প্রধান মন্ত্রী শ্রী নরেন্দ্র মোদীনা ২০১৮গী জুন ২১দা দেহরাদুন্দা পাংথোক্কদৌরিবা ৪শুবা ইন্তর্নেস্নেল যোগ দে সেলেব্রেসনলুচীংলগনি।
প্রধান মন্ত্রীনা হিমালয়গী তমপাক্তা লৈরিবা ফোরেস্ত রিসর্স ইন্সতিত্যুৎ, দেহরাদুনগী লমপাক্তা যোগ অসন পাংথোক্লিবা ভোলুন্তিয়র লিশিং কয়াগা শরুক য়ামিন্নগনি।
থৌরম অসিবু মার্ক তৌরদুনা মালেমগী মফম কয়াদা যোগগা মরি লৈনবা থৌরমশিং পাংথোক্লি।
মমাংদা প্রধান মন্ত্রীনা যোগ সেলেব্রেসনশিংদা শরুক য়াখ্রে মখোয় অদুদি ২০১৫দা ন্যু দিল্লীগী রাষ্ট্রপতি ভবন, ২০১৬তা চান্দিগরগী কেপিতোল কমপ্লেক্স অমসুং ২০১৭তা লখনৌগী রমাবাই অম্বেদকর সভা স্থলনি।
থৌরম অসিনা লাকপদা মালেমগী মফম পুম্নমক্তা লৈরিবা যোগবু পামজবা মীওইশিংদা য়াইফ পাউজেল পীরদুনা প্রধান মন্ত্রীনা হায়খি মদুদি যোগ অসি থাইনগী ভারতকী লাইনীংবশিংনা মীওইবা জাতিদা তম্বীরম্বা অতাংবা খুদোল অমনি।
প্রধান মন্ত্রীনা হায়খি, “যোগ অসি হকচাংবু ফিৎ ওইনা থম্নবা হকচাং শাজেলগী সেৎ অমখক্তা নত্তে। মসি ফিৎনেস অমসুং ৱেলনেসতা মরু ওইরিবা হেল্থ এসুরেন্সকী পাসপোর্ত অমনি। নহাক্না অয়ুক্তা প্রেক্তিস তৌরিবা অদু খক্তা যোগ নত্তে। নহাক্কী নোংমগী নথৌদাং অদু অইন কনবগা লোয়ননা পাংথোক্লিবা অমদি মপুং ফাবা এৱার্নেস অদু যোগগী ফোর্ম অমনি।”
“থোইদোক হেন্দোক্লবা মালেম অসিদা যোগনা খল পীরি। মেন্তেল স্ত্রেসনা নারবা মালেম অসিদা যোগনা ৱাখল লৈতাহল্লি। কঙাওনরবা মালেম অসি মফম অমদা পুরকপদা যোগনা মতেম পাংলি। অকিবনা থল্লবা মালেম অসিদা যোগনা আশা, পাঙ্গল অমসুং থৌনা পীরি ” প্রধান মন্ত্রীনা মখা তাখি।
ইন্তর্নেস্নেল যোগ দেগী তঞ্জা অসিদা থোঙান তোঙানবা অসনশিংগী য়েৎশন্নরিবশিং অদু সেয়র তৌনবা সোসিয়েল মীদিয়াদা খঙহনখি। মালেমগী তোঙান তোঙানবা মফমশংদা মীয়াম্না যোগ তৌবগী শক্তমরশিংসু মহাক্না সেয়র তৌখি।
