ঙসি রাষ্ট্রপতি শ্রীমতি দ্রৌপতি মুর্মু অমসুং প্রধান মন্ত্রী শ্রী নরেন্দ্র মোদী ময়ুরভঞ্জ জিলাগী পহাদপুর খুঙ্গংদা চৎখ্রে। রাষ্ট্রপতি অমসুং প্রধান মন্ত্রীনা শন্থালি জহেরা অমসুং হো জহেরাগী শেংলবা লাইশঙদা লাই খুরুমখ্রে অমসুং স্কিল সেন্তর অমসুং পহাদপুর স্কুলদা চৎখ্রে। উরিসা সরকার চহি ২ মপুংফারকপগী ময়ুরভঞ্জগী রাইরঙ্গপুরদা পাংথোকপা থৌরম অমদা রাষ্ট্রপতি অমসুং প্রধান মন্ত্রী শরুক য়াখ্রে। থৌরম অদুগী থিমদি “বিকাস রা ধারা, উরিসা সারা” হায়বনি। প্রধান মন্ত্রীনা লুপা করোর ৪৭,৬০০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে।
উরিসাগী মীয়ামদা য়াইফ পাউজেল পীরদুনা, প্রধান মন্ত্রী মোদীনা হায়খি মদুদি ময়ুরভঞ্জগী মমিং চৎলবা বারিপদা রথ যাত্র য়াওনা, হন্দক লোইশিনখিবা রাজা ফেষ্টিবেল অমসুং পাংথোক্নবা শেম-শারিবা ভগবান জগনাথকী শেংলবা রথ যাত্রগা লোয়ননা, কুহ্মৈগী ৱাখল্লোন্দা রাজ্য অসি হৌজিক লৈরি। রাজ্য অসিদা বি.জে.পিনা লুচিংবা সরকার চহি ২ মপুংফারকপদা উরিসাগী মীয়ামদা হরাওবা ফোঙদোক্লদুনা, প্রধান মন্ত্রীনা হায়খি মদুদি দবল ইঞ্জিন সরকারনা রাজ্যগী চাউখৎপগী খোঙজেল য়াংখৎহল্লি অমসুং য়াইফ থৌরাংগী স্কিমশিং, শেন থাদবা, উদ্যোগ চাউখৎহনবা অমসুং থবক ফংনবা খুদোংচাবশিং পীদুনা মীচম মীয়ামগী পুন্সিদা অওনবা পুরক্লে।
পন্দিৎ রঘুনাথ মুর্মু, শন্থালি লোলগী ওল চিকি ময়েক পুথোকপা দোক্তর দমায়ান্তি বেসরা অমসুং শ্রী চরন হেমব্রম য়াওনা উরিসাগী শক্নাইরবা মীওইশিংদা প্রধান মন্ত্রীনা ইকায়খুম্নবা উৎখি। মহাক্না হায়খি মদুদি শন্থালি লোলদা ভারতকী সংবিধান পুথোকপা য়াওনা, শন্থালি লোল অমসুং নাৎ য়োকখৎনবা অমসুং ঙাক-শেন্নবা ভারত সরকারনা থবক কয়া পায়খৎলি।
রাষ্ট্রপতি দ্রৌপতি মুর্মুদা মপোক নুমিৎকী য়াইফ পাউজেল পীরদুনা, প্রধান মন্ত্রীনা হায়খি মহাক ময়ুরভঞ্জগী লৈহাওদগী হৌরক্তুনা লৈবাক অসিগী সংবিধানগী খ্বাইদগী ৱাংবা ফম পায়বা আসি উরিসা অমসুং লৈবাক অসিগী য়াম্না চাউথোক্নবা মচাক অমনি। মীয়ামগী থবক তৌনবা, মীওইবগী য়াইফনবা অমসুং লৈবাক শেমগৎনবা মহাক্কী কৎথোকপা অসি থাগৎচরি। রাষ্ট্রপতিগা লোয়ননা মহাক্না পহাদপুরদা চৎখি অমসুং রাষ্টপতিগী লমজিং মখাদা লিংখৎখিবা মহৈলোয়শঙশিংদা মহৈরোয়শিংগা প্রধান মন্ত্রীগা ৱারি শানখি। প্রধান মন্ত্রীনা হায়খি মদুদি রাষ্ট্রপতি মুর্মুগী ইথিলনা ত্রাইবেল, তোল্লবা অমসুং লায়রবা কাংলুপকী অঙাংশিংগী মরক্ত থাজবা লৈহল্লে।
