পি.এম.না য়ুক্রেনগী লান অসিদা শান্তি ওইনা ৱারোইশিন পুরক্নবা ভারতনা মপুং ফানা মতেং পাংগনি হায়না অমুক হন্না ফোংদোকখ্রে
চহি অসি লোইরকপদা ভারত্তা রাস্ত্রপতি পুতিনবু তরাম্না ওক্নবা পি.এম.না আশা তৌরি
প্রধান মন্ত্রী শ্রী নরেন্দ্র মোদীদা রসিয়ন ফেদরেসনগী রাস্ত্রপতি, ঐচ.ই. শ্রী ভ্লাদিমির পুতিননা ঙসি তেলিফোন তৌরকখ্রে।
রাস্ত্রপতি পুতিননা প্রধান মন্ত্রীগী 75শুবা মপোক নুমিৎনা লাকপদা মহাক্কী য়াইফ-পাউজেল পীরকখ্রে। প্রধান মন্ত্রীনা মহাক্কী য়াইফ-পাউজেল অমসুং মতম শাংনা লৈরক্লবা মরুপ ওইবগী মরী অসিদা থাগৎপা ফোংদোকখ্রে।
লুচিংবা অনিমক্না 23শুবা ইন্দিয়া-রসিয়া এন্যুএল সম্মিৎকীদমক বাইলেতরেল এজেন্দাগী তোঙান-তোঙানবা হীরমশিং য়েংশিনখ্রে। প্রধান মন্ত্রীনা চহি অসি লোইরকপদা ভারত্তা রাস্ত্রপতি পুতিনবু তরাম্না ওক্নবা আশা তৌরি ফোংদোকখ্রে।
প্রধান মন্ত্রীনা য়ুক্রেনগী লান অসিগী শান্তি ওইনা ৱারোইশিন পুরক্নবগীদমক ভারতনা মপুং ফানা মতেং পীগনি হায়না অমুক হন্না ফোংদোকখ্রে।
লুচিংবা অনিনা মখা তানা পাও ফাওন্দুনা লৈনবা য়ান্নখ্রে।
