Share
 
Comments
দিজিতেল ইন্দিয়া ৱীক ২০২২গী থিম: কেতলাইজিং ন্যু ইন্দিয়াস তেকেদ
পি.এম.না ‘দিজিতেল ইন্দিয়া ভাশিনী’, ‘দিজিতেল ইন্দিয়া জেনেসিস’ অমসুং ‘ইন্দিয়াস্তেক.গ্লোবেল’ হৌদোকখ্রে; অমসুং ‘মাইস্কিম’ অমসুং ‘মেরি পেহচান’ খুৎশিন্নখ্রে
পি.এম.না চিপ্স তু স্তার্তঅপ প্রোগ্রামগী মখাদা তেংবাং পীনবা ইন্সতিত্যুত ৩০গী অহানবগী কাংলুপ লাউথোকখ্রে
“ভারতনা মরিশুবা ইন্দস্ত্রিএল রিভোল্যুসন, ইন্দস্ত্রী ৪.০দা মালেমবু লমজিংলি”
“ভারতনা ওনলাইন ওইহন্দুনা লাইন কয়া লৌথোকখ্রে”
“দিজিতেল ইন্দিয়ানা প্রজাশিংগী থোংজিলশিংদা অমসুং ফোনশিংদা সরকারবু পুরকখি”
“ভারতকী ফিনতেক্কী খোঙথাং অসি তশেংনমক মীয়ামনা, মীয়ামগী অমসুং মীয়ামগীদমক্তা পুথোকপা সোল্যুসন অমনি”
“ঐখোয়গী দিজিতেল সোল্যুসন্দা স্কেল, সেক্যুরিতী অমসুং দেমোক্রেতিক ভেল্যুশিং য়াওরি”
“ভারতনা ইলেক্ত্রোনিক্স মেন্যুফেকচরিং অসি মথংগী চহি অহুম-মরিদা দোলর বিলিয়ন ৩০০ হেন্না য়ৌহন্নবা পান্দম ফংনবা হোৎনরি
“ভারতনা চিপ তেকরদগী চিপ মেকর অমা ওইবা পাম্মি”

প্রধান মন্ত্রী, শ্রী নরেন্দ্র মোদীনা ঙসি গান্ধীনগরদা ‘কেতলাইজিং ন্যু ইন্দিয়াস তেকেদ’ হায়বা থিমদা দিজিতেল ইন্দিয়া ৱীক ২০২২ হৌদোকখ্রে। থৌরম অদুদা, প্রধান মন্ত্রীনা তেক্নোলোজী শীজিন্নবা হেনগৎহন্নবা, ইজ ওফ লিবিং ফংহন্নবা অমসুং স্তার্তঅপশিংদা অনৌবা ইনোৎ অমা হাপ্নবা সর্ভিস দেলিবরীবু স্ত্রীমলাইনিং তৌবগী পান্দমদা তোঙান-তোঙানবা দিজিতেলগী ওইবা থৌশিলশিংসু হৌদোকখি। মহাক্না চিপ্স তু স্তার্তঅপ (সি২এস) প্রোগ্রামগী মখাদা তেংবাং পীগদবা অহানবা কাংলুপকী ইন্সতিত্যুসন ৩০সু লাউথোকখি। গুজরাতকী মুখ্য মন্ত্রী, শ্রী ভুপেন্দ্রভাই পতেল, কেন্দ্রগী মন্ত্রী শ্রী অশ্বিনি বৈশনো অমসুং শ্রী রাজীব চন্দ্রসেখর, রাজ্যগী মন্ত্রীশিং, মীয়ামগী মীহুৎশিং, স্তার্তঅপশং অমসুং সেক্তর অসিগী স্তেকহোল্দরশিংনা থৌরম অসিদা শরুক য়াখি।

