প্রধান মন্ত্রী, শ্রী নরেন্দ্র মোদীনা ঙসি তোক্যোদা পাংথোকখিবা ২৫শুবা সম্মর দেফলীম্পিক্স ২০২৫দা ভারতকী দেফলীম্পিয়নশিংদা মখোয়গী থোইদোক-হেন্দোকপা পর্ফোমেন্সকীদমক থম্মোয় শেংনা নুংঙাইবা ফোংদোকখ্রে।
পুৱারী ওইরবা খ্বাইদগী য়াম্বা মেদল মশিং ওইরিবা গোল্দ মেদল ৯ য়াওনা মেদল ২০ ফংদুনা ঐখোয়গী শান্নরোয়শিংনা অমুক্কা হন্না উৎখ্রে মদুদি অচেৎপা ফিরেপ অমসুং কত্থোকপা অমগা লোইননা হোৎনরবদি ময়ামদগী থোইদোক-হেন্দোক্না শিংথানিংঙাই ওইরবা মহৈ অমা ফংবা ঙম্মি ।
প্রধান মন্ত্রীনা শান্নরোই, কোচ অমসুং সপোর্ত স্তাফ খুদিংমকপু মখোয়গী নিংহন্নবা লৈতনা হোৎনখিবশিং অমসুং অচেৎপা ফিরেপ অদুগীদমক থাগৎপা ফোংদোকখি। মহাক্না হায়খি মদুদি মালেমগী থাক্তা ভারতকী মিংচৎ পুরকখিবা মখোয়গী মাইপাকপশিং অদুগীদমক লৈবাক পুম্বনা চাউথোকচরি।
শ্রী মোদীনা Xকী পোস্ত অমদা অসুম্না ইখি:
“তোক্যোদা পাংথোকখিবা ২৫শুবা সম্মর দেফলীম্পিক্স ২০২৫দা ঐখোয়গী দেফলীম্পিয়নশিংনা থোইদোক-হেন্দোকপা পর্ফোমেন্স অমা উৎলকপগীদমক থম্মোয় শেংনা থাগৎপা ফোংদোকচরি। পুৱারী ওইরবা খ্বাইদগী য়াম্বা মেদল মশিং ওইরিবা গোল্দ মেদল ৯ য়াওনা মেদল ২০ ফংদুনা ঐখোয়গী শান্নরোইশিংনা অমুক্কা হন্না উৎখ্রে অচেৎপা ফিরেপ অমসুং কত্থোকপা অমগা লোইননা হোৎনরবদি ময়ামদগী থোইদোক-হেন্দোক্না শিংথানিংঙাই ওইরবা মহৈ অমা ফংবা ঙম্মি। শান্নরোই, কোচ অমসুং সপোর্ত স্তাফ পুম্নমকপু থাগৎপা ফোংদোকচরি। লৈবাক পুম্বনা ময়াম পুম্নমকপু চাউথোকচরি!”
Heartiest congratulations to our Deaflympians for their extraordinary performance at the 25th Summer Deaflympics 2025 in Tokyo. With a historic best-ever medal tally of 20 medals including 9 Golds, our athletes have once again proven that determination and dedication can lead to… pic.twitter.com/J6O7iNC4ps
— Narendra Modi (@narendramodi) November 27, 2025
