প্রধান মন্ত্রী শ্রী নরেন্দ্র মোদী ঙসি ভিদিও মেসেজগী খুত্থাংদা মধ্য প্রদেশকী ইন্দোরদা G20 লেবর অমসুং ইম্প্লোইমেন্ত মন্ত্রীশিংগী মীফমদা ৱা ঙাংখ্রে।
ইন্দোরদা দিগনতরিশিংবু তরাম্না ওক্লদুনা প্রধান মন্ত্রীনা হায়, পুৱারী ওইরবা অমসুং মতিং লৈরবা সহর অসিনা মশাগী থোংবা থাকপগী চৎনবীদা চাউথোকচরিবা শহর অমনি অমসুং অদোম খুদিংনা শহর অসিগী মথেল অমসুং নিংথিজবা কয়াগী খুদোংচাবা ফংগনি হায়না ঐহাক্না থাজবা থম্লি।
শেন্মিৎলোন অমসুং সোসিএল ফেক্তরগী খ্বাইদগী মরু ওইবা হীরম – ইমপ্লোয়মেন্তকী মতাংদা পল্লদুনা প্রধান মন্ত্রীনা হায় মালেম অসি ইমপ্লোয়মেন্ত সেক্তরদা অচৌবা অহোংবা কয়া পুরকপগী থোঙজিলদা লেপ্তুনা লৈরি অদুগা, মসিগুম্বা খোঙজেল য়াঙনা লাক্কদৌরিবা অহোংবা কয়া অসিগা মাইয়োক্নবা ঙম্নবা নীংথিনা শেম শাদুনা লৈবগী মথৌ তারে। মরিশুবা ইন্দস্ত্রীএল রিভোল্যুসনগী য়ুগ অসিদা, প্রধান মন্ত্রীনা হায়, তেক্নোলোজীনা থবক লৈহনবগী খ্বাইদগী মরু ওইবা শাফু অমা ওইরে অমসুং ওইখিগনি। মহাক্না হায়ন তেক্নোলোজীনা অহোংবা পুরকপা থৌওংশিংগী মনুংদা থবক মশিং য়াম্না পীবা ঙমখিবা লৈবাক অমদা মসিগুম্বা মীফম পাংথোকপা হায়বসি য়াম্না লাইবক ফবনি। অদোমগী য়ুম্বু ওইরিবা শহর, ইন্দোর অসিদা মসিগুম্বা অহোংবা পুরকপগী থৌওং কয়াদা লুচিংলিবা স্তার্তঅপ কয়াসু লৈরি।
এদভান্স তেক্নোলোজী অমসুং প্রোসেসিং শিজিন্নবগী লমদা ঐখোয়না ঐখোয়গী ৱর্কফোর্সশিংগী স্কিল হাপ্পগী মথৌ তারি, স্কিলিং, রি-স্কিলিং অমসুং অপ-স্কিলিং অসিনা তুংগী ৱর্কফোর্সকী মন্ত্রা অমা ওইরিবনি হায়না প্রধান মন্ত্রীনা ফোঙদোকখি। মহাক্না হায় ‘স্কিল ইন্দিয়া মিসন’ অসিদি মসিগী রিএলিতী অসিগা মরী লৈনহনবগী কেম্পেন অমা ভারত্তা ওইরি অমসুং ‘প্রধান মন্ত্রী কৌশল বিকাস য়োজনা’গী মখাদা, ঐখোয়গী নহা মিলিয়ন 12.5 হেনবদা হৌজিক ফাওবদা ত্রেনিং পীখ্রে। আর্তিফিসিএল ইন্তেল্লিজেন্স, রোবোতিক্স, ইন্তর্নেত ওফ থিংস অমসুং দ্রোনগুম্বা ইন্দস্ত্রী ‘ফোর পোইন্ত O’ সেক্তরশিংদা অখন্নবা মিৎয়েংসু চঙলি হায়না প্রধান মন্ত্রী ফোঙদোকখি।
প্রধান মন্ত্রীনা হায় ফ্রন্তলাইন হেল্থ অমসুং অতোপ্পা ৱর্করশিংনা ভারত্তা কোবিদ মনুংদা পাংথোকখিবা থবক-থৌরমশিংনা মশাগী স্কিল অমসুং খোঙফম চেৎপগী মতৌ উৎখি। মসিনা মীনুংশি হৈবা অমসুং সেবা তৌবগী চৎনবীগী মমিসু উৎখি। ভারতনা মালেমগী স্কিল লৈবা ৱর্কফোর্স খ্বাইদগী চাউনা পীবা ঙম্বগী মতিক লৈ হায়না মহাক্না ফোঙদোকখি। গ্লোবেল মোবাইল ৱর্কফোর্স অসিনা তুংগী মতমগী রিএলিতী অমা ওইগনি হায়না মহাক্না ফোঙদোকখি। দিভেলপমেন্তপু গ্লোবেলাইজ তৌবা অমসুং স্কিল শেয়র তৌবগী মতম অসি হৌজিক্কী মতমসি ওইরবনি। G20না মসিদা লুচিং থৌদাং লৌগদবনি অমসুং স্কিল অমসুং ক্বালিফিকেসনগী মথৌ তাবশিংগী মখা পোন্না মালেমগী ওইনা শিনফম শকখঙবগী থবক্কীদমক্তা হোৎনজমশিংবু থাগৎচরি হায়না মহাক্না ফোঙদোকখি। থৌওং অসিদা ইন্তর্নেস্নেল কোওপরেসন অমসুং কোওর্দিনেসনগা লোয়ননা মাইগ্রেসন অমসুং মোবিলিতী