ঙসি প্রধান মন্ত্রী শ্রী নরেন্দ্র মোদীনা দিল্লিগী হোতেল তাজ পেলেস্তা পাংথোকপা ইকোনোমিক তাইমস গ্লোবেল বিজিনেস সম্মিত্তা ৱা ঙাংখ্রে।
থৌরম অদুদা প্রধান মন্ত্রীনা হায়খি চহি অহুমগী মমাঙদা মহাক্না ইকোনোমিক তাইমস গ্লোবেল বিজিনেস সম্মিত্তা ৱা ঙাংখিবা অদুদগী অহোংবশিং উবা ফংলে। মহাক্না ইকোন কোন্না ইকোনোমিক তাইমস গ্লোবেল বিজিনেস সম্মিৎ য়াওরুরবা নুমিৎ হুম্নিগী মতুংদা ৱার্ল্দ হেল্থ ওর্গনাইজেসন্না কোবিদ লাইচৎ শন্দোরক্লে হায়না লাউথোরকখি অমসুং মদুনা ভারত অমসুং মালেমগী ওইনা অচৌবা অহোংবা কয়া লাকখি।
প্রধান মন্ত্রীনা হায়খি “এন্তিফ্রেজাইল” হায়বদি অৱাবা তারবা মতমদা লৈবাক অমনা অৱাবা খাংবা খক নত্তনা হায়রিবা খুদোংচাদবশিং অদু শীজিন্নদুনা হেন্না মপাঙ্গল কনখৎহনবা হায়বা হিরম অসিদা খন্নগনি। “এন্তিফ্রেজাইল”গী ৱাখল্লোন অসিনা ভারতমচা করোর ১৪০গী অপুনবা ফিরেপ অদু মহাক্কী পুক্নিংদা খল্লকখি। লান অমসুং মহৌশাগী খুদোংথিবগী চহি অহুমগী লান মনুংদা ভারত অমসুং ভারতমচাশিনা অকনবা খাংবা কনবা অদু উৎখি। লৈবাক অসিদা য়ৈখাই-থিনগাইবা পীরকপা মতমদনা হেন্না চাউখৎলকই হায়বা ভারতনা মালেম্না উৎলে। মমাঙঙৈদা ফ্রেজাইল ফাইবকী মনুং চনবগী ৱারি লিনরম্বনি অদুবু হৌজিক্তি ভারত অসি এন্তিফ্রেজাইল ওইবগী মশক খঙলে। চহি ১০০গী মনুংদা থেংনবা খ্বাইদগী শাথিবা অৱাবা মরক্তা ভারতনা উৎখিবা তৌবা ঙম্বশিং অদু নৈনরগা চহি ১০০ মতুংদা মীওইবা খুন্নাইনা চাউথোকচবা পোক্কনি।
সম্মিৎ অসিগী চহি অসিগী থিম “রিইমাজিন বিজিনেস, রিইমাজিন ৱার্ল্দ” পল্লদুনা প্রধান মন্ত্রীনা হায়খি ২০১৪দা লৈবাক অসিগী থবক তৌনবা হৌজিক পাল্লিবা সরকার অসিদা লৈবাক অসিনা খুদোংচাবা পীবা মতমদা কমদৌনা নৌনা ৱাখল খনগদগে হায়বা অদু লাকখি। স্কামশিংনা লৈবাক অসিগী মিংচৎ থিহনবা, শেঞ্জা-থুমজানা মরম ওইদুনা লায়রবশিং চৈথেংব পীবা, শাগৈগী লৈঙাক্না মরম ওইদুনা নহারোলশিংগী পামজবা ফংখিদবা অমসুং মীচং-মীখাই নাইবা অমসুং থৌশিল শোইবদগী প্রোজেকশিং থেংথবগী অৱাবা মতম অমা লৈখি। মরম অসিনা লৈবাক ঙাকপগী হিরম মচাক অমমমতা ওইনা অমুক হন্না খন্ননবা, নৌনা পুথোক্নবা ঐখোয়না ৱারেপ লৌখিবনি। কমদৌনা ইনফ্রাস্ত্রকচর হেন্না ফবা মওংদা শেমগৎকনি হায়বগী মতাংদা ঐখোয়না অমুক হন্না কোক থাদখি। লৈবাক অসিগী মীয়ামগা সরকারগা করম্বা মখলগী মরী লৈনগদগে হায়বগী মতাংদা ঐখোয় অমুক হন্না ৱাখল খনখি।
