প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা স্মার্ত ইন্দিয়া হেকাথোন ২০২২গী গ্রান্দ ফিনালেদা ৱা ঙাংখ্রে।
প্রধান মন্ত্রীনা শরুক য়ারিবশিংগা ৱারী শাখি। কেরলাদগী সিক্স_পিক্সল্সতা প্রধান মন্ত্রীনা অরিবা লাইশঙশিংগী তেক্স অদু দেবনাগরীদা ত্রান্সলেসন তৌবগী মখোয়গী প্রোজেক্ত অদুগী মতাংদা হংখি। নুপীমচা ঙাক্তগী ওইবা তীম অদুনা প্রোজেক্ত অসিগী ফাইন্দিংশিং, কান্নবশিং অমসুং প্রোসেসকী মতাংদা শন্দোক্না পাউদমখি। মখোয়না হায়খি মখোয়গী থৌদাং অসি প্রধান মন্ত্রীনা লাল কিলাদগী হায়খিবা অদু ঙাক্না চৎপা অসিনি।
তামিল নাদুগী একচুএতর্স তীমদা হকচাংগী ফীভম শোইনাইরবা মীওইশিংগী মতাংদা চেলেঞ্জ অমা পীখি। মখোয়না বো লেগ নত্ত্রগা নোক নী ওইবা মীওইশিংগী সমস্যাদা থবক পাইখৎখি। মখোয়গী একচুএতর ‘প্রেরক’না অসিগুম্বা মীওইশিংগী মতেং পাংলি। প্রধান মন্ত্রীনা মেদিকেল দিভাইসশিংগী লমদা মীপাল তাংদবা হায়বা অসি তঙাই ফদে হায়না অকনবা ৱাফম থমখি।
গুজরাত্তগী এস.আই.ঐচ. জুনিয়গী ৱিনর মাস্তর বিরাজ বিশ্বনাথ মরাথেনা দিমেন্সিয়া অসি গ্লোবেল হেল্থ ইসু্ অমনি হায়বা খঙলবা মতুংদা দিমেন্সিয়া নারিবা মীওইশিংগীদমক ঐচকেম কৌবা মোবাইল গেম এপ্লিকেসন অমা শাখি। মসিদা ফোতোগ্রাফ অমসুং ভিদিওশিংগুম্বা মমাংগী থৌদোকশিং অমসুং প্রোপশিংগী মরমদা খন্ন-নৈনবা য়াওরি। এপ অসিদা আর্ত থেরাপী, গেমশিং, ঈশৈ অমসুং ভিদিওশিং য়াওরি মসিনা সেল্ফ এক্সপ্রেসনগী আউতলেৎ অমা ফংহনবগা লোয়ননা দিমেন্সিয়া নারিবা মীওইশিংগী কোগনিতিব হেনগৎহনবদা মতেং পাংগনি। য়োগ ইন্সতিত্যুতকা লোয়ননা অদুমক পাউ ফাওনদুনা লৈবরা হায়বগী মতাংদা প্রধান মন্ত্রীনা হংবা ৱাহংগী পাউখুমদা বিরাজনা হায়, মহাক্না য়োগ ইন্সত্রক্তরশিংগা পাউ ফাওনৈ মখোয়না অহল ওইরকপা মতমদা তৌগদবা আসন খরগী মরমদা তাকপীরকখি।
বি.আই.তি. মেসরা রাঞ্চিদগী দেতাক্লানগী অনিমেশ মিশ্রানা সাইক্লোনশিং মাংজৌননা খঙদোক্নবা হোৎনবদা দীপ লের্নিং শীজিন্নবগী মতাংদা শন্দোক্না হায়খি। মখোয়না ইনসেৎকী সেতেলাইৎ ইমেজশিং শীজিন্নরগা থবক তৌই। মখোয়গী থবক অসিনা সাইক্লোনশিংগী তোঙান-তোঙানবা হীরমশিং মাংজৌননা নীংথিনা খঙদোকপদা মতেং পাংগনি। প্রধান মন্ত্রীনা প্রোজেক্ত অসিগীদমক দেতা করম্না ফংবগে হায়বগী মতাংদা হংখি। মদুগী পাউখুম পীরদুনা অনিমেশনা হায় মখোয়না ২০১৪গী মতুংদা ভারতকী সমুদ্র খোঙবালদা থোকখিবা সাইক্লোনশিংগী মতাংদা নৈনখি অমসুং মসিগী এক্যুরেসী অসি চাদা ৮৯গী ময়া ওইখি। মহাক্না মখা তারদুনা হায়খি, হৌজিক ফাওবদা খোমজিনখিবা দেতা অসি য়ামদ্রবসু মখোয়গী তেক্নিকেল এবিলিতীগা লোয়ননা মখোয়না মেক্সিমম এক্যুরেসী অমসুং আউতপুৎ ফংবা ঙমখি।
