Share
 
Comments

প্রধান মন্ত্রীনা ঙসি রাস্ত্রপতি ভবন্দা পাংথোকপা নেস্নেল কমিতীগী অনিশুবা মীফমদা ৱা ঙাংখ্রে।

মীফম অদু ইকায় খুম্নজরিবা রাস্ত্রপতি জীনা প্রিসাইদ তৌবিখি। মীফম অদুদা শরুক য়াখিবশিংগী মনুংদা ইকায় খুম্নজরিবা উপ-রাস্ত্রপতি, য়ুনিয়ন কেবিনেতকী মীহুৎশিং, তোঙান তোঙানবা রাজ্যশিংগী মুখ্য মন্ত্রীশিং, শক্নাইরবা গান্ধীয়ানশিং অমসুং অতোপ্পশিং য়াওনা নেস্নেল কমিতীগী অতোপ্পা মীহুৎশিংনা শরুক য়াখি। পোর্তুগলগী প্রধান মন্ত্রী শ্রী এন্তোনিয়ো কোস্তা, কমিতীগী মীহুৎ ওিইরিবা অমত্তা ঙাইরবা মীরমগী প্রধান মন্ত্রীনসু মীফম অদুদা শরুক য়াখি।

মহাক্কী ৱারোলদা ইকায় খুম্নরিবা রাস্ত্রপতি জীনা প্রধান মন্ত্রীগী মীৎয়েং মখাদা থবক তৌরিবা একজিক্যুতিব কমিতীবু রাস্ত্রপিতাগী ১৫০শুবা থৌরম পালনবু ‘জন অন্দলোন’দা ওন্থোকপগা লোয়ননা প্রধান মন্ত্রীনা স্বচ্ছ ভারতগুম্বা ইনিসিয়েতিবশিংদা মশামক্না লুচিংদুনা থবক পায়খৎপা অমদি সিঙ্গল য়ুজ প্লাস্তিক মুত্থৎনবগী মায়কৈদা থবক তৌবগী থোংদা মহৌশাগী ফিভম ঙাক্তুনা থম্নবগীদমক মহাত্মনা তাকপী তম্বীরম্বশিং অদু পাক শন্না শন্দোকপগীদমক থাগৎপা ফোংদোকখি।

প্রধান মন্ত্রীনা সংস্কৃতী মন্ত্রালয়না লেংবা কোমেমোরেতিব এক্তিভিতীজদা লাইরিক অমা অমসুং মপাল থৌরম পুবা মন্ত্রালয়না লেংবা এন্থোলোজী ওন গান্ধীজীসু রিলিজ তৌখি অমসুং রাস্ত্রপতিগী মফমদা খুদোল তমখি। এন্থোলোজীদা মালেম পুম্বদগী লাকপা মীওই ১২৬না গান্ধীজীগী তিচিংদা মখোয়গী এক্সপরিয়েন্সশিংদা ইরি। মীফম অদুগী মনুংদা ‘গান্ধী@১৫০’গী গ্লোবেল সেলেব্রেসনগী শরুক ওইনা লৌখৎলিবা কোমেমোরেতিব এক্তিবিতীশিংদা অতেনবা ফিল্ম অমা উৎখি।

থৌরম অদুদা ৱা ঙাংলদুনা প্রধান মন্ত্রীনা জন ভাগিদারীগীদমক মহাত্মা গান্ধীগী ৱাখল্লোন শন্দোক্লিবা অদুগুম্লবা কোমেমোরেতিব প্রোগ্রাম অমা শেমগৎপদা মতেং পাংবগীদমক অহানবা মীফমগী মীহুৎশিংগী সজেসনশিং তরাম্না ওকখি।
প্রধান মন্ত্রীনা হায়খি মদুদি ঙসি মালেম অসিনা গান্ধীবু খঙনবগীদমক খৌরাংনা ঙাইরি অমসুং মহাকপু লৌশিন্নবগীদক থৌরাং তৌরি। মরম অদুনা মহাত্মা অমসুং মহাক্কী মীৎয়েংগা মরীলৈনবশিং মালেম পুম্বদা নীংশিংহন্দুনা থম্বা অসি ভারতকী থৌদাংনি।

প্রধান মন্ত্রীনা পোর্তুগালগী প্রধান মন্ত্রীবু ভারত অমসুং পোর্তুগাল অনিমক্তা কোমেমোরেতিব এক্তিবিতীশিংদা চহী কয়া থৌদাং য়াবিবগীদমক থাগৎপা ফোংদোকখি।

প্রধান মন্ত্রীনা ফোংদোকখি মদুদি ‘গান্ধী@১৫০’ অসি চহী অমা খক্তগী প্রোগ্রাম নত্তে। নাগরিক পুম্নমক্না মখোয়গী পুন্সীদা গান্ধীগী ৱাখল্লোন অমসুং মীৎয়েংবু পুক্নিংদা লৌশিনবা অমসুং লাক্কদৌরিবা মতমশিংদা মসিবু মাংলোমদা পুখৎপা দরকার ওই। প্রধান মন্ত্রীনা লোকেলগী পোত্থোক লৈনবা নাগরিক পুম্নমক্কী মফমদা লাল কিলাদগী পীখিবা পাউজেল অদু অমুক হন্না নীংশিংখি। পাউজেল অসি ২০২২ ফাওবা হিংহন্দুনা থমদুনা লৈবাক অসিনা নিংতম্বগী ৭৫শুবা চহী পালন পাংথোক্নবা মহাক্না নাগরিকশিংদা তকশিনখি। করিগুম্বা মীপুম খুদিংমক্না লম্বী অসিদা চৎলবা অমসুং পুকচেল শেংনা মশাগী মথৌ পাংথোক্লগদি ভারতকী মংলান মংফাওনরগনি হায়বগা লোয়ননা মহাক্কী ৱারোল লোইশিনখি। 

 
Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Cotton exports to jump 20 pc in 2020-21 season: CAI

Media Coverage

Cotton exports to jump 20 pc in 2020-21 season: CAI
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 16 এপ্ৰিল, 2021
April 16, 2021
Share
 
Comments

Modi Govt continuously working for farmers' benefits as wheat procurement has gained pace, farmers Getting MSP in their bank accounts

Citizen highlighted that New India is reforming, performing and transforming