Share
 
Comments
“ঐখোয়না ২০১৪গী মমাংদা লৈরম্বা খুদোংচাদবশিং, শীংনবশিং অদু অমমমতা ওইনা ৱারোইশিন পুরক্নবা লম্বী য়াৎখিবনা মরম ওইরগা বেঙ্কশিংগী ফাইনান্সিএল হেল্থ হৌজিক্তি ফীভম য়াম্না ফগৎলে”
“লৈবাক অসিগী শেন্মীৎলোন্দা অনৌবা ইনোৎ অমা হাপ্নবা, অচৌবা থৌনা অমা পীনবা, ভারতপু আর্মনির্ভর ওইহন্নবা অচৌবা থৌদাং অমা লৌনবা ভারতকী বেঙ্কশিংগী মপাঙ্গল অদুক্কী মতিক কল্লে”
“মসি অদোম্না ৱেল্থ ক্রিএতরশিং অমসুং জোব ক্রিএতরশিংবু শৌগৎনবগী তানফম অমা ওইরি। ভারতকী বেঙ্কশিংনা হৌজিক মখোয়গী বেলেন্স শীতশিংগা লোয়ননা ৱেল্থ শীত হেনগৎহন্নবা প্রোএক্তিব ওইনা থবক তৌবা মথৌ তারি”
“বেঙ্কশিংনা মখোয়না এপ্রুভর ওইরি অমসুং কস্তমরনা এপ্লিকেন্ত ওইরি নত্ত্রগা মখোয়না গীভর ওইরি অমসুং কস্তমরনা রিসিভর ওইরি হায়বগী ৱাখল্লোন অসি থাদোকপা অমসুং মখোয়না পার্তনরশিপকী মোদেল পাইখৎপা মথৌ তাই”
“লৈবাক অসিনা ফাইনান্সিএল ইনক্লুজনদা কন্না হোৎনরিবা মতম অসিদা প্রজাশিংগী প্রদক্তিব পোতেন্সিএল অনলোক তৌবা য়াম্না মরু ওই”
“নীংখা তম্বগী ‘অমৃত কাল’ অসিদা ভারতকী বেঙ্কিং সেক্তরনা অচৌবা ৱাখল্লোন অমসুং ইন্নোভেতিব ওইবা এপ্রোচকা লোয়ননা মাংদা চংশিনহনগনি”

প্রধান মন্ত্রী, শ্রী নরেন্দ্র মোদীনা ভিদিও কনফরেন্সকী থোংদা অপনবা লৈতবা ক্রেদিত ফ্লো অমসুং ইকনোমিক গ্রোথ লৈহন্নবগী সীনর্জীশিং লৈহনবা’ হায়বগী মতাংদা পাঙথোকপা কনফরেন্সকী লোইশিনবগী সেসন্দা ৱা ঙাংখ্রে।

মীতিন অদুদা ৱা ঙাংলদুনা প্রধান মন্ত্রীনা হায়খি সরকান হৌখিবা চহি ৬-৭ অসিদা বেঙ্কিং সেক্তরদা পুরকখিবা রিফোর্মশিং, বেঙ্কিং সেক্তরবু হীরম খুদিংমক্তা মতেং পাংখিবা অসিনা মরম ওইরগা লৈবাক অসিগী বেঙ্কিং সেক্তরবু মপাঙ্গল য়াম্না কলহল্লি। মহাক্না হায়খি মদুদি বেঙ্কশিংগী ফাইনান্সিএল হেল্থ অসি হৌজিক্তি ফীভম য়াম্না ফগৎলে। প্রধান মন্ত্রীনা হায়খি ২০১৪গী মমাংদা লৈরম্বা খুদোংচাদবশিং, শীংনবশিং অদু অমমমতা ওইনা ৱারোইশিন পুরক্নবা লম্বী য়াৎখি। “ঐখোয়না এ.পি.এ.শিংগী সমস্যা কোকহনখি, বেঙ্কশিং রিকেপিতেলাইজ তৌখি, মখোয়গী মপাঙ্গল কনখৎহনখি। ঐখোয়না আই.বি.সি.গুম্বা রিফোর্মশিং পুরকখি, আইন কয়াবু শেমদোকখি, দেব রিকভরী ত্রিব্যুনেল এম্পাৱর তৌখি। কোরোনাগী মতমদা লৈবাক অসিদা দেদিকেতেদ এসেত মেনেজমেন্ত ভর্তিকল অমসু শেমখি” হায়না শ্রী মোদীনা ফোঙদোকখ্রে।