ৱেস্ত বেঙ্গলদগী তীম সর্বজ্ঞাগী প্রিয়ান্স দিৱাননা প্রধান মন্ত্রীনা মখোয়গী তীমনা ইন্তর্নেৎ য়াওদনা রেদিও ৱেবশিংগী খুত্থাংদা রেদিও সেৎতা মলতি মেদিয়া দেতা সেক্যুর ওইনা ত্রান্সফর তৌনবা থবক তৌরি হায়না পাউদমখি। মহাক্না হায় সিস্তেম অসি শীজিন্নদুনা প্রাইবেসী ইসুশিং মপুং ফানা কোকহনবা ঙমগনি মরমদি এপ অসি ইন্দিজিনস ওইনা পুথোকপনি অমসুং সর্ভরশিং অসিসু ভারত্তা লৈরি। প্রধান মন্ত্রীনা প্রিয়ান্সতা করিগুম্বা সিস্তেম অসি ঙমখৈগী মফমশিংদা আর্মীনা শীজিন্নবা য়াগদ্রা হায়না হংবদা প্রিয়ান্সনা হায়খি ত্রান্সমিসন অসি এনক্রিপ্তেদ ওইবনা মসিনা সিগনেল ইন্তর্সেপ্সনগী অকিবা লৈবা মফমশিংদা মসি শীজিন্নবা য়াগনি। প্রধান মন্ত্রীনা প্রিয়ান্সতা মখোয়গী তীমনা সিস্তেম অসিগী খুত্থাংদা ভিদিও ফাইলশিং ত্রান্সমিসন তৌনবগী মাইকৈদা থবক পাইখৎপরা হংখি। প্রিয়ান্সনা হায় ত্রান্সমিসন মিদিয়মদা অহোংবা লৈতবনি ভিদিওশিং ত্রান্সমিৎ তৌবগী ওইথোকপা য়াবা লৈ অমসুং তীম অসিনা হয়েংগী হেকাথোনদা ভিদিও ত্রান্সমিৎ তৌবগী থবক তৌগনি।
আই.দি.ই.এ.এল.-বি.আই.তি.এস. অসামগী তীমদগী নিতেশ পান্দেনা প্রধান মন্ত্রীদা আই.পি.আর. এপ্লিকেসনশিং ফাইল তৌনবগী গ্রাসরুৎ ইনোভেতরশিংগীদমক শেমখিবা মখোয়গী এপকী মতাংদা পাউদমখি। এপ অসিনা পেতেন্ত এপ্লিকেসনশিং ফাইল তৌবগী প্রোসেস লায়থোকহন্নবা এ.আই. অমসুং অতোপ্পা তেক্নোলোজীশিং শীজিন্নগনি। প্রধান মন্ত্রীনা এপ অসিনা ইনোভেতরশিংদা করম্না মতেং পাংগদৌরিবনো হায়না হংখিবা ৱাহংগী পাউখুম পীরদুনা নিতিশনা হায়খি এপ্লিকেসন অসিনা ইনোভেতরশিংদা পেতেন্তগী মরমদা অমসুং মসি করম্না এপ্রোচ তৌগনি হায়বগী মতাংদা তাকপী-তম্বীগনি। এপ অসিনা পেতেন্ত ফাইল তৌবা পাম্লিবা ইনোভেতরশিংগীদমক এন্দ তু এন্দ সোল্যুসন অমা পীরগনি। মসিনা মখোয়গী সমস্যাশিং কোকহনবদা মখোয়গী মতেং পাংবা ঙমগদবা লম অসিগা মরী লৈনবা তোঙান-তোঙানবা এজেন্তশিংগা লোয়ননা পাউ ফাওনবা য়ানবা ইনোভেতরশিংগী মতেংসু পাংখি।
