনা লৈ অমসুং মীচম মীয়াম্না খঙবা ঙমগদবা লোলদা দ্রাফ তৌনবা অমুক শেম-শাই হায়না পাউদমখি। লো অদুবু চৎনবা হৌগদবা মতমসু লেপ্পি অমসুং অনৌবা থৌদোক থোকপা মতমদা, মসিবু অমুক হন্না হঙ্গৎনা য়েংশিল্লি। “অচুম্বা ৱায়েল পীবদা লাইহন্নবগীদমক্তা লোকলগী লোলনা লিগেল সীস্তেমদা অচৌবা থৌদাং য়ারি। একাদমিক ইকোসীস্তেমসু নহারোলশিংগীদমক্তা মমালোলদা শেমগদবনি। লো হায়বসি মমা লোলদা থমগদবনি, অরায়বা লোন্দাদা ইগদবনি, হাই কোর্ত অমসুং সুপ্রীম কোর্তকী মরু ওইবা কেস কয়াগী দিজিতেল লাইব্রেরীসু লোকেল লোদা থমগদবনি”, মহাক্না মখা তাখি।
“জুদিসিএল সীস্তেম্না খুন্নাইগা লোয়ননা চাউখৎমিন্নবা মতমদা, মসিনা মতমগা চুনবা মতৌ চেনবগী থৌওংসু মহৌশানা অদুমক ওইরক্কনি। মসিনা মরম ওইরগা, খুন্নাইদা অহোংবা লাকপা খুদিংসু ঐখোয়না জস্তিস সীস্তেমদা উবসু ফংগনি”, শ্রী মোদীনা হায়খি। জুদিসিএল সীস্তেমদা তেক্নোলোজী শিজিন্নবগী থৌওংদা মীয়ামগী পুক্নিং চিংশিল্লদুনা, প্রধান মন্ত্রীনা ই-কোর্ত, ভর্চুএল হিয়ারিং অমসুং ই-ফাইলিং চাউখৎলক্লিবসিগী মতাংদা ৱাফম থমখি। লৈবাক অসিদা ৫জি. তেক্নোলোজী লাকপদগী হায়রিবশিং অসি হেন্না চাউখৎপা ঙমগনি হায়না শ্রী মোদীনা মখা তাখি। “রাজ্য খুদিংনা মশাগী সীস্তেম অপদেত নত্ত্রগা অপগ্রেদ তৌবগী মথৌ তারক্কনি। তেক্নোলোজীগা লোয়ননা থৌওংশিং অসি শেম শাবসিনা ঐখোয়গী লিগেল এজুকেসনগী মরু ওইবা পান্দম ওইগদবনি”, মহাক্না হায়খি।
প্রধান মন্ত্রীনা অন্দর্ত্রাইএল প্রিজনরশিংগী ৱাফম হৌদোকখিবা হাই কোর্তকী চীফ জস্তিসশিংগী অপুনবা মীফম নৌহৌননা নীংশিংলদুনা, মহাক্না মসিগুম্বা কেসশিং অথুবা মতমদা লোইশিইন্নবা দিগ্নিতরীশিংগী মফমদা হায়খি। জুদিসিএল সীস্তেম্বু খুমাং চাউশিলহন্নবগীদমক্তা অন্দর্ত্রাইএল প্রিজনরশিংগী মতাংদা রাজ্য সরকারশিংনা হ্যুমেন আইদিএলগা লোয়ননা হ্যুমেন এপ্রোচ চত্থবগী মথৌ তাই হায়না মহাক্না ফোংদোকখি। “মতিক লৈবা লৈবা অমসুং নুংশি চান্নবা খুন্নাই অমগীদমক্তা মীয়ামগী অপাম্বা খঙবা জস্তিস সীস্তেম অমগী মথৌ তাই”, হায়না মহাক্না মখা তাখি।
সংবিধান্না পুম্নমক্কী খ্বাইদগী মকোক থোংনা লৈরিবসিদা মিৎয়েং চঙলদুনা, প্রধান মন্ত্রীনা সংবিধান্না জুদিসিএরী, লেজিস্লেচর অমসুং একজেক্যুতিবকী হৌরকফম্নি হায়খি। “সরকার, পার্লিয়ামেন্ত, ঐখোয়গী কোর্তশিং ওইরো, মখোয় অহুম অসি মমা অমতগী মচানি হায়না ঐখোয়না খনবা য়াই। মথৌ তোঙাল্লবসু, ঐখোয়না করিগুম্বা সংবিধানগী ইথিলদা য়েংলবদি, মখোয়গী মরক্তা চাংয়েংনবা নত্ত্রগা য়েৎনবগী ফিভম লৈফম থোক্তে। মমা অমতগী মচাশিংগী তৌফম থোকপা ওইনা, মখোয় অহুম্মক্না ইমা ভারতীগী সেবা তৌগদবনি। মখোয় অহুম্না পুন্দুনা ভারতপু ২১শুবা চহি-চাসিদা চাউখৎপগী অনৌবা থাক্তা পুগদবনি”, প্রধান মন্ত্রীনা মহাক্কী ৱারোল লোইশিনখি।