প্রধান মন্ত্রীনা হায়খি মীয়ামদা খুদোংচাবশিং হায়বদি বেঙ্ক একাউন্তশিং, লোনশিং, য়ুম শাবা, লন-থুমগী হকশিং ফংহনবা, তোইলেতশিং, মৈ অমসুং মৈখু চেন্দবা চাক থোংনবা গ্যাস পীনবা সরকার অসিনা অমুক হন্না কোক থাদখি। সরকারগী পান্দমদি লায়রবশিংদা শক্তি পীবা অমসুং লৈবাক অসি য়াংনা চাউখৎনবা মখোয়না মতেং পাংবা ঙমহনবনি। ফংফম থোকপা বেনিফিসরিশিংদা লুপা ১ পীগদবদা পৈশা ১৫ নান্থহৌখি হায়না হান্নগী প্রধান মন্ত্রী শ্রী রজিব গান্ধীনা ফোঙদোক্লমখি। হৌজিক ফাওবদা ঐখোয়গী সরকারনা তোঙান-তোঙানবা স্কিমশিংগী মখাদা দি.বি.তিগী খুৎথাংদা লুপা লাখ করোর ২৮ ফংহনখ্রে। করিমগুম্বা রজিব গান্ধীগী ৱাফম অদু ঙসি ফাওবা চুমদুনা লৈরবদি, শেনফম অসিগী চাদা ১৫ হায়বদি লুপা লাখ করোর ২৪ হুরানখিগনি। অদুবু ঙসিদি শেনফম অদু লায়রবশিংদা য়ৌরে।
প্রধান মন্ত্রীনা হায়খি ভারতমচা খুদিংমক তোইলেত অমমম লৈগদবনি হায়বা নেহরুজি ফাওবা খঙখি, মসিনা ভারত অসি চাউখৎপগী অনৌবা থাক অমা য়ৌবা ঙমগনি। ২০১৪গী মতুংদা তোইলেত করোর ১০ হেন্না শাদুনা খুঙ্গংশিংদা তোইলেত লৈবগী চাং চাদা ৪০গী মখাদা লৈরম্বদগী হৌজিক চাদা ১০০ য়ৌরে।
এস্পিরেসনেল দিস্ত্রিকশিং খুদম ওইনা পীরদুনা প্রধান মন্ত্রীনা হায়খি ২০১৪দা জিলা ১০০ হেন্না য়াম্না চাউখৎতনা লৈরমখি। মসিগী চাউখৎতবগী ৱাখল্লোন অসি ঐখোয়না হন্না য়েংখি অমসুং হায়রিবা জিলাশিং অসি এস্পিরেসনেল দিস্ত্রিকশিং ওইনা শেমগৎলে। য়ু.পিগী এস্পিরেসনেল দিস্ত্রিক ফতেপুরদা লাইয়েংশঙদা অঙাং পোকপগী চাং চাদা ৪৭ ওইরম্বদগী চাদা ৯১দা হেনগৎলে। মধ্য প্রদেসকী এস্পিরেসনেল দিস্ত্রিক বারৱানিদা মপুংফানা তিকা থারবা অঙাং চাদা ৪০ ওইরম্বদগী হৌজিক চাদা ৯০দা হেনগৎলে। ২০১৫দা, মহারাস্ত্রাগী এস্পিরেসনেল দিস্ত্রিক ৱাসিমদা তি.বি লাইয়েংবা ঙম্বগী চাং চাদা ৪৮ ওইরম্বদগী হৌজিক চাদা ৯০গী ময়াদা লৈরে। হৌজিক কর্নাতকাগী এস্পিরেসনেল দিস্ত্রিক য়াদগিরদা ব্রোন্দবেন্দ শম্বা গ্রাম পঞ্চায়ত মশিং চাদা ২০দগী চাদা ৮০দা হেনগৎলে। এস্পিরেসনেল দিস্ত্রিকশিংনা অপুনবা লৈবাক্কী চাংচত্তগী হেন্না ফবা পেরামিতর কয়া লৈরে। ২০১৪দা তোতি ঈশিং শম্বা করোর ৩ খক ওইরমখি অদুবু হৌখিবা চহি ৩.