প্রধান মন্ত্রীনা রাস্ত্রপতি ত্রম্পকা লৈরিবা মরুপ মপাং ওইবগী মরী অসিবু থাগৎখ্রে
প্রধান মন্ত্রীনা য়ুক্রেনগী লান অসিগী শান্তি ওইবা ৱারোইশিন অমা পুরক্নবা মাইকৈদা লৌখৎলিবা রাস্ত্রপতি ত্রম্পকী থৌশিলশিংদা ভারতনা শৌগৎলি ফোংদোকখ্রে
প্রধান মন্ত্রী শ্রী নরেন্দ্র মোদীদা য়ুনাইতেদ স্তেৎস ওফ অমেরিকাগী রাস্ত্রপতি, ঐচ.ই. শ্রী দোনাল্দ জে. ত্রম্পনা তেলিফোন তৌরকখ্রে।
রাস্ত্রপতি ত্রম্পনা প্রধান মন্ত্রী মোদীগী 75শুবা মপোক নুমিৎকী য়াইফ-পাউজেল পীরকখ্রে। প্রধান মন্ত্রীনা রাস্ত্রপতি ত্রম্পতা থাগৎপা ফোংদোকখ্রে অমসুং মহাক্কী মরুপ-মপাং ওইবগী মরীবু শীংথাখ্রে।
লুচিংবা অনিনা ইন্দিয়া-US কমপ্রিহেন্সিব গ্লোবেল স্ত্রেতেজিক পার্তনরশিপ হেন্না চেৎশিনহন্নবা মখোয়গী ফিরেপশিং অমুক হন্না ফোংদোকখ্রে।
মখোয়না তোঙান-তোঙানবা রিজেনেল অমসুং গ্লোবেল দিবেলপমেন্তশিংদা ৱাখল্লোনশিংসু ফোংদোক্নখ্রে। প্রধান মন্ত্রীনা য়ুক্রেনগী লানগী শান্তি ওইবা ৱারোইশিন অমা পুরক্নবা মাইকৈদা লৌখৎলিবা রাস্ত্রপতি ত্রম্পকী থৌশিলদা ভারতনা শৌগৎকনি ফোংদোকখ্রে।
লুচিংবা অনিনা মখা তানা পাও ফাওননবা য়ানখ্রে।