মীতিন অদুদা ৱা ঙাংলদুনা প্রধান মন্ত্রীনা হায়খি ঙসিগী থৌরম অসিনা ২১শুবা চহিচাদা ভারতপু মতমচা চুনবা ওইহন্নবা ইথিল অমা পীরি। দিজিতেল ইন্দিয়াগী খুত্থাংদা ভারতনা তেক্নোলোজী অসি অচুম্বা মওংদা শীজিন্নবনা মীওইবা জাতি খুমাং চাউশিনহন্নবা করম্না অওনবা পুরকখিবগে তাকখি। “চহি নিপানগী মমাংদা হৌদোকখিবা কেম্পেন অসিনা হোংলক্লিবা মতমগী ইচেলগা লোয়ননা মখোয় মশাবু খুমাং চাউশিলহল্লিবা অসিদা ঐহাক্না নুংঙাইবা পোকই”, হায়না মহাক্না ফোঙদোকখি।

প্রধান মন্ত্রীনা হায়খি, “মতমগী ইচেলগা লোয়ননা অনৌবা তেক্নোলোজী শীজিন্নদবা লৈবাক অদু মতমনা মাং থানা চৎখিদুনা চাউখৎপা ৱাৎনা লৈহৌই। ভারতনা অহুমশুবা ইন্দস্ত্রিএল রিভোল্যুসনগী মতমদা মসিগী ভিক্তিম ওইখি। অদুবু ঙসিদি ঐখোয়না চাউথোক্না হায়বা য়ারে মদুদি ভারতনা মরিশুবা ইন্দস্ত্রিএল রিভোল্যুসন, ইন্দস্ত্রী ৪.০দা মালেমবু লমজিংলি”। প্রধান মন্ত্রীনা হীরম অসিদসু গুজরাতনা মাংজিল থারি হায়না থাগৎখি।

হৌখিবা চহি ৮-১০গী মমাংদা ওইরম্বা ফীভম অদু নীংশিংলদুনা প্রধান মন্ত্রীনা হায়খি বর্থ সর্তিফিকেৎ, বিল থিবা, রাসন, মিং চনবা, ফল হাইদোকপা অমসুং বেঙ্কশীংদা লাইন লেপলমখিবা অদু ভারতনা ওনলাইন তৌদুনা লাইন পুম্নমক লৌথোকখি। সর্তিফিকেৎ, রিজর্বেসন, বেঙ্কিং অসিনচিংবা সর্ভিস কয়ামরুম এক্সেসিবল ওইহল্লি, খোঙজেল য়াংহল্লি অমসুং শেল চংহন্দে। মসিগা মান্নবা মওংদা দাইরেক্ত বেনিফিত ত্রান্সফরগী মখাদা তেক্নোলোজীগী খুত্থাংদা হৌখিবা চহি ৮ অসিদা বেনিফিসরীশিংগী একাউন্তশিংদা হকথেংননা লুপা করোর লাখ ২৩ হেন্না ত্রান্সফর তৌখি। তেক্নোলোজী অসিনা মরম ওইদুনা লৈবাক অসিগী লুপা করোর লাখ ২গা লিশিং ২৩ অরানবা তৌবশিংগী খুত্তা থাখিগদবদগী কলহৌবা ঙমখি” হায়না দিজিতেল ইন্দিয়ানা শেঞ্জা-থুমজা লাকশিনবদা লৌখিবা থৌদাংগী মতাংদা ফোঙদোকখি। মহাক্না হায়খি দিজিতেল ইন্দিয়ানা সরকার অসিবু প্রজাশিংগী য়ুমথোংশিংদা অমসুং ফোনশিংদা পুরকপা ঙমহনখি। মহাক্না হায়, কম্মন সর্ভিস সেন্তর অমসুং গ্রামীন স্তোর লাখ ১.২৫ হেনবনা হৌজিক ই-কম্মর্সপু ভারতকী খুঙ্গংদা পুরক্লি। মসিগা মান্ননা খুঙ্গংগী লন-থুমশিংগী মতিক চানা চে-চাংশিং তেক্নোলোজী শীজিন্নদুনা ফংহল্লি।