৫ অসিদা নৌনা তোতি করোর ৮ শম্লে। ইনফ্রাস্ত্রকচরগী মতাংদা ই-পাউ পীথোক্তবা অদু ঐখোয় লেপ্লে অমসুং অচৌবা লাল্লোং অমা ওইনা ইনফ্রাস্ত্রচর শেমগৎপা অসি অমুক হন্না ৱাখল থাদরে। ঙসিদি ভারত্তা নোংমদা কিলোমিতর ৩৮গী খোঙজেলদা হায়ৱেশিং শেমগৎলে অমসুং নুমি খুদিংগী রেল লাইন কিলোমিতর ৫ হেন্না শেমগৎলে। লাক্লিবা চহি ২দা ঐখোয়গী হিথাংফমশিং থবক তৌবা ঙম্বগী চাং ৩০০০ এম.তি.পি.এ য়ৌরগনি। ২০১৪গী মতুংদা, এয়রপোর্তশিংগী মশিং হান্না ৭৪ লৈরম্বদগী হৌজিক ১৪৭ য়ৌরে। হৌখিবা চহি ৯দা কিলোমিতর লাখ ৩.৫কী খুঙ্গংগী লম্বীশিং অমসুং কিলোমিতর লিশিং ৮০গী নেসনেল হায়ৱেশিং শেমগৎলে। চহি ৯ অসিদা লায়রবশিংগী য়ুম করোর ৩ শাখ্রে।
প্রধান মন্ত্রীনা হায়খি ১৯৮৪দগী ভারত্তা মেত্রোগী থবক লৈরকখি অদুবু ২০১৪ ফাওবদা থা অমদা মেত্রো লাইন কিলোমিতর ১.৫ খক শেমগৎখি। মদু থা অমদা কিলোমিতর ৬তা হেনগৎলে। ঙসিদি ভারত মেত্রো রুত শাংবগী লমদা ৫শুবদা লৈরে অমসুং অথুবা মতমদা ভারত ৩শুবদা লৈরগনি।
প্রধান মন্ত্রীনা হায়খি পি.এম গতিশক্তি নেসনেল মাস্তর প্লান্না ইনফ্রাস্ত্রকচর শেমগৎপা য়াংখৎহনবা খক নত্তনা লম চাউখৎহনবা অমসুং মীয়াম চাউখৎহনবদা মীৎয়েং থম্লি। গতিশক্তি প্লেতফোর্মদা ইনফ্রাস্ত্রকচর মেপ্পিংগী দেতা লেয়ার ১৬০০ হেন্না লৈরে। খ্বাইদগী তেনবা অমসুং খ্বাইদগী নুংঙাইবা লম্বী খঙদোক্নবা ভারতকী এক্সপ্রেসৱেশিং নত্ত্রগা অতোপ্পা ইনফ্রাস্ত্রকচর এ.আইগা শম্নরে। মী কুংনা তাবা অমসুং মফম অমদা লৈরিবা স্কুলশিংশু মেপ লৌবা য়ারগনি। তকশিনবা নত্ত্রগা রাজনিতিগী য়েংলবা স্কুলশিং শাবগী মহুত্তা তেক্নোলোজিশিং শীজিন্নদুনা দরকার ওইবা মফমশিংদা স্কুলশিং শাবা য়ারগনি।
প্রধান মন্ত্রীনা হায়খি মমাঙদা অতিয়াগী অয়াম্বা শরুক ঙাক-শেনগী অথিংবা থম্বদগী এরোপ্লেনশিং পন্থুংফম য়ৌবদা মতম য়াম্না লৌখি। মসিগী অৱাবা অসি কোক্নবা সরকারনা আর্মদ ফোর্সশিংগা ৱারি শান্দুনা ঙসিদি অতিয়াগী লম্বী ১২৮ সিবিল এয়ফক্রাফশিংগী হাংদোক্লে। মসিনা ফ্লাইতকী লম্বীশিং তেনশিনহল্লে অমসুং থাউ অমসুং মতম কল্লে। থবক অসিদগী কার্বোনদাইওক্সাইদ তন লাখ ১ থাদোকপা হন্থহল্লে।