মরুওইবা লাউথোকপা অমদা, প্রধান মন্ত্রীনা হায়খি মদুদি পহাদপুর খুঙ্গং সোলার ভিলেজ অমা ওইনা শেমগৎলগনি, য়ুমথোং খুদিংদা সোলার পৱার ফংহল্লগনি। উরিসাগী মমিং চৎলবা কোনার্ক্ত লৈরিবা সন তেম্পলগা চাংদম্নরদুনা, পহাদপুর খুঙ্গং লৈবাক অসিগী সোলার-পৱারগী মোদেল ভিলেজ অমা ওইরগনি। চীফ মিনিষ্টর মোহন চরন মাঝিগী মখাদা উরিসাগী মাইপাকপশিং পল্লদুনা, প্রধান মন্ত্রীনা হায়খি মদুদি হিরম খুদিংমক্ত রাজ্য অসি য়াংনা চাউখৎলকপা উরে। নোংপোক ভারত চাউখৎহনবগী খুৎথাংদা ভারত চাউখৎহনবা হায়বসি কেন্দ্র সরকারগী পান্দমনি অমসুং “পুরভোদয়া” থৌশিলনা নোংপোক লমদমগী রাজ্যশিংগী তৌবা ঙম্বা কয়া থবক ওইনা পাংথোকহল্লে। রেলৱে ইনফ্রাষ্ট্রকচর, হায়ৱেশিং, ইকোনোমিক কোরিদোরশিং, হিথাংফমশিং, ইনর্জি, সেমিকন্দক্তরশিং, গ্রিন ইনর্জি অমসুং অনৌবা উদ্যোগশিংদা শেন য়াম্না থাদুনা কান্নবশিং লৌনবা কেন্দ্র অমসুং রাজ্য সরকারশিং পুন্না থবক তৌমিন্নরি। লুপা করোর ৪৭,০০০ রোমগী প্রোজেকশিংনা লম্বী-থোঙ, মীয়ামগী থবকশিং, শেন-থুমগী খুদোংচাবশিং অমসুং উরিসাগী মীয়ামগী পুন্সিগী মগুন শিংথাবা য়ানা ফগৎহনগনি। নোংপোক ভারত্ত উরিসানা চাউখৎপা অমসুং নুংঙাই য়াইফবগী থোঙ্গাল অমা ওইরে অমসুং বিকসিত ভারত অমা ওইরক্নবা মাইকৈদা চঙশিল্লিবা ভারতকী খোঙচত্ত মরুওইবা থৌদাং অমা লৌগনি।
প্রধান মন্ত্রীনা মখা তানা হায়খি মদুদি সরকারনা উরিসাগী মরাংকাইনা ফংলিবা লন-থুমশিং চাউখৎনবা অমসুং নুংঙাই য়াইফনবা খুদোংচাবশিং ওন্থোক্লে। উতকার্স উরিসাগুম্বা থবকশিংনা রাজ্য অসিদা শেন য়াম্না থাদরক্নবা অমসুং রাজ্য শীনবা থুংনা উদ্যোগ চাউখৎপা য়াংশিন্নবা পান্দম থম্লি। থবক অসিগী মখাদা, উরিসানা মাংজৌননা লুপা করোর লাখ ২০ থাদখ্রে, লোয়ননা হৌজিক লুপা করোর লাখ ৩.৫ হেনবগী অচৌবা প্রোজেকশিং পায়খৎলি। রাজ্য অসিনা মপুংফানা চাউখৎনবা মীৎয়েং চঙদুনা উদ্যোগকা চুনবা ফিবম অমা শেমগৎনবা থবকশিং লেপ্তনা পায়খৎলি।
প্রধান মন্ত্রীনা হায়খি মদুদি সমরুদ্ধা সিতি স্কিমগী খুৎথাংদা সহর শেমগৎপা য়াংখৎহনবগা লোয়ননা, পৱার সেক্তরদা লুপা করোর ৬,০০০ হেন্না থাদখ্রে। থবকশিং অসিনা লাক্লিবা চহিশিংদা অফবা ফলশিং পীরগনি। দবল ইঞ্জিন সরকার অসিনা মীয়ামগা হকথেংননা থবক তৌমিন্নরে, মখোয়গী খুদোংচাদবশিং কোক্নবা মীয়াম ওফিস অমদগী ওফিস অমদা কোইচেন চেন্দ্রে। মসিগী ফল ওইনা, নহারোলশিং, নুপীশিং, লৌমীশিং অমসুং মীচম মীয়ামগী অনিংবশিং থুংবা হেনগৎলে।
