প্রধান মন্ত্রী শ্রী নরেন্দ্র মোদীনা ওক্তোবর ১১, ২০২৫ গী অয়ুক পুং ১০:৩০ রোম তাবদা ন্যু দিল্লিদা ইন্দিয়ান এগ্রিকলচরেল রিছার্স ইন্সতিতুৎতা লৌউ-শিংগী অখন্নবা থৌরম অমা শরুক য়াগনি। প্রধান মন্ত্রীনা লৌমীশিংগা ৱারি শানগনি অমসুং তুংদা মীয়ামগী থৌরম অমা শরুক য়াগনি অমসুং মহাক্না থৌরম অদুদা মীয়ামদা ৱা ঙাংগনি।
লৌমীশিং য়াইফনবা, লৌউ-শিংউদা মশা মরোমদোম লেপচবা ঙম্নবা অমসুং খুঙ্গংগী ইনফ্রাষ্ট্রকচর ফগৎনবা প্রধান মন্ত্রীনা পীখিবা থাজবা থবক ওইনা পাংথোকপনা থৌরম অসিগী মরুওইবনি। মতমগা চুনবা লৌউ-শিংউগী থবকশিং য়োকখৎপা, লৌমীশিং শৌগৎপা অমসুং লৌমীশিংগী য়াইফনবা পায়খৎলিবা থবকশিংগী শিংথানিঙাই ওইরবা মাইপাকপশিং হরাওবা ফোঙদোকপনা থৌরম অসিগী মরুওইবা ওইগনি।
প্রধান মন্ত্রীনা লুপা করোর ৩৫,৪৪০ গী শেনফম অমা কাইথোক্লবা, লৌউ-শিংউগী হিরমদা অচৌবা স্কিম অনি হৌদোক্কনি। প্রধান মন্ত্রীনা লুপা করোর ২৪,০০০ গী শেনফম অমা কাইথোক্লবা পি.এম ধন ধন্য কৃষি য়োজনা হৌদোক্কনি। স্কিম অসিগী পান্দমদি লৌউ-শিংউগী পোৎথোক হেনগৎহনবা, মহৈ-মরোং মখল কয়া থাবা অমসুং তুংকোইনা চৎনবা য়াবা লৌউ-শিংউগী থবকশিং পাংথোকপা হেনগৎহনবা, পঞ্চায়ত অমসুং ব্লোক থাক্ত লৌক্লবা মহৈ-মরোংশিং লীবা হেনগৎহনবা, ইথৈ-লৌখোঙগী থবক ফগৎহনবা অমসুং খনগৎলবা জিলা ১০০ দা অশাংবা অমসুং অতেনবা মতমগী শেন্থং ফংহনবনি।
প্রধান মন্ত্রীনা লুপা করোর ১৪,৪৪০ গী শেনফম অমা কাইথোক্লবা হৱায়শিংগী অত্মনির্ভরতা মিসন হৌদোক্কনি। হৱায়শিংগী পোৎথোক হেনগৎহন্নবা, হৱায় থারিবা লম হেনগৎহন্নবা অমসুং ভেলু চেন- লৈবা, লিদুনা থম্বা, শেম-শাবা অমসুং মাঙবা হন্থহন্নবা মিসন অসিনা পান্দম থম্লি।
প্রধান মন্ত্রীনা লৌউ-শিংউ, শা-ষন লোইবা, ঙা য়োকপা অমসুং চীঞ্জাক শেম-শাবগী হিরমশিংদা লুপা করোর ৫,৪৫০ রোমগী প্রোজেকশিং শঙ্গাগনি অমসুং মীয়ামদা কৎথোক্কনি অমসুং লুপা করোর ৮১৫ রোমগী অহেনবা প্রোজেকশিংগী উরেপ-উয়ুং তমগনি।
প্রধান মন্ত্রীনা শঙ্গাগদৌরিবা প্রোজেকশিংগী মনুংদা বেঙ্গালুরু অমসুং জম্মু অমসুং কাস্মিরদা আর্তফিসিএল ইন্সেমিনেসন ত্রেনিং সেন্তর; অমরেলি অমসুং বানাসতা সেন্তর ওফ এক্সলেন্স; রাষ্ট্রিয়া গোকুল মিসনগী মখাদা অসামদা আই.ভি.এফ লেব লিংখৎপা; ইন্দোরগী মেহসানা অমসুং ভিলৱারাদা মিল্ক পাউদর প্লান্তশিং; অসামগী তেজপুরদা প্রধান মন্ত্রী মৎস্য শম্পদা য়োজনাগী মখাদা ফিস ফিদ প্লান্ত; এগ্রো-প্রোসেসিং ক্লষ্টরশিংগী ইনফ্রাষ্ট্রকচর, ইন্তেগ্রেতেদ কোল্দ চেন অমসুং ভেলু এদিসন ইনফ্রাষ্ট্রকচর অমসুং অতৈ কয়া য়াওরি।