লাইচৎ মনুংদা তেক্নোলোজী শীজিন্নবগী মতাংদা প্রধান মন্ত্রীনা হায়খি মদুদি হৌখিবা চহি নিপান্দা লৈবাক অইদা দিজিতেল ইন্দিয়ানা শক্তি পীদুনা কোরোনাগী মালেমগী লাইচৎ অসি লাকশিনবদা ভারতকী চাউনা মতেং পাংখি। “ঐখোয়না শুপ্নগী ক্লিক অমদা লৈবাক অসিগী নুপী, লৌমী অমসুং শিন্মী করোর কয়াগী বেঙ্ক একাউন্তশিংদা লুপা করোর লিশিং কয়া ত্রান্সফর তৌখি। ৱান নেসন ৱান রাসন কার্দকী মতেংগা লোয়ননা ঐখোয়না ইরৈবাকচা করোর ৮০ হেনবদা লেম্না রাসন ফংহনখি”। ঐখোয়না মালেমগী খ্বাইদগী চাউবা অমসুং খ্বাইদগী কান্নরবা কোবিদ ভেক্সিনেসন অমসুং কোবিদ রিলিফ প্রোগ্রাম চত্থখি। ঐখোয়গী কোৱিন প্লেৎফোর্মগী খুত্থাংদা ভেক্সিন দোজ করোর ২০০ কাপখি অমসুং সর্তিফিকেৎশিং ফংহনখি, হায়না প্রধান মন্ত্রীনা ফোঙদোকখি।

মখা তানা প্রধান মন্ত্রীনা হায়খি, “ভারতকী ফিনতেককী খোঙথঅং অসি তশেংনমক মীয়াম্না শাবা, মীয়ামগী, মীয়ামগীদমক্তা সোল্যুসন অমনি। মসিদা য়াওরিবা তেক্নোলোজী অসি ভারতকী মশাগী হায়বদি মীয়ামনা শাবনি। ইরৈবাকচাশিংনা মসিবউ মখোয়গী পুন্সিগী শরুক অমা ওইহনখি হায়বদি মীয়ামগী। মসিনা লৈবাক অসিগী ত্রাঞ্জেক্সনশিং লায়থোকহনখি হায়বদি মীয়ামগীদমক্তা”। মালেমগী থাক্তা তৌরিবা দিজিতেল ত্রাঞ্জেক্সনগী চাদা ৪০দি ভারত্তা তৌরি হায়না প্রধান মন্ত্রীনা মখা তাখি। মহাক্না হায়খি, “ঐখোয়গী দিজিতেল সোল্যুসনশিংদা স্কেল, সেক্যুরিতী অমসুং দেমোক্রেতিক ভেল্যুশিং য়াওরি”।

প্রধান মন্ত্রীনা লাক্কদৌরিবা চহি ৪-৫ অসিদা ইন্দস্ত্রী ৪.০গীদমক নহারোল লাখ ১৪-১৫ স্কিলিং, অপস্কিল অমসুং রিস্কিলিং তৌবা মীৎয়েং চংনবা হায়খি। মহাক্না হায়, “স্পেস, মেপ্পিং, দ্রোনশিং, গেমিং অমসুং এনিমেসন ওইরবসু, দিজিতেল তেক্নোলোজীগী তুংলমচৎ চাউখৎহল্লিবা অসিগুম্বা সেক্তর কয়া ইনোভেসনগীদমক থোং হাংখি। ইন-স্পেস অমসুং অনৌবা দ্রোন পোলিসী অসিগুম্বা প্রোবিজনশিং অসিনা দিকেদ অসিগী তুংদা লাক্কদবা চহিশিংদা ভারতকী তেক পোতেন্সিএলদা অনৌবা ইনর্জী পীরগনি।”

প্রধান মন্ত্রীনা হায়খি, “ঙসি ভারতনা ইলেক্ত্রোনিক্স মেন্যুফেকচরিংবু মথংগী চহি অহুম-মরিদা দোলর বিলিয়ন ৩০০ হেন্না য়ৌহনবা ঙম্নবা পান্দম থম্লি। ভারতনা চিপ তেকরদগী চিপ মেকর অমা ওইবা পাম্মি। সেমিকন্দক্তরশিং পুথোকপা হেনগৎহন্নবা ভারত্তা ইনভেস্তমেন্ত খোঙজেল য়াংনা হেনগৎলক্লি”।

