ঐগী নুংশিরবা ইরৈবাকচাশিং,
ঐ নুংথিল চুপ্পা পঞ্জাবতা লৈরুরে।
দিল্লীদা হেক থুংলূগা অদোমগা হকথেংননা ৱারী শানবা অসি ঐগী ইথৌনি হায়না ঐনা খঞ্জখি।
ঙসি সুপ্রিম কোর্তনা, চহি চা কয়াগী পুৱারীগা লোইনরবা য়াম্না মরু ওইবা ৱাখৈ অমা ফোংদোকখ্রে।
লৈবাক অপুনবনা মসিগী মতাংদা নুংতিগী তাবা পামখি, মদুমক তৌখি, অমসুং ঙসি ৱাখৈ অদু পুরক্লে।
চহি লিশাং শিৎনা চৎথরকপা ৱায়েৎ অদু ঙসি লোইশিল্লে।
মরূপশা,
মালেম পুম্নমক্না ভারত অসি খ্বাইদগী চাউবা গনতন্ত্র চৎপা লৈবাক অমনি হায়না লৌনরি লোইননা মালেম অসিনা ঙসিদি ভারতকী লোকতন্ত্র অসি কয়াদা মতিং থোকপা অমদি অচেৎপা ওইবগে হায়বদুসু খঙলে।
ৱাখৈ পুরক্লবা মতুংদা মতৌ অসুম্না কাংলুপ খুদিংমক্না, লাইনীং পুম্নমক্না, লৈবাক অপুনবনা থমোই শেংনা মসিবু তরাম্না ওক্লিবা অসি ভারতকী অরিবা চৎনবী, লোনচৎ অমসুং নুংশি চান্নবগী ৱাখল্লোন অদুগী মমি তারি।
ইচিল–ইনাওশা,
ভারত অসি মসিগীদমক্তা খঙনৈ – মান্নদবা মরক্তা অপুনবা, ঙসিদি মন্ত্র অসি মপুং ফাবগা লোইননা উবা ফংলে।
চহি লিশিং কয়াগী মতুংদা কনাগুম্বনা মসিগী মান্নদবা/মখল মখা অসিদা অপুনবা, ভারতকী অসিগুম্বা থৱাই ওইরিবা অসিবু খঙগে হায়রবদি, ঙসি ঐখোয় ইশানা ইজরিবা অমদি শোঞ্জরিবা ভারতকী ঙসিগী পুৱারী ওইরবা নুমিৎ অসি, ঙসিগী থৌদোক অসিগী মতেং লৌরক্কনি।
মরূপশা,
ভারতকী জুদিসিয়রীগী পুৱারীদসু ঙসিগী নুমিৎ অসি সনাগী ময়েক্না ইদুনা লৈহৌরগনি।
মসিগী মতাংদা হিয়ারিংগী মতমদা সুপ্রীম কোর্তনা পুম্নমকপু তাখি, য়াম্না পুক্নীং চংনা তাখি অমদি অমত্তা ওইবা য়ানবা মওংদা ৱাখৈ পুরকখি। মসি অরাইবা থবক নত্তে।
ঙসি অসি পুৱারী ওইরবা নুমিৎ অমনি। মসি লৈবাক অসিগী জুদিসিয়রীগী সনাগী য়ুগ অমনি। ৱাখৈ অসি মীয়াম্না য়ানরবা অমদি থাগৎনীংঙাই ওই। অমদি সুপ্রীম কোর্তনা ৱাখৈ পুক্নবা হোৎনবা অসিদা য়াম্না থৱাই য়াওনা হোৎনখি। ঐখোয়গী দুদিসিএল সিস্তেম অসিবু ইকাই খুম্নবা উৎফম থোকই।
মরূপশা,
নবেম্বর ৯ অসি বর্লিনগী ফক্লাং কিন্থখিবা নুমিৎ অদুমক্নি। তোঙান তোঙানবা মচৎ অনিখক্না অমত্তা ওইদুনা অনৌবা ৱাশক লৌখি।
ঙসি নবেম্বর ৯ অসিমক্তদা কর্তারপুর কোরিদোর হৌদোক্লি। মসিদা ভারতনসু মতেং পাংলি, পাকিস্তান্নসু মতেং পাংলি।
ঙসি অয়োধ্যাদা ৱাখৈ পুরকপগা লোইননা, নবেম্বরৱ ৯গী তাং অসিনা ঐখোয় পুন্না মাংদা চখৎমিন্নবগী পারা অমা তম্বীরে। ঙসিগী নুমিৎ অসিগী পাউজেল অসি পুন্সিনবা অমসুং পুন্না হিংমিন্নবনি।
হিরম অসিগী মতাংদা কনাগুম্বগী থমোইদা করিগুম্বা মখলগী করিগুম্বা চিংনবা লৈরম্লবসু মদু অরোইবা মথৌ পাংথোক্নবগী নুমিৎ অদুনি।
অনৌবা ভারত্তা চিংনবা, য়েংথিনবা, অরানবা ৱাখল্লোনগী মফম অমত্তা লৈতে।
মরূপশা,
সুপ্রীম কোর্তকী ঙসিগী ৱাখৈ অসিনা লৈবাক অসিদা পাউজেল অসিসু পীরি মদুদি লুবদগী লুরবা ৱাফম ফাওবগী পাম্বৈ অসি সংবিধানগী মনুংদা য়াওই, কাংলোনগী মনুংদা য়াওই।