প্রধান মন্ত্রীনা হায়খি ফিজিকেল অমসুং সোসিএল ইনফ্রাস্ত্রকচশিং শেমগৎনবা অনৌবা নমুনা অমা মালেমগী মমাঙদা ভারতনা থম্লে। হৌখিবা চহি ৯দা লৈবাক অসিদা কিলোমিতর লাখ ৬ হেনবগী ও.এফ.সি ফুম্লে, মোবাইল শাফম য়ুনিতশিং মশিং হেনগৎলে অমসুং লৈবাক অসিগী ইন্তরনেত দেতাগী মমল শরুক ২৫ তাদুনা মালেমদা খ্বাইদগী হোংবা ওইরে। ২০১২দা মালেমগী মোবাইল দেতা ত্রাফিক্তা ভারতনা চাদা ২ মতেং পাংখি, মসি নোংচুপলোমগী কৈথেলনা চাদা ৭৫ পুথোকপা অদুগা চাংদম্নবনি। অদুবু ২০২২দা ভারতনা মালেমগী মোবাইল দেতা ত্রাফিক্তা চাদা ২১ শরুক য়াখি। হৌজিক মালেমগী রিএল-তাইম দিজিতেল পেমেন্তশিংগী চাদা ৪০ ভারত্তা পাংথোক্লি।
মমাঙ সরকারশিংগী ‘মাই-বাপ’ কলচরগী মতাংদা প্রধান মন্ত্রীনা হায়খি সরকার পায়রিবশিংনা মখোয় মশাগী লৈবাক্তা মীয়াম মরক্তা মপুগুম্না পানখি। ‘পরিবরবাদ’ অমসুং ‘ভাই-ভাতিজাবদ’ অনিগী মরক্তা চয়েৎনবা লৈরোইদবনি। মীয়াম্না করিগুম্বা অমা তৌদ্রিঙৈ মমাঙদা সরকারদগী অয়াবা লৌবা দরকার ওইখি। মতম অদুদা সরকারনা মীয়ামদা চিংনবা মীৎয়েং য়েংখি।
প্রধান মন্ত্রীনা হায়খি মসিনা সরকার অমসুং মীয়ামগী মরক্তা থাজনদবগী ফিবম অমা পুরকখি। তি.ভি অমসুং রেদিও নত্ত্রগা হিরম অমদা হেক্তা থবক তৌনবা লাইসেন্সশিং রিনিউ তৌবা মতমদা অৱাবা কয়া থেংনখি। ২০১৪গী মতুংদা ‘সরকারনা অহানবা’ হায়বা ৱাখল্লোন অদু ‘মীয়াম্না হান্না’ হায়বা ৱাখল্লোন্দা হোঙদোক্লে। মশা মথন্থ এতেচ তৌবা য়াহল্লে, থবক মচাশিং লৌবদা ইন্তরভিয়ু তৌদ্রে, জব বিশ্বাস বিল, গরেন্তর য়াওদবা মুদ্রা লোনশিং অমসুং সরকারনা গরেন্তর ওইবা এম.এস.এম.ইশিংগী লোনগী খুদোংচাবশিং সরকারনা পীরে। থবক-থৌরম খুদিংমক্তা মীয়ামদা থাজবা থম্বা হায়বসি ঐখোয়গী লাইৱানি।
তেক্স খোমগৎপগী মতাংদা প্রধান মন্ত্রীনা হায়খি ২০১৩-১৪দা লৈবাক অসিগী অপুনবা তেক্স খোমগৎপা লুপা করোর লাখ ১১ ওইখি অদুবু ২০২৩-২৪দা লুপা করোর লাখ ৩৩ হেনগনি হায়না পানরি। হৌখিবা চহি ৯দা অপুনবা তেক্স রেভিনিউ শরুক অহুম হেনগৎলে অমসুং মসি ঐখোয়না তেক্স রেত হন্থবা মতমদা ওইবনি। থিরিবা তেক্স অদু ফজনা শীজিন্নৈ হায়বা খঙবদগী তেক্স থিরিবা মীওইশিং পুক্নিং থৌগৎলে।
মমাঙদা ইনকম তেক্স রিতর্নশিং থবক ওইনা পাংথোকপদা নুমিৎ ৯০ হেন্না চংলমখি, অদুবু চহি অসিদা ইনকম তেক্স দিপার্তমেন্তনা পুং ২৪গী মনুংদা রিতর্ন করোর ৬-৫ হেন্না প্রোসেস তৌখি অমসুং নুমিৎ খরনিগী মনুংদা রিফন্দ তৌখি।