প্রধান মন্ত্রীনা দিজিতেল ইন্দিয়া কেম্পেন অসিনা মশাদা অনৌবা দাইমেন্সনশিং হাপচিল্লগনি অমসুং লৈবাক অসিগী প্রজাশিংগী শেবা তৌগনি হায়না থাজবা ফোঙদোকখি।

হৌদোকখিবা থৌশিলশিংগী অকুপ্পা মরোলশিং:

‘দিজিতেল ইন্দিয়া ভাশিনী’না ভোইস-বেজদ এক্সেস য়াওনা ভারতকী লোলশিংদা ইন্তর্নেত এক্সেস অমসুং দিজিতেল সর্ভিসশিং য়াম্না লায়না ফংহল্লগনি, অমসুং ভারতকী লোলশিংদা কন্তেন্ত শেম্বদা মতেং পাংগনি। ভারতকী লোলশিংগীদমক্তা এ.আই.-বেজ লেংগ্বেজ তেক্নোওলোজী সোল্যুশনশিং শেম্নবা মরু ওইবা থৌদাং লৌগদৌরিবা অসি তোঙান-তোঙানবা লোলশিংগী দেতাসেতশিং শেম্বা অসিনা ওইগদোরিবনি। দিজিতেল ইন্দিয়া ভাশিনী অসিনা ভাশাদান কৌবা ক্রাওদসোর্সিং ইনিসিয়েতিব অসিগী খুত্থাংদা মসিগী দেতাসেতশিং অসি শেমগৎপদা মশিং য়াম্লবা প্রজা কয়া মসিদা থবক তৌবা য়াহনগদৌরিবনি।

‘দিজিতেল ইন্দিয়া জেনেসিস’ (ইনোভেতিব স্তার্তঅপশিংগীদমক্তা জেন-নেক্স সপ্পোর্ত) – ভারতকী তায়র II অমসুং তায়র-III শহরশিংদা স্তার্তঅপশিং থিদোক্নবা, সপ্পোর্ত তৌনবা, চাউখৎহন্নবা অমসুং মাইপাকহন্নবা নেস্নেল দীপ-তেক স্তার্তঅপ প্লেতফোর্ম অমনি। স্কীম অসিগীদমক্তা পুন্না লুপা করোর ৭৫০গী শেনফম অমা কাইথোক্লগনি।

‘‌ইন্দিয়াস্তেক.গ্লোবল’সু –আধার, য়ু.পি.আই., দিজিলোকর, কোৱিন ভেক্সিনেশন প্লেতফোর্ম, গোবর্নমেন্ত ই-মার্কেতপ্লেস (জি.ই.এম.), দিক্ষা প্লেতফোর্ম অমসুং আয়ুশ্মান ভারত দিজিতেল হেল্থ মিসনগুম্বা ইন্দিয়া স্তেক্কী মখাদা পাইখৎলকপা মরু ওইবা প্রোজেক্তশিংগী গ্লোবল রিপোজিতরী অমনি। গ্লোবল পব্লিক দিজিতেল গুদস রিপোজিতরীদা ভারত খুদোল তৌরিবা অসিনা ভারত অসিবু পোপুলেশন স্কেলদা দিজিতেল ত্রান্সফোর্মেশন প্রোজেক্তশিং শেমগৎপদা লুচিংবা অমা ওইবদা মতেং পাংগদৌরিবনি অমসুং অসিগুম্বা তেক্নোলোজী সোল্যুশনশিং পাম্লিবা অতোপ্পা লৈবাকশিংদা য়াম্না চাউনা মতেং পাংগদৌরিবনি।

‘মাইস্কীম’ – সরকারগী স্কীমশিংদা ফংহনবদা মতেং পাংগদবা সর্ভিস দিসকোবরি প্লেতফোর্ম অমনি। মসিনা ৱান-স্তোপ সর্চ পীবা অমসুং য়ুজরশিংদা মখোয়না মতিক চাবা স্কীমশিং ফংহনগদৌরিবা দিসকোবরী পোর্তল অমা পীনবগী পান্দম থম্লি। মহাক্না প্রজাশিংদা ‘মেরি পেহচান’- নেস্নেল সিঙ্গল সাইন ওন ফোর ৱান সিতিজন লোগিন অসিসু কত্থোক্লগনি। নেস্নেল সিঙ্গল সাইন ওন (এন.এস.এস.ও.) অসি য়ুজর ওথেন্তিকেশন সর্ভিসনি, মসিদা ক্রিদেন্সিয়েল অমখক্না ওনলাইন এপ্লিকেশন নত্রগা সর্ভিস কয়া অমদা এক্সেস ফংহল্লগনি।