উত্তর প্রদেশকী তীম আইরিসকী অনশিৎ বনসলনা ক্রাইম হোৎস্পোৎ ক্রিএসন অমসুং মেপ্পিংগী মতাংদা থেংনবা মখোয়গী প্রোব্লেমগী মরমদা পাউদমখি। সুপর্ভাইজ তৌদবা মেছিন লর্নিং এলগোরিথমশিং অসি ক্রাইম ক্লস্তর মেপ তৌবদা শীজিন্নরি। প্রধান মন্ত্রীনা মোদেল অসিগী ফ্লেক্সিবিলিতী অমসুং স্কেলেবিলিতীগী মরমদা হংখি। প্রধান মন্ত্রীনা মোদেল আসি শীজিন্নদুনা ময়াই কাবা নীশাগী সমস্যা অসি লাকশিনবা ঙমগদ্রা হায়নসু হংখি। মসিগী পাউখুম পীরদুনা অনশিৎনা হায়খি মোদেল অসি স্কেলেবল ওই মরমদি মোদেল অসিদা পীরিবা ক্রিমিনেল দেতাদা য়ুম্ফম ওইরগা মথৌ তৌবনা মসি জিওগ্রাফিকেল লোকেসনগী মখা পোনদে।
পঞ্জাবকী এস.আই.ঐচ. জুনিয়রগী ৱিনর মাস্তর হরমঞ্জোৎ সিংহনা হেল্থ পেরামিতরশিং মোনিতর তৌবা স্মার্ত গ্লোবকী মহাক্কী প্রোজেক্ত অদু উৎখি। স্মার্ত গ্লোব অসিনা ইন্তর্নেৎ ওফ মেদিকেল থিংসকী মোদেলদা থবক তৌই অমসুং মসিনা মেন্তেল হেল্থ, হর্ত রেৎ, ব্লদ প্রেসর, ওক্সিজেন সেচুরেসন লেবেল, মুদ দিতেক্সন, খুৎকী ত্রেমোর অমসুং বোদী তেম্পরেচর অসিগুম্বা হেল্থ বাইতেলশিং মোনিতর তৌবদা মতেং পাংই। প্রধান মন্ত্রীনা মহাক্কী মমা-মপাশিংনা মতেং পুম্বা পাংখিবগীদমক থাগৎখি।
পঞ্জাবতগী সমিধাগী ভাগ্যশ্রী সনপালানা মেছিন লর্নিং অমসুং সেতেলাইৎ তেক্নোলোজীগী খুত্থাংদা জহাজশিংগী রিএল তাইম ফ্যুএল মোনিতরিংগী মরমদা মখোয়গী প্রোব্লেম স্তেৎমেন্ত অদুগী মতাংদা পাউদমখি। সমিধানা অনমেন মেরিতাইম মোনিতরিং সিস্তেম অমা শানবা পান্দম থম্মি। প্রধান মন্ত্রীনা ভাগ্যশ্রীদা করিগুম্বা সিস্তেম অসি অতোপ্পা লমশিংদসু এপ্লাই তৌবা য়াগদ্রা হায়না হংখি। ভাগ্যাশ্রীনা মদু ওইথোক্কনি হায়না পাউখুম পীখি।
থৌরম অসিদা ৱা ঙাংলদুনা প্রধান মন্ত্রীনা হায়খি এস.আই.ঐচ. অসি পব্লিক পার্তিসিপেসনগী মরু ওইবা পাম্বৈ অমা ওইরকখি। মহাক্না হায় হৌরক্লিবা মীরোলশিং অসিদা মহাক্না মপুং ফানা থাজবা থম্মি। “লৈবাক অসিনা নীংতম্বগী চহি ১০০ শুরবা মতুংদা ঐখোয়গী লৈবাক অসিনা করম্না তৌগদগে হায়বা অসিগী অচৌবা ফিরেপশং লৌনবা থবক পাইখৎলি। নখোয়না ফিরেপশিং অসি থুংহন্নবগীদমক ‘জয় অনুসন্ধান’ গী খোলাউগী ফ্লেগ বিয়র্রশিং ওইরিবা ইনোভেতরশিং অদু নখোয়নি”, হায়না মহাক্না ফোঙদোকখি। শ্রী মোদীনা মথংগী চহি ২৫ অসিদা নহা ওইরিবা ইনোভেতরশিংগী মাইপাকপা অমসুং লৈবাক অসিগী মাইপাকপগী মান্নবা ত্রেজেক্তরীগী মতাংদা ফোঙদোকখি। “নখোয়গী ইনোভেতিব ওইবা ৱাখল্লোন্না ভারতপু মথংগী চহি ২৫দা মকোক য়ৌহনবা ঙমগনি” হায়না মহাক্না মখা তাখি।