প্রধান মন্ত্রীনা হায়খি ভারতনা নুংঙাইবা অসি মালেমগী নুঙাইবনি অমসুং ভারতনা চাউখৎপা অসি মালেমগী চাউখৎপনি। চপ মান্নবা ৱারেপশিং লৌরবা অমসুং মীওই খুদিংমক্কী অপাম্বশিং খঙনা থবক তৌরবা মতমদা মালেম অসি হেন্না নুংঙাইবা ওইরক্কনি। চৎলিবা দেকেদ অমসুং মথং চহি ২৫ অসি মমাঙদা অমুক্তা ওইখিদ্রিবা মওংদা ভারতকী থাজবা লৈরে। ‘সবকা প্রায়াস’ খক্তনা ভারতকী পান্দমশিং খোঙলৈ থুনা ফংবা ঙমগনি অমসুং ভারতকী চাউখৎপগী খোঙচত্তা মীওই খুদিংমক শরুক য়াবীয়ু। অদোম্না ভারতকী চাউখৎপগী খোঙচত্তা শরুক য়াবা মতমদা, ভারতনা অদোমগী চাউখৎপগী গরেন্তি পীগনি।
इन तीन वर्षों में पूरा विश्व बदल गया है, वैश्विक व्यवस्थाएं बदल गई हैं और भारत भी बदल गया है। pic.twitter.com/TqI0bp3eMe
— PMO India (@PMOIndia) February 17, 2023
भारत ने दुनिया को दिखाया है कि anti-fragile होने का असली मतलब क्या है। pic.twitter.com/MFo0iird8s
— PMO India (@PMOIndia) February 17, 2023
भारत ने दुनिया को दिखाया है कि आपदा को अवसरों में कैसे बदला जाता है। pic.twitter.com/lbPhux4UGT
— PMO India (@PMOIndia) February 17, 2023
हमने तय किया कि governance के हर single element को Reimagine करेंगे, Re-invent करेंगे। pic.twitter.com/fPPLjhc8de
— PMO India (@PMOIndia) February 17, 2023
हमारा focus गरीबों को empower करने पर है, ताकि वे देश की तेज़ growth में अपने पूरे potential के साथ contribute कर सकें। pic.twitter.com/yDwcHRirZu
— PMO India (@PMOIndia) February 17, 2023
वर्ष 2014 में देश में 100 से ज्यादा ऐसे districts थे जिन्हें बहुत ही backward माना जाता था।
— PMO India (@PMOIndia) February 17, 2023
हमने backward के इस concept को reimagine किया और इन जिलों को Aspirational districts बनाया। pic.twitter.com/2OntMP10Cv
हमने infrastructure के निर्माण को एक grand strategy के रूप में reimagine किया। pic.twitter.com/zyzVOjdOIk
— PMO India (@PMOIndia) February 17, 2023
आज भारत ने Physical औऱ Social Infrastructure के डवलपमेंट का एक नया मॉडल पूरे विश्व के सामने रखा है। pic.twitter.com/PCDPB4pb82
— PMO India (@PMOIndia) February 17, 2023
हमने नागरिकों पर Trust के principle पर काम किया। pic.twitter.com/K8OEu06J9R
— PMO India (@PMOIndia) February 17, 2023