ঐখোয়না ৱাখৈ অসিদগী মসি তমজগদবনি মদুদি থেংজরবসু, খাংবা কনবা অসিনা খ্বাইদগী অচুম্বা অদু ওই।
ফিভম খুদিংমক্তা ভারতকী সংবিধান, ভারতকী জুদিসিয়রী সিস্তেম অসিদা ঐখোয়গী থাজবা লেংদনা থম্লি, মসি য়াম্না মরু ওইবা ৱাফম্নি।
মরূপশা,
সুপ্রীম কোর্তকী ৱাখৈ অসিনা ঐখোয়গী অনৌবা অয়ুক অমা পুদুনা লাক্লে।
চয়েৎনবা অসিদা মীরোল কয়াগী ইথিল চংজরবসু, ৱাখৈ অসিগী মতুংদা ঐখোয় ৱাশক অসি শকপা তাই মদুদি হৌজিক অনৌবা মীরোল, অনৌবা থাক্তগী ন্যু ইন্দিয়া অসি শেমগৎকনি।
লাকপীরো অনৌবা অহৌবা অমা পাংথোক্লসি।
হৌজিক অনৌবা ভারত অমা শেমগৎলসি।
ঐখোয়না ঐখোয়গী থাজবা অমদি চাউখৎপা অসি, ঐগা চৎমিন্নরিবা অদুনা শোৎথহৌবা ওইদ্রে হায়বসিদা লেপকদবনি।
ঐখোয়না পুম্নমক্কা লোইননা, পুম্নমক্কী চাউখৎহনবা পুরক্তুনা অমসুং থাজবা ফংবগা লোইননা মাংদা চখৎকদবনি।
মরূপশা,
রাম মন্দির শাবগী ৱাখৈ অসি লুপ্রীম কোর্তনা পীরে।
হৌজিক লৌবাক অসিগী মীপুম খুদিংমক্তা লৈবাক শেমগৎপগী থৌদাং অসি হেন্না থোংগৎলে।
মসিগা লোইননা, নাগরিক অমা ওইনা ঐখোয় পুম্নমক্কীদমক্তা লৈবাক অসিগী জুদিসিয়রী সিস্তেম অসিবু ঙাকপা, কাংলোনগী ইকাই খুম্নবা, মসিগী থৌদাং অসিসু হেনগৎলে।
হৌজিক খুন্নাইগীদমক্তা, ভারত মচা খুদিংমক্না মখোয়গী থৌদাং, মখোয়গী মথৌ অদু মরু ওইবা ওইনা লৌদুনা থবক তৌগদবনি।
ঐখোয়গী মরক্তা নুংশি চান্নবা, ঐখোয়গী অপুনবা, ঐখোয়গী ইংথবা অসি লৈবাক অসি চাউখৎনবগীদমক য়াম্না মরু ওই।
ঐখোয় তুংলমচৎতা য়েংগদবনি, তুংলমচৎকী ভারতকীদমক্তা থবক তৌদুনা লৈগদবনি।
ভারতকী মাংদা, শিংনবা কয়া অমসুং লৈরি,
পান্দম কয়া অমসুং লৈরি, পন্থুং কয়াসু লৈরি।
ভারত মচা খুদিংমক্না,
পুন্সিন্নরবা, পুন্না চৎমিন্নরবতদা পান্দম অদু ফংবা ঙমগনি,
পন্থুং অদুদা য়ৌগদৌরিবনি।
জয় হিন্দ!
अयोध्या फैसले पर संबोधन- आज सुप्रीम कोर्ट ने एक ऐसे महत्वपूर्ण मामले पर फैसला सुनाया है, जिसके पीछे सैकड़ों वर्षों का एक इतिहास है।पूरे देश की ये इच्छा थी कि इस मामले की अदालत में हर रोज़ सुनवाई हो, जो हुई, और आज निर्णय आ चुका है: PM @narendramodi
— PMO India (@PMOIndia) November 9, 2019
फैसला आने के बाद जिस प्रकार हर वर्ग ने, हर समुदाय ने, हर पंथ के लोगों ने,
— PMO India (@PMOIndia) November 9, 2019
पूरे देश ने खुले दिल से इसे स्वीकार किया है, वो भारत की पुरातन संस्कृति,
परंपराओं और सद्भाव की भावना को प्रतिबिंबित करता है: PM @narendramodi
भारत की न्यायपालिका के इतिहास में भी आज का ये दिन एक स्वर्णिम अध्याय की तरह है।
— PMO India (@PMOIndia) November 9, 2019
इस विषय पर सुनवाई के दौरान सुप्रीम कोर्ट ने सबको सुना, बहुत धैर्य से सुना और सर्वसम्मति से फैसला दिया: PM @narendramodi