পার্ত্নরশিপকী অনৌবা মোদেলগী মথৌ তাই অমসুং হায়রিবা ইমপ্লোয়ী অমসুং শিন্মীশিংগা মরী লৈনবা স্তেতিস্তিক্স, ই-পাউ অমসুং দেতা শেয়র তৌনবনা থৌওং অসি হৌবগী খ্বাইদগী চুনবা পাম্বৈ অমা ওইগনি অমসুং মসিনা খুদমদা য়ুম্ফম ওইবা থৌশিল থৌরাং য়াত্তুনা স্কিলিং হেন্না নীংথিজনা পাংথোকপা, ৱর্কফোর্সকী থৌরাং য়াৎপা অমসুং কান্নগদবা থবক পীবদা মালেমগী লৈবাক খুদিংদা মপাঙ্গল হাপকনি হায়না মহাক্না ফোঙদোকখি।
প্রধান মন্ত্রীনা লাইচৎকী মনুংদা খাংবা কনবগী য়ুম্বী ওইনা থোরকখিবা গিগ অমসুং প্লেতফোর্মদা লৈরিবা শন্মীশিংগী অনৌবা কাংলুপ অমা শেমগৎপদা অঙকপা ফংনা অহোংবা পুরকখিবা অসিগী মতাংদা ফোঙদোকখি। মহাক্না মখা তারদুনা মসিনা ফ্লেক্সিবল ওইবা থবক থৌরমশিং শিন-লাংখি অমসুং চাগাগী হৌরকপা অমা পুথোকপদা মতেং পাংখি হায়না ফোঙদোকখি। মহাক্না হায় মসিনা নুপীশিংগী সোসিও-ইকনোমিক এম্পাৱরমেন্তকী ত্রান্সফোর্মাতিব ওইবা খুৎলাই অমা ওইবগা লোয়ননা অখন্ননা নহারোলশিংগী কান্নগদবা ইম্প্লোয়মেন্তশিং চাউনা ফংহনবা য়াবগী ওইথোকপা লৈ। মসিগী পোতেন্সিএল খংবা মথৌতাবা অমসুং মতমগা চুনরবা থৌশিলশিং শেম্বা অমসুং মসিগী মতমগা চুনরবা শিন্মীশিং অসিদা মীৎয়েং চংবা মথৌ তাবগী মতাংদা ফোঙদোকখি। চাং নাইনা থবক ফংনবা খুদোংচাবশিং শেমগৎনবা সস্তেনেবল সোলুসনশিং পুথোক্নবা অমসুং সোসিএল সিক্যুরিতী, হকশেল অমসুং শেফতী ফংহন্নবা অনৌবা মোদেলশিং পুথোরক্নবা আপীল তৌখি। প্রধান মন্ত্রীনা মিলিয়ন 280 রেজিস্ত্রেসন তৌখ্রবা অমসুং মসিগী শিন্মীশিং অসিগী হকথেংননা মীয়েং চংনবা পান্দম থম্লিবা ‘ইশ্রম পোর্তেল’গী মতাংদা ফোঙদোকখি। থবক্কী মওং মতৌ অসি ত্রান্সনেস্নেল ওইরকপা মরম্না লৈবাকশিং অসিনা মসিগা মান্নবা সোলুসনশিং অসি শিজিন্নগদবনি হায়না মহাক্না মখা তাখি।
প্রধান মন্ত্রীনা হায়না সোসিএল প্রোতেক্সন পীবা হায়বসি 2030 এজেন্দাগী মরুওইবা মরম অমা ওইরবসু ইন্তর্নেস্নেল ওর্গনাইজেসনশিংনা হৌজিক চৎননবা হোৎনরিবা ফ্রেমৱর্ক অসিনা অখুবা পাম্বৈ খরদা শেম শাদুনা কান্নবা ফংহল্লিবা অসিখক্তং উৎলি অদুবু অতোপ্পা মওংশিংদা কান্নবা কয়ামরুম ফংহল্লিবা অদুদি মসিগী ফ্রেমৱর্ক অসিদা কোনশিন্দে। ভারত্তা সোসিএল প্রোতেক্সন কভরেজগী অচুম্বা মমি অদু উবা ফংনবা য়ুনিভর্সিএল পব্লিক হেল্থ, ফুদ সিক্যুরিতী, ইন্সুরেন্স অমসুং পেন্সন প্রোগ্রামশিংগুম্বা কান্নবশিং অসি য়াওহনগদবনি হায়না শ্রী মোদীনা ফোঙদোকখি। লৈবাক খুদিংমক্কী অখন্নবা ইকনোমিক কেপাসিতী, মপাঙ্গল অমসুং শিংনবশিং অদু খংগলদুনা সোসিএল প্রোতেক্সনগী সস্তেনেবল ফাইনান্সিং এপ্রোচ খুদিংমক য়াওবা ৱান সাইজ ফিত অমা চৎনহনবা হায়বসি ওইথোকপা য়াবা নত্তে।
ৱারোল অসিবু লোইশিল্লদুনা প্রধান মন্ত্রীনা মসিগী মীফম অসিনা মালেম পুম্বগী শিন্মীশিংগী চাউখৎ থৌরাংগী অকনবা পাউজেল অমা পীবা ঙম্লগনি হায়না থাজবা ফোঙদোকখি। মসিগী হীরম অসিদা য়াম্না থুনা পাইখৎকদবা ইসু খরা কোকহন্নবা দিগনিতরী খুদিংমক্না লৌখিবা থৌদাং অদুবু মহাক্না থাগৎপা ফোঙদোকখি।