প্রধান মন্ত্রীনা উরেপ-উয়ুং তমগদৌরিবা প্রোজেকশিংগী মনুংদা অন্ধ্র প্রদেসকী কৃষ্ণদা ইন্তেগ্রেতেদ কোল্দ চেন অমসুং ভেলু এদিসন ইনফ্রাষ্ট্রকচর; উত্তরখন্দা ত্রাউত ফিসরিজ; নাগালেন্দদা ইন্তেগ্রেতেদ এক্বা পার্ক; পুদুচেরিগী করাইকালদা ইন্তেগ্রেতদ ফিসিং হর্বর; অমসুং উরিসাগী হিরাকুদতা অনৌবা ইন্তেগ্রেতেদ এক্বাপার্ক য়াওরি।
থৌরম মনুংদা প্রধান মন্ত্রীনা নেসনেল মিসন ফোর নেচরেল ফার্মিংগী মখাদা শকখঙলবা লৌমীশিং, মাইত্রি তেক্নিসিয়ানশি অমসুং প্রধান মন্ত্রী কিষান সমরিদ্ধী কেন্দ্রশিং ওনখৎলবা প্রাইমারি এগ্রিকলচর কোওপরেতিপ ক্রেদিদ সোসাইতিশিং অমসুং কম্মন সর্বিস সেন্তরশিংদা সর্তিফিকেদশিং য়েন্থোক্কনি।
এফ.পি.ও ১০,০০০ দা লৌমী লাখ ৫০ মেম্বর ওইরকপা, মসিগী মনুংদা ২০২৪-২৫ দা এফ.পি.ও ১,১০০ গী চহিগী তর্নওভর লুপা করোর ১ য়ৌবা য়াওনা সরকারগী থবকশিংগী মখাদা মরুওইবা মাইপাকপশিং থৌরম অসিদা ইকায়খুম্নবা উৎকনি। অতোপ্পা মাইপাকপশিংগী মনুংদা নেসনেল মিসন ফোর নেচরেল ফার্মিংগী মখাদা লৌমীশিং ৫০,০০০ সর্তিফিকেদ পীবা; মাইত্রি (মল্তি-পর্পজ এ.আই তেক্নিসিয়ান্স ইন রুরেল ইন্দিয়া) ৩৮,০০০ সর্তিফিকেদ পীবা; মল্তিপর্পজ অমসুং ই-পেক্স ১০,০০০ হেন্না কম্পুতরাইজ তৌনবা সেঙ্কসন তৌবা অমসুং পি.এ.সি.এস, দাইরি অমসুং ফিসরিজ কোওপরেতিপ সোসাইতিশিং শেম্বা অমসুং ফগৎহনবা য়াওরি। প্রধান মন্ত্রী কিষান সমরিদ্ধী কেন্দ্রশিং অমসুং কম্মসন সর্বিস সেন্তরশিং ওইনা থবক তৌদুনা পি.এ.সি.এস ১০,০০০ হেনবনা থবক মখল কয়া পাংথোক্লে।
থৌরম মনুংদা, প্রধান মন্ত্রীনা লৌউ-শিংউ, শা-ষন লোইবা অমসুং ঙা য়োকপদা ভেলু চেন্দা য়ুম্ফম ওইবা থৌরাং অমা পায়খৎনবা পান্দম থমদুনা সরকারগী তোঙান তোঙানবা স্কিমশিংগী কান্নবা ফংলবা লৌমীশিং অমসুং হৱায় থাবা লৌমীশিংগা ৱারি শানগনি। হায়রিবা লৌমীশিং অসি ফার্মর প্রদুসর ওর্গনাইজেসনশিংগী (এফ পি ও) মেম্বর ওইরে অমসুং এগ্রিকলচর ইনফ্রাষ্ট্রকচর ফন্দগী মখাদা মতেং ফংলে।
