Share
 
Comments
“ভারতনা ‘প্রোবেবলিতী অমসুং পোতেন্সিএল’গী ৱাংমা লান্থোক্তুনা মালেমগী য়াইফনবগীদমক্তা হেন্না চাউরবা থৌওং পাংথোক্লি”
“লৈবাক অসিনা তেলেন্ত, ত্রেদ অমসুং তেক্নোলোজীবু পুক্নিং থৌগৎলি”
“মরোমদোম লেপচবা ভারত হায়বসিনা ঐখোয়গী লম্বী অমসুং ৱারেপ্নি”
“ই.এ.আর.তি.ঐচ. – ইনভাইরনমেন্ত, এগ্রিকলচর, রিসাইকল, তেক্নোলোজী অমসুং হেল্থকেয়রগীদমক্তা থবক তৌসি”

প্রধান মন্ত্রী, শ্রী নরেন্দ্র মোদীনা ঙসি জেন ইন্তর্নেস্নেল ত্রেদ ওর্গনাইজেসনগী ‘জিতো কন্নেক্ত ২০২২’ হৌদোকপগী থৌরমদা ভিদিও কনফরেন্সিংগী খুত্থাংদা ৱা ঙাঙখি।

তিল্লিবা মীয়ামদা প্রধান মন্ত্রীনা ৱা ঙাঙবদা, ঙসিগী থৌরমগী থীমদা য়াওরিবা ‘সবকা প্রয়াস’কী ইথিলবু শক্তাক্লদুনা ভারতকী চাউখৎ-থৌরাংগী ৱারেপশিংবু মালেম্না ঙসিদি মখোয়গী পান্দম ফংবগী পাম্বৈ অমা ওইনা লৌনরে হায়না ফোংদোকখি। মালেমগী শান্তি ওইরো, মালেমগী নুংঙাই য়াইফবা ওইরো, মালেমগী শিংনবশিংগা মরী লৈনবা ৱারোইশিন ওইরো, নত্ত্রগা মালেমগী সপ্লাই চেন মপাঙ্গল কনখৎহনবা ওইরো, মালেম্না ভারত্তা থাজবগা লোয়ননা য়েংলি। “ভারতকী ‘অমৃত কাল’গী ৱারেপ করিনো হায়বা য়ুরোপকী লৈবাক কয়াদা তাক্লম্লবা মতুংদা ঐহাক্না হল্লকপদা ঙাইরি”, হায়না মহাক্না মখা তাখি।

হৈ-শিংবগী হীরম, হেন্না খন্থবগী হীরম অসিনা ওইনীংবা অমা ওইরবসু, ৱাখল্লোন কয়া খেন্নজরবসু, অনৌবা ভারত অমা হৌগৎলক্লিবা অসিনা মীয়াম্বু অমত্তা ওইহল্লি হায়না প্রধান মন্ত্রীনা হায়খি। ভারতনা ‘প্রোবেবলিতী অমসুং পোতেন্সিএল’গী ৱাংমা লান্থোক্তুনা মালেমগী য়াইফনবগীদমক্তা হেন্না চাউরবা থৌওং পাংথোক্লি হায়না মীয়াম খুদিংনা লৌনরবনি। পুকচেল শেংবা অপাম্বা, ৱাখল ময়েক শেংবা অমসুং চৎনবা য়াবা পোলিসীগী মতাংদা মহাক্কী হান্নদগী লৈবা মিৎয়েং অমুক্কা হন্না নীংশিংলদুনা, মহাক্না লৈবাক অসিনা তেলেন্ত, ত্রেদ অমসুং তেক্নোলোজীবু য়ারিবমখৈ পুক্নিং থৌগৎলি হায়না ফোংদোকখি। লৈবাক অসিনা ঙসিদি নুমিৎ খুদিংগী স্তার্ত-অপ দর্জন কয়া রেজিস্তর তৌরি, চয়োল খুদিংগী য়ুনিকোর্ন অমমম শেম্লি হায়না মহাক্না মখা তাখি।

গবর্নমেন্ত ই-মার্কেতপ্লেস, হায়বদি জি.ই.এম. পোর্তেল হেক লৈরকপদগী, পোৎ-চৈ লৈবগী থৌওং খুদিংমক মীয়াম মাঙদা প্লেৎফোর্ম অমদা পাংথোক্লে হায়না প্রধান মন্ত্রীনা হায়খি। অথাপ্পা খুঙ্গংগী মীওই, পীক্না দুকান ফমজবা অমসুং সেল্ফ হেল্প গ্রুপশিংনা মখোয়গী পোৎলমশিংবু সরকারদা হকথেংননা য়োনবা ঙম্লে। জি.ই.এম. পোর্তেলদা পোৎয়োনবা লাখ 40 হেনবনা য়াওরক্লে হায়না মহাক্না পাউদমখি। মহাক্না নুং-পান ফাওনা উবা ‘ফেসলেস’ তেক্স এসেসমেন্ত তৌবা, লৈবাক অমা –তেক্স অমা, প্রদক্তিবিতীগা মরী লৈনবা ইন্সেন্তিব স্কিমগী মতাংদসু মহাক্না ৱাফম কয়া ফোংদোকখি।