অমুক হন্না মহাক্না নীংতম নুমিৎতা এস্পিরেস্নেল সোসাইতীগী মতমদা লাউথোকখিবা অদু নীংশিংলদুনা প্রধান মন্ত্রীনা হায়খি, এস্পিরেস্নেল সোসাইতী অসিনা লাক্কদৌরিবা চহি ২৫ অসিদা দ্রাইবিং ফোর্স ওইনা মথৌ তৌগনি। খুন্নাই অসিগী অনীংবা-অপাম্বা, মঙলানশিং অমসুং শীংনবশিং অসিনা ইনোভেতরশিংগীদমক খুদোংচাবা কয়ামরুম পুথোরক্কনি।
প্রধান মন্ত্রীনা হায়খি হৌখিবা চহি ৭-৮ অসিদা লৈবাক অসিনা রিভোল্যুসন অমগী মথংদা অমগী খুত্থাংদা খোঙজেল য়াংনা খুমাং চাউশিল্লি। “ঙসি ভারত্তা ইনফ্রাস্ত্রকচর রিভোল্যুসন চত্থরি। ঙসি ভারত্তা হেল্থ সেক্তর রিভোল্যুসন চত্থরি। ঙসি ভারত্তা দিজিতেল রিভোল্যুসন চত্থরি। ঙসি ভারত্তা তেক্নোলোজী রিভোল্যুসন চত্থরি। ঙসি ভারত্তা তেলেন্ত রিভোল্যুসন চত্থরি” হায়না শ্রী মোদীনা ফোঙদোকখি। ঙসিনা সেক্তর খুদিংমক মতমগা চুনবা ওইহন্নবা মাইকৈদা মীৎয়েং চংলি হায়না মহাক্না ফোঙদোকখি।
প্রধান মন্ত্রীনা হায়খি নুমিৎ খুদিংগী অনৌবা লমশিং অমসুং শীংনবশিংনা ইনোভেতিব সোল্যুসনশিং পুথোক্নবা হোৎনরি। মহাক্না ইনোভেতরশিংদা লৌউ-শিংউগা মরী লৈনবা সমস্যাশিংগী সোল্যুসনশিং পুথোক্নবা হায়খি। মহাক্না নহা ওইরিবা ইনোভেতরশিংদা খুঙ্গং খুদিংমক্তা ফংহল্লিবা ওপতিকেল ফাইবর অমসুং ৫জি লোঞ্চ তৌবা, দিকেদ লোইরকপদা ৬জি পুথোক্নবা শেম-শারিবা অমসুং গেমিং ইকোসিস্তেমগী প্রমোসন অসিগুম্বা থৌরাংশিংগী খুদোংচাবা মপুং ফানা লৌগদবনি। মহাক্না হায়খি ভারতকী ইনোভেসনশিংনা মতম চুপ্পদা খ্বাইদগী কম্পিতিতিবনেস, অহোংবা, তুং কোইনা চৎকদবা, সেক্যুর ওইবা অমসুং অচৌবা সোল্যুসনশিং পীদুনা লাকখি। মরম অসিনা মালেমনা ভারত্তা আশাগা লোয়ননা য়েংলি।
প্রধান মন্ত্রীনা হায়খি ভারত্তা ইনোভেসনগী চৎনবী হেনগৎহন্নবগীদমক ঐখোয়না হীরম অনিদা লেপ্পা লৈতনা মীৎয়েং চংগদবনি – সোসিএল সপ্পোর্ত অমসুং ইন্সতিত্যুস্নেল সপ্পোর্ত। প্রধান মন্ত্রীনা হায়খি খুন্নাইদা ইনোভেসনবু প্রোফেসন অমা ওইনা লৌবা হেনগৎলক্লি অমসুং অসিগুম্বা ফীভম অসিদা ঐখোয়না অনৌবা আইদিয়া অমসুং ওরিজিনেল থিঙ্কিং পুথোকপা মথৌ তাই। প্রধান মন্ত্রীনা হায়খি, “রিসর্চ অমসুং ইনোভেসন অসি থবক তৌবগী মওং অমসুং হিংবগী মওংদা অহোংবা পুরকপা মথৌ তাই”।