সি.২এস. প্রোগ্রামনা বেচলরশিং, মাস্তর্শিং অমসুং রিসর্চকী থাক্তা সেমিকন্দক্তর চিপ্সকী দিজাইন তৌবগী হিরমদা হৈথোই-শিংথোইরবা মীওইশিংবু ত্রেনিং পীনবগী পান্দম থম্লি অমসুং লৈবাক অসিগী সেমিকন্দক্তরগী দিজাইন তৌবদা য়াওরিবা স্তার্ত-অপশিংবু চাউখৎনবগীদমক মখোয়না কেতলিস্ত অমা ওইনা থৌ পাঙথোক্কনি। মসিনা ওর্গনাইজেশনগী থাক্তা তাকপী-তম্বীরগনি অমসুং ইনস্তিত্যুশনশিংদা দিজাইনগীদমক মতম অসিগী খ্বাইদগী নৌবা ফেসিলিতীশিং ফংহল্লগনি। মসি সেমিকন্দক্তরদা য়াম্না অরিংবা দিজাইন ইকোসিস্তেম অমা শেম্নবা ভারতকী সেমিকন্দক্তর মিসনগী শরুক অমা ওইরিবনি।

গান্ধীনগরদা পাঙথোক্কদৌরিবা দিজিতেল ইন্দিয়া ৱীক ২০২২ অসিদা জুলাই ৪দগী ৬ ফাওবা ফিজিকেল ইভেন্তশিং য়াওগনি। থৌরম অসিনা দিজিতেল ইন্দিয়াগী কুমওন পাঙথোক্লগনি অমসুং পব্লিক দিজিতেল প্লেতফোর্মশিং খুদম ওইনা আধার, য়ু.পি.আই., কোৱিন, দিজিলোকর অসিনচিংবা অসিনা করম্না প্রজাশিংদা ইজ ওফ লিবিং ফংহনবগে হায়বদু উৎলগনি। মসিনা গ্লোবল ওদিয়ন্সতা তেক্নোলোজীগী লমদা ভারতনা কয়া য়াম্না চাউখৎলবগে হায়বদু উৎলগনি, স্তেকহোল্দর কয়া অমগা চুংশিন্নদুনা অমসুং বিজনেসকী খুদোংচাবা কয়া অমসু এক্সপ্লোর তৌরগনি, অমসুং নেক্সজেনগীদমক্তা তেকেদকী খুদোংচাবা অদু উৎলগনি। মসিদা স্তার্তঅপশিং অমসুং সরকার, ইন্দস্ত্রী অমসুং একাদেমিয়াদগী লুচিংবশিংনা শরুক য়ারগনি। হিংবদা লাইহল্লিবা দিজিতেল সোল্যুশনশিং অমসুং ভারতকী য়ুনিকোর্নশিং অমসুং স্তার্তঅপশিংনা পুথোকপা সোল্যুশনশিং উৎকদৌরিবা স্তোল ২০০ হেন্না য়াওবা দিজিতেল মেলা অমসুং শিল্লগনি। দিজিতেল ইন্দিয়া ৱীক অসিদা জুলাই ৭তগী ৯ ফাওবা ভর্চুএল মোদতা ইন্দিয়া স্তেক নোলেজ এক্সচেঞ্জসু পাঙথোক্লগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
Today's India is an aspirational society: PM Modi on Independence Day

Popular Speeches

Today's India is an aspirational society: PM Modi on Independence Day
India at 75: How aviation sector took wings with UDAN

Media Coverage

India at 75: How aviation sector took wings with UDAN
...

Nm on the go

Always be the first to hear from the PM. Get the App Now!
...
Social Media Corner 15th August 2022
August 15, 2022
Share
 
Comments

Citizens across the nation heartily celebrate 75th Year of Indian Independence.