প্রধান মন্ত্রী শ্রী নরেন্দ্র মোদীনা ভারত্তা দোলর ত্রিলিয়ন ৫গী ইকোনোমীগী পান্দম অদু ফংনবগীদমক স্তেক হোল্দর পুম্নমক্তা পুন্না হোৎনমিন্ননবা হায়খ্রে।
প্রধান মন্ত্রীনা তোঙান তোঙানবা সেনিয়র ইকোনোমিস্তশিং, প্রাইভেৎ ইক্বিইতী/ভেঞ্চর কেপিতেলিস্তশিং, মেনুফেকচরিং, ত্রাবেল অমসুং তুরিজম, এপরেল অমসুং এফ.এম.সি.জি., এনালাইতিকশিং, এগ্রিকলচর, সাইন্স অমসুং তেক্নোলোজী অমসুং ফাইনান্সকী লমদা সবজেক্ত এক্সপার্তশিংগা লোয়ননা উন্নদুনা ৱারী শানখি।
মীফম অসি প্রি-বজেৎ এক্সর্সাইজকী শরুক ওইনা ঙসি নই দিল্লীদা নীতি আয়োগতা পাংথোকখি।
প্রধান মন্ত্রীনা হায়খি মদুদি পু্ং অনী চত্থখিবা খন্ন-নৈনখিবা অসিনা গ্রউন্দদা মীয়াম অমসুং মখোয়গী মরী লৈনবা লমশিংদা থবক তৌরিবা মখোয়শিং অদুগী এক্সপরিয়েন্স অদু মাংদা পুরকপদা মহাক নুংঙাইবা ফাওই।
মহাক্না হায়খি মদুদি মসিনা পোলিসী শেম্লিবশিং অমসুং তোঙান তোঙানবা স্তেকহোল্দরশিংগী মরক্তা খুদোংচাবা হেঙ্গৎহল্লগনি।
প্রধান মন্ত্রীনা হায়খি মদুদি দোলর ত্রিলিয়ন ৫গী ইকোনোমীগী ৱাখল্লোন অসি খুদক্তা দিবেলপ তোরকপা নত্তে অমদি মসি লৈবাক্কী পাঙ্গল শক্তিবু মমুৎ তানা খঙবদা য়ুমফম ওইবনি।
প্রধান মন্ত্রীনা হায়খি মদুদি তুরিজম, অর্বান দিবেলপমেন্ত, ইনফ্রাস্ত্রকচর অমসুং এগ্রিদা য়ুমফম ওইবা ইন্দস্ত্রীগুম্বা সেক্তরশিংদা ইকোনোমীবু মাংলোমদা পুখৎনবা অমসুং এম্প্লোইমেন্ত জেনরেসনগীদমক অচৌবা পোতেন্সিয়েল অমা লৈরি।
প্রধান মন্ত্রীনা হায়খি মদুদি মসিনা সমাজদা পোজিতিব মুদ অমা অমসুং “কেন দু” স্পিরিৎসু থৌগৎলগনি।
মহাক্না হায়খি, “ঐখোয় পুন্না থবক তৌমিন্নগদবনি অমসুং জাতি অমগুম খনবা হৌগদবনি”
খন্ন-নৈনবা অদুদা শরুক য়াখিবা মীহুৎ ৩৮ অদুগী মরক্তা শ্রী শঙ্কর অচার্য, শ্রী আর. রঙ্গরাজ, শ্রীমতী ফর্জানা আফ্রিদিগুম্বা ইকোনোমিস্তশিং, ভেঞ্চর কেপিতেলিস্ত শ্রী প্রদিপ শাহ, ইন্দস্ত্রেলিস্ত শ্রী অপ্পারাও মালাভারাপু, শ্রী দীপ কার্লা, শ্রী পতঞ্জলি গোবিন্দ কেস্বানি, শ্রী দীপক সেথ, শ্রী শ্রীকুমার মিশ্রা, সবজেক্ত এক্সপার্তশিং শ্রী অশিশ ধৱন অমসুং শ্রী শিব সরিন য়াওখি।
মীফম অদুদা গৃহ মন্ত্রী শ্রী অমিত শাহ, রোদ ত্রান্সপোর্ত অমদি হায়ৱেজ অমসুং এম.এস.এম.ই.গী কেন্দ্রগী মন্ত্রী শ্রী নিতিন গাদকরি, রেলৱেজ অমসুং কম্মর্স মন্ত্রী শ্রী পিয়ুশ গোয়ল অমসুং এগ্রিকলচর অমসুং ফার্মর্স ৱেলফেয়র অমদি রুরেল দিবেলপমেন্ত, পঞ্চায়তি রাজকী মন্ত্রী শ্রী নরেন্দ্র তোমার, তোঙান তোঙানবা মন্ত্রালয়শিংদগী সেক্রেতরীশিং, নীতি আয়োগকী ভাইস-চেয়ারমেন শ্রী রজিব কুমার অমসুং নীতি আয়োগকী সি.ই.ও. শ্রী অমিতাব কান্তনা শরুক য়াখি।