ঙসিগী থৌরমদা শরুক য়াখিবশিংগী মরক্তা, লো অমসুং জস্তিসকী কেন্দ্র মন্ত্রী, শ্রী কিরেন রিজিজু অমসুং লো অমসুং জস্তিসকী কেন্দ্রগী রাজ্য মন্ত্রী, শ্রী এস.পি. সিংহ বঘেলসু য়াওখি।
বেকগ্রাউন্দ
নুমিৎ নিনি চত্থগদবা কনফরেন্স অসি লো অমসুং জস্তিস মন্ত্রালয়না গুজরাতকী এক্তা নগরদা পাংথোকপনি। ভারতকী লিগেল অমসুং জুদিসিএরী সীস্তেমগা মরী লৈনবা হীরম কয়া পোলিসী শেম্বশিংনা নৈননবগী অমত্তা ওইবা প্লেতফোর্ম পীবনা কনফরেন্স অসিগী পান্দম্নি। রাজ্য অমসুং য়ু.তি.শিংনা কনফরেন্স অসিগী খুত্থাংদা মখোয়গী খ্বাইদগী ফবা থৌওং, অনৌবা ৱাখল্লোন লান্নবগী খুদোংচাবা ফংগনি অমসুং মখোয়গী মরক্তা তেংবাংনবগী মতৌবুসু হেন্না ফগৎহনবা য়াগনি।
কনফরেন্স অসিগী মনুংদা, অচুম্বা ৱায়েল ফংবগী অথুবা অমসুং শেল চঙদবা থৌওং ওইরিবা আর্বিত্রেসন অমসুং মেদিএসন তৌবগুম্বা ৱারোইশিন পুরকপগী মহুত শিনবা য়াবা অতোপ্পা মেকানিজম, লিগেল ইনফ্রাস্ত্রকচর অপুনববু অপগ্রেদ তৌবা, চৎনদ্রবা লো মুত্থৎপা, অচুম্বা ৱায়েল ফংবদা লায়হনবা, কেস মতম কুইদনা পন্দুনা লৈহন্দবা, অথুবা মতমদা কেস লোইশিনবা, কেন্দ্র-রাজ্যগী মরক্তা তেংবাংবগী থৌওং হেন্না ফগৎহন্নবা লৈরিবা স্তেত বিলগী মতাংদা ৱাহৌদোক থম্লকপশিংদা মান্নবা মগুন চেলহনবা অমসুং লিগেল সীস্তেম মপাঙ্গল লৈহনবগুম্বা হীরম কয়াগী মতাংদা খন্ন-নৈনগনি।
In Azadi Ka Amrit Mahotsav, India is moving ahead taking inspiration from Sardar Patel. pic.twitter.com/zO07zwz5Ux
— PMO India (@PMOIndia) October 15, 2022
भारत के समाज की विकास यात्रा हजारों वर्षों की है।
— PMO India (@PMOIndia) October 15, 2022
तमाम चुनौतियों के बावजूद भारतीय समाज ने निरंतर प्रगति की है: PM @narendramodi pic.twitter.com/z3OzyDdlZz
देश के लोगों को सरकार का अभाव भी नहीं लगना चाहिए और देश के लोगों को सरकार का दबाव भी महसूस नहीं होना चाहिए। pic.twitter.com/iBavW3zpNO
— PMO India (@PMOIndia) October 15, 2022
Over 1,500 archaic laws have been terminated. pic.twitter.com/pFl46pbzWp
— PMO India (@PMOIndia) October 15, 2022
Numerous cases have been resolved in the country through Lok Adalats. pic.twitter.com/OD44eGgi7c
— PMO India (@PMOIndia) October 15, 2022
Technology has become an integral part of the judicial system in India. pic.twitter.com/WD3Xb4oPzw
— PMO India (@PMOIndia) October 15, 2022