মন্ত্রীনা হায়খি নেস্নেল এজুকেসন পোলিসী অসিদা ইনোভেসনগীদমক মপাঙ্গল কনবা য়ুম্ফম অমা থোন্নবগীদমক রোদমেপ অমা য়াওরি। অতল তিঙ্করিং লেবশিং অমসুং আই-ক্রিএৎনা থাক খুদিংমক্তা ইনোভেসনবু চাউখৎহল্লি। প্রধান মন্ত্রীনা হায়খি ঙসি ২১শুবা চহিচাগী ভারতনা মাগী নহারোলশিংদা মপুং ফানা থাজবা থম্বগা লোয়ননা মাংদা চংশিল্লি। মহাক্না হায় মসিগী ফল ওইনা ভারতকী ইনোভেসন ইন্দেক্সকী রেঙ্কিং অসি ঙসিদা হেনগৎপা ঙমখি। পেতেন্তশিংগী মশিং অসি হৌখিবা চহি ৮দা শরুক ৭ হেনগৎলকখি। প্রধান মন্ত্রীনা মখা তারদুনা হায়খি মদুদি য়ুনিকোর্নশিংগী মশিং ১০০ হেনখ্রে।
প্রধান মন্ত্রীনা হায়খি মদুদি ঙসিগী হৌরক্লিবা মীরোলশিংনা সমস্যা কোকহন্নবা অথুবা অমসুং স্মার্ত সোল্যুসনগা লোয়ননা মাংদা চংশিল্লি। অসিগুম্বা হেকাথোনশিংগী নুংগী ওইবা ৱাখল্লোন অসি হৌরক্লিবা মীরোলশিংনা সমস্যাশিংগী সোল্যুসনশিং পীহনবনি অমসুং নহারোল, সরকার অমসুং লনাইগী সংস্থানগী মরক্তা চুংশিন্নবগী ৱাখল্লোন অসিনা ‘সবকা প্রয়াস’কী অচৌবা খুদম অমনি, হায়না মহাক্না ফোঙদোকখি।
বেকগ্রাউন্দ
লৈবাক অসিদা মরু ওইনা নহারোলশিংগী মরক্তা ইনোভেসনগী ৱাখল্লোন থৌগৎনবগীদমক প্রধান মন্ত্রীনা লেপ্পা লৈতনা হোৎনদুনা লাকখি। বিজন অসিগী মখাদা ইং কুমজা ২০১৭তা স্মার্ত ইন্দিয়া হেকাথোন (এস.আই.ঐচ.) হৌদোকখি। এস.আই.ঐচ. অসি খুন্নাই, ওর্গনাইজেসন অমসুং সরকারগী হেনগৎলক্লিবা সমস্যাশিং অসি কোকহন্নবা মহৈরোয়শিংদা ফম্পাক অমা পীনবা লৈবাক শিনবা থুংবদা চত্থখিবা থৌশিল অমনি। মসিনা মহৈরোয়শিংগী মরক্তা প্রদক্ত ইনোভেসন, প্রোব্লেম-সোলবিং অমসুং আউত-ওফ-দি-বোক্স থিঙ্কিংগী চৎনবী লৈহন্নবা পান্দম থম্মি।
অহানবা ইদিসন্দা ৭৫০০রোম ওইরম্বদগী হৌজিক চত্থরিবা মঙাশুবা ইদিসন অসিদা ২৯,৬০০ রোম ওইদুনা এস.আই.ঐচ.গীদমক রেজিস্তর তৌরকপা তীমশিংগী মশিংদা শরুক মরিগী গ্রোথ লৈবা উবা ফংলিবা অসিনা এস.আই.ঐচ. অসি পাম্নবা হেনগৎলক্লি হায়বা তাক্লি। চহি অসিদা মহৈরোয় অমসুং মেন্তর ১৫,০০০ হেনবনা এস.আই.ঐচ. ২০২২ গ্রান্দ ফিনালেদা শরুক য়ানবগীদমক নোদেল সেন্তর ৭৫দা চৎলি। স্কুল ২৯০০ অমসুং হায়র এজুকেসন ইন্সতিত্যুসন ২২০০গী মহৈরোয়শিংনা লাইশঙদা হক্তুনা ইরিবা ময়েকশিং অমসুং ৱাহন্থোকশিং দেবনাগরী ময়েক্তা ওপতিকেল করেক্তর রিকগনিসন (ও.সি.