প্রধান মন্ত্রীনা হায়খি ঙসি, “লৈবাক অসিগী শেন্মীৎলোন্দা অনৌবা ইনোৎ অমা হাপ্নবা, অচৌবা থৌনা অমা পীনবা, ভারতপু আর্মনির্ভর ওইহন্নবা অচৌবা থৌদাং অমা লৌনবা ভারতকী বেঙ্কশিংগী মপাঙ্গল অদুক্কী মতিক কল্লে। ঐহাক্না তাঙ্কক অসি ভারতকী বেঙ্কিং সেক্তরদা মরু ওইবা পন্দুপ অমনি হায়না লৌরি”। হৌখিবা চহি খরা অসিদা লৌখৎখিবা খোঙথাংশিংনা বেঙ্কশিংগী মপাঙ্গল কনবা কেপিতেল বেজ অমা শেমখি। বেঙ্কশিংদা লিক্বিদিতী মরাং কাইনা লৈ অমসুং পব্লিক সেক্তর বেঙ্কশিংদা লৈরিবা এন.পি.এ. অসি হৌখিবা চহি মঙাদা খ্বাইদগী তাবা ওইবনা মরম ওইরগা এন.পি.শিংগী প্রোভিজনিংদা বেলোগ অমত্তা লৈতে। মসিনা ইন্তর্নেস্নেল এজেন্সীশিংনা ভারতকী বেঙ্কশিংদা য়েংবা মীৎয়েং অদু অপগ্রেদ তৌহনখি হায়না প্রধান মন্ত্রীনা ফোঙদোকখি।  প্রধান মন্ত্রীনা মসি মরু ওইবা পন্দুপ অমা ওইবগী মথক্তা তাঙ্কক অসি অহৌবা তানফম অমসু ওইরি হায়না ফোঙদোক্লদুনা হায় বেঙ্কিং সেক্তরনা ৱেল্থ ক্রিএতরশিং অমসুং জোব ক্রিএতরশিংবু শৌগৎকদবনি। “ভারতকী বেঙ্কশিংনা হৌজিক মখোয়গী বেলেন্স শীতশিংগা লোয়ননা ৱেল্থ শীত হেনগৎহন্নবা প্রোএক্তিব ওইনা থবক তৌবা মথৌ তারি”, হায়না প্রধান মন্ত্রীনা ফোঙদোকখ্রে।

প্রধান মন্ত্রীনা কস্তমরশিংবু প্রোএক্তিব ওইনা শেবা তৌবগী মথৌ তাবা অদু পল্লদুনা বেঙ্কশিংনা কস্তমরশিং, কম্পনীশিং অমসুং এম.এস.এম.ই.শিংদা মখোয়গী মথৌ তাবশিং নৈনরবা মতুংদা কস্তমাইজ তৌরবা সোল্যুসনশিং পীনবা হায়খ্রে। প্রধান মন্ত্রীনা বেঙ্কশিংদা মখোয়না এপ্রুভর ওইরি অমসুং কস্তমরনা এপ্লিকেন্ত ওইরি নত্ত্রগা মখোয়না গীভর ওইরি অমসুং কস্তমরনা রিসিভর ওইরি হায়বগী ৱাখল্লোন অসি থাদোকপা অমসুং মখোয়না পার্তনরশিপকী মোদেল পাইখৎপা মথৌ তাই হায়না খঙহনখি। মহাক্না বেঙ্কিং সেক্তনা জন ধন স্কীম ইম্প্লিমেন্ত তৌবদা লৌখিবা থৌদাং অদুবু থাগৎপা ফোঙদোকখ্রে।

বেঙ্কশিংনা স্তেকহোল্দর পুম্নমক্না চাউখৎপদা অপেনবা পোক্কদবনি অমসুং মখোয়গী গ্রোথ স্তোরীদা প্রোএক্তিব ওইনা য়াওগদবনি হায়না প্রধান মন্ত্রীনা ফোঙদোকখ্রে। মহাক্না পি.এল.আই. স্কীম অসি খুদম ওইনা পীখি, মসিদা সরকারনসু ভারতকী মেন্যুফেকচর্র ওইরিবশিংনা মখোয়গী কেপাসিতী অদু শরুক কয়া থোক্না হেনগৎহনবা, মখোয় মশাবু গ্লোবেল কম্পনী অমা ওইহনবা মথৌ তাই, মসিগীদমক সরকারনা প্রদক্সনগী ওইবা ইন্সেন্তিব অমা মখোয়দা পীরি। বেঙ্কশিংনা মখোয়গী মতেং অমসুং হৈশিংবগী খুদোংথাংদা প্রোজেক্তশিং ভাইএবল ওইহন্নবা অচৌবা থৌদাং অমা লৌবা য়াই, হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় লৈবাক অসিদা লাকখিবা অচৌবা অহোংবশিং অমসুং ইম্প্লিমেন্ত তৌখিবা স্কীমশিং অসিনা মরম ওইরগা লৈবাক অসিদা দেতাগী অচৌবা পুল অমা শেমখি। প্রধান মন্ত্রীনা হায়খি মসিগী কান্নবা অসি বেঙ্কিং সেক্তরশিংনা লৌগদবনি। মহাক্না পি.এম. আৱাজ য়োজনা, স্বামিত্ব অমসুং স্বনিধিগুম্বা ফ্লেগশিপ স্কীম অসিনা পীরিবা খুদোংচাবশিং অদু হায়খি অমদি বেঙ্কশিংনা স্কীমশিং অসিদা শরুক য়ান্নবা অমসুং মখোয়গী থৌদাং লৌনবসু খঙহনখি।