প্রধান মন্ত্রীনা ঐখোয়গী তুংগী মতমগী লম্বী অমসুং পন্থুংফম পুম্নমক ময়েক শেংলে হায়না ফোংদোকখি। “মরোমদোম লেপচবা ভারত হায়বসিনা ঐখোয়গী লম্বী অমসুং ৱারেপনি। হৌখিবা চহিশিংদা ঐখোয়না মসিগী তঙাই ফদবা ফিভম শেমগৎনবা লেপ্তনা হোৎনদুনা লাক্লি”।

প্রধান মন্ত্রীনা তিল্লিবা মীয়ামদা ই.এ.আর.তি.ঐচ.কী মতাংদা থবক তৌনবা হায়খি। ‘ই’ হায়বসিনা অকোয়বগী ফিভমগী শাফবা অমসুং য়াইফবনি হায়না মহাক্না শন্দোক্না তাকখি। মথং চহিগী ওগস্ত ১৫ ফাওবগী মনুংদা জিলা খুদিংদা য়ামদ্রবদা সরোবর ৭৫ শেম্বদা মখোয়না মতৌ করম্না তেংবাংবা ঙমগনি হায়বা খন্ননবা মহাক্না মখোয়গী মফমদাহায়খি। ‘এ’ হায়বসিনা লৌউ-শিংউবু শেন্দোং হেন্না ফংহনবা, হেন্না ইনভেস্ত তৌবা অমসুং নেচরেল ফার্মিং, ফার্মিং তেক্নোলোজী অমসুং ফুদ প্রোসেসিং সেক্তরদা অমুক্কা হেন্না ইনভেস্ত তৌহনবা হায়বনি। ‘আর’ হায়বসিনা রিসাইকল তৌবা অমসুং সর্ক্যুলর ইকোনোমী, রি-য়ুজ, রিদ্যুস অমসুং রিসাইকলদা মিৎয়েং চঙবা হায়বনি। ‘তি’ হায়বসিনা তেক্নোলোজীবু য়ারিবমখৈ মীয়ামদা য়ৌহনবা হায়বনি। দ্রোন-তেক্নোলোজীবু মীয়াম্না লাইনা ফংহল্লিবা অসিগুম্না থাক ৱাংবা অতোপ্পা তেক্নোলোজীবু মীয়ামদা করম্না ফংহনগনি, মসিগী মতাংদা শোইদনা খন্থবীয়ু হায়না মহাক্না মীয়ামদা হায়খি। ‘ঐচ’ হায়বদি হেল্থকেয়র হায়বনি অমসুং সরকারনা হকশেল য়েংশিনবা, লৈবাক্কী জিলা খুদিংদা মেদিকেল কোলেজ লৈহনবনচিংবা মরী লৈনবা থৌরাং কয়া পায়খৎলি হায়না মহাক্না ঙসি ফোংদোকখি। তিল্লিবা মীয়াম অসিনা মখোয়গী লুপ অসিনা হীরম অসিগী মতাংদা করম্না পুক্নিং থৌগৎপা য়াগনি হায়বা খন্নবা মহাক্না হায়খি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
PM Modi right leader to strengthen India-US relations: US Singer Mary Millben

Media Coverage

PM Modi right leader to strengthen India-US relations: US Singer Mary Millben
...

Nm on the go

Always be the first to hear from the PM. Get the App Now!
...
PM lauds the passion of Dr. H.V. Hande who saved the 75 year old newspaper announcing the Independence
August 14, 2022
Share
 
Comments

The Prime Minister, Shri Narendra Modi lauded the vigour and passion of Dr. H.V. Hande who tweeted showing 75 year old newspaper announcing the Independence. The Prime Minister said that people like Dr. HV Hande Ji are remarkable individuals who have given their life towards nation building.

In response of Dr. H.V. Hande's tweet on Azadi Ka Amrit Mahotsav, the Prime Minister tweeted;

"People like Dr. HV Hande Ji are remarkable individuals who have given their life towards nation building. Glad to see his vigour and passion. @DrHVHande1"a