মার্চ ৮, ইন্তরনেস্নেল ৱুমেন্স দেদা প্রধান মন্ত্রী শ্রী নরেন্দ্র মোদী রাজস্থানগী ঝুনঝুনুদা চৎকনি। অঙাং নুপীমচাশিংবু কন্নবা অমসুং মহৈ তমহন্নবা সরকারগী অনৌবা খোংথাংশিং অদু পুক্নিং থৌগৎলদুনা প্রধান মন্ত্রীনা বেতী বচাও বেতী পঢ়াও প্রোগ্রামগী পান-ইন্দিয়া এক্সপান্সন হৌদোক্কনি, মদুনা লৈবাক অসিদা হৌজিক বি বি বি পি চৎথরিবা জিলা ১৬১দগী জিলা ৬৪০ য়ৌরগনি।
প্রোগ্রাম অসিনা কান্নবা ফংলবা মমাশিং অমসুং অঙাং নুপীমচাশিংগা উন্নদুনা প্রধান মন্ত্রীনা ৱারি শান্নগনি। বেতী বচাও বেতী পঢ়াও প্রোগ্রামগী মখাদা খ্বাইদগী ফজনা মথৌ তৌরিবা জিলাশিং অদুদা মহাক্না সর্তিফিকেৎশিং য়েন্থোক্কনি। শিংথানিঙাই ওইরবা অতোপ্পা অনৌবা খোংথাংদা, প্রধান মন্ত্রীনা ঝুনঝুনুদগী লৈবাক শিনবা থুংনা নেস্নেল ন্যুত্রিসন মিসন, এন এন এম হৌদোক্লগনি। মহাক্না এন এন এম-আই সি দি এস কমন এপ্লিকেসন সোফতৱেয়ার হৌদোক্কনি। মিসন অসিনা অন্দর-ন্যুত্রিসন অমসুং লো বর্থ ৱেথ হন্থহন্নবা, অঙাং মচাশিং, নুপীশিং অমসুং মপুং ফারক্লবী নুপীমচাশিংগী মরক্তা এনেমিয়াগী চাং হন্থহন্নবা পান্দম থম্লি।