ফাইনান্সিএল ইনক্লুজন্ন অপুনবদা পীরিবা শাফু অসিগী মতাংদা ৱা ঙাংলদুনা শ্রী মোদীনা হায়খি ঙসি লৈবাক অসিনা ফাইনান্সিএল ইনক্লুজন্দা কন্না হোৎনরিবা মতম অসিদা প্রজাশিংগী প্রদক্তিব পোতেন্সিএলবু অনলোক তৌবা য়াম্না মরু ওই। মহাক্না খুদম অমা পীরদুনা হায়খি বেঙ্কিং সেক্তরগী মশাগী ওইবা রিসর্চ অমনা জন ধন একাউন্তশিং হেন্না লৈবা রাজ্যশিংদা ক্রাইম তৌবগী চাং অসি হন্থথৈ হায়না উৎখি। মসিগা চপ মান্না প্রধান মন্ত্রীনা হায়খি ঙসি কোর্পোরেৎশিং অমসুং স্তার্ত-অপশিংনা মাংদা থোরক্লিবা চাং অসি মমাংদা অমুক্তা ওইখিদ্রি। অসিগুম্বা ভারতকী অনীংবা-অপাম্বশিংবু মপাঙ্গল কনখৎহন্নবা, ফন্দ তৌনবা, মখোয়দা ইনভেস্ত তৌনবা মসিদগী হেন্না ফবা তাঞ্জা লৈখিগদ্রা? হায়না প্রধান মন্ত্রীনা ফোঙদোকখ্রে।

প্রধান মন্ত্রীনা বেঙ্কিং সেক্তরদা জাতিগী ওইবা পান্দমশিং অমসুং ৱাশকশিংগা লোয়ননা মখোয়গা শাগোন্নদুনা মাংদা চংশিন্নবা হায়খ্রে। মহাক্না মন্ত্রালয়শিং অমসুং বেঙ্কশিং অমত্তা ওইনা পুনশিন্নবা ৱেব বেজ প্রোজেক্ত ফন্দিং ত্রেকরগী প্রপোজ তৌখিবা থৌরাং অদুবু থাগৎপা ফোঙদোকখ্রে। করিগুম্বা মসি গতিশক্তি পোর্তেলদা ইন্তর্ফেস অমা ওইনা হাপ্লবদি মদুনা হেন্না কান্নগনি হায়না মহাক্কী ৱাখল্লোন ফোঙদোকখি। নীংখা তম্বগী ‘অমৃত কাল’ অসিদা ভারতকী বেঙ্কিং সেক্তরনা অচৌবা ৱাখল্লোন অমসুং ইন্নোভেতিব ওইবা এপ্রোচকা লোয়ননা মাংদা চংশিন্নবা মহাক্না অপাম্বা ফোঙদোকখ্রে।

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
পি.এম.না ‘পরিক্সা পে চর্চা ২০২২’গীদমক্তা শরুক য়ানবগীদমক্তা চেবাউ পীরকখ্রে
Explore More
পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল

Popular Speeches

পি.এম.না উত্তর প্রদেশকী বারানসীদা কাশী বিশ্বনাথ ধাম শঙ্গাবদা থমখিবা ৱারোল
Income Tax refunds worth Rs 1.62 lakh crore issued so far this fiscal

Media Coverage

Income Tax refunds worth Rs 1.62 lakh crore issued so far this fiscal
...

Nm on the go

Always be the first to hear from the PM. Get the App Now!
...
PM pays tributes to Lala Lajpat Rai on his Jayanti
January 28, 2022
Share
 
Comments

The Prime Minister, Shri Narendra Modi has paid tributes to Lala Lajpat Rai on his Jayanti.

In a tweet, the Prime Minister said;

"पंजाब केसरी लाला लाजपत राय को उनकी जयंती पर सादर नमन। स्वतंत्रता आंदोलन में उनके साहस, संघर्ष और समर्पण की कहानी देशवासियों के लिए सदैव स्मरणीय रहेगी।"