প্রধান মন্ত্রীনা হায়খি মদুদি উরিসা সরকারনা মরুওইবা য়াইফ থৌরাং কয়া পায়খৎলে। পায়খৎলিবা থবকশিংগী মনুংদা লৌমীশিংদগী কুইন্তল অমদা লুপা ৩,১০০ দা ফৌ ৱানশিনবা, সুভদ্রা য়োজনাগী মখাদা নুপী করোর অমা হেনবদা শেন্থং পীবা, অনা-লাইয়েংগী খুদোংচাবা ফংবা হেনগৎহন্নবা অয়ুস্মান ভারত চৎনহনবা, মাধো সিংহ হত খরচা য়োজনাগী মখাদা ত্রাইবেল মহৈরোয়শিং মতেং পাংবা অমসুং ভক্তগী অপাম্ব মতুংইন্না শ্রী জগনাথ লাইশঙগী থোঙ্গাল মরিমক অমুক হন্না হাংদোকপা য়াওরি। হন্দক লমদম অসিদা লু-নানবগী কেম্পেন পাংথোকখিবা অদু মহাক্না থাগৎপা ফোঙদোকখি অমসুং “লু-নানবগী খুৎথাংদা তরাম্না ওকপা” থবক অসি য়াম্না থাগৎনিঙাইনি হায়না ফোঙদোকখি।
ত্রাইবেলগী য়াইফ থৌরাং পল্লদুনা, প্রধান মন্ত্রীনা হায়খি মদুদি মহাক মতম শাংনা ত্রাইবেলগী লমদমশিংগা লোয়নদুনা লাক্লে অমসুং ত্রাইবেলশিংগী মরক্ত মতম শাংনা রাষ্ট্রপতি দ্রৌপতি মুর্মুনা থবক তৌরিক্লবা অসি খঙলে। পুৱারিদগী হৌনা ত্রাইবেলগী লমদমশিং তঙাইফদবা খুদোংচাবশিং অমসুং ইনফ্রাষ্ট্রকচর ফংদনা লাক্লি, ত্রাইবেল চাউখৎহনবা হায়বসি মহাক্কী সরকারগী মরুওইবা অমনি। ধর্তি আবা জনজাতিয়া গ্রাম উতকার্স অভিয়ানগী মখাদা, হকশেল, লাইরিক-লাইশু, লম্বী অমসুং য়ুম শাবগা মরী লৈনবা বিভাগশিংগী মখাদা ত্রাইবেল খুঙ্গংশিংগি হিংবগী থাক ৱাখৎনবা পুন্না থবক পায়খৎলি।
প্রধান মন্ত্রীনা হায়খি মদুদি রাষ্ট্রপতি মুর্মুগা খন্নদুনা পি.এম জনমন মিসন পায়খৎলকপনি অমসুং মসি পার্তিকুলারলি ভুলনেরেবল ত্রাইবেল গ্রুপস (পি ভি তি জি) গীদমক খন্ননা দিজাইন তৌবনি অমসুং মসিনা খ্বাইদগী তোল্লবা ত্রাইবেল কাংলুপশিংদা মখোয়গী থোঙজিলদা সরকারগী কান্নবশিং ফংহনবা ঙম্লে।
ত্রাইবেল নহারোলশিংগী লাইরিক-লাইশু অমসুং থবক ফংনবগী খুদোংচাবশিংগী মরুওইবা পল্লদুনা, প্রধান মন্ত্রীনা হায়খি, লৈবাক শীনবা থুংনা এক্লব্যা মোদেল রেসিদেন্সিএল স্কুল ৫০০ লিংখৎখ্রে, লোয়ননা স্কুল ৭৫০ রোম সেঙ্কসন তৌখ্রে। ত্রাইবেল মহৈরোয় করোর ১.৫ হেন্না প্রি-মেত্রিক অমসুং পোষ্ট-মেত্রিক স্কোলারশিপ ফংখ্রে। ময়ুরভঞ্জ জিলাদা অতোপ্পা জৱাহার নবোদয়া বিদলায়া অমা লিংখৎনবা অয়াবা পীরে হায়না প্রধান মন্ত্রীনা লাউথোকখি।
ত্রাইবেল মীয়াম্না মায়োক্নরিবা অনা-লাইয়েংগী খুদোংচাদবশিং পল্লদুনা, প্রধান মন্ত্রীনা হায়খি মদুদি মনুং হুঞ্জিনবা মফমশিংদা সিক্কল সেল এনিমিয়াগুম্বা লাইনা অসি অচৌবা শিংনবা অমা ওইরে। লাইনা অসিগী মায়োক্ত সরকারনা লৈবাক শীনবা থুংনা অচৌবা খোঙজং অমা হৌদোক্লে, হেল্থ কার্দ করোর ৪ হেন্না য়েন্থোকখ্রে অমসুং লেম্না লাইয়েংনবা ত্রাইবেল বেনিফিসরি লাখ কয়াদা অয়ুস্মান কার্দ ফংহনখ্রে। ত্রাইবেলগী লমদমশিং য়াওনা লৈবাক শীনবা থুংবগী য়ুমথোঙশিংদা জল জিবন মিসন্না অফবা থক্নবা ঈশিং ফংহল্লে।
মরুওইবা মাইপাকপা অনি: ২০৩৬ দা উরিসা শেমখিবগী চহি ১০০শুবা কুমওন অমসুং ২০৪৭ দা ভারতনা নিংতম্বা চহি ১০০ মপুংফারকপা অসি প্রধান মন্ত্রীনা পনখি। মহাক্না হায়খি উরিসাগী অনিংবশিং অমসুং ভারতকী অনিংবশিং মান্নরে, মপাঙ্গল কনবা উরিসা অমনা মপাঙ্গল কনবা ভারত অমদা হকথেংননা মতেং পাংগনি। লাক্লিবা জুন ২১ দা মালেমগী য়োগ নুমিৎ পাংথোক্লগনি, উরিসা অসি লৌশিং অমসুং য়োগগী চৎনবীশিংগা অচেৎপা মরী লৈনবা লমদম অমনি। মালেমগী য়োগ নুমিৎ মশিং য়াম্না শরুক য়ানবা অমসুং পুন্সিগী লম্বী অমা ওইনা য়োগ শান্নবা মহাক্না ভারত অমসুং মালেমগী মীয়ামদা হায়জখি।
লোইশিল্লকপদা, থৌরম অদুদা শঙ্গাখিবা অমসুং হৌদোকখিবা চাউখৎ-থৌরাংগী প্রোজেকশিংগীদমক প্রধান মন্ত্রী মোদীনা উরিসাগী মীয়ামদা হরাওবা ফোঙদোকখি অমসুং মহাক্কী পোক্নফম লমদমদা মহাক্কা লোয়ননা লাকপগীদমক অমসুং ময়ুরভঞ্জগী মীয়ামগা উনবদা অমুক হন্না রাষ্ট্রপতি দ্রৌপতি মুর্মু থাগৎপা ফোঙদোকখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
मैं राष्ट्रपति द्रौपदी मुर्मू जी को जन्मदिन की हार्दिक बधाई देता हूं... मैं उनके दीर्घायु होने और उत्तम स्वास्थ्य की कामना करता हूं: PM @narendramodi
— PMO India (@PMOIndia) June 20, 2026
पहाड़पुर गांव को...अब तेजी से सोलर विलेज के रूप में विकसित किया जाएगा।
— PMO India (@PMOIndia) June 20, 2026
यानि यहां हर घर में सोलर बिजली बने, इसे सुनिश्चित किया जाएगा: PM @narendramodi
केंद्र सरकार का विज़न है- पूर्वी भारत के विकास से भारत का विकास: PM @narendramodi
— PMO India (@PMOIndia) June 20, 2026
आदिवासी समाज के उत्थान के लिए हम आदिवासी युवाओं को शिक्षा और रोजगार के अवसरों से जोड़ रहे हैं।
— PMO India (@PMOIndia) June 20, 2026
इन बच्चों को पढ़ाई की बेहतर सुविधा मिले... इसके लिए देश में करीब 500 एकलव्य मॉडल स्कूल खोले गए हैं: PM @narendramodi