আর.) তৌবা, পথ-পুমথগনবা অচা-অথক্কী পোৎলমশিংগী কোল্দ সপ্লাই চেনগী আই.ও.তি.-ইনেবল রিস্ক মোনিতরিং সিস্তেম, খুদোংথিবা নংলবা মফমশিংগী লমিৎ-তুমিৎ, ইনফ্রাস্ত্রকচর অমসুং লম্বীগী ফীভমশিংগী হায়-রিজোল্যুসন ৩দি মোদেল শেম্বা য়াওনা ফিনালে অসিদা কেন্দ্রগী মন্ত্রালয় ৫৩গী প্রোব্লেম স্তেৎমেন্ত ৪৭৬ মায়োক্নগনি।
স্কুলগী থাক্তা ইনোভেসনগী চৎনবী লৈহন্নবা অমসুং প্রোব্লেম সোলবিং এতিত্যুদ পোকহন্নবা স্কুলগী মহৈরোয়শিংগী পাইলোৎ ওইনা চহি অসিদা স্মার্ত ইন্দিয়া হেকাথোন – জুনিয়রসু হৌদোকখি।
अब से कुछ दिन पहले ही हमने आजादी के 75 वर्ष पूरे किए हैं।
— PMO India (@PMOIndia) August 25, 2022
आजादी के 100 वर्ष होने पर हमारा देश कैसा होगा, इसे लेकर देश बड़े संकल्पों पर काम कर रहा है।
इन संकल्पों की पूर्ति के लिए ‘जय अनुसंधान’ के उद्घोष के ध्वजा वाहक आप innovators हैं: PM @narendramodi
भारत में आज Digital Revolution हो रहा है।
— PMO India (@PMOIndia) August 25, 2022
भारत में आज Technology Revolution हो रहा है।
भारत में आज Talent Revolution हो रहा है: PM @narendramodi
पिछले 7-8 वर्षों में देश एक के बाद एक Revolution करते हुए तेजी से आगे बढ़ रहा है।
— PMO India (@PMOIndia) August 25, 2022
भारत में आज Infrastructure Revolution हो रहा है।
भारत में आज Health Sector Revolution हो रहा है: PM @narendramodi
भारत में इनोवेशन का कल्चर बढ़ाने के लिए हमें दो बातों पर निरंतर ध्यान देना होगा।
— PMO India (@PMOIndia) August 25, 2022
Social support और institutional support: PM @narendramodi
समाज में innovation as a profession की स्वीकार्यता बढ़ी है।
— PMO India (@PMOIndia) August 25, 2022
ऐसे में हमें नए ideas और original thinking को भी स्वीकार करना होगा।
रिसर्च और इनोवेशन को way of working से way of living बनाना होगा: PM @narendramodi
21वीं सदी का आज का भारत, अपने युवाओं पर भरपूर भरोसा करते हुए आगे बढ़ रहा है।
— PMO India (@PMOIndia) August 25, 2022
इसी का नतीजा है कि आज innovation index में भारत की रैकिंग बढ़ गई है।
पिछले 8 वर्षों में पेटेंट की संख्या 7 गुना बढ़ गई है।
यूनिकॉर्न की गिनती भी 100 के पार चली गई है: PM @narendramodi
