প্রধান মন্ত্রী শ্রী নরেন্দ্র মোদীনা ঙসি ভিএন্তাইন, লাও PDRদা পাঙথোকপা ASEAN-India সম্মিতকী সাইদলান্সতা নিউ জীলেন্দকী প্রাইম মিনিস্তর H.E. মিস্তর খ্রিস্তোফর লক্সোনগা উনখ্রে। মসিনা লুচিংবা অনিসিনা উনবা অহান্বনি।
প্রধান মন্ত্রী অনিনা ত্রেদ অমসুং ইনভেস্তমেন্ত, দিফেন্স অমসুং সিক্যুরিতী, রিনিউএবল ইনর্জী, এজুকেসন, দেরী, এগ্রি-তেক, শান্ন-খোৎনবা, তুরিজম, স্পেস, অমসুং মীগা মীগগী মরক্তা লৈনরিবা মরী য়াওনা হীরম কয়াদা নাকল অনিগী লৈনরিবা মরী মপাঙ্গল কনখৎহন্নবা লম্বীশিং খন্নখি। তোয়না অৱাংবা থাক্তা পাউ ফাওনবনা নাকল অনিগী মরীদা খোঙজেল হাপ্লি হায়না মখোয়না ফোঙদোক্নখি। হীরমসিগী মতাঙদা, মখোয়না কুইদ্রিঙৈদা নিউ জীলেন্দকী প্রেসিদেন্তনা ভারত্তা লাকখিবা খোঙচৎপু নীংশিংখি অমসুং মদু চাউনা মায় পাকখিবা অমনি হায়বা য়ানখি।
প্রধান মন্ত্রীনা ইন্তরনেস্নেল সোলার এলাইএন্সতা নিউ জীলেন্দনা য়াওনবা লৌরিবা ফিরেপ্পু তরাম্না ওকখি।
প্রধান মন্ত্রী অনিদুনা মায়কৈ কয়া পুন্বা ফোরমশিংদা লৈনরিবা তেংবাংনবগী মরী হেন্না মপাঙ্গল কনখৎহন্নবা খোঙফম চেৎশিনমিন্নহনখি অমসুং ইন্দিয়া-নিউ জীলেন্দকী মরীবু হেন্না চেৎশিলহন্নবা ফিরেপ লৌমিন্নখি।
প্রধান মন্ত্রীনা প্রাইম মিনিস্তর লক্সোনবু নাকল অনিগী খুদোংচাগদবা নুমিৎ অমদা ভারত্তা লাক্নবা ৱাফম থমখি, ৱাফমদু মহাক্নসু য়াখি